مَتِيُ 11

یَنْ عَيْكَ دَغَ وُرِنْ يَحْيَى مَيْ بَڢْتِسْمَ

﴿لُكْ 7‏.18‏-35﴾

1دَ عِيسَىٰ يَغَمَيِ وَ أَلْمَجِرَنْسَ شَا بِيُنَّنْ وَطَنَّنْ عُمَرْنَيْ، سَيْ يَتَاشِ دَغَ وُرِنْ يَتَڢِے يَنَ كُواْيَرْوَا يَنَ وَعَظِ أَغَرُرُوَنْسُ؞

2أَ لُواْكَثِنْ كُوَ يَحْيَى مَيْ بَڢْتِسْمَ يَنَ ثِكِنْ كُرْكُكُ؞ سَعَدَّ يَجِ أَبُبُوَنْ دَ أَلْمَسِيحُ يَكٜىٰيِ، سَيْ يَعَيْكِ أَلْمَجِرَنْسَ وُرِنْسَ 3سُثٜىٰ مَسَ ‏«‏كَيْ نٜىٰ وَنْدَ ذَيْذُواْ، كُواْ مُسَا عِدُواْ غَ وَنِ؟»‏

4 عِيسَىٰ يَأَمْسَ مُسُ يَثٜىٰ ‏«‏كُكُواْمَ كُڢَطَا وَ يَحْيَى أَبِنْدَ كُكَ غَنِ كُكَ كُمَجِ، وَتُواْ، 5مَكَڢِ سُنَ سَامُنْ غَنِ، غُرَغُ سُنَ تَڢِيَ، مَاسُ ثُوتَرْ ڢَتَرْ جِكِے سُنَ سَامُنْ ڟَبْتَثٜىٰوَ كُرَمٜىٰ سُنَ جِنْ مَغَنَ، أَنَ تَادَ وَطَنْدَ سُكَ مُتُ، أَنَ كُمَبَا تَلَكَاوَا لَابَرِ مَيْ دَاطِے؞#عِشـ 35‏.5‏-6؛ 61‏.1 6مَيْ أَلْبَرْكَ نٜىٰ وَنْدَ بَيْيِ شَكَّرْ بَنْ‌غَسْكِيَرْ دَ يَكٜىٰدَ عِتَ عَكَيْنَبَ؞»‏

7دَ سُكَ تَڢِے، سَيْ عِيسَىٰ يَڢَارَيِ وَتَارُوانْ مُتَنٜىٰنْ مَغَنَ عَكَنْ يَحْيَى يَثٜىٰ ‏«‏مٜىٰكُكَ ڢِتَ كُغَنِ أَدَاجِ؟ كُنْ ڢِتَ غَنِنْ دُواْغَيٜىٰنْ ثِيَوَرْ دَ إِسْكَ تَكٜىٰ كَطَوَ نٜىٰ؟ 8تُواْ، مٜىٰكُكَ ڢِتَ كُغَنِ؟ كُنَ ڟَمَّنِ ذَاكُ غَ وَنِ وَنْدَ يَسَا رِيغُنَ مَاسُ ݣَوْ نٜىٰ؟ أَيْ، مُتَنٜىٰنْ غِدَنْ سَرْكِے نٜىٰ سُكٜىٰ سَا رِيغُنَ مَاسُ ݣَوْ؞ 9تُواْ، مٜىٰكُكَ ڢِتَ كُغَنِ؟ أَنَّبِے؟ عِ، إِنَ غَيَ مُكُ، حَرْ مَا يَاڢِ أَنَّبِے؞ 10وَنَّنْ شِينٜىٰ وَنْدَ عَكَ رُبُوتَ عَكَنْسَ ثٜىٰوَ

‏«‏ ‏‹‏غَاشِ، نَعَيْكَرْ دَ مَنْذُوانَ يَرِغَاكَ غَبَ،

وَنْدَ ذَيْ شِرْيَ مَكَ حَنْيَ كَاڢِنْ كَذُواْ؞›‏#مَلْ 3‏.1

11‏«‏حَڧِيڧَ إِنَ غَيَ مُكُ، بَعَتَٻَ حَيْڢُوَرْ وَنِ عَدُونِيَرْ نَنْ وَنْدَ يَكَيْ يَحْيَى مَيْ بَڢْتِسْمَ غِرْمَبَ؞ عَمَّا دُكْدَهَكَ، وَنْدَ يَڢِ ڧَنْڧَنْتَ أَمُلْكٍ سَمَ يَا ڢِيشِ؞ 12تُنْدَغَ زَامَانِنْ يَحْيَى مَيْ بَڢْتِسْمَ حَرْ ذُوَا يَوْ مُلْكٍ اللَّهْ يَنَ شَنْ وُيَرْ تَاشِنْ حَنْكَلِ، مَاسُ تَاشِنْ حَنْكَلِ كُمَ سُكٜىٰسُواْ سُڨُوثٜىٰ مُلْكٍ اللَّهْ دَ ڧَرْڢِے؞ 13غَمَا كُواْيَرْوَرْ مُوسَٰى دَ لِتَّتَّڢَنْ أَنَّبَاوَا دُكَ سُنْيِ مَغَنَ عَكَنْ مُلْكٍ كَاڢِنْ يَحْيَى يَذُواْ،#لُكْ 16‏.16 14كُمَ عِدَنْ ذَاكُ يَرْدَ دَ سَڧُوانْسُ، يَحْيَى شِينٜىٰ وَنْدَ عَكَيِ مَغَنَ عَكَيْ سَعَدَّ عَكَثٜىٰ إِلْيَاسُ ذَيْذُواْ؞#مَلْ 4‏.5؛ مَتْ 17‏.10‏-13؛ مَرْ 9‏.11‏-13 15بَرِ مَيْ كُنّٜىٰنْجِ، يَجِ؞

16‏«‏عَمَّا دَمٜىٰ ذَنْ ݣُوتَنْتَا وَنَّنْ زَامَانِ؟ كَمَرْ يَارَا نٜىٰ دَسُكٜىٰ ظَوْنٜىٰ عَكَاسُوَ سُنَ كِرَنْ أَبُواْكَنْ وَسَنْسُ سُنَ ثٜىٰوَ

17‏«‏ ‏‹‏مُنْ هُورَ مُكُ سَرٜىٰوَ،

كُنْڧِ كُيِ ضَوَ!‏

مُنْ رٜىٰرَ وَاڧَرْ مُتُوَ،

كُنْڧِ كُيِ كُوكَا!‏›‏

18‏«‏غَمَا دَ يَحْيَى يَذُواْ بَيْثِكَ ثِدَشَابَ، سَيْ سُكَثٜىٰ، ‏‹‏يَنَ دَ أَلْجَنُ؞›‏ 19دَ طَنْ مُتُمْ يَذُواْ يَنَثِ يَنَشَا، سُكَثٜىٰ، ‏‹‏غَا مَيْيَوَنْ ثِدَشَا، أَبُواْكِنْ مَاسُ كَرْٻَرْ هَرَاجِ دَ مَاسُ ذُنُوبِ!‏›‏ دُكْدَهَكَ، أَنَ غَانٜىٰ حِكِمَرْ اللَّهْ أَعَيُّكَنْتَ؞»‏

غَرُضُوً دَ بَسُ تُوبَبَ

﴿لُكْ 10‏.13‏-15﴾

20سَيْ يَڢَارَ ڟَاوَتَا وَ غَرُضُوً، عِنْدَ يَيِيَوَنْثِنْ أَيُّكَنْسَ نَبَنْ مَامَاكِ، غَمَا مُتَنٜىٰنَّنْ بَسُ تُوبَبَ؞ 21‏«‏كَيْتُوانْكِ، كُواْرَسِنْ!‏ كَيْتُوانْكِ، بٜىٰڟَيْدَ!‏ غَمَا دَا عَثٜىٰ أَيُّكَنْ بَنْ مَامَاكِنْ دَ عَكَيِ عَثِكِنْكُنٜىٰ عَكَيِ أَ تَيَ دَ سِدُوانْ، دَا سُنْ تُوبَ تُنْ تُنِ، سُنْ سَا ڟُمَّ دَ تُواْكَ أَجِكِنْسُ؞#عِشـ 23‏.1‏-18؛ هِظْ 26‏.1‏—28‏.26؛ يُواوْ 3‏.4‏-8؛ عَمُواسْ 1‏.9‏-10؛ زَكْ 9‏.2‏-4 22عَمَّا إِنَغَيَ مُكُ، أَ رَانَرْ شَرِيعَ ذَاعَ ڢِے جِنْ تَوْسَيِنْ مُتَنٜىٰنْ تَيَ دَ سِدُوانْ ڢِيٜىٰ دَكُو؞ 23كٜىٰ كُمَ كَڢَرْنَهُمْ، كِنَ ڟَمَّنِ طَوْكَكَاكِ ذَاعَيِ ذُوَا سَمَ نٜىٰ؟ عَ إِنَا!‏ ڧَسْڧَنْتَرْ دَكٜىٰ ذَاعَيِ حَرْ وُرِنْ ذَمَنْ مَتَتُّو؞ أَيُّكَنْ بَنْ مَامَاكِنْ دَ عَكَيِ عَثِكِنْكِ دَ سُونٜىٰ عَكَيِ أَ سُواْدُوامْ دَ تأَنَانً هَرْوَيَوْ؞#عِشـ 14‏.13‏-15؛ ڢَارْ 19‏.24‏-28 24عَمَّا إِنَ غَيَ مُكُ، أَ رَانَرْ شَرِيعَ ذَاعَ ڢِے جِنْ تَوْسَيِنْ مُتَنٜىٰنْ سُواْدُوامْ ڢِيٜىٰ دَكٜىٰ؞»‏#مَتْ 10‏.15؛ لُكْ 10‏.12

كُذُواْ وُرِينَ دُواْمِنْ كُسَامِ هُوتُ

﴿لُكْ 10‏.21‏-22﴾

25أَوَنَّنْ لُواْكَثِ نٜىٰ عِيسَىٰ يَثٜىٰ ‏«‏نَا غُواْدٜىٰ مَكَ، يَا عُبَا، عُبَنْ‌غِجِنْ سَمَ دَ دُونِيَا، سَبُواْدَ كَٻُواْيٜىٰ وَطَنَّنْ أَبُبُوَ غَ مَاسُ حِكِمَ دَ مَاسُ عِلِمِ، كَكُمَ بَيَّنَ وَیَنْ يَارَا؞ 26حَكَنٜىٰ يَا عُبَا، غَمَا وَنَّنْ شِينٜىٰ أَبِنْدَ يَيِ مَكَ ݣَوْ؞

27‏«‏عُبَانَ يَا بَانِ دُكَنْ أَبُ، كُمَ بَاوَنْدَ يَسَنْ طَنْ سَيْ عُبَنْ، كُمَ بَاوَنْدَ يَسَنْ عُبَنْ سَيْ طَنْ دَ كُمَ وَنْدَ طَنْ يَسُواْ يَبَيَّنَ مَسَ؞#يَحـ 3‏.35؛ 1‏.18؛ 10‏.15

28‏«‏كُذُواْ غَرٜىٰنِ، دُكَنْكُ دَ كُكَ غَجِ، كُمَ كُنَ ڢَامَ دَ كَايَ مَاسُ نَوْيِ عَكَنْكُ، ذَنْ بَاكُ هُوتَوَا؞ 29كُمِيڧَ كَنْكُ غَ عُمَرْنَيْنَ كَمَرْ يَدَّ سَانِيَ تَكَنْ مِيڧَ وُيَنْتَ غَ غُنْ‌غُمٜىٰنْ نُواْمَ، كُكُمَ كُواْيَ دَغَ وُرِينَ، دُواْمِنْ نِے مَيْتَوَلِعُ نٜىٰ، مَيْسَوْڧِنْ كَيْ، كُمَ ذَاكُسَامِ هُوتُ أَ ذُوثِيَارْكُ؞#إِرْمِ 6‏.16 30غَمَا غُنْ‌غُمٜىٰنَ يَنَدَ سَوْڧِ، عُمَرْنَيْنَ كُمَبَا نَوْيِ؞»‏

Currently Selected:

مَتِيُ 11: hauAS

Highlight

Copy