Popular Bible Verses from رُواْمَاوَا 6

Share

غَمَا سَكَمَكُوانْ ذُنُوبِ شِينٜىٰ مُتُوَ، عَمَّا ݣَوْتَرْ اللَّهْ عِتَثٜىٰ رَيْ نَهَرْ أَبَدَا تَوُرِنْ أَلْمَسِيحُ عِيسَىٰ عُبَنْ‌غِجِنْمُ؞

غَمَا ذُنُوبِ بَذَيْ يِمُلْكِ عَكَنْكُبَ، تُنْدَيَكٜىٰ بَ عَڧَرْڧَشِنْ كُواْيَرْوَرْ مُوسَٰى كُكٜىٰبَ، عَمَّا عَڧَرْڧَشِنْ أَلْحٜىٰرِنْ اللَّهْ؞

وَتُواْ، تَوُرِنْ بَڢْتِسْمَرْمُ أَنْبِنّٜىٰمُ تَرٜىٰدَشِ، مُنْ كُمَ ذَمَ طَيَ دَشِ ثِكِنْ مُتُوَرْسَ، دُواْمِنْ يَدَّ عَكَ تَادَ أَلْمَسِيحُ دَغَ مَتَتُّو تَوُرِنْ إِيكُواْنَّنْ مَيْ طَوْكَكَ نَ عُبَا، حَكَ مُو مَا مُيِ ذَمَنْ سَابُوَرْ رَايُوَا؞

كَدَ كُمَ كُمِيڧَ غَٻُواْٻِنْكُ غَ ذُنُوبِ سُذَمَ كَايَنْ يِنْعَيْكِنْ مُغُنْتَا؞ سَيْ دَيْ كُمِيڧَ كَنْكُ غَ اللَّهْ يَدَّ يَدَاثٜىٰ دَ وَطَنْدَ عَكَ ثِرٜىٰسُ دَغَ حَنُّنْ مُتُوَ ذُوَا سَامُنْ رَيْ، كُكُمَ مِيڧَ غَٻُواْٻِنْكُ غَ اللَّهْ دُواْمِنْ سُذَمَ كَايَنْ يِنْ عَيْكِنْ أَدَلْثِے؞

مُنْ كُوَ سَنِ ثٜىٰوَ أَنْرِغَا أَنْ‌غِثِّيٜىٰ مُتُنْتَكَرْمُ تَدَا تَرٜىٰ دَشِ، دُواْمِنْ عَكَوَرْدَ إِيكُوانْ ذُنُوبِنَّنْ دَيَكٜىٰ ثِكِنْ جِكِنْمُ؞ أَنْيِ حَكَ دُواْمِنْ كَدَ مُڧَارَ ذَمَ بَايِنْ ذُنُوبِ؞

حَكَكُو كُمَ كُطَوْكِ كَنْكُ كَمَرْ مَتَتُّو نٜىٰ غَ إِيكُوانْ ذُنُوبِ، عَمَّا رَايَيُّ نٜىٰ غَ اللَّهْ تَوُرِنْ أَلْمَسِيحُ عِيسَىٰ؞

مٜىٰ ذَامُثٜىٰ كٜىٰنَنْ؟ ذَامُ ثِيغَبَدَ رَايُوَرْ ذُنُوبِ دُواْمِنْ أَلْحٜىٰرِنْ اللَّهْ يَڧَارُ نٜىٰ؟ إِنَا!‏ كُواْ كَطَنْ!‏ أَيْ، مُنْ رِغَا مُنْ مُتُ غَ ذُنُوبِ؞ يَيَ كُمَ ذَامُ ثِيغَبَدَ رَايُوَا عَثِكِنْسَ؟

بَكُسَنِبَ عِدَنْ كُنْ مِيڧَ كَنْكُ دُواْمِنْ كُذَمَ مَاسُبِيَيَّ غَ وَنِ، كُنْ ذَمَ بَايِ كٜىٰنَنْ أَ حَنُّنْ وَنْدَ كُكٜىٰيِ مَسَ بِيَيَّ؟ كُنَ عِيَ ذَمَ بَايِنْ ذُنُوبِ، وَنْدَ يَكٜىٰكَيْ غَ مُتُوَ، كُواْ كُمَ بَايِنْ بِيَيَّ غَ اللَّهْ، وَنْدَ يَكٜىٰكَيْ غَ أَدَلْثِے؞

عَمَّا غُواْدِيَ تَاتَبَّتَا غَ اللَّهْ، دُواْمِنْ كُواْدَيَكٜىٰ أَدَا كُو بَايِنْ ذُنُوبِنٜىٰ، عَمَّا يَنْذُ كَمْ كُنَ بِيَيَّ دَ دُكَنْ ذُوثِيَارْكُ غَا إِرِنْ كُواْيَرْوَرْ نَنْ دَ عَكَسَاكُ عَڧَرْڧَشِنْتَ؞ أَنْیَنْتَرْ دَكُو دَغَ ذُنُوبِ، كُنْ كُمَ ذَمَ بَايِ غَ أَدَلْثِے؞