رُواْمَاوَا 9
9
اللَّهْ يَذَاٻِ إِسْرَٰٓءِيلَ
1إِنَ ڢَطِنْ غَسْكِيَ ثِكِنْ أَلْمَسِيحُ، بَا ڧَضْيَا نَكٜىٰيِبَ؞ عَثِكِ تُنَانِنْ ذُوثِيَاتَ إِنَدَ تَبَّثِ بِسَغَ شَيْدَرْ رُوحُ مَيْ ڟَرْكِے غَمٜىٰدَ وَنَّنْ ثٜىٰوَ 2إِنَدَ بَڧِنْ ثِكِ ڨُورَيْ دَ كُمَ دَامُوَ عَكُلُّمْ ثِكِنْ ذُوثِيَاتَ؞ 3دَمَا عَثٜىٰ نِے كَيْنَ أَنْلَعَنْتَنِ، أَنْكُمَ كَوَرْ دَنِے دَغَ أَلْمَسِيحُ سَبُواْدَ ثٜىٰتُوانْ یَنْعُوَنَ، وَتُواْ مُتَنٜىٰنْ ڧَبِيلَتَ! 4وَطَنَّنْ كُوَ سُونٜىٰ إِسْرَٰٓءِيلَاوَا؞ سُونٜىٰ اللَّهْ يَمَيْدَسُو یَیَنْسَ، يَبَيَّنَ مُسُ طَوْكَكَرْسَ، يَيِ يَرْجٜىٰجٜىٰنِيَ دَسُو، يَبَاسُ كُواْيَرْوَرْ مُوسَٰى، يَنُونَ مُسُ حَنْيَرْ سُجَّدَ تَغَسْكٜىٰ، يَكُمَبَاسُ سَوْرَنْ أَلْكَوَرَنْ؞ #ڢِتْ 9.4 5أَصَلِنْسُ كُوَ دَغَ كَاكَنِّنْ كَاكَنِّنَّنْ نٜىٰ وَطَنْدَ عَكَسَنْسُ سُواْسَيْ؞ أَلْمَسِيحُ كُوَ، بِسَغَ مُتُنْتَكَرْسَ، شِے دَغَ ڧَبِيلَرْسُ نٜىٰ؞ بَرِ اللَّهْ مَيْ مُلْكِ عَكَنْ كُواْمٜىٰ، يَكَرْٻِ يَبُواْ حَرْ أَبَدَا؞ أَمِينْ؞
6بَا وَيْ كَلْمَرْ اللَّهْ تَكَاسَبَ؞ غَمَا بَ دُكْ وَطَنْدَ أَصَلِنْسُ إِسْرَٰٓءِيلَ نٜىٰ سُكٜىٰ نَ إِسْرَٰٓءِيلَ بَ؞ 7كُمَ بَدُكْ وَطَنْدَ سُكٜىٰ دَغَ ذُرِيَرْ إِبْرَٰهِيمْ نٜىٰ عَيْنِحِنْ یَیَنْ إِبْرَٰهِيمْ بَ؞ أَ مَيْمَكُوانْ حَكَ اللَّهْ يَثٜىٰ وَ إِبْرَٰهِيمْ «إِسْحَٰڧَ شِينٜىٰ مُتُمِنْ دَ تَوُرِنْسَ نٜىٰ ذَاعَ ثِيغَبَ دَ كِرَا ذُرِيَرْكَ؞» #ڢَارْ 21.12
8وَتُواْ، یَیَنْ دَ عَكَ سَامُ تَحَيْڢُوَرْ جِكِے بَسُو نٜىٰ یَیَنْ اللَّهْ بَ، سَيْدَيْ یَیَنْ دَ عَكَ سَامُ تَثِكَاوَرْ أَلْڧَوَرِ، سُونٜىٰ عَكَنْثٜىٰ دَسُو یَیَ نَغَسْكٜىٰ؞ 9غَمَا غَا أَبِنْدَ اللَّهْ يَثٜىٰ أَ لُواْكَثِنْ دَيَيِ وَ إِبْرَٰهِيمْ أَلْڧَوَرِ «أَسَعَدَّ لُواْكَثِ يَثِكَ ذَنْ كُواْمُواْ، سَارَةُ كُوَ ذَاتَ حَيْڢِ طَا؞» #ڢَارْ 18.10
10أَݣَويْ وَنِ مِصَالِ كُمَ؞ یَیَنْ رِڢْكَتُ سُنَدَ بَابَ طَيَ نٜىٰ، وَتُواْ عُبَنْمُ إِسْحَٰڧَ؞ 11-12عَمَّا كَاڢِنْ أَحَيْڢِ يَارَنَّنْ بِيُ، اللَّهْ يَڢَطَا وَ رِڢْكَتُ ثٜىٰوَ «بَبَّنْ ذَيْ بَوْتَاوَ ڧَرَمِنْ؞» وَنَّنْ يَڢَرُ كَاڢِنْ مَا سُأَيْكَتَ وَنِ أَبُ مَيْݣَوْ، كُواْ مَرَرْ ݣَوْ؞ اللَّهْ يَڢَطِ حَكَ دُواْمِنْ يَذَمَ ثٜىٰوَ وَنْدَ ذَاعَ ذَاٻَا ذَاعَ ذَاٻٜىٰشِ نٜىٰ بِسَغَ نُڢِنْ اللَّهْ، بَوَيْ سَبُواْدَ أَيُّكَبَ، سَيْدَيْ بِسَغَ كِرَنْ اللَّهْ؞ #ڢَارْ 25.23 13كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ ثٜىٰوَ «نَڧَوْنَثِ يَعْڧُوبَ، نَاكُوَڧِ إِسُوَ؞» #مَلْ 1.2-3
14تُواْ، مٜىٰ ذَامُثٜىٰ؟ اللَّهْ بَيْيِ دَيْدَيْبَ كٜىٰنَنْ؟ إِنَا! كُواْ كَطَنْ! 15غَمَا اللَّهْ يَثٜىٰ وَ مُوسَٰى،
«غَ وَنْدَ ذَنْ نُونَاوَ جِنْڧَيْ،
ذَنْ نُونَ مَسَ جِنْڧَيْ؞
غَ وَنْدَ ذَنْ نُونَاوَ تَوْسَيِ،
ذَنْ نُونَ مَسَ تَوْسَيِ؞» #ڢِتْ 33.19
16وَتُواْ، وَنَّنْ بَيْ دُواْغَضَ غَ سُوانْ مُتُمْ كُواْ ڧُواْڧَرِنْسَبَ، سَيْدَيْ غَ جِنْڧَنْ اللَّهْ كَوَيْ؞ 17غَمَا رُبُوتَثِّيَرْ مَغَنَرْ اللَّهْ تَثٜىٰ وَ ڢِرْعَوْنَ «نَتَاشٜىٰكَ كَذَمَ سَرْكِے دَنُڢِ ثٜىٰوَ إِنْ نُونَ إِيكُواْنَ تَوُرِنْكَ، عَكُمَ سَنَرْدَ سُونَنَ ثِكِنْ دُونِيَا دُكَ؞» #ڢِتْ 9.16 18تَهَكَ اللَّهْ يَكَنْ نُونَ جِنْڧَيْ غَ وَنْدَ يَكٜىٰسُواْ يَنُونَ مَسَ جِنْڧَيْ، يَكَنْ كُمَ تَوْرَرَ ذُوثِيَارْ وَنْدَ يَكٜىٰسُواْ يَتَوْرَرَ مَسَ ذُوثِيَا؞
ڢُشِنْ اللَّهْ دَ جِنْڧَنْسَ
19وَنِنْكُ ذَيْ عِيَثٜىٰ مِنِ «تُواْ، عِدَنْ حَكَنٜىٰ، مٜىٰيَسَا اللَّهْ يَنَ غَنِنْمُ دَ لَيْڢِے حَرْ يَنْذُ؟ وَنٜىٰنٜىٰ ذَيْ عِيَ ڧِنْ يَرْدَ دَ نُڢِنْ اللَّهْ؟» 20عَمَّا وَنٜىٰنٜىٰ كَيْ، يَا مُتُمْ دَ حَرْ ذَاكَيِ مُسُو دَ اللَّهْ؟ أَبِنْ دَ عَكَغِنَ ذَيْ عِيَثٜىٰ وَوَنْدَ يَغِنَاشِ «مٜىٰيَسَا كَغِنَنِ حَكَ؟» #عِشـ 29.16؛ 45.9 21أَيْ، مَيْ غِنِنْ تُݣُونٜىٰنْ لَاكَ يَنَدَ إِيكُواْ يَيِ أَمْڢَانِ دَ لَاكَ يَدَّ يَكٜىٰسُواْ؞ يَنَ عِيَيِنْ أَمْڢَانِ دَ دُنْڧُلٜىٰ غُدَا نَلَاكَ يَيِ وَطَنْسُ تُݣُونٜىٰ سَبُواْدَ عَيْكِ مَيْ دَرَجَ، وَطَنْسُ كُمَ سَبُواْدَ عَيْكِ مَرَرْ دَرَجَ؞
22حَكَ مَا عَيْكِنْ اللَّهْ يَكٜىٰ؞ يَسُواْ يَنُونَ ڢُشِنْسَ، يَكُمَ بَيَّنَ إِيكُوانْسَ أَ ڢِيلِ؞ عَمَّا ڢَا ثِكِنْ حَڧُرِ سُواْسَيْ يَجِمْرٜىٰ دَ وَطَنْدَ سُكَ ثَنْثَنْثِ ڢُشِنْسَ، وَطَنْدَ اللَّهْ يَكٜىٰٻٜىٰ غَ هَلَّكَرْوَ؞ 23حَكَكُمَ يَسُواْ يَبَيَّنَ يَلْوَرْ طَوْكَكَرْسَ غَ وَطَنْدَ يَنُونَ مُسُ جِنْڧَنْسَ، وَطَنْدَ يَشِرْيَ تُنْدَ ڢَرْكُواْ دُواْمِنْ طَوْكَكَرْسَ؞ 24وَتُواْ، مُو كٜىٰنَنْ، مُو وَطَنْدَ اللَّهْ يَكِرَا، بَدَغَ ثِكِنْ يَهُودَاوَا كَوَيْبَ، عَمَّا حَرْ دَغَ ثِكِنْ وَطَنْدَ بَا يَهُودَاوَا بَ مَا؞ 25كَمَرْ يَدَّ عَكَ ڢَطَا أَ لِتَّڢِنْ يُوشَعُ ثٜىٰوَ
«سُو وَطَنْدَ بَمُتَنٜىٰنَ بَنٜىٰ
ذَنْثٜىٰ دَسُو ‹مُتَنٜىٰنَ›؞
كُمَ أَلْعُمَّرْ دَ بَنْ ڧَوْنَثٜىٰتَبَ
ذَنْثٜىٰ دَ عِتَ ‹وَدَّ نَكٜىٰ ڧَوْنَ؞› » #يُوشْ 2.23
26كُمَ،
«أَ دَيْدَيْ عِنْدَ عَكَثٜىٰ مُسُ، ‹كُو بَمُتَنٜىٰنَبَ›،
أَوُرِنْ نٜىٰ ذَاعَ ثٜىٰ دَسُو ‹یَیَنْ اللَّهْ مَيْ رَيْ؞› » #يُوشْ 1.10
27غَمٜىٰ دَ إِسْرَٰٓءِيلَ كُوَ أَنَّبِے عِشَايَ يَطَغَ مُرْيَ يَثٜىٰ،
«كُواْدَيَكٜىٰ مُتَنٜىٰنْ إِسْرَٰٓءِيلَ سُنْيِيَوَ،
يَوَنْسُ كَمَرْ يَشِ عَبَاكِنْ تٜىٰكُ،
دُكْدَهَكَ ضَغُواْوَ كَطَنْ نٜىٰ دَغَ ثِكِنْسُ
كَوَيْ ذَاعَ ثٜىٰثٜىٰسُ؞
28غَمَا عُبَنْغِجِ ذَيْ عَيْكَتَ حُكُنْثِنْسَ عَدُونِيَا غَبَاطَيَ،
بَ دَ ٻَاتَ لُواْكَثِبَ؞» #عِشـ 10.22-23
29كَمَرْ يَدَّ عِشَايَ يَيِ أَنَّبْثِ أَدَا ثٜىٰوَ
«دَبَدُوانْ عُبَنْغِجِ مَيْ ضُنْدُنَا
يَبَرْ مَنَ ذُرِيَبَ،
دَ مُنْ ذَمَ كَمَرْ سُواْدُوامْ،
دَ أَنْمَيْدَمُو كَمَرْ غُواْمُواْرَ؞» #عِشـ 1.9
رَشِنْ بَنْغَسْكِيَرْ إِسْرَٰٓءِيلَ
30تُواْ، يَيَ كٜىٰنَنْ؟ أَيْ، وَطَنْدَ بَا يَهُودَاوَا بَ وَطَنْدَ بَسُيِ ڧُواْڧَرِ سُسَامِ أَدَلْثِنْ اللَّهْ بَ، سُنْسَامُ؞ أَدَلْثِنَّنْ دَ سُكَ سَامُ كُوَ إِرِنْ وَنْدَ عَكٜىٰ سَامُوَ تَبَنْغَسْكِيَ نٜىٰ؞ 31عَمَّا إِسْرَٰٓءِيلَاوَا وَطَنْدَ سُكَيِ ڧُواْڧَرِنْ نٜىٰمَنْ حَنْيَرْ أَدَلْثِنْ اللَّهْ تَوُرِنْ بِنْ كُواْيَرْوَرْ مُوسَٰى، بَسُ سَامُبَ؞ 32مٜىٰيَسَا حَكَ؟ دُواْمِنْ بَتَهَنْيَرْ بَنْغَسْكِيَ نٜىٰ سُكَ نٜىٰمٜىٰشِيبَ، سَيْدَيْ تَهَنْيَرْ عَيْكَتَ عَيْكِنْ لَادَ؞ سَيْ سُكَيِ تُنْتُٻٜىٰ دَ «دُوڟٜىٰنَّنْ مَيْسَا تُنْتُٻٜىٰ؞» 33كَمَرْ يَدَّ يَكٜىٰ أَرُبُوثٜىٰ عَثِكِنْ مَغَنَرْ اللَّهْ ثٜىٰوَ
«غَاشِ، إِنَ كَڢَ دُوڟٜىٰ أَ سِهِيُواْنَ،
دُوڟٜىٰ مَيْسَا تُنْتُٻٜىٰ،
دُوڟٜىٰ مَيْسَا مُتَنٜىٰ سُڢَاطِ؞
عَمَّا دُكْ مَيْبَادَ غَسْكِيَ غَرٜىٰشِ
بَذَيْشَا كُنْيَابَ؞»#عِشـ 28.16
Currently Selected:
رُواْمَاوَا 9: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
