مَتِيُ 16
16
نٜىٰمَنْ عَلَمَ
﴿مَرْ 8.11-13؛ لُكْ 12.54-56﴾
1ڢَرِسِيَاوَا دَ سَدُوكِيَاوَا سُكَذُواْ وُرِنْ عِيسَىٰ دُواْمِنْ سُڠُودَ شِ، سُكَ ضُواْڧٜىٰشِ يَنُونَ مُسُ وَتَ بَبَّرْ عَلَمَرْ دَ ذَاتَ بَيَّنَ إِيكُوانْسَ؞#مَتْ 12.38؛ لُكْ 11.16 2يَأَمْسَ مُسُ يَثٜىٰ «عِدَنْ يَمَّ تَيِ، كُكَغَ سَمَ تَيِجَ، سَيْكُثٜىٰ، ‹يَوَّ، غَرِ ذَيْ يِݣَوْ غُواْبٜىٰ؞› 3دَ سَڢٜىٰ كُمَ عِدَنْ كُكَغَ سَمَ تَيِجَ، تَٻَاتَ ڢُسْكَ، سَيْكُثٜىٰ، ‹يَوْ كَمْ ذَاعَيِ ضُوً سَمَ؞› كُنَ عِيَ غَانٜىٰ يَنَيِنْ سَرَرِنْ سَمَ، عَمَّا بَكُ عِيَ غَانٜىٰ عَلَمُنْ وَنَّنْ زَامَانِبَ؞ 4مُتَنٜىٰنْ زَامَانِنَّنْ مَرَسَ أَمِنْثِ غَ اللَّهْ نٜىٰ، مُوغَيٜىٰ نٜىٰ كُمَ؞ سُنَ سُواْ سُغَ عَلَمَ، عَمَّا بَذَاعَ نُونَ مُسُ وَتَ عَلَمَ بَ، سَيْدَيْ عَلَمَرْ يُونُسَ؞»
سَيْ يَبَرْسُ يَتَڢِے؞#مَتْ 12.39؛ لُكْ 11.29
يِسْتِنْ ڢَرِسِيَاوَا دَ سَدُوكِيَاوَا
﴿مَرْ 8.14-21﴾
5دَ أَلْمَجِرَنْ سُكَ كَيْ وَنْثَنْ غٜىٰڢٜىٰنْ، أَشٜىٰ، سُنْ مَنْتَا بَسُ كَٰوُاْ غُرَاسَبَ؞ 6سَيْ عِيسَىٰ يَثٜىٰ مُسُ «كُكُلَ ڢَا، كُمَ كُيِ حَنْكَلِ دَ يِسْتِنْ ڢَرِسِيَاوَا دَ سَدُوكِيَاوَا؞»#لُكْ 12.1
7سَيْ سُكَ ڢَارَ مَغَنَ دَ جُونَنْسُ سُنَ ثٜىٰوَ «كُواْ سَبُواْدَ بَمُكَٰوُاْ غُرَاسَ بَنٜىٰ؟»
8دَ عِيسَىٰ يَغَ حَكَ سَيْيَثٜىٰ «كُو مَاسُ ڧَرَمَرْ بَنْغَسْكِيَ، دُوانْمٜىٰ كُكٜىٰثٜىٰوَ بَاكُ دَ غُرَاسَ؟ 9حَرْ يَنْذُ بَكُ غَانٜىٰبَ؟ كُنْ مَنْتَا يَدَّ نَثِيَرْدَ مُتُمْ دُبُو بِيَرْ دَ غُرَاسَ بِيَرْ؟ كُمَ ݣُونْدُنَ نَوَ كُكَ تَارَ؟#مَتْ 14.17-21 10كُواْ كُمَ لُواْكَثِنْدَ نَثِيَرْدَ مُتُمْ دُبُو حُطُ دَ غُرَاسَ بَݣَويْ، ݣُونْدُنَ نَوَ كُكَ تَارَ؟#مَتْ 15.34-38 11يَيَ كُكَ كَاسَ غَانٜىٰوَ ثٜىٰوَ بَغُرَاسَ نَكٜىٰ مَغَنَ عَكَيْبَ؟ نَثٜىٰ كُيِ حَنْكَلِ دَ يِسْتِنْ ڢَرِسِيَاوَا دَ سَدُوكِيَاوَا؞»
12سَعَنً نٜىٰ أَلْمَجِرَنْ سُكَ غَانٜىٰ ثٜىٰوَ بَ يَكٜىٰ ڢَطَا مُسُ سُيِ حَنْكَلِ دَ يِسْتِنْ دَ عَكٜىٰسَاوَ عَثِكِنْ غُرَاسَ بَنٜىٰ، عَمَّا يَنَ نُڢِنْ سُيِ حَنْكَلِ دَ كُواْيَرْوَرْ ڢَرِسِيَاوَا دَ سَدُوكِيَاوَا نٜىٰ؞
بِتْرُسْ يَشَيْدَ عِيسَىٰ شِينٜىٰ أَلْمَسِيحُ
﴿مَرْ 8.27-30؛ لُكْ 9.18-21﴾
13تُواْ دَ عِيسَىٰ يَذُواْ يَنْكِنْ كَيْسَرِيَ ڢِلِبِے، سَيْ يَتَمْبَيِ أَلْمَجِرَنْسَ يَثٜىٰ «وَ مُتَنٜىٰ سُكٜىٰثٜىٰوَ طَنْ مُتُمْ يَكٜىٰ؟»
14سَيْ سُكَثٜىٰ «وَطَنْسُ سُنَ ثٜىٰوَ يَحْيَى مَيْ بَڢْتِسْمَ، وَطَنْسُ كُمَ إِلْيَاسُ، وَطَنْسُ كُمَ إِرْمِيَ، كُواْ كُمَ طَيَ دَغَ ثِكِنْ أَنَّبَاوَا؞»#مَتْ 14.1-2؛ مَرْ 6.14-15؛ لُكْ 9.7-8
15يَثٜىٰ مُسُ «عَمَّا كُو ڢَا، وَنٜىٰنٜىٰنِے أَغَنِنْكُ؟»
16سَيْ سِيمَنْ بِتْرُسْ يَأَمْسَ يَثٜىٰ «كَيْ نٜىٰ أَلْمَسِيحُ، طَنْ اللَّهْ مَيْ رَيْ؞»#يَحـ 6.68-69
17سَيْ عِيسَىٰ يَأَمْسَ مَسَ يَثٜىٰ «كَيْ مَيْ أَلْبَرْكَ نٜىٰ سِيمَنْ طَنْ يُونُسَ! غَمَا بَمُتُمْ نَامَ دَ جِنِ بَنٜىٰ يَبَيَّنَ مَكَ وَنَّنْ، سَيْدَيْ عُبَانَ وَنْدَ يَكٜىٰ ثِكِنْ سَمَ؞ 18إِنَ كُمَ غَيَ مَكَ، كَيْ بِتْرُسْ نٜىٰ، عَكَنْ وَنَّنْ دُوڟٜىٰ كُمَ ذَنْ غِنَا جَمَعَتَ تَمَاسُبِے، وَدَّ إِيكُوانْ مُتُوَ مَا بَاشِدَ إِيكُواْ عَكَنْتَ؞ 19ذَنْ بَاكَ مَبُوطَنْ مُلْكٍ سَمَ؞ كُمَ أَبِنْدَ عَكَ طَوْرٜىٰ عَدُونِيَا، ذَيْ ذَمَ أَطَوْرٜىٰ أَ سَمَ، دُكَنْ أَبِنْدَ عَكَ كُنْثٜىٰ عَدُونِيَا، ذَيْ ذَمَ عَكُنْثٜىٰ أَ سَمَ؞»#مَتْ 18.18؛ يَحـ 20.23 20سَيْ يَجَا وَ أَلْمَجِرَنْسَ كُنّٜىٰ سُواْسَيْ كَدَ سُغَيَ وَكُواْوَ ثٜىٰوَ شِينٜىٰ أَلْمَسِيحُ؞
عِيسَىٰ يَڢَطَا إِرِنْ مُتُوَرْ دَ ذَيْ يِ
﴿مَرْ 8.31—9.1؛ لُكْ 9.22-27﴾
21تُنْدَغَ وَنَّنْ لُواْكَثِ عِيسَىٰ يَڢَارَ نُونَ وَ أَلْمَجِرَنْسَ ثٜىٰوَ دُواْلٜىٰنٜىٰ يَجٜىٰ عُرُوشَلِيمَ، يَشَا وُيَ إِرِ إِرِ أَهَنُّنْ دَتَّاوَا دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى، عَكُمَ كَشٜىٰشِ، أَ رَانَ تَ عُكُ كُمَ عَتَاشٜىٰشِ؞
22سَيْ بِتْرُسْ يَجَاشِ غٜىٰڢٜىٰ طَيَ يَڢَارَ ڟَاوَتَا مَسَ يَنَ ثٜىٰوَ «اللَّهْ يَسَوَّڧٜىٰ، عُبَنْغِجِ! وَنَّنْ بَذَيْ تَٻَ ڢَرُوَ دَكَيْبَ؞»
23عَمَّا عِيسَىٰ يَجُويَ يَثٜىٰمَسَ «كَرَبُ دَنِے، كَيْ شَيْطَنْ! كَيْ مَيْسَا تُنْتُٻٜىٰنٜىٰ أَغَرٜىٰنِ، غَمَا كَنَ تُنَانِ كَمَرْ مُتُمْ نٜىٰ، بَكَمَرْ اللَّهْ بَ؞»
24سَيْ عِيسَىٰ يَثٜىٰ وَ أَلْمَجِرَنْسَ «دُكْ مَيْسُواْ يَبِينِ، سَيْ يَڧِ كَنْسَ، يَطَوْكِ غِثِّيٜىٰنْسَ يَبِينِ؞#مَتْ 10.38؛ لُكْ 14.27 25غَمَا دُكْ وَنْدَ يَكٜىٰسُواْ يَثٜىٰثِ رَنْسَ، ذَيْ رَسَشِ؞ عَمَّا دُكْ وَنْدَ يَرَسَ رَنْسَ سَبُواْدَنِ، ذَيْسَامٜىٰشِ؞#مَتْ 10.39؛ لُكْ 17.33؛ يَحـ 12.25 26وَنٜىٰ أَمْڢَانِ نٜىٰ مُتُمْ ذَيْسَامُ، عِدَنْ يَا سَامِ دُونِيَا دُكَ عَبَاكِنْ رَنْسَ؟ كُواْ كُوَ مٜىٰ مُتُمْ ذَيْ عِيَ بَايَرْ أَمَيْمَكُوانْ رَنْسَ؟ 27طَنْ مُتُمْ دَيْ ذَيْذُواْ دَ مَلاَىِٕكُنْسَ ثِكِنْ طَوْكَكَرْ عُبَنْسَ، سَعَنً نٜىٰ ذَيْبِيَ كُواْوَنٜىٰ مُتُمْ بِسَغَ عَيْكِنْسَ؞#مَتْ 25.31؛ زَبُو 62.12؛ رُوامْ 2.6 28حَڧِيڧَ إِنَ غَيَ مُكُ، أَݣَويْ وَطَنْسُ أَڟَيٜىٰ أَنَنْ دَ بَذَاسُ مُتُبَ، حَرْ سَيْ سُنْغَ ذُوَانْ طَنْ مُتُمْ ثِكِنْ مُلْكِنْسَ؞»
Currently Selected:
مَتِيُ 16: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
