رُواْمَاوَا 6
6
مُتُوَ غَ ذُنُوبِ، رَايُوَا غَ أَلْمَسِيحُ
1مٜىٰ ذَامُثٜىٰ كٜىٰنَنْ؟ ذَامُ ثِيغَبَدَ رَايُوَرْ ذُنُوبِ دُواْمِنْ أَلْحٜىٰرِنْ اللَّهْ يَڧَارُ نٜىٰ؟ 2إِنَا! كُواْ كَطَنْ! أَيْ، مُنْ رِغَا مُنْ مُتُ غَ ذُنُوبِ؞ يَيَ كُمَ ذَامُ ثِيغَبَدَ رَايُوَا عَثِكِنْسَ؟ 3أَشٜىٰ، بَكُ سَنِبَ دُكَنْمُ دَ عَكَيِ مَنَ بَڢْتِسْمَ ذُوَا ثِكِنْ أَلْمَسِيحُ عِيسَىٰ، ذُوَا ثِكِنْ مُتُوَرْسَ نٜىٰ عَكَيِ مَنَ بَڢْتِسْمَرْ؟ 4وَتُواْ، تَوُرِنْ بَڢْتِسْمَرْمُ أَنْبِنّٜىٰمُ تَرٜىٰدَشِ، مُنْ كُمَ ذَمَ طَيَ دَشِ ثِكِنْ مُتُوَرْسَ، دُواْمِنْ يَدَّ عَكَ تَادَ أَلْمَسِيحُ دَغَ مَتَتُّو تَوُرِنْ إِيكُواْنَّنْ مَيْ طَوْكَكَ نَ عُبَا، حَكَ مُو مَا مُيِ ذَمَنْ سَابُوَرْ رَايُوَا؞ #كُوالْ 2.12
5غَمَا دَيَكٜىٰ مُنْ ذَمَ طَيَ دَشِ ثِكِنْ إِرِنْ مُتُوَرْسَ، بَاشَكَّ ذَامُ ذَمَ طَيَ دَشِ ثِكِنْ تَاشِنْسَ دَغَ مَتَتُّو؞ 6مُنْ كُوَ سَنِ ثٜىٰوَ أَنْرِغَا أَنْغِثِّيٜىٰ مُتُنْتَكَرْمُ تَدَا تَرٜىٰ دَشِ، دُواْمِنْ عَكَوَرْدَ إِيكُوانْ ذُنُوبِنَّنْ دَيَكٜىٰ ثِكِنْ جِكِنْمُ؞ أَنْيِ حَكَ دُواْمِنْ كَدَ مُڧَارَ ذَمَ بَايِنْ ذُنُوبِ؞ 7غَمَا عِدَنْ مُتُمْ يَا مُتُ، يَا سَامِ یَنْثِ دَغَ إِيكُوانْ ذُنُوبِ كٜىٰنَنْ؞ 8عِدَنْ مُنْ رِغَا مُنْ مُتُ تَرٜىٰدَ أَلْمَسِيحُ، مُنْ بَادَ غَسْكِيَ ذَامُ رَايُ تَرٜىٰدَشِ كُمَ؞ 9غَمَا مُنْ سَنِ ثٜىٰوَ أَنْتَادَ أَلْمَسِيحُ دَغَ مَتَتُّو، كُمَ بَذَيْسَاكٜىٰ مُتُوَبَ، وَتُواْ، مُتُوَ بَاتَدَ سَوْرَنْ إِيكُواْ عَكَنْسَ؞ 10مُتُوَرْ نَنْ دَ يَيِ، يَمُتُنٜىٰ سَوْ طَيَ تَكْ بَا ڧَارِ دُواْمِنْ يَكَرْيٜىٰ إِيكُوانْ ذُنُوبِ، عَمَّا رَايُوَرْ دَ يَكٜىٰيِ، رَايُوَا غَ اللَّهْ نٜىٰ؞ 11حَكَكُو كُمَ كُطَوْكِ كَنْكُ كَمَرْ مَتَتُّو نٜىٰ غَ إِيكُوانْ ذُنُوبِ، عَمَّا رَايَيُّ نٜىٰ غَ اللَّهْ تَوُرِنْ أَلْمَسِيحُ عِيسَىٰ؞
12سَبُواْدَ حَكَ كَدَ كُيَرْدَ ذُنُوبِ يَيِمُلْكِ عَثِكِنْ جِكِنَّنْ نَاكُ مَيْ مُتُوَ، حَرْ يَسَاكُ كُبِے مُوغُوَرْ شَعَوَرْسَ؞ 13كَدَ كُمَ كُمِيڧَ غَٻُواْٻِنْكُ غَ ذُنُوبِ سُذَمَ كَايَنْ يِنْعَيْكِنْ مُغُنْتَا؞ سَيْ دَيْ كُمِيڧَ كَنْكُ غَ اللَّهْ يَدَّ يَدَاثٜىٰ دَ وَطَنْدَ عَكَ ثِرٜىٰسُ دَغَ حَنُّنْ مُتُوَ ذُوَا سَامُنْ رَيْ، كُكُمَ مِيڧَ غَٻُواْٻِنْكُ غَ اللَّهْ دُواْمِنْ سُذَمَ كَايَنْ يِنْ عَيْكِنْ أَدَلْثِے؞ 14غَمَا ذُنُوبِ بَذَيْ يِمُلْكِ عَكَنْكُبَ، تُنْدَيَكٜىٰ بَ عَڧَرْڧَشِنْ كُواْيَرْوَرْ مُوسَٰى كُكٜىٰبَ، عَمَّا عَڧَرْڧَشِنْ أَلْحٜىٰرِنْ اللَّهْ؞
بَايِنْ أَدَلْثِے
15يَيَ كٜىٰنَنْ؟ وَتُواْ، سَيْمُيِ ذُنُوبِ سَبُواْدَ كُواْيَرْوَرْ بَاتَدَ إِيكُواْ عَكَنْمُ، سَيْدَيْ أَلْحٜىٰرِنْ اللَّهْ؟ إِنَا! كُواْ كَطَنْ! 16بَكُسَنِبَ عِدَنْ كُنْ مِيڧَ كَنْكُ دُواْمِنْ كُذَمَ مَاسُبِيَيَّ غَ وَنِ، كُنْ ذَمَ بَايِ كٜىٰنَنْ أَ حَنُّنْ وَنْدَ كُكٜىٰيِ مَسَ بِيَيَّ؟ كُنَ عِيَ ذَمَ بَايِنْ ذُنُوبِ، وَنْدَ يَكٜىٰكَيْ غَ مُتُوَ، كُواْ كُمَ بَايِنْ بِيَيَّ غَ اللَّهْ، وَنْدَ يَكٜىٰكَيْ غَ أَدَلْثِے؞ 17عَمَّا غُواْدِيَ تَاتَبَّتَا غَ اللَّهْ، دُواْمِنْ كُواْدَيَكٜىٰ أَدَا كُو بَايِنْ ذُنُوبِنٜىٰ، عَمَّا يَنْذُ كَمْ كُنَ بِيَيَّ دَ دُكَنْ ذُوثِيَارْكُ غَا إِرِنْ كُواْيَرْوَرْ نَنْ دَ عَكَسَاكُ عَڧَرْڧَشِنْتَ؞ 18أَنْیَنْتَرْ دَكُو دَغَ ذُنُوبِ، كُنْ كُمَ ذَمَ بَايِ غَ أَدَلْثِے؞
19إِنَكُوَ يِمُكُ مَغَنَ كَمَرْ يَدَّ طَنْ أَدَمْ يَكٜىٰ مَغَنَنٜىٰ، سَبُواْدَ كَاسَوَرْكُ تَمُتُنْتَكَثٜىٰ؞ كَمَرْ يَدَّ أَدَا كُكَ سَابَا مِيڧَ غَٻُواْٻِنْ جِكِنْكُ غَ بَوْتَرْ أَبُبُوَنْ ڧَظَنْتَادَ كُمَ غَ مُغُنْتَا وَدَّ تَكٜىٰ تَڧَارُوَ كَوَيْ، حَكَكُمَ يَنْذُ سَيْ كُمِيڧَ غَٻُواْٻِنْكُ غَ بَوْتَرْ أَدَلْثِے، دُواْمِنْ كُذَمَ وَطَنْدَ عَكَكٜىٰٻٜىٰ دَ ڟَرْكِے غَ اللَّهْ؞
20أَ لُواْكَثِنْدَ كُكٜىٰ بَايِنْ ذُنُوبِ، بَا ضُوَنْكُ دَ عَيْكِنْ أَدَلْثِے؞ 21وَنٜىٰ أَمْڢَانِ كُكَ سَامُ دَغَ أَبُبُوَنَّنْ دَ يَنْذُ سُكَ ذَمَ مُكُ أَبِنْ كُنْيَا؟ أَيْ، سَكَمَكُوانْ وَطَنَّنْ أَبُبُوَ مُتُوَانٜىٰ! 22عَمَّا يَنْذُ أَنْیَنْتَرْ دَكُو دَغَ بَوْتَرْ ذُنُوبِ، كُنْ كُمَ ذَمَ بَايِنْ اللَّهْ؞ أَمْڢَانِنْ دَكُكٜىٰ سَامُوَ دَغَ وَنَّنْ شِينٜىٰ يَكَيْكُ غَ رَايُوَا مَيْ ڟَرْكِے، وَدَّ كُمَ تَكٜىٰحَيْڢَ مُكُ رَيْ نَهَرْ أَبَدَا؞ 23غَمَا سَكَمَكُوانْ ذُنُوبِ شِينٜىٰ مُتُوَ، عَمَّا ݣَوْتَرْ اللَّهْ عِتَثٜىٰ رَيْ نَهَرْ أَبَدَا تَوُرِنْ أَلْمَسِيحُ عِيسَىٰ عُبَنْغِجِنْمُ؞
Currently Selected:
رُواْمَاوَا 6: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
