مَتِيُ 15
15
أَلْعَادَرْ شُوغَبَنِّ
﴿مَرْ 7.1-13﴾
1أَنَانً سَيْ ڢَرِسِيَاوَا دَ مَلَمً كُواْيَرْوَرْ مُوسَٰى سُكَذُواْ وُرِنْ عِيسَىٰ دَغَ عُرُوشَلِيمَ سُكَثٜىٰ، 2«دُوانْمٜىٰ أَلْمَجِرَنْكَ سُكٜىٰ كَرْيَ أَلْعَادَرْ دَتَّاوَا؟ غَمَا بَاسَ وَنْكٜىٰ حَنُّ كَاڢِنْ سُثِ عَبِنْثِ؞»
3 عِيسَىٰ يَأَمْسَ مُسُ يَثٜىٰ «كُو ڢَا، دُوانْمٜىٰ كُكٜىٰ كَرْيَ دُواْكُواْكِنْ اللَّهْ سَبُواْدَ أَلْعَادَرْكُ؟ 4أَيْ، اللَّهْ يَثٜىٰ، ‹كَغِرْمَمَ بَابَنْكَ دَ مَامَرْكَ،› كُمَ ‹دُكْ وَنْدَ يَذَاغِ بَابَنْسَ كُواْ مَامَرْسَ لَلَّيْ عَكَشٜىٰشِ؞›#ڢِتْ 20.12؛ 21.17؛ مَيْ شَـ 5.16؛ لِـ ڢِرْ 20.9 5عَمَّا كُكَنْ كُواْيَرْ ثٜىٰوَ عِدَنْ مُتُمْ يَنَدَ وَنِ أَبِنْدَ ذَيْ تَيْمَكِ بَابَنْسَ كُواْ مَامَرْسَ دَشِ، عَمَّا سَيْيَثٜىٰ، ‹دُكْ أَبِنْدَ دَا ذَاكُ سَامُ أَوُرِينَ، نَكٜىٰٻٜىٰ وَ اللَّهْ،› تُواْ، بَلَلَّيْ كٜىٰنَنْ يَبَا إِيَايٜىٰنْسَ غِرْمَبَ؞ 6وَتُواْ، سَبُواْدَ أَلْعَادَرْكُ، كُنْ مَيْدَ مَغَنَرْ اللَّهْ بَنْظَ؞ 7كُو مُنَاڢُكَيْ! دَيْدَيْ نٜىٰ عِشَايَ يَيِ أَنَّبْثِ عَكَنْكُ دَيَثٜىٰ،
8« ‹مُتَنٜىٰنَّنْ ڢَا،
دَ بَاكِ كَوَيْ سُكٜىٰ غِرْمَمَنِ،
عَمَّا ظُكَاتَنْسُ سُنْيِ نٜىٰسَ دَنِے؞
9عَبَنْظَنٜىٰ سُكٜىٰيِ مِنِ سُجَّدَ،
سُنَ كُواْيَرْ دَ دُواْكُواْكِنْ مُتَنٜىٰ
أَمَڟَيِنْ كَلْمَرْ اللَّهْ؞› »#عِشـ 29.13؛ مَرْ 7.6-7
أَبِنْدَ ذَيْسَا مُتُمْ يَذَمَ مَيْ ڧَظَنْتَا أَغَبَنْ اللَّهْ
﴿مَرْ 7.14-23﴾
10 عِيسَىٰ يَكِرَا تَارُوانْ مُتَنٜىٰ يَثٜىٰ مُسُ «كُسَوْرَرَ كُغَانٜىٰ؞ 11بَ أَبِنْدَ يَكٜىٰ شِغَ بَاكِنْ مُتُمْ نٜىٰ يَكَنْ ڧَظَنْتَرْ دَشِ أَغَبَنْ اللَّهْ بَ، سَيْدَيْ أَبِنْدَ يَكٜىٰ ڢِتُواْوَ دَغَ بَاكِنْسَ؞»
12سَيْ أَلْمَجِرَنْ سُكَذُواْ وُرِنْسَ سُكَثٜىٰ مَسَ «كَسَنْ ڢَرِسِيَاوَا سُنْجِ هَوْشِ دَ سُكَجِ مَغَنَرْ نَنْ؟»
13 عِيسَىٰ يَأَمْسَ يَثٜىٰ «دُكْ شُوكَرْ دَ بَ عُبَانَ نَسَمَ نٜىٰ يَشُوكَبَ، ذَاعَ تُمْٻُكٜىٰشِ؞ 14بَرْسُ كَوَيْ؞ سُو مَكَاڢِنٜىٰ مَاسُيِ وَمَكَڢِ جَغُواْرَ؞ عِدَنْ كُوَ مَكَهُواْ يَيِ وَوَنِ مَكَهُواْ جَغُواْرَ، أَيْ، دُكَنْسُ ذَاسُ ڢَاطَ ثِكِنْ رَامِ؞»#لُكْ 6.39
15عَمَّا بِتْرُسْ يَثٜىٰ مَسَ «كَبَيَّنَ مَنَ وَنَّنْ مِصَالِ؞»
16سَيْ عِيسَىٰ يَثٜىٰ «أَشٜىٰ، حَرْ يَنْذُ بَكُ غَانٜىٰبَ؟ 17إِنَ نُڢِنْ دُكْ أَبِنْدَ مُتُمْ يَثِ دَ ڢَرْكُواْ ذَيْ شِغَ بَاكِنْسَ، سَعَنً ذَيْ شِغَ ثِكِنْسَ، كُمَ دَغَ ڧَرْشٜىٰ ذَيْڢِتَ دَغَ جِكِنْسَ؞ 18عَمَّا أَبِنْدَ يَكٜىٰ ڢِتُواْوَ دَغَ بَاكِ دَغَ ذُوثِيَا يَكٜىٰ ڢِتُواْوَ؞ شِينٜىٰ كُوَ يَكٜىٰ ڧَظَنْتَرْدَ مُتُمْ أَغَبَنْ اللَّهْ؞#مَتْ 12.34 19غَمَا دَغَ ذُوثِيَا نٜىٰ مُوغَيٜىٰنْ تُنَانِ سُكٜىٰ ڢِتُواْوَ؞ وَتُواْ، سُو كِسَنْ كَيْ دَ ظِنَ دَ لَلَتَ دَ سَاتَادَ شَيْدَرْ ڧَضْيَا دَ ٻَاتَ سُونَ؞ 20وَطَنَّنْ سُكٜىٰ ڧَظَنْتَرْدَ مُتُمْ أَغَبَنْ اللَّهْ، عَمَّا ثِنْ عَبِنْثِ دَ حَنُّنْ دَ بَعَوَنْكٜىٰبَ، بَايَ ڧَظَنْتَرْدَ مُتُمْ أَغَبَنْ اللَّهْ؞»
بَنْغَسْكِيَرْ وَتَ مَثٜىٰ
﴿مَرْ 7.24-30﴾
21 عِيسَىٰ يَا بَرْ وُرِنْ كٜىٰنَنْ يَا تَڢِے يَنْكِنْ بِرَنٜىٰنْ تَيَ دَ سِدُوانْ، 22سَيْغَا وَتَ یَرْ ڧَسَرْ كَنْعَنَ تَذُواْ تَطَغَ مُرْيَ تَثٜىٰ «كَيِ مِنِ جِنْڧَيْ، يَا عُبَنْغِجِ، طَنْ دَاوُدَ؞ وَنِ أَلْجَنِ يَنَ بَا یَتَ وَهَلَ؞»
23 عِيسَىٰ بَيْ ثٜىٰمَتَ كُواْمٜىٰبَ؞ سَيْ أَلْمَجِرَنْسَ سُكَذُواْ سُكَ ضُواْڧٜىٰشِ، سُكَثٜىٰ «كَكُواْرٜىٰتَ! دُواْمِنْ تَنَ بِنْمُ تَنَ دَامُنْمُ دَ إِيهُ!»
24يَأَمْسَ يَثٜىٰ «أَنْ عَيْكُواْ نِنٜىٰ دُواْمِنْ تُمَكِنْ إِسْرَٰٓءِيلَ وَطَنْدَ سُكَ ٻَتَ، بَ دُواْمِنْ وَطَنْسُبَ؞»
25عَمَّا تَذُواْ تَدُرْڧُسَ أَغَبَنْسَ، تَثٜىٰ «عُبَنْغِجِ، كَتَيْمَكٜىٰنِ؞»
26يَأَمْسَ يَثٜىٰ «بَذَيْ يِݣَوْ أَطَوْكِ عَبِنْثِنْ يَارَا عَبَا كَرْنُكَبَ؞»
27تَاثٜىٰ «عِ، عُبَنْغِجِ، عَمَّا كُواْ كَرْنُكَ#15.27 كَرْنُكَ: دُكْ وَنْدَ بَ بَيَهُودٜىٰ بَ، يَهُودَاوَا سُكَنْ طَوْكٜىٰشِ كَمَرْ كَرٜىٰ؞ مَا سُكَنْ لَشٜىٰ سَوْرَنْ عَبِنْثِنْ دَيَكٜىٰ ڢَاطُوَ دَغَ تٜىٰبُرِنْ مَاسُ غِدَنْ؞»
28سَيْ عِيسَىٰ يَأَمْسَ مَتَ يَثٜىٰ «عُوَرْغِدَا، بَنْغَسْكِيَرْكِ تَنَدَ ڧَرْڢِے، بَرِ بُڧَاتَرْكِ تَبِيَ؞» نَنْ تَكٜىٰ یَرْتَ تَوَرْكٜىٰ؞
عِيسَىٰ يَوَرْكَرْ دَ مُتَنٜىٰ دَ يَوَ
29دَغَ وُرِنْ عِيسَىٰ يَبِے تَغٜىٰڢٜىٰنْ تٜىٰكُنْ غَلِيلِ؞ سَعَنً يَهَوْ تُدُ يَذَوْنَ؞ 30مُتَنٜىٰ دَيَوَ سُكَذُواْ وُرِنْسَ؞ سُكَ ذُواْ دَ غُرَغُ دَ مَكَڢِ دَ مَاسُ دُنْغُ دَ بٜىٰبَيٜىٰ دَ وَطَنْسُ دَيَوَ، سُكَ أَجِيٜىٰسُ أَغَبَنْسَ؞ يَكُوَ وَرْكَرْ دَسُو؞ 31حَرْ مُتَنٜىٰ سُكَيِ مَامَاكِ دَ سُكَغَ بٜىٰبَيٜىٰ سُنَ مَغَنَ، مَاسُ دُنْغُ كُمَ غَٻُواْٻِنْسُ سُنَ عَيْكِ، غُرَغُ سُنَ تَڢِيَ، مَكَڢِ كُمَ سُنَ غَنِ؞ سَيْ دُكْ سُكَ طَوْكَكَ اللَّهْ نَ إِسْرَٰٓءِيلَ؞
عِيسَىٰ يَا ثِيَرْ دَ مُتُمْ دُبُو حُطُ
﴿مَرْ 8.1-10﴾
32أَنَانً سَيْ عِيسَىٰ يَكِرَا أَلْمَجِرَنْسَ يَثٜىٰ «إِنَ جِنْ تَوْسَيِنْ جَمَعَرْ نَنْ، غَمَا يَوْ ݣُونَ عُكُ كٜىٰنَنْ سُنَ تَرٜىٰدَنِ، كُمَ بَاسُدَ عَبِنْثِ؞ بَانَسُواْ إِنْسَلَّمٜىٰسُ دَ يُنْوَ، دُواْمِنْ ذَاسُ عِيَ سُومَ أَ حَنْيَ؞»
33سَيْ أَلْمَجِرَنْ سُكَثٜىٰ مَسَ «أَ دَاجِ حَكَ، إِنَا ذَامُسَامِ غُرَاسَرْ دَ ذَيْ إِسَ مُثِيَرْدَ وَنَّنْ جَمَعَ؟»
34 عِيسَىٰ يَتَمْبَيٜىٰسُ يَثٜىٰ «غُرَاسَ نَوَ كُكٜىٰ دَشِ؟»
سُكَثٜىٰ «غُدَا بَݣَويْ دَ ڧأَنَانً كِيڢَيٜىٰ كَطَنْ؞»
35سَيْيَسَا تَارُوانْ مُتَنٜىٰنْ سُذَوْنَ عَڧَسَا، 36يَطَوْكِ غُرَاسَرْنَنْ بَݣَويْ دَ كِيڢَيٜىٰنْ؞ دَ يَيِغُواْدِيَ غَ اللَّهْ، سَيْ يَرَرَّبَسُ، يَبَا أَلْمَجِرَنْ، أَلْمَجِرَنْ سُكَ بَا تَارُوانْ مُتَنٜىٰنْ؞ 37كُواْوَ يَثِ يَڧُواْشِ، أَلْمَجِرَنْ كُوَ سُكَتَارَ ضَغُواْوَرْ عَبِنْثِنْ، ثِكٜىٰدَ ݣُونْدُنَ بَݣَويْ؞ 38مُتَنٜىٰنْ دَ سُكَثِ كُوَ سُنْكَيْ مَظَا دُبُو حُطُ، بَنْدَ مَاتَادَ يَارَا؞ 39بَايَنْدَ يَسَلَّمِ تَارُوانْ مُتَنٜىٰنْ، سَيْيَشِغَ جِضْغٍ ضُوَ يَتَڢِے يَنْكِنْ مَغَدَنْ؞
Currently Selected:
مَتِيُ 15: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
