TLEHHMA'AÁ YA/ABUUSE Alki/ituú niiná daanduú kitaábuuwihe
Alki/ituú niiná daanduú kitaábuuwihe
Kitaábuú Tlehhma'aá Ya/abuuse kuna gooín nee Luka kuduú qwaslaarmo. Inós an kudá' kitaábuú tám oo Ya/abtór hho' gwaa gooin. Inós an heé alki/ituú alqadór /aben gwaa gooin ta goouusér hatlá' sleémeerowo. Goousmoowí an goousmoó geera oo kángw alhotaarír kríshaanoó geera gaa gooin, qoomár kureeriidá' kaniísa iwa sangw iimu/uún.
Muu bahh'ale kitaábuuwí kun babay «Tlehhma'aá Qeeruú hhoohhoó' oo Mungú». Qeeruú hhoohhoó' oo Mungú kuna aaín baraá kitaábuuwihe ki/imaá yaariire, nee adór ira dinku'uús baraá gadiyér ya/abtór hho' alki/ituwo. Slám inós an kudá' ya/abuuse gara gadiyuus. Inós an kudá' tar baatimiisi, nee an kudá' muu gu hatsmiís, nee an kudá' muu gu geeraharahaár.
Kitaábuuwí i hiinsluú Qeeruu hhoohhoó' oo Mungú kón daanduú alki/ituú gadiyér kríshaanoó geeraawo. Inós a adór tlaankár tar waaraahhi ar tla/ángw kitaaba'aá ya/abtór hho' nee barwadaá ya/abuuse. A adór kitaábuú intsaahhatisár iimu/uuma adór ya/abtór hho' kar alki/iiti, nee adór haratlintaao kar xun, nee adór hee nee Qeeruú hhoohhoó' oo Mungú tar gadiyuusi. Asma Yesu ina oó', «Kuungá' /uuru u sleerá' bál Qeeruú hhoohhoó' oo Mungú bura sleeré'. Kuungá' tari lamabu'uuser'eé' tleehhitá' baraakaá Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»
Digir wakeetíngw kitaábuuwí:
Lamabu'uuse tiwa amohhe'eemis 1:1-26
(a) Hara'ayár alhhe'eesáy ar Yesu, nee al'axweesani 1:1-14
(b) Heé kitángw Yuda gwaa oh 1:15-26
Lamabu'uungw baraá Yerusalemu 2:1—8:3
Lamabu'uungw baraá Yudea nee Samaria 8:4—12:25
Gadiyér Paulo 13:1—28:31
(a) Aa'aá geera awa Paulo ya/abtór hho' ngiwa alki/ituú áy 13:1—14:28
(b) Dinkwár baraá Yerusalemu 15:1-35
(c) Aa'aá tsár awa Paulo ya/abtór hho' ngiwa alki/ituú áy 15:36—18:22
(d) Aa'aá tám awa Paulo ya/abtór hho' ngiwa alki/ituú áy 18:23—21:16
(e) Paulo kuwa tseék baraá Yerusalemu, nee baraá Kaisarea, nee baraá Roma 21:17—28:31
Currently Selected:
TLEHHMA'AÁ YA/ABUUSE Alki/ituú niiná daanduú kitaábuuwihe: IRQW
Highlight
Share
Copy
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.