Génesis 34
34
Jacobpa ususin Dina abusasqa kasqanmanta
1Dinaqa Jacobpa hinallataq Leapa ususinmi karan. Huk p'unchawmi Dinaqa wasinmanta lloqsispa, chay llaqtapi sipasmasinkunaman visitaq riran. 2Chay llaqtapiqa Hamor sutiyoq runan jefe karan. Hinaspapas payqa *heveo runan karan. Chay Hamor runapa wawan Siquem sutiyoq runan Dinata rikururan. Hinaspan a la fuerza hap'iruspa violaran. 3Ichaqa chaymantan chay Siquem sutiyoq runaqa Dinamanta enamorarukuran. Hinaspan payqa Dinapa cariñonta ganakuyta munaspa sumaqta parlapayaran. 4Hinaqtinmi Siquem sutiyoq runaqa papan Hamortaqa khaynata niran:
—Chay warmita tapukanpuway, paywan casarakunaypaq, nispa.
5Ichaqa Jacobqa yacharuranmi ususin Dinata Siquem sutiyoq runa violasqanta. Chaymi Jacobqa manan ni imatapas niranchu, qari wawankuna animalninkunata campopi cuidasqankumanta kutimunankukama. 6Hinaqtinmi Siquem sutiyoq runapa papan Hamor runaqa Jacobta mashkaq riran, paywan parlananpaq.
7Jacobpa wawankunaqa chaykuna pasasqantan yacharuranku. Hinaspan paykunaqa anchata llakikuspa, phiñasqallaña campomanta kutimuranku. Israelpaqqa hinallataq wawankunapaqpas ancha ofensan karan, Siquem sutiyoq runa Dinata violasqanqa. Siquemqa manan ni hayk'aqpas chaytaqa ruwananchu karan. [Nota: Jacobpa huknin sutinmi karan Israel.] 8Ichaqa chay Hamor sutiyoq runan paykunawan khaynata parlaran:
—Dinamantan ancha enamorasqa kashan waway Siquem. Chaymi qankunata valekuykichis, wawaywan casarakunanpaq permitiykuwaychis. 9Qankunaqa noqaykuwanyá familiantin hina kananchispaq huk tratota ruwasun, saynapi qankunapa ususiykichis noqaykupa wawaykuwan casarakunankupaq hinallataq noqaykupa ususiykupas qankunapa wawaykichiswan casarakunankupaq. 10Qankunaqa noqaykupa tiyasqayku lugarkunapiyá tiyakuychis. Saynapin kay tiyasqayku llaqtapas qankunapa tiyakunaykichispaq libre kanqa. Saynallataqyá kay llaqtapiqa negociokunata ruwaychis hinallataq allpakunatapas rantikuychis, nispa.
11Chaymantan Hamorpa wawan Siquem sutiyoq runaqa Dinapa papanta hinallataq hermanonkunatawan khaynata niran:
—Ama hina kaychishchu; aceptaykuwaychisyá. Sichus aceptawankichis chayqa, ima mañakuwasqaykichistan noqaqa qosqaykichis. 12Saynaqa niykuwaychisyá, hayk'ataña mañawaqtiykichispas noqaqa qosqaykichismi. Ashka regalokunata mañakuqtiykichispas qosqaykichismi. Ichaqa permitiwaychis sipaswan casarakunaypaq, nispa.
13Ichaqa Dinata Siquem sutiyoq runa violasqanraykun, Jacobpa wawankunaqa chay Siquem sutiyoq runata hinallataq papan Hamortawan engañollawan 14khaynata niranku:
—Noqaykuqa manan chaytaqa ruwaykumanchu. Chay ruwayqa llapaykupaqchá p'enqay kanman, *circuncisión costumbreta mana ruwasqa runaman hermanaykuta casarakunanpaq entregayqa. 15Ichaqa aceptaykumanmi, sichus qankuna ukhumanta llapallan qarikuna noqayku hina kanaykichispaq circuncisión costumbreta ruwachikuqtiykichisqa. 16Sichus chayta aceptankichis chayqa, qankunaqa chayraqmi noqayku ukhupi kaq sipaskunawanqa casarakuytaqa atiwaqchis. Saynallataqmi noqaykupas qankuna ukhupi kaq sipaskunawanpas casarakuyta atiykuman. Saynapin qankunawan kushka tiyasaqku. Hinaspan huk llaqtallaña kasunchis. 17Ichaqa sichus qankuna mana circuncisión costumbreta ruwachikunkichishchu chayqa, hermanaykuta apayukuspan ripusaqku, nispa.
18Chaymi Hamorqa hinallataq wawan Siquem sutiyoq runapas, chay nisqankuwan acuerdopi karanku. 19Hinaqtinmi Siquem sutiyoq runaqa Jacobpa ususin Dinamanta ancha enamorasqa kaspa, circuncisión costumbreta ruwachikuranpacha. Siquem sutiyoq runaqa ancha respetasqan karan llapallan familianku ukhupiqa. 20Hinaqtinmi Hamorqa wawan Siquem sutiyoq runapiwan riranku llaqtapa punkunman. Hinaspan llapallan llaqtamasin runakunata khaynata niranku:
21—Kay runakunaqa noqanchispa allin amigonchiskunan kanku. Chayraykuyá dejaykusunchis kay llaqtanchispi tiyaspanku ima negociotapas ruwakunankupaq. Hinaspapas kay llaqtanchispiqa kashanmi campoqa paykuna tiyakunankupaq. Saynapin noqanchisqa paykuna ukhupi kaq sipaskunawan casarakusunchis. Saynallataqmi paykunapas noqanchis ukhupi kaq sipaskunawan casarakullanqakutaq. 22Ichaqa noqanchis ukhupi kaq llapallan qarikunan paykuna hina circuncisión costumbreta ruwachikunanchis. Chayta ruwaqtinchismi paykunaqa qepakunqaku. Hinaspan paykunawan huk llaqtallaña kasunchis. 23Saynapin paykunapa llapallan animalninkupas hinallataq ima kaqninkupas noqanchispa kanqa. Chayraykun noqanchisqa ima niwasqanchistapas arí nillasunchis, saynapi paykuna noqanchis ukhupi qepakuspa tiyanankupaq, nispa.
24Hinaqtinmi llaqtapa punkunpi llapallan huñunakuq runakunaqa, Hamorpa hinallataq wawan Siquem sutiyoq runapa nisqanwan acuerdopi karanku. Chaymi llapallan qarikunaqa circuncisión costumbreta ruwachikuranku. 25Chaymi paykunaqa llapallanku kinsa kaq p'unchawpi ancha-ancha nanaywan kasharanku. Hinaqtinmi Jacobpa ishkaynin wawankuna Simeonwan hinallataq Leviypiwan llaqtaman *espadantinkama riranku. Hinaspan chay circuncisión costumbreta ruwachikuq llapallan qarikunata nanaywan kashanankukamalla wañuchiranku. Jacobpa chay ishkaynin wawankunaqa Dinapa legítimo hermanonkunan karanku. 26Saynallataqmi Hamorta hinallataq wawan Siquem sutiyoq runatapas espadawan wañuchiranku. Hinaspan Siquem sutiyoq runapa wasinmanta hermananku Dinata orqomuspa ripuranku. 27Chaymantan Jacobpa wakin wawankunapas hermananku Dina p'enqayman churasqa kasqanrayku llaqtaman rispa haykuranku. Hinaspan chay wañusqakunapa hawanta pasaspa, tukuy imaymanakunata qechuspa kaykunata apakuranku: 28ovejakunata, wakakunata, asnokunata, llaqtapi tukuy ima kaqkunata hinallataq campopi tukuy ima kaqkunatapas. 29Saynallataqmi warmikunatapas hinallataq wawankunatapas presota aparanku. Saynallataqmi wasipi kaq llapallan cosaskunatapas aparanku. 30Hinaqtinmi Jacobqa wawan Simeonta hinallataq Leviytawan niran:
—Qankunaqa ancha sasachakuymanmi churaruwankichis. Chayraykun kunanmanta ñawpaqmanqa kay llapallan Cananeo runakuna hinallataq Ferezeo runakunapas cheqnikuwanqaku. Noqanchisqa manan ashka runakunachu kanchis. Chaymi paykunaqa huñunakuspanku, noqapa contraypi hatariramunqaku. Hinaspan noqata hinallataq familiaytapas wañurachiwanqaku, nispa.
31Ichaqa Jacobpa wawankunañataqmi papankuta khaynata contestaranku:
—¿Acaso noqaykuri dejaykumanchu karan, chay yana alma runa hermanaykuta qenlli vidapi puriq rabona warmita hina tratanantarí? nispa.
Currently Selected:
Génesis 34: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
