رُواْمَاوَا 15
15
ڢَرَنْتَاوَا طَنْعُوَنْكَ رَيْ، بَكَنْكَبَ
1مُو دَمُكٜىٰ مَاسُ ڧَرْڢِے ثِكِنْ بَنْغَسْكِيَرْمُ يَا كَمَاتَ مُطَوْكِ نَوْيِنْ وَطَنْدَ بَاسُدَ ڧَرْڢِے، دُوانْ مُتَيْمَكٜىٰسُ ثِكِنْ كَاسَوَرْسُ؞ كَدَ كُمَ مُنُونَ حَلِنْ سُوانْكَيْ؞ 2بَرِ كُواْوَ عَثِكِنْمُ يَڢَرَنْتَ وَ طَنْعُوَنْسَ رَيْ سَبُواْدَ أَمْڢَانِنْسَ دَ كُمَ غِنَاوَرْ بَنْغَسْكِيَرْسَ؞ 3غَمَا كُواْ أَلْمَسِيحُ مَا بَيْيِ سُوانْكَيْ بَ؞ كَمَرْ يَدَّ يَكٜىٰ أَرُبُوثٜىٰ ثٜىٰوَ «ذَاغٜىٰ ذَاغٜىٰنْ مَاسُ يِمَكَ ذَاغِ سُنْ ڢَاطُواْ عَكَيْنَ؞» #زَبُو 69.9 4غَمَا دُكْ أَبِنْدَ عَكَ رُبُوتَ تُنْدَا عَثِكِنْ رُبُوتَثِّيَرْ مَغَنَرْ اللَّهْ أَنْرُبُوتَ نٜىٰ دُواْمِنْ عَكُواْيَرْ دَمُو، دُواْمِنْ مُذَمَ دَ سَا ذُوثِيَا تَوُرِنْ جِمْرٜىٰوَ دَ ڧَرْڢَڢَاوَا وَطَنْدَ رُبُوتَثِّيَرْ مَغَنَرْ اللَّهْ سُكَنْ بَامُ؞ 5بَرِ اللَّهْ مَيْ بَادَ جِمْرٜىٰوَ دَ ڧَرْڢَڢَاوَا يَكَيْكُ غَ يَدَّ ذَاكُيِ حَڧُرِ دَ جُونَ أَ سَعَدَّ كُنَ بِنْ غُرْبِنْ أَلْمَسِيحُ عِيسَىٰ؞ 6تَهَكَ دُكَنْكُ ذَاكُ كَسَنْثٜىٰ دَ بَاكِ طَيَ دَ نُڢِ طَيَ كُمَ، كُنَ طَوْكَكَ اللَّهْ وَنْدَ شِينٜىٰ عُبَنْ عُبَنْغِجِنْمُ عِيسَىٰ أَلْمَسِيحُ؞ 7كُكَرْٻِ جُونَ حَنُّ بِيُ بِيُ كَمَرْ يَدَّ أَلْمَسِيحُ يَكَرْٻٜىٰكُ حَنُّ بِيُ بِيُ دُوانْ كُسَا أَطَوْكَكَ اللَّهْ؞ 8غَمَا إِنَ دَيْ غَيَ مُكُ ثٜىٰوَ دَلِيلِنْ دَ أَلْمَسِيحُ يَذَمَ مَيْيِنْ حِدِمَ غَ يَهُودَاوَا شِينٜىٰ دُواْمِنْ أَ نُونَ غَسْكِيَرْ كَلْمَرْ اللَّهْ، عَكُمَ تَبَّتَرْ دَ أَلْكَوَرَنْ دَ عَكَيِ وَكَاكَنِّنْ كَاكَنِّنْسُ، 9دُوانْ كُمَ وَطَنْدَ بَا يَهُودَاوَا بَسُ طَوْكَكَ اللَّهْ سَبُواْدَ جِنْڧَنْسَ؞ كَمَرْ يَدَّ يَكٜىٰ أَرُبُوثٜىٰ ثٜىٰوَ
«سَبُواْدَ وَنَّنْ، يَا عُبَنْغِجِ،
ذَنْ يَبٜىٰكَ عَثِكِنْ أَلْعُمَّيْ،
ذَنْ رٜىٰرَ وَاڧَرْ يَبُواْ غَ سُونَنْكَ؞» #2 سَمْ 22.50؛ زَبُو 18.49
10رُبُوتَثِّيَرْ مَغَنَرْ اللَّهْ تَسَاكٜىٰ ثٜىٰوَ
«يَا كُو وَطَنْدَ بَا يَهُودَاوَا بَ،
كُيِ ڢَضٍ ثِكِ تَرٜىٰدَ مُتَنٜىٰنْ اللَّهْ؞» #مَيْ شَـ 32.43
11أَنْ ڧَارَ دَ ثٜىٰوَ
«كُيَبِے عُبَنْغِجِ،
يَا كُو وَطَنْدَ بَا يَهُودَاوَا بَ دُكَ،
كُيِ مَسَ يَبُواْ،
يَا كُو ڧَبِيلُ دُكَ؞» #زَبُو 117.1
12كُمَ عِشَايَ يَثٜىٰ،
«وَنِ دَغَ تُوشٜىٰنْ يٜىٰسّٜىٰ ذَيْ بَيَّنَ،
ذَيْ تَاشِ يَيِ مُلْكٍ وَطَنْدَ بَا يَهُودَاوَا بَ،
أَغَرٜىٰشِنٜىٰ ڧَبِيلُ ذَاسُسَا ذُوثِيَا؞» #عِشـ 11.10
13بَرِ اللَّهْ مَيْ كَٰوُاْ سَا ذُوثِيَا يَبَاكُ ثِكَكّٜىٰنْ ڢَضٍ ثِكِ دَ سَلَمَ أَ سَعَدَّ كُكٜىٰ بَادَ غَسْكِيَ غَرٜىٰشِ، دُواْمِنْ كُيَلْوَتَ دَ سَا ذُوثِيَا تَوُرِنْ إِيكُوانْ رُوحُ مَيْ ڟَرْكِے؞
حِدِمَرْ بُلُسْ غَ وَطَنْدَ بَا يَهُودَاوَا بَ
14یَنْعُوَنَ، نِے دَكَيْنَ نَأَمِنْثٜىٰ ثٜىٰوَ كُو دَ كَنْكُ كُنَ ثِكٜىٰ دَ كِرْكِ كُنَ كُمَ ثِكٜىٰ دَ ثِكَكّٜىٰنْ سَنِ، حَرْ كُنْ إِسَ كُكُواْيَ وَجُونَنْكُ؞ 15أَ رُبُوتُنَّنْ نَوَ نَڢِتَ أَ ڢِيلِ سُواْسَيْ إِنَ مَغَنَ عَكَنْ وَطَنْسُ أَبُبُوَ دُوانْ إِنْتُنَ مُكُ دَسُو؞ نَيِ وَنَّنْ كُوَ بِسَغَ أَلْحٜىٰرِنَّنْ وَنْدَ اللَّهْ يَيِ مِنِ، 16وَنْدَ يَسَا نِے إِنْ ذَمَ مَيْ حِدِمَرْ أَلْمَسِيحُ عِيسَىٰ غَ وَطَنْدَ بَا يَهُودَاوَا بَ؞ إِنَ عَيْكِنْ ڢِرِسْتِ تَوُرِنْ حِدِمَرْ شٜىٰلَرْ لَابَرِ مَيْ دَاطِے نَ اللَّهْ دُوانْ وَطَنْدَ بَا يَهُودَاوَا بَسُ ذَمَ هَدَايَ مَيْ كَرْٻُوَ غَ اللَّهْ، وَطَنْدَ عَكَ ڟَرْكَكٜىٰسُ تَوُرِنْ رُوحُ مَيْ ڟَرْكِے؞ 17سَبُواْدَ حَكَ إِنَ عِيَيِنْ تَاڧَمَ ثِكِنْ أَلْمَسِيحُ عِيسَىٰ غَمٜىٰدَ عَيْكِنْ دَ نَكٜىٰيِ وَ اللَّهْ؞ 18بَذَنْيِ ڧَرْڢِنْ حَلِ إِنْيِ مَغَنَ غَمٜىٰدَ وَنِ أَبُبَ، سَيْدَيْ أَبِنْدَ أَلْمَسِيحُ يَعَيْكَتَ تَوُرِينَ؞ وَنَّنْ أَبُ كُوَ شِينٜىٰ يَدَّ عَكَ جَٰوُاْ وَطَنْدَ بَا يَهُودَاوَا بَ غَ يِنْ بِيَيَّ غَ اللَّهْ تَوَجٜىٰنْ مَغَنَاتَ دَ عَيْكِنَ، 19تَوَجٜىٰنْ إِيكُوانْ عَلَمُ دَ أَيُّكَنْ بَنْ مَامَاكِ، دُكَ كُوَ تَوُرِنْ إِيكُوانْ رُوحٌ اللَّهْ نٜىٰ؞ وَتُواْ دَغَ عُرُوشَلِيمَ نَكٜىٰوَيٜىٰ حَرْ ذُوَا إِلِرِكُمْ نَيِ شٜىٰلَرْ لَابَرِ مَيْ دَاطِے نَ أَلْمَسِيحُ، حَرْ نَثِكَ عَيْكِنَّنْ دُكَ؞ 20عَكُواْيَوْشٜىٰ نِيَّتَ عِتَثٜىٰ إِنْيِ وَعَظِنْ لَابَرِ مَيْ دَاطِے أَدُكْ عِنْدَ بَعَسَنْ أَلْمَسِيحُ بَ، دُواْمِنْ كَدَ يَذَمَ ثٜىٰوَ إِنَيِنْ غِنِ عَكَنْ تُوشٜىٰنْ دَ وَنِ نٜىٰ دَبَمْ يَكَڢَ؞ 21أَ مَيْمَكُوانْ حَكَ، سَيْدَيْ كَمَرْ يَدَّ يَكٜىٰ أَرُبُوثٜىٰ ثٜىٰوَ
«وَطَنْدَ بَعَتَٻَ ڢَطَا مُسُ لَابَرِنْسَبَ،
ذَاسُ غَنِ،
وَطَنْدَ بَسُ تَٻَجِنْ لَابَرِنْسَبَ،
ذَاسُ غَانٜىٰ؞» #عِشـ 52.15
22وَنَّنّٜىٰ يَسَا سَوْ دَيَوَ عَكَ هَنَنِ ذُوَا وُرِنْكُ؞ #رُوامْ 1.13
شِرِنْ بُلُسْ يَظِيَرْثِ رُواْمَ
23يَنْذُ كَمْ نَارِغَا نَاغَمَ عَيْكِنَ أَوُرَارٜىٰنَّنْ؞ تُنْدَيَكٜىٰ تُنْشٜىٰكَرُ مَاسُيَوَ إِنَ مَرْمَرِنْ ذُوَا وُرِنْكُ دُواْمِنْ إِنْ غَنْكُ، 24نَشِرْيَ إِنْظِيَرْثٜىٰكُ يَنْذُ؞ إِنَ ڢَاتَا ثٜىٰوَ أَ لُواْكَثِنْ دَ ذَنْ وُثٜىٰ ذُوَا ڧَسَرْ سِڢٜىٰنْ، ذَنْبِے تَوُرِنْكُ إِنْكَٰوُاْ زِيَارَ؞ إِنَ ڢَاتَا كُمَ بَايَنْدَ نَاجِ دَاطِنْ ذَمَ تَرٜىٰدَكُو نَطَنْ لُواْكَثِ، ذَنْ ثِيغَبَدَ تَڢِيَاتَ ذُوَا ثَنْ تَرٜىٰدَ تَيْمَكُوانْكُ؞ 25يَنْذُ كَمْ ذَانِ عُرُوشَلِيمَ دُوانْ إِنْ كَيْ تَيْمَكُواْ وَڟَرْكَكَنْ دَسُكٜىٰ وُرِنْ؞ 26جَمَعَرْ مَاسُبِے وَدَّ تَكٜىٰ أَ مَكِدُواْنِيَ دَ كُمَ أَ عَكَيَ سُنْ جِ دَاطِنْ بَادَ ݣَوْتَيْ دُواْمِنْ تَيْمَكُوانْ وَطَنْدَ سُكٜىٰ دَ رَشِ ثِكِنْ ڟَرْكَكَنْ عُرُوشَلِيمَ؞ #1 كُوارْ 16.1-4 27سُنْجِ دَاطِنْ يِنْ حَكَ، كُواْدَيَكٜىٰ لَلَّيْ وَنَّنْ كَمَرْ حَكِّ نٜىٰ عَكَنْسُ؞ دَيَكٜىٰ وَطَنْدَ بَا يَهُودَاوَا بَ سُنْ سَامِ نَاسُ رَبُوانْ أَلْبَرْكُنْ رُوحَنِيَ دَغَ يَهُودَاوَا، يَذَمَ مُسُ كَمَرْ بَاشِ كٜىٰنَنْ سُيِ أَمْڢَانِ دَ أَلْبَرْكُنْسُ نَدُونِيَا دُواْمِنْ سُبِيَ بُڧَاتَرْ يَهُودَاوَا؞ #1 كُوارْ 9.11 28إِنْ كُوَ نَغَمَا وَنَّنْ عَيْكِ، نَكُمَ تَبَّتَرْ ثٜىٰوَ نَدَنْڧَ مُسُ وَنَّنْ تَيْمَكُوانْ دَ عَكَ بَايَرْ سَبُواْدَسُو، ذَنْ كَامَ حَنْيَ ذُوَا سِڢٜىٰنْ، إِنْكُمَ كَٰوُاْ زِيَارَ سَعَدَّ ذَنْ وُثٜىٰ ذُوَا ثَنْ؞ 29نَتَبَّتَرْ ثٜىٰوَ إِنْ نَا ذُواْ وُرِنْكُ، ذَنْذُواْ نٜىٰ دَ ثِكَكِّيَرْ أَلْبَرْكَرْ أَلْمَسِيحُ؞
30یَنْعُوَ، سَبُواْدَ عُبَنْغِجِنْمُ عِيسَىٰ أَلْمَسِيحُ دَ كُمَ بِسَغَ ڧَوْنَرْ دَ رُوحُ يَكٜىٰ بَايَرْوَ، إِنَ ضُواْڧُوانْكُ ثٜىٰوَ كُتَيْمَكٜىٰنِ ثِكِنْ ڢَامَتَا تَوُرِنْ يِنْ أَدُّعَ غَ اللَّهْ سَبُواْدَنِ؞ 31كُيِ أَدُّعَ دُوانْ إِنْسَامِ ڟِيرَا دَغَ حَنُّنْ مَرَسَ بِے عَيَنْكِنْ يَهُودِيَ، دُواْمِنْ كُمَ تَيْمَكُوانْ دَ ذَنْ بَايَرْ أَ عُرُوشَلِيمَ يَذَمَ أَبِنْ كَرْٻَ غَ ڟَرْكَكَنْ دَسُكٜىٰ أَوُرِنْ؞ 32تَهَكَ كُوَ، عِدَنْ نُڢِنْ اللَّهْ نٜىٰ، ذَنْعِسُواْ وُرِنْكُ دَ ڢَضٍ ثِكِ، إِنْكُمَ سَامِ هُوتَوَا تَرٜىٰدَكُو؞ 33اللَّهْ مَيْ بَادَ سَلَمَ يَكَسَنْثٜىٰ تَرٜىٰدَكُو دُكَ؞ أَمِينْ؞
Currently Selected:
رُواْمَاوَا 15: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
