مَتِيُ 10

عِيسَىٰ يَكِرَا أَلْمَجِرَنْسَ

﴿مَرْ 3‏.13‏-19؛ لُكْ 6‏.12‏-16﴾

1سَيْ عِيسَىٰ يَكِرَوُاْ أَلْمَجِرَنْسَ غُواْمَشَا بِيُ، يَابَاسُ إِيكُواْ سُڢِتَرْدَ ڧَظَامَنْ رُوحُواْحِ سُوَرْكَرْدَ كُواْوَنٜىٰ إِرِنْ ثِيوُاْ دَ رَشِنْ لَاڢِيَ؞ 2غَا سُونَيٜىٰنْ مَنْذَنِّےنَّنْ غُواْمَشَا بِيُ؞

نَڢَارِنْ، سِيمَنْ وَنْدَ عَكٜىٰثٜىٰ دَشِ بِتْرُسْ، أَنْدَرَوُسْ طَنْعُوَنْ سِيمَنْ، يَعْڧُوبَ طَنْ ظَبَدِ، يَحْيَى طَنْعُوَنْ يَعْڧُوبَ، 3ڢِلِبُسْ، بَرْتَلُواْمِ، تُواْمَ، مَتِيُ مَيْ كَرْٻَرْ هَرَاجِ، يَعْڧُوبَ طَنْ هَلْڢَ، تَدِّيُسْ، 4سِيمَنْ مُتُمِنْ كَنْعَنَ، يَهُودَ إِسْكَرِيُواْتِ وَنْدَ يَبَاشٜىٰشِ؞

عِيسَىٰ يَعَيْكِ شَا بِيُنْ

﴿مَرْ 6‏.7‏-13؛ لُكْ 9‏.1‏-6﴾

5 عِيسَىٰ يَعَيْكِ شَا بِيُنَّنْ يَثٜىٰ مُسُ ‏«‏كَدَ كُجٜىٰ وُرِنْ وَطَنْدَ بَا يَهُودَاوَا بَ، كُمَ كَدَ كُشِغَ وَنِ غَرِنْ سَمَرِيَ، 6سَيْدَيْ كُجٜىٰ وُرِنْ تُمَكِنْ دَ سُكَ ٻَتَ نَجَمَعَرْ إِسْرَٰٓءِيلَ؞ 7يَايِنْ دَ كُكٜىٰ تَڢِيَ، كُيِتَيِ مُسُ وَعَظِ ثٜىٰوَ ‏‹‏مُلْكٍ سَمَ يَيِ كُسَ؞›‏ 8كُوَرْكَرْدَ مَرَسَ لَاڢِيَ، كُتَادَ وَطَنْدَ سُكَ مُتُ، كُڟَبْتَثٜىٰ مَاسُ ثُوتَرْ ڢَتَرْ جِكِے، كُڢِتَرْدَ أَلْجَنُ؞ كُنْ سَامُ عَݣَوْتَا، كُكُمَ بَايَرْ ݣَوْتَا؞ 9كَدَ كُرِڧٜىٰ ظِينَارِيَ، كُواْ أَظُرْڢَا، كُواْ تَغُلَّ ءَأَلْجِهُنْكُ؞ 10كَدَ كُمَ كُرِڧٜىٰ جَكَ، كُواْ رِغَا غُدَا بِيُ، كُواْ تَاكَلْمَ، كُواْ سَنْدَا دُواْمِنْ تَڢِيَرْكُ، غَمَا مَعَيْكَثِ يَا ثَنْثَنْثِ سَامُنْ أَبِنْ بِيَنْ بُڧَاتَرْسَ؞#1 كُوارْ 9‏.14؛ 1 تِمْ 5‏.18

11‏«‏دُكْ غَرِ كُواْ ڧَوْيٜىٰنْ دَ كُكَ شِغَ، كُنٜىٰمِ مُتُمِنْ كِرْكِ كُذَوْنَ دَشِ حَرْ سَيْ لُواْكَثِنْ دَ ذَاكُ تَاشِ؞ 12سَعَدَّ كُكَ شِغَ غِدَنْ، كُثٜىٰ، ‏‹‏سَلَمَ أَغَرٜىٰكُ؞›‏ 13عِدَنْ غِدَنْ يَا ثَنْثَنْتَ، سَيْ سَلَمَرْكُ تَسَوْكَ عَكَنْسَ، عَمَّا عِدَنْ بَيْ ثَنْثَنْتَ بَ، سَيْ سَلَمَرْكُ تَكُواْمُواْ غَرٜىٰكُ؞ 14دُكْ وَنْدَ بَيْ كَرْٻٜىٰكُبَ، كُواْ كُمَ يَڧِ جِنْ مَغَنَرْكُ، كُكَكَّٻٜىٰ ڧُورَرْ ڧَڢَاڢُنْكُ سَعَدَّ كُكَ ڢِتَ دَغَ غِدَنْ كُواْ غَرِنْ#أَيُّكَنْ 13‏.51 15حَڧِيڧَ إِنَ غَيَ مُكُ، ذَاعَ ڢِے جِنْ تَوْسَيِنْ مُتَنٜىٰنْ سُواْدُوامْ دَ غُواْمُواْرَ ڢِيٜىٰدَ مُتَنٜىٰنْ غَرِنَّنْ أَ رَانَرْ شَرِيعَ؞»‏#مَتْ 11‏.24؛ ڢَارْ 19‏.24‏-28#لُكْ 10‏.4‏-12

وَهَلَ مَيْ ذُوَا

﴿مَرْ 13‏.9‏-13؛ لُكْ 12‏.11‏-12؛ 21‏.12‏-19﴾

16‏«‏غَاشِ، إِنَ عَيْكَنْكُ كَمَرْ تُمَكِ ثِكِنْ ݣَرْكٜىٰتَيْ، سَبُواْدَ حَكَ كُذَمَ مَاسُ وَيُواْ كَمَرْ مَثِيظَيْ، كُمَ مَرَسَ ٻَرْنَ كَمَرْ كُرْثِيَ؞#لُكْ 10‏.3 17كُيِ حَنْكَلِ دَ مُتَنٜىٰ، غَمَا ذَاسُ كَيْكُ كُواْتُ، سُكُمَيِ مُكُ بُلَلَ أَ مَجَمِعُنْسُ؞ 18سَبُواْدَ نِے كُمَ، ذَاسُ كَيْكُ غَبَنْ شُوغَبَنِّ دَ سَرَاكُنَ، دُواْمِنْ كُشَيْدَ لَابَرِ مَيْ دَاطِے أَغَبَنْسُ دَ أَغَبَنْ وَطَنْدَ بَا يَهُودَاوَا بَ؞ 19لُواْكَثِنْ دَ سُكَ بَادَكُ، كَدَ كُدَامُ دَ أَبِنْدَ ذَاكُ ڢَطَا، غَمَا ذَاعَ بَاكُ أَبِنْدَ ذَاكُثٜىٰ أَ لُواْكَثِنْ؞ 20دُواْمِنْ بَكُو نٜىٰ كُكٜىٰ مَغَنَبَ، رُوحٌ عُبَنْكُ نٜىٰ يَكٜىٰ مَغَنَ تَوُرِنْكُ؞#مَرْ 13‏.9‏-11؛ لُكْ 12‏.11‏-12؛ 21‏.12‏-15

21‏«‏طَنْعُوَ ذَيْبَادَ طَنْعُوَنْسَ عَكَشٜىٰشِ، بَابَ كُمَ يَبَادَ طَنْسَ، یَیَ كُمَ ذَاسُ تَيَرْ وَ إِيَايٜىٰنْسُ، حَرْ سُسَا عَكَشٜىٰسُ؞#مَرْ 13‏.12؛ لُكْ 21‏.16 22كُواْوَ كُمَ ذَيْڧِيكُ سَبُواْدَ سُونَنَ؞ عَمَّا وَنْدَ يَجِمْرٜىٰ حَرْ ذُوَا ڧَرْشٜىٰ ذَيْ ڟِيرَا؞#مَتْ 24‏.9‏،13؛ مَرْ 13‏.13؛ لُكْ 21‏.17 23عِدَنْ سُنْ ڟَنَنْتَ مُكُ أَوَنِ غَرِ، كُغُدُ ذُوَا غَرِ نَغَبَ، غَمَا حَڧِيڧَ إِنَ غَيَ مُكُ، كَاڢِنْ كُغَمَ ذَاغَيَ دُكَنْ غَرُضُوً إِسْرَٰٓءِيلَ، طَنْ مُتُمْ ذَيْ دَاوُاْ؞

24‏«‏بَ أَلْمَجِرِ وَنْدَ يَڢِ مَلَمِنْسَ، كُواْ كُمَ بَاوَنْدَ يَڢِ مَيْغِدَنْسَ؞#لُكْ 6‏.40؛ يَحـ 13‏.16؛ 15‏.20 25يَا إِسَ أَلْمَجِرِ يَذَمَ كَمَرْ مَلَمِنْسَ، بَاوَ كُمَ كَمَرْ مَيْغِدَنْسَ؞ عِدَنْ سُكَثٜىٰ دَ مَيْغِدَنْ بَعَلْظَبُلْ، مٜىٰ ذَاسُثٜىٰ غَمٜىٰدَ مُتَنٜىٰنْ غِدَنْ؟»‏#مَتْ 9‏.34؛ 12‏.24؛ مَرْ 3‏.22؛ لُكْ 11‏.15

وَنْدَ ذَاعَ جِڟُواْرُوانْسَ

﴿لُكْ 12‏.2‏-7﴾

26‏«‏سَبُواْدَ حَكَ، كَدَ كُجِڟُواْرُوانْسُ، دُواْمِنْ بَا أَبِنْدَ يَكٜىٰ أَ رُڢٜىٰ وَنْدَ بَذَاعَ بَيَّنَبَ، كُمَ بَا أَبِنْدَ يَكٜىٰ عَٻُواْيٜىٰ وَنْدَ بَذَاعَ سَنِبَ؞#مَرْ 4‏.22؛ لُكْ 8‏.17 27أَبِنْ دَ نَكٜىٰ غَيَ مُكُ أَدُهُ، كُڢَطٜىٰشِ أَ حَصْكٜىٰ؞ أَبِنْ دَ عَكَ ڢَطَا مُكُ عَكُنّٜىٰ كُوَ، كُيِ شٜىٰلَرْسَ دَغَ كَنْ رُڢِنْ غِدَاجٜىٰ؞ 28كَدَ كُجِڟُواْرُوانْ وَطَنْدَ ذَاسُ عِيَ كَشٜىٰ مُتُمْ، عَمَّا بَاسَ عِيَ كَشٜىٰ رَنْسَ؞ سَيْ دَيْ كُجِڟُواْرُوانْ وَنْدَ ذَيْ عِيَ هَلَّكَ جِكِے دُكْ دَ رَيْ أَغِدَنْ وُتَا؞ 29بَ أَنَ سَيَرْ دَ طَنْ ڟُنْڟُ غُدَا بِيُ كُواْبُواْ طَيَبَ؟ تُواْ، بَ طَيَنْسُ وَنْدَ ذَيْ ڢَاطِ عَڧَسَا بَاتَرٜىٰدَ سَنِنْ عُبَنْكُ بَ؞ 30أَيْ، كُواْ غَاشِنْ كَنْكُ مَا أَنْڧِرْغَسُ؞ 31سَبُواْدَ حَكَ، كَدَ كُجِڟُواْرُواْ؞ أَيْ، كُنْڢِے طَنْ ڟُنْڟُ دَرَجَ سَوْ بَرْكَتَيْ؞»‏

نُونَ يَرْدَ دَ أَلْمَسِيحُ أَغَبَنْ مُتَنٜىٰ

﴿لُكْ 12‏.8‏-9﴾

32‏«‏دُكْ وَنْدَ يَنُونَ شِے نَوَنٜىٰ أَغَبَنْ مُتَنٜىٰ، نِے مَا ذَنْ نُونَ شِے نَوَنٜىٰ أَغَبَنْ عُبَانَ وَنْدَ يَكٜىٰ أَ سَمَ؞ 33عَمَّا دُكْ وَنْدَ يَيِ مُسُونْ سَنِنَ أَغَبَنْ مُتَنٜىٰ، نِے مَا ذَنْيِ مُسُونْ سَنِنْسَ أَغَبَنْ عُبَانَ دَيَكٜىٰ أَ سَمَ؞»‏#2 تِمْ 2‏.12

بَنْ كَٰوُاْ سَلَمَبَ سَيْ ڢَطَ

﴿لُكْ 12‏.51‏-53؛ 14‏.26‏-27﴾

34‏«‏كَدَ كُيِ ڟَمَّنِ نَذُواْ إِنْ كَٰوُاْ سَلَمَ نٜىٰ عَدُونِيَا؞ بَ دُواْمِنْ إِنْ كَٰوُاْ سَلَمَ نَذُوابَ، سَيْدَيْ ڢَطَ؞ 35غَمَا نَا ذُواْنٜىٰ،

‏«‏ ‏‹‏إِنْسَا طَا يَيِ غَابَادَ بَابَنْسَ،

یَ كُمَ دَ مَامَرْتَ،

مَاتَرْ طَا كُمَ دَ مَامَرْ مِجِنْتَ؞

36مُتَنٜىٰنْ غِدَنْ مُتُمْنٜىٰ كُمَ

ذَاسُ ذَمَ أَبُواْكَنْ غَابَنْسَ؞›‏#مِيكَ 7‏.6

37‏«‏دُكْ وَنْدَ يَڢِ سُوانْ مَامَرْسَ كُواْ بَابَنْسَ ڢِيٜىٰ دَنِے، بَيْ إِسَ يَذَمَ نَوَبَ؞ كُمَ دُكْ وَنْدَ يَڢِ سُوانْ طَنْسَ كُواْ یَرْسَ ڢِيٜىٰ دَنِے، بَيْ إِسَ يَذَمَ نَوَبَ؞ 38دُكْ وَنْدَ بَيْ طَوْكِ غِثِّيٜىٰنْسَ يَا بِينِبَ، بَيْ إِسَ يَذَمَ نَوَبَ؞#مَتْ 16‏.24؛ مَرْ 8‏.34؛ لُكْ 9‏.23 39دُكْ وَنْدَ يَسُواْ يَثٜىٰثِ رَنْسَ، ذَيْ رَسَشِ؞ دُكْ وَنْدَ يَرَسَ رَنْسَ سَبُواْدَنِ، ذَيْسَامٜىٰشِ؞»‏#مَتْ 16‏.25؛ مَرْ 8‏.35؛ لُكْ 9‏.24؛ 17‏.33؛ يَحـ 12‏.25

أَيُّكَنْ لَدَ

﴿مَرْ 9‏.41﴾

40‏«‏دُكْ وَنْدَ يَكَرْٻٜىٰكُ، يَا كَرْٻٜىٰنِنٜىٰ، دُكْ وَنْدَ يَكَرْٻٜىٰنِ كُوَ يَا كَرْٻِ وَنْدَ يَعَيْكُواْنِ؞#مَرْ 9‏.37؛ لُكْ 9‏.48؛ 10‏.16؛ يَحـ 13‏.20 41دُكْ وَنْدَ يَكَرْٻِ أَنَّبِے سَبُواْدَ شِے أَنَّبِے نٜىٰ، ذَيْسَامِ لَادَنْ أَنَّبِے؞ كُمَ دُكْ وَنْدَ يَكَرْٻِ مَيْ أَدَلْثِے سَبُواْدَ شِے مَيْ أَدَلْثِے نٜىٰ، ذَيْسَامِ لَادَنْ مَيْ أَدَلْثِے؞ 42دُكْ وَنْدَ يَبَا طَيَ دَغَ ثِكِنْ مَڢِے ڧَنْڧَنْتَنَّنْ كُواْ دَ ݣُوڢْ طَيَ نَضُوً سَنْيِ سَبُواْدَ شِے أَلْمَجِرِنَ نٜىٰ، حَڧِيڧَ إِنَ غَيَ مُكُ، بَذَيْ تَٻَ رَسَ لَادَنْسَبَ؞»‏

Currently Selected:

مَتِيُ 10: hauAS

Highlight

Copy