مَتِيُ 24

عِيسَىٰ يَيِ مَغَنَ عَكَنْ رُشٜىٰوَرْ هَيْكَلِنْ

﴿مَرْ 13‏.1‏-2؛ لُكْ 21‏.5‏-6﴾

1دَ عِيسَىٰ يَڢِتَ دَغَ ثِكِنْ هَيْكَلِ يَنَ تَڢِيَ، سَيْ أَلْمَجِرَنْسَ سُكَ نُونَ مَسَ غِنٜىٰ غِنٜىٰنْ هَيْكَلِنْ؞ 2سَيْ يَتَمْبَيٜىٰسُ يَثٜىٰ ‏«‏كُنْ‌غَ دُكَنْ وَطَنَّنْ غِنٜىٰ غِنٜىٰ؟ حَڧِيڧَ إِنَ غَيَ مُكُ، بَ دُوڟٜىٰ كُواْ طَيَ دَ ذَاعَ بَرِ عَكَنْ وَنِ؞ دُكَ ذَاعَ رُشٜىٰسُ؞»‏

ڢَرْكُوانْ وَهَلَ

﴿مَرْ 13‏.3‏-13؛ لُكْ 21‏.7‏-19﴾

3 عِيسَىٰ يَنَ ظَوْنٜىٰ عَكَنْ تُدُنْ عِتَتُوَنْ ظَيْتُنْ سَيْ أَلْمَجِرَنْسَ سُكَذُواْ وُرِنْسَ سُو كَطَيْ سُكَثٜىٰ ‏«‏ڢَطَا مَنَ، يَوْشٜىٰ نٜىٰ وَنَّنْ ذَيْ ڢَرُ؟ كُمَ مٜىٰثٜىٰ ثٜىٰ عَلَمَرْ دَاوُاْوَرْكَ دَ كُمَ تَڧَرْشٜىٰنْ زَامَانِ؟»‏

4 عِيسَىٰ يَأَمْسَمُسُ يَثٜىٰ ‏«‏كُلُورَ ڢَا، كَدَ كُواْوَ يَرُوطٜىٰكُ؞ 5غَمَا مُتَنٜىٰ دَيَوَ ذَاسُذُواْ عَثِكِنْ سُونَنَ، ذَاسُثٜىٰ، ‏‹‏نِنٜىٰ أَلْمَسِيحُ›‏، حَرْ سُرُوطِ مُتَنٜىٰ دَيَوَ؞ 6ذَاكُ كُمَجِ لَابَرِنْ يَاڧٜىٰ يَاڧٜىٰ دَ جِيتَ جِيتَرْسُ؞ كَدَ كُجِڟُواْرُواْ، دُواْمِنْ دُواْلٜىٰنٜىٰ حَكَ يَڢَرُ، عَمَّا ڧَرْشٜىٰنْ بَيْذُواْ بَتُكُنَ؞ 7أَلْعُمَّ ذَاتَ تَاسَرْ وَ أَلْعُمَّ، مُلْكِ يَتَاسَرْ وَمُلْكِ؞ ذَاعَكُمَيِ يُنْوَ دَ ضَوَرْ ڧَسَا أَوُرَارٜىٰ دَبَمْ دَبَمْ؞ 8عَمَّا وَنَّنْ دُكَ مَسُواْمِنْ عَذَابَنٜىٰ كَوَيْ؞

9‏«‏سَعَنً ذَاسُ بَادَكُ غَ عَذَابَ، سُكُمَ كَشٜىٰكُ؞ دُونِيَا دُكْ ذَاتَڧِيكُ سَبُواْدَ سُونَنَ؞#مَتْ 10‏.22 10سَعَنً مُتَنٜىٰ دَيَوَ ذَاسُيِ سَنْيِ عَثِكِنْ بَنْ‌غَسْكِيَرْسُ، سُبَاشٜىٰ جُونَ، سُكُمَڧِ جُونَ؞ 11أَنَّبَاوَنْ ڧَضْيَا كُمَ ذَاسُتَاسُواْ دَيَوَ، سُرُوطِ مُتَنٜىٰ دَيَوَ؞ 12سَبُواْدَ يَوَنْ مُغُنْتَا، ڧَوْنَرْ دَ يَوَنْثِنْ مُتَنٜىٰ سُكٜىٰيِ وَجُونَ ذَاتَ رَغُ؞ 13عَمَّا وَنْدَ يَجِمْرٜىٰ حَرْ ذُوَا ڧَرْشٜىٰ، ذَيْ ڟِيرَا؞#مَتْ 10‏.22 14كُمَ ذَاعَ بَادَ وَنَّنْ لَابَرِ مَيْ دَاطِے نَمُلْكٍ سَمَ دُواْمِنْ شَيْدَ غَ دُكَنْ أَلْعُمَّيْ، سَعَنً ڧَرْشٜىٰنْ يَذُواْ؞

مُوغُوَرْ وَهَلَ

﴿مَرْ 13‏.14‏-23؛ لُكْ 21‏.20‏-24﴾

15‏«‏ذَاكُغَ أَبِنْ ڧَظَنْتَا مَيْ كَٰوُاْ هَلَّكَرْوَ، وَنْدَ أَنَّبِے دَانِيٜىٰلْ يَڢَطَا، يَنَ ڟَيٜىٰ أَ وُرِے مَيْ ڟَرْكِے؞ بَرِ مَيْ كَرَاتُ يَغَانٜىٰ؞#دَانْ 9‏.27؛ 11‏.31؛ 12‏.11 16تُواْ، سَيْ وَطَنْدَ سُكٜىٰ ثِكِنْ يَنْكِنْ يَهُودِيَ سُغُدُ ذُوَا ثِكِنْ دُوَڟُو؞ 17وَنْدَ يَكٜىٰ كَنْ رُڢِنْ طَاكِ كَدَ يَسَوْكُواْ وَيْ ذَيْ طَوْكِ أَبِنْدَ يَكٜىٰ ثِكِنْ غِدَا؞ 18وَنْدَ يَكٜىٰ أَغُواْنَ كُمَ كَدَ يَكُواْمَ وَيْ ذَيْ طَوْكِ مَيَاڢِنْسَ؞#لُكْ 17‏.31 19كَيْتُوانْ مَاتَا مَاسُثِكِ دَ مَاسُ غُواْيُواْ أَوَنَّنْ لُواْكَثِ!‏ 20كُيِ أَدُّعَ كَدَ غُدُنَّنْ يَذُواْ مُكُ أَ لُواْكَثِنْ سَنْيِ كُواْ رَانَرْ هُوتُ تَمَكُواْ؞ 21غَمَا أَ لُواْكَثِنْ ذَاعَيِ وَتَ عَذَابَ مَيْ ذَاڢِ إِرِنْ وَدَّ بَعَتَٻَيِبَ تُنْ ڢَرْكُوانْ دُونِيَا حَرْ ذُوَا يَنْذُ، بَ كُوَ ذَاعَ سَاكٜىٰيِنْ إِرِنْتَبَ؞#دَانْ 12‏.1؛ رُعُيَ 7‏.14 22دَبَدُوانْ أَنضَغٜىٰ ݣُونَكِنَّنْبَ دَا بَا طَنْ أَدَمْ وَنْدَ ذَيْ ڟِيرَا؞ عَمَّا سَبُواْدَ وَطَنْدَ عَكَ ذَاٻَا ذَاعَ ضَغٜىٰ ݣُونَكِنْ؞

23‏«‏أَ لُواْكَثِنَّنْ، كُواْ وَنِ يَثٜىٰمُكُ، ‏‹‏دُوبَ، غَا أَلْمَسِيحُ نَنْ!‏›‏ كُواْ، ‏‹‏غَاشِ ثَنْ!‏›‏ كَدَ كُيَرْدَ؞ 24غَمَا أَلْمَسِيحً ڧَضْيَا دَ أَنَّبَاوَنْ ڧَضْيَا ذَاسُ ڢِڢِّتُواْ، سُيِ مَنْيَنْ عَلَمُ دَ أَيُّكَنْ بَنْ مَامَاكِ دُواْمِنْ سُرُوطٜىٰ مُتَنٜىٰ، حَرْ دَ وَطَنْدَ عَكَ ذَاٻَا إِنْ ذَيْ يِوُ؞ 25تُواْ، نَا دَيْ غَيَ مُكُ تُنْدَ وُرِے؞

26‏«‏دُواْمِنْ حَكَ عِدَنْ عَكَثٜىٰ مُكُ، ‏‹‏غَاشِ ثَنْ أَدَاجِ،›‏ كَدَ كُڢِتُواْ؞ عِدَنْ عَكَثٜىٰ مُكُ، ‏‹‏يَنَ ثَنْ ثِكِنْ طَاكِ عَٻُواْيٜىٰ،›‏ كَدَ كُيَرْدَ؞ 27غَمَا كَمَرْ يَدَّ وَلْڧِيَ تَكٜىٰ حَصْكَكَاوَا دَغَ غَبَسْ ذُوَا يَمَّ، حَكَ دَاوُاْوَرْ طَنْ مُتُمْ ذَاتَ كَسَنْثٜىٰ؞#لُكْ 17‏.23‏-24

28‏«‏عِنْدَ غَاوَا تَكٜىٰ، أَيْ، أَنَنْ عُنْ‌غُلَيٜىٰ سُكٜىٰ تَارُوَ؞#لُكْ 17‏.37

دَاوُاْوَرْ طَنْ مُتُمْ

﴿مَرْ 13‏.24‏-27؛ لُكْ 21‏.25‏-28﴾

29‏«‏نَنْ دَ نَنْ بَايَنْ ݣُونَكِنْ عَذَابَرْ نَنْ،

‏«‏ ‏‹‏سَيْ رَانَ ذَاتَ يِدُهُ،

وَتَ كُمَ بَذَيْ يِحَصْكٜىٰبَ؞

تَوْرَرِ ذَاسُ ڢَڢَّاطِ دَغَ سَمَ،

ذَاعَ كُمَ غِرْغِظَ إِيكُواْكِنْ سَرَرِنْ سَمَ؞›‏ »‏#عِشـ 13‏.10؛ 34‏.4؛ هِظْ 32‏.7؛ يُواوْ 2‏.10؛ 3‏.4؛ 3‏.15؛ رُعُيَ 6‏.12‏-13

30‏«‏سَعَنً نٜىٰ عَلَمَرْ طَنْ مُتُمْ ذَاتَ بَيَّنَ أَسَرَرِنْ سَمَ؞ دُكْ ڧَبِيلُنْ دُونِيَا كُمَ ذَاسُيِ كُوكَا سَبُواْدَ ڟُواْرُواْ؞ ذَاسُغَ طَنْ مُتُمْ يَنَ ذُوَا عَثِكِنْ غِرْغِجٜىٰ دَ إِيكُواْ دَ طَوْكَكَ مَيْ يَوَ؞#دَانْ 7‏.13؛ زَكْ 12‏.10‏-14؛ رُعُيَ 1‏.7 31ذَيْ كُوَ عَيْكُواْ مَلاَىِٕكُنْسَ سُبُوسَ ڧَهُواْ مَيْ ڧَارَ سُواْسَيْ، سُكُمَ تَتَّارُواْ وَطَنْدَ عَكَ ذَاٻَا دَغَ غَبَسْ دَ يَمَّ دَ كُدُ دَ أَرٜىٰوَ، وَتُواْ دَغَ وَنَّنْ إِيَاكَرْ دُونِيَا ذُوَا وَنْثَنْ؞»‏

كُواْيَرْوَا عَكَنْ إِتَاثٜىٰنْ ٻَوْرٜىٰ

﴿مَرْ 13‏.28‏-31؛ لُكْ 21‏.29‏-33﴾

32‏«‏كُكُواْيِ وَنِ أَبُ دَغَ إِتَاثٜىٰنْ ٻَوْرٜىٰ؞ عِدَنْ رَسَّنْسَ سُنْ ڢَارَ سَاكٜىٰوَ، سُنَ ڢِتَرْدَ سَابُوانْ غَنْيٜىٰ، كُنْ سَنْ دَامِنَ تَيِ كُسَ كٜىٰنَنْ؞ 33حَكَكُمَ عِدَنْ كُكَغَ دُكْ أَبُبُوَنَّنْدَ نَغَيَ مُكُ، كُسَنْ ثٜىٰوَ لُواْكَثِ يَيِ كُسَ، يَنَدَبْ دَ بَاكِنْ ڧُواْڢَ؞ 34حَڧِيڧَ إِنَ غَيَ مُكُ، مُتَنٜىٰنْ زَامَانِنَّنْ بَذَاسُ مُتُبَ، سَيْ دُكْ أَبُبُوَنَّنْ سُنْ ڢَرُ؞ 35سَمَ دَ دُونِيَا ذَاسُ ڧَارٜىٰ، عَمَّا كَلْمَتَ بَذَاتَ ڧَارٜىٰ بَ كُواْ كَطَنْ؞»‏

بَا وَنْدَ يَسَنْ رَانَرْ ذُوَانْ أَلْمَسِيحُ

﴿مَرْ 13‏.32‏-37؛ لُكْ 17‏.26‏-30‏،34‏-36﴾

36‏«‏عَمَّا بَاوَنْدَ يَسَنْ رَانَرْ كُواْ عَڧَرْڢٜىٰ نَوَنٜىٰ وَنَّنْ ذَيْ ڢَرُ، كُواْ مَلاَىِٕكُنْ دَسُكٜىٰ سَمَ، كُواْ طَنْ،#24‏.36 كُواْ طَنْ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ وَطَنَّنْ كَلْمُواْمِنْ؞ سَيْدَيْ عُبَنْ كَطَيْ؞ 37كَمَرْ يَدَّ عَكَيِ عَݣُونَكِنْ نُوحُ، حَكَ ذَيْ كَسَنْثٜىٰ أَدَاوُاْوَرْ طَنْ مُتُمْ؞#ڢَارْ 6‏.5‏-8 38كَمَرْ أَ لُواْكَثِنَّنْ كَاڢِنْ بَبَّرْ أَمْبَلِيَرْ ضُوً، أَنَثِ، أَنَشَا، مَظَا سُنَ عَوْرٜىٰ، أَنَ بَادَ مَتَ غَ عَوْرٜىٰ، حَرْ ذُوَا رَانَرْ دَ نُوحُ يَشِغَ جِضْغٍ؞#ڢَارْ 6‏.14 39كَاڢِنْ سُسَنْ أَبِنْدَ عَكٜىٰ ثِكِ، بَبَّرْ أَمْبَلِيَرْ ضُوَ تَذُواْ تَݣُوشٜىٰسُ دُكَ؞ حَكَ كُوَ دَاوُاْوَرْ طَنْ مُتُمْ ذَاتَ كَسَنْثٜىٰ؞#ڢَارْ 7‏.6‏-24 40أَ لُواْكَثِنَّنْ، مُتُمْ بِيُ ذَاسُ كَسَنْثٜىٰ أَغُواْنَ، ذَاعَ طَوْكِ طَيَ، عَبَرْ طَيَ؞ 41مَاتَا بِيُ ذَاسُ كَسَنْثٜىٰ سُنَ نِڧَ تَرٜىٰ، ذَاعَ طَوْكِ طَيَ، عَبَرْ طَيَ؞

42‏«‏دُواْمِنْ حَكَ سَيْ كُذَوْنَ دَ شِرِ، غَمَا بَكُسَنْ رَانَرْ دَ عُبَنْ‌غِجِنْكُ ذَيْ دَاوُاْبَ؞ 43عَمَّا كُو دَيْ سَنِ دَ مَيْغِدَا ذَيْسَنْ كُواْ أَوَنٜىٰ لُواْكَثِ نٜىٰ ٻَرَوُاْ ذَيْذُواْ دَ دَرٜىٰ دَ بَذَيْ يِبَرْثِبَ، كُمَ بَذَيْ بَرِ أَ شِغَ غِدَنْسَبَ؞ 44دُواْمِنْ حَكَ كُو مَا سَيْ كُذَوْنَ دَ شِرِ، دُواْمِنْ أَ لُواْكَثِنْ دَ بَكُيِ ڟَمَّنِبَ، شِينٜىٰ طَنْ مُتُمْ ذَيْذُواْ؞»‏#لُكْ 12‏.39‏-40

بَاوَ مَيْ أَمِنْثِ كُواْ مَرَرْ أَمِنْثِ

﴿لُكْ 12‏.41‏-48﴾

45‏«‏وَنٜىٰنٜىٰ بَاوَنَّنْ مَيْ أَمِنْثِ، مَيْ حِكِمَ، وَنْدَ مَيْغِدَنْسَ يَسَا شِ يَلُورَ دَ غِدَنْسَ، يَكٜىٰ كُمَبَا سَوْرَنْ بَايِ عَبِنْثِنْسُ عَكَنْ لُواْكَثِ؟ 46مَيْ أَلْبَرْكَ نٜىٰ بَاوَنْ دَ مَيْغِدَنْسَ ذَيْذُواْ يَسَامٜىٰشِ يَنَ يِنْ عَيْكِنْسَ؞ 47حَڧِيڧَ إِنَ غَيَ مُكُ، ذَيْسَا وَنَّنْ بَاوَ يَلُورَ مَسَ دَ كَايَنْسَ دُكَ؞ 48عَمَّا مَيْيِوُوَ بَاوَنْ مُوغُنٜىٰ، ذَيْ كُمَ ثٜىٰ وَكَنْسَ، ‏‹‏مَيْغِدَانَ بَذَيْ دَاوُاْ دَ وُرِے بَ،›‏ 49سَعَنً يَڢَارَ دُوكَنْ أَبُواْكَنْ عَيْكِنْسَ، يَنَثِ، يَنَشَا تَرٜىٰدَ مَاسُ بُغُوَ؞ 50عِدَنْ يَا يِهَكَ، مَيْغِدَنْسَ ذَيْذُواْ أَ رَانَرْ دَ بَيْيِ ڟَمَّنِ بَ، عَكُمَ لُواْكَثِنْ دَ بَيْسَنِبَ، 51مَيْغِدَنْ ذَيْ يِمَسَ مُوغُنْ دُوكَ، يَكُمَ حُكُنْتَشِ تَرٜىٰدَ مُنَاڢُكَيْ؞ أَوُرِنَّنْ ذَاعَيِ كُوكَا دَ ثِظُوانْ هَڧُواْرَ؞»‏

Currently Selected:

مَتِيُ 24: hauAS

Highlight

Copy