Génesis 36

Esaupa mirayninkunamanta

1Esaupa huknin sutinmi karan Edom. Paypa mirayninkunan kaykuna karan. 2Esauqa Canaán *nacionniyoq warmikunawanmi casarakuran. Chay casarakusqan warmikunan kaykuna karanku: Ada hinallataq Aholibama. Adaqa Elón sutiyoq *heteo runapa ususinmi karan. Aholibamataqmi Aná sutiyoq runapa ususin karan hinallataq Zibeón *heveo runapa nietan ima. 3Saynallataqmi Esauqa casarakullarantaq Ismaelpa ususin Basematwanpas. Payqa Nebaiotpa hermananmi karan. 4Esaupa qari wawankunan kaykuna karan: Ada sutiyoq warminpin karan Elifaz. Basemat warminpitaqmi karan Reuel. 5Aholibama sutiyoq warminpitaqmi karan: Jeús, Jaalam hinallataq Coré ima. Esaupa chay wawankunan Canaán nación allpapi naceranku.

6Chaymantan Esauqa warminkunata, qari wawankunata, ususinkunata hinallataq wasinpi kaq llapallan runakunatapas pusarikuspa, huk law allpaman ripuran wawqen Jacobmanta t'aqakuspa. Hinaspapas Esauqa llapallan animalninkunata hinallataq Canaán nacionpi tukuy ima adquirisqankunata apayukuspan ripuran. 7Jacobpas hinallataq Esaupas ashka kaqniyoqmi karanku. Chaymi manaña kushkaqa tiyayta atirankuchu, tiyasqanku allpa animalninkupaq manaña aypasqanrayku. 8Chayraykun Esauqa Seir sutiyoq orqopi tiyaran. Paypa huknin sutinmi karan Edom.

9Esaupa mirayninmanta miramuq runakunan karanku Edomita runakuna. Paykunan Seir nisqa sutiyoq orqokunapi tiyaranku. 10Kaykunan Esaupa qari wawankuna: Warmin Adapin Elifaz sutiyoq wawan karan. Basemat sutiyoq warminpitaqmi Reuel sutiyoq wawan karan. 11Elifazpa qari wawankunañataqmi kaykuna karanku: Temán, Omar, Zefo, Gatam hinallataq Cenaz ima. 12Elifazqa tiyallarantaqmi Timna sutiyoq warmiwanpas. Hinaspan Timnaqa onqokuran Amalecta. Elifazpa llapallan chay wawankunan Esaupa hinallataq warmin Adapa nietonkuna karanku. 13Reuelpa qari wawankunataqmi kaykuna karanku: Nahat, Zera, Sama hinallataq Miza ima. Reuelpa chay wawankunan Esaupa hinallataq warmin Basematpa nietonkuna karanku. 14Esaupa warmin Aholibamañataqmi onqokuran: Jeusta, Jaalamta hinallataq Coretawan ima. Aholibamaqa Aná runapa ususinmi karan. Anañataqmi Zibeón runapa qari wawan karan.

15Esaupa mirayninmantan ashka kamachiq jefekuna karanku. Esaupa kurak kaq wawan Elifazpa wawankunamantan kay jefekuna karanku: Temán, Omar, Zefo, Cenaz, 16Coré, Gatam hinallataq Amalec ima. Chay runakunan karan Esaupa hinallataq warmin Adapa nietonkuna. Paykunan Edom allpapi Elifazpa mirayninmanta kaq ayllukunapi kamachiq jefekuna karanku.

17Esaupa wawan Reuelpa wawankunamantan kay jefekuna karanku: Nahat, Zera, Sama hinallataq Miza ima. Chay runakunan Esaupa hinallataq warmin Basematpa nietonkuna karan. Saynallataqmi paykunapas Edom allpapi Reuelpa ayllunkunapi kamachiq jefekuna karanku.

18Saynallataqmi Esaupa warmin Aholibamapa wawankunamantapas kallarantaq kamachiq kay jefekuna: Jeús, Jaalam hinallataq Coré ima. Chay kamachiq jefekunan naceranku Aná sutiyoq runapa ususin Aholibama warmimanta. 19Chaykunan karan Esaupa ayllunkunata kamachiq jefekunaqa. Esautaqa reqsillarankutaqmi Edom sutiwanpas.

20Horeo nacionniyoq Seir sutiyoq runapa mirayninkunan ñawpaqmantapacha tiyaranku chay allpapi Esaupa mirayninkuna manaraq tiyashaqtinkuqa. Chay Seir runapa qari wawankunataqmi kaykuna karanku: Lotán, Sobal, Zibeón, Aná, 21Disón, Ezer, Disán ima. Paykunan Horeo nisqa nacionniyoq runakunapa jefenkuna karanku Edom law allpapi. Chay Horeo nacionniyoq runakunaqa Seir sutiyoq runapa mirayninmantan karanku. 22Lotán sutiyoq runapa qari wawankunan kaykuna karanku: Hori hinallataq Hemam. Lotanpa hermananñataqmi karan Timna. 23Sobal sutiyoq runapa qari wawankunataqmi kaykuna karanku: Alván, Manahat, Ebal, Sefo hinallataq Onam. 24Zibeón sutiyoq runapa qari wawankunan kaykuna karanku: Aja hinallataq Aná. Chay Aná sutiyoq runan, papanpa asnonkunata michishaspa, ch'inñeq desierto lugarpi q'oñi pukyukunata tariran. 25Aná sutiyoq runapa qari wawanmi karan Disón; warmi wawantaqmi Aholibama. 26Disón sutiyoq runapa qari wawankunan kaykuna karanku: Hemdán, Esbán, Itrán hinallataq Querán. 27Ezer sutiyoq runapa qari wawankunan kaykuna karanku: Bilhán, Zaaván hinallataq Acán. 28Disán sutiyoq runapa qari wawankunan kaykuna karanku: Uz hinallataq Arán.

29Horeo nacionniyoq runakunapa ayllunkunapi kamachiq jefekunan kaykuna karanku: Lotán, Sobal, Zibeón, Aná, 30Disón, Ezer hinallataq Disán. Paykunan Seir allpapi horeo nacionniyoq runakunapa ayllunkunapi kamachiq jefekuna karanku.

Edom nacionpi reykunamanta

(1 Cr 1.43-54)

31Saynallataqmi Israel *nacionpi gobiernaq reykuna manaraq kashaqtin, Esaupa mirayninmanta miramuq Edom nacionpiqa kay *reyninkuna karanku: 32Beor runapa wawan rey Bela. Paymi gobiernaran Edom nacionta. Payqa Dinaba nisqa llaqtamantan karan. 33Chaymantan rey Belaqa wañukapuran. Hinaspan paypa rantinta gobiernaran Zera runapa wawan rey Jobab. Payqa Bosra nisqa llaqtamantan karan. 34Chaymantan rey Jobabpas wañukapullarantaq. Hinaspan paypa rantinta gobiernaran rey Husam. Payqa Temán nisqa lawmantan karan.

35Saynallataqmi rey Husampas wañukapullarantaq. Hinaspan paypa rantinta gobiernaran Bedad sutiyoq runapa wawan rey Hadad. Payqa Avit sutiyoq llaqtamantan karan. Paymi Moab allpapi guerrapi peleaspa, Madianita runakunata venceran. 36Saynallataqmi rey Hadadpas wañukapullarantaq. Hinaspan paypa rantinta gobiernaran rey Samla. Payqa Masreca nisqa llaqtamantan karan. 37Saynallataqmi rey Samlapas wañukapullarantaq. Hinaspan paypa rantinta gobiernaran rey Saúl. Payqa Éufrates mayupa ladonpi Rehobot nisqa llaqtamantan karan. [Nota: Kay Saulqa huk reymi karan; manan Israel nacionniyoq runakunapa reynin Saulchu karan.] 38Saynallataqmi chay rey Saulpas wañukapullarantaq. Hinaspan paypa rantinta gobiernaran rey Baal-hanán. Payqa Acbor runapa wawanmi karan. 39Saynallataqmi rey Baal-hananpas wañukapullarantaq. Hinaspan paypa rantinta gobiernaran rey Hadar. Payqa Pau nisqa llaqtamantan karan. Kay rey Hadarpa warmintaqmi karan Mehetabel. Mehetabelqa Matred sutiyoq warmipa ususinmi karan hinallataq Mezaabpa nietan ima.

40Kay runakunan Esaupa mirayninmanta kaq kamachiq jefekunaqa karanku. Paykunan kay listapi rikhurishanku familiankuman hina, tiyasqanku llaqtankuman hina hinallataq sutinkuman hina. Paykunan karanku: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel hinallataq Iram ima. Paykunan Esaumanta miramuq jefekunaqa karanku, hap'ikusqanku allpapi tiyasqankuman hina. Esaupa huknin sutinmi karan Edom. Paymi edomita runakunapa ñawpaq abuelonku karan.

Currently Selected:

Génesis 36: QEAÑT

Highlight

Copy