مَتِيُ 12

تَمْبَيَ عَكَنْ كِيَايٜىٰ رَانَرْ هُوتُنْ يَهُودَاوَا

﴿مَرْ 2‏.23‏-28؛ لُكْ 6‏.1‏-5﴾

1أَنَانً أَ رَانَرْ هُوتُ تَمَكُواْ، عِيسَىٰ دَ أَلْمَجِرَنْسَ سُكَبِے تَغُواْنَكِنْ حَڟِنْ أَلْكَمَ؞ أَلْمَجِرَنْسَ كُوَ سُنَ جِنْ يُنْوَ، سَيْ سُكَ ڢَارَ ثِرٜىٰ ڟَابَرْ أَلْكَمَرْ سُنَ ثِ؞#مَيْ شَـ 23‏.25 2دَ ڢَرِسِيَاوَا سُكَغَ حَكَ، سَيْ سُكَثٜىٰ مَسَ ‏«‏كَغَنِ، أَلْمَجِرَنْكَ سُنَيِنْ أَبِنْدَ كُواْيَرْوَرْ مُوسَٰى تَحَنَ عَيِ أَ رَانَرْ هُوتُ تَمَكُواْ؞»‏

3سَيْ يَثٜىٰ مُسُ ‏«‏أَشٜىٰ، بَكُ كَرَنْتَ أَبِنْدَ دَاوُدَ يَيِ لُواْكَثِنْ دَشِ دَ أَبُواْكَنْ تَڢِيَرْسَ سُكٜىٰجِنْ يُنْوَ بَ؟ 4يَدَّ يَشِغَ غِدَنْ اللَّهْ يَثِ غُرَاسَرْ دَ عَكَ كٜىٰٻٜىٰ، وَنْدَ بَيْ كَمَاتَ كُواْ شِے كُواْ أَبُواْكَنْ تَڢِيَرْسَ سُثِ بَ، سَيْدَيْ ڢِرِسْتُواْثِے كَطَيْ؞#1 سَمْ 21‏.1‏-7#لِـ ڢِرْ 24‏.9 5كُواْ بَكُ كَرَنْتَ عَثِكِنْ كُواْيَرْوَرْ مُوسَٰى بَ، يَدَّ ڢِرِسْتُواْثِے أَ هَيْكَلِ سُكٜىٰيِنْ بَنْظَ دَ رَانَرْ هُوتُ تَمَكُواْ، كُمَ بَيْ ذَمَ مُسُ لَيْڢِے بَ؟#لِـ ڧِدْ 28‏.9‏-10 6إِنَ غَيَ مُكُ، غَ وَنْدَ يَڢِ هَيْكَلِ أَنَنْ؞ 7عَمَّا دَ كُنْ سَنْ أَبِنْدَ وَنَّنْ أَيَرْ تَكٜىٰ نُڢِ وَتُواْ، ‏‹‏جِنْڧَيْ نَكٜىٰسُواْ، بَهَدَايَبَ،›‏ دَ بَكُ غَ مَرَسَ لَيْڢِے دَ لَيْڢِے بَ؞#مَتْ 9‏.13؛ يُوشْ 6‏.6 8غَمَا طَنْ مُتُمْ عُبَنْ‌غِجِ نٜىٰ حَرْ مَا دَ نَرَانَرْ هُوتُ تَمَكُواْ؞»‏

مَيْ شَنْيَيّٜىٰنْ حَنُّ

﴿مَرْ 3‏.1‏-6؛ لُكْ 6‏.6‏-11﴾

9سَيْ عِيسَىٰ يَبَرْ وُرِنْ يَشِغَ مَجَمِعَرْسُ؞ 10أَݣَويْ وَنِ مُتُمْ أَوُرِنْ مَيْ شَنْيَيّٜىٰنْ حَنُّ؞ سَيْ سُكَ تَمْبَيِ عِيسَىٰ سُكَثٜىٰ ‏«‏كُواْيَرْوَرْ مُوسَٰى تَيَرْدَ عَيِ وَرْكَرْوَ أَ رَانَرْ هُوتُ تَمَكُواْ؟»‏ سُنْيِ وَنَّنْ تَمْبَيَ نٜىٰ دُواْمِنْ سُسَامٜىٰشِ دَ لَيْڢِے؞

11سَيْ يَثٜىٰ مُسُ ‏«‏عَثٜىٰ وَنِنْكُ يَنَدَ تُنْكِيَ طَيَ تَكْ، سَيْ تَڢَاطَ ثِكِنْ رَامِ أَ رَانَرْ هُوتُ تَمَكُواْ، مَيْ تُنْكِيَرْ بَذَيْڢِتَرْدَ عِتَبَ؟#لُكْ 14‏.5 12أَيْ، مُتُمْ يَاڢِ تُنْكِيَ دَرَجَ سُواْسَيْ؞ سَبُواْدَ حَكَ بَعَحَنَ يِنْعَيْكِنْ أَلْحٜىٰرِ أَ رَانَرْ هُوتُ تَمَكُواْبَ؞»‏ 13سَيْيَثٜىٰ وَمُتُمِنْ ‏«‏مِيڧُواْ حَنُّنْكَ؞»‏

سَيْ يَمِيڧُواْ، نَنْ دَنَنْ سَيْ حَنُّنْ يَوَرْكٜىٰ يَذَمَ كَمَرْ طَيَنْ حَنُّنْ؞ 14عَمَّا ڢَرِسِيَاوَا سُكَ ڢِتَ سُكَيِ شَوَرَا يَدَّ ذَاسُ كَشٜىٰ عِيسَىٰ؞

ثِكَاوَرْ أَنَّبْثِنْ عِشَايَ

15دَ عِيسَىٰ يَغَانٜىٰ حَكَ، سَيْ يَبَرْ وُرِنْ؞ سَيْ مُتَنٜىٰ دَيَوَ سُكَبِيشِ، يَا كُوَ وَرْكَرْ دَسُو دُكَ؞ 16يَكُمَ جَا مُسُ كُنّٜىٰ ثٜىٰوَ كَدَ سُبَادَ لَابَرِنْسَ؞ 17وَنَّنْ كُوَ دُواْمِنْ عَثِكَ أَبِنْدَ عَكَ ڢَطَا نٜىٰ تَبَاكِنْ أَنَّبِے عِشَايَ ثٜىٰوَ

18‏«‏غَا بَاوَنَ وَنْدَ نَذَاٻَا،

شِينٜىٰ نَكٜىٰ ڧَوْنَ، وَنْدَ نَكٜىٰ جِنْ دَاطِنْسَ سُواْسَيْ؞

ذَنْ ثِكَشِ دَ رُوحُنَ،

ذَيْ سَنَرْوَ أَلْعُمَّيْ شَرِيعَرْ غَسْكِيَ؞

19بَذَيْ يِ غَرْدَمَ، كُواْ يَيِ مَغَنَ دَ ڧَرْڢِبَ،

بَذَاعَجِ مُرْيَرْسَ عَتِيتِبَ؞

20كَرَنْ دَ يَيِ كُسَنْ كَرْيٜىٰوَ،

بَذَيْ كَرْيَبَ،

ڢِتِلَرْ دَ تَيِ كُسَنْ مُتُوَ كُمَ،

بَذَيْ كَشٜىٰ تَبَ،

سَيْ يَسَا غَسْكِيَ تَثِ نَصَرَا،

21أَلْعُمَّيْ كُمَ ذَاسُسَا ذُوثِيَا غَ سُونَنْسَ؞»‏#عِشـ 42‏.1‏-4

عِيسَىٰ دَ بَعَلْظَبُلْ

﴿مَرْ 3‏.20‏-30؛ لُكْ 11‏.14‏-23﴾

22سَيْ عَكَ كَٰوُاْ مَسَ وَنِ بٜىٰبٜىٰنْ مَكَهُواْ مَيْ أَلْجَنِ؞ عِيسَىٰ كُوَ يَا وَرْكَرْ دَشِ، حَرْ مُتُمِنْ يَيِ مَغَنَ يَكُمَ عِيَ غَنِ؞ 23مُتَنٜىٰنْ دُكَ سُكَيِ مَامَاكِ سُكَثٜىٰ ‏«‏شِنْ، بَ وَنَّنْ شِينٜىٰ طَنْ دَاوُدَ بَ؟»‏

24عَمَّا دَ ڢَرِسِيَاوَا سُكَجِ حَكَ سَيْ سُكَثٜىٰ ‏«‏أَيْ دَ إِيكُوانْ بَعَلْظَبُلْ سَرْكِنْ أَلْجَنُ نٜىٰ وَنَّنْ مُتُمِنْ يَكٜىٰ ڢِتَرْدَ أَلْجَنُ؞»‏#مَتْ 9‏.34؛ 10‏.25

25دَيَكٜىٰ عِيسَىٰ يَسَنْ أَبِنْدَ سُكٜىٰ تُنَانِ سَيْيَثٜىٰ مُسُ ‏«‏دُكْ مُلْكِنْدَ يَرَبُ كَشِ بِيُ سُنَ غَابَادَ جُونَ، مُلْكٍ بَذَيْ ڟَيَبَ؞ كُمَ غَرِ كُواْ غِدَنْ دَ مُتَنٜىٰنْ سُنْ رَبُ كَشِ بِيُ سُنَ غَابَادَ جُونَ، بَذَيْ ڟَيَبَ؞ 26عِدَنْ شَيْطَنْ يَنَ ڢِتَرْدَ شَيْطَنْ، يَنَ ڢَطَ دَ كَنْسَ كٜىٰنَنْ؞ تُواْ، يَيَ مُلْكِنْسَ ذَيْ ڟَيَ؟ 27عِدَنْ كُوَ دَ إِيكُوانْ بَعَلْظَبُلْ نَكٜىٰ ڢِتَرْدَ أَلْجَنُ، تُواْ أَلْمَجِرَنْكُ ڢَا؟ دَ إِيكُوانْ وَ سُكٜىٰ ڢِتَرْ دَسُو؟ أَلْمَجِرَنْكُ نٜىٰ ذَاسُيِ مُكُ شَرِيعَ عَكَنْ وَنَّنْ؞ 28عِدَنْ نِے كُوَ دَ إِيكُوانْ رُوحٌ اللَّهْ نَكٜىٰ ڢِتَرْدَ أَلْجَنُ، أَشٜىٰ، مُلْكٍ اللَّهْ يَا ذُواْ مُكُ كٜىٰنَنْ؞

29‏«‏بَذَاعَ عِيَ شِغَ غِدَنْ مُتُمْ مَيْ ڧَرْڢِے عَكْوَاشِ كَايَنْسَبَ، سَيْدَيْ عِدَنْ أَنْطَوْرٜىٰشِ تُكُنَ، سَعَنً ذَاعَ عِيَ ݣُوشِ كَايَنْ غِدَنْسَ؞

30‏«‏وَنْدَ بَا يَتَرٜىٰ دَنِے، يَنَ غَابَادَنِے كٜىٰنَنْ، وَنْدَ بَيْ تَيْمَكٜىٰنِ تَرَوَبَ كُوَ، يَنَ وَاڟَرْوَنٜىٰ؞#مَرْ 9‏.40 31دُواْمِنْ حَكَ إِنَ غَيَ مُكُ، ذَاعَ غَاڢَرْتَا وَمُتَنٜىٰ كُواْوَنٜىٰ إِرِنْ ذُنُوبِ دَ مَغَنَرْ صَاٻُواْ، عَمَّا وَنْدَ يَيِ مَغَنَرْ صَاٻُواْ غَمٜىٰدَ رُوحُ مَيْ ڟَرْكِے، بَذَاعَ غَاڢَرْتَا مَسَبَ؞ 32عِدَنْ وَنِ يَيِ مَغَنَرْ رٜىٰنِ غَ طَنْ مُتُمْ، ذَاعَ غَاڢَرْتَا مَسَ، عَمَّا دُكْ وَنْدَ يَيِ مَغَنَرْ رٜىٰنِ غَ رُوحُ مَيْ ڟَرْكِے، بَذَاعَ تَٻَ غَاڢَرْتَا مَسَبَ، كُواْ يَنْذُ كُواْ أَ زَامَانِ مَيْ ذُوَا؞»‏#لُكْ 12‏.10

إِتَاثٜىٰ دَ یَیَنْسَ

﴿لُكْ 6‏.43‏-45﴾

33‏«‏إِتَاثٜىٰ مَيْݣَوْ يَكَنْ بَادَ یَیَ مَاسُ ݣَوْ؞ إِتَاثٜىٰ مَرَرْ ݣَوْ كُمَ يَكَنْ بَادَ یَیَ مَرَسَ ݣَوْ؞ إِتَاثٜىٰ دَيْ دَ إِرِنْ یَیَنْسَ نٜىٰ عَكٜىٰ غَانٜىٰشِ؞#مَتْ 7‏.20؛ لُكْ 6‏.44 34كُو ڧُنْ‌غِيَرْ مُوغَيٜىٰنْ مَثِيظَيْ!‏ يَيَ ذَاكُ عِيَ ڢَطَرْ أَبُ مَيْݣَوْ تُنْدَ كُو مُوغَيٜىٰ نٜىٰ؟ أَيْ، أَبِنْدَ يَكٜىٰ ثِكِنْ ذُوثِيَا، شِ يَكٜىٰ ڢِتُواْوَ عَبَاكِ؞#مَتْ 3‏.7؛ 23‏.33؛ 15‏.18؛ لُكْ 3‏.7؛ 6‏.45 35مُتُمِنْ كِرْكِ دَغَ أَجِيَرْسَ نَكِرْكِ، يَكَنْ ڢِتَرْدَ أَبِنْ كِرْكِ؞ مُوغُنْ مُتُمْ دَغَ ثِكِنْ أَجِيَرْ مُغُنْتَارْسَ، يَكَنْ ڢِتَرْدَ مُوغُنْ أَبُ؞

36‏«‏إِنَ غَيَ مُكُ، دُكْ مَغَنَرْ بَنْظَ دَ مُتَنٜىٰ سُكَيِ، ذَاسُ بَادَ لِسَّڢِنْتَ أَ رَانَرْ شَرِيعَ؞ 37عَكَنْ مَغَنَرْكَ نٜىٰ ذَاعَيِ مَكَ شَرِيعَ، كُواْ تَسَا كَذَمَ مَرَرْ لَيْڢِے كُواْ مَيْ لَيْڢِے؞»‏

مَلَمً كُواْيَرْوَرْ مُوسَٰى دَ ڢَرِسِيَاوَا سُنَ نٜىٰمَنْ عَلَمَ

﴿مَرْ 8‏.11‏-12؛ لُكْ 11‏.29‏-32﴾

38سَيْ وَطَنْسُ دَغَ ثِكِنْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَثٜىٰ مَسَ ‏«‏مَلَمْ، مُنَسُواْ كَنُونَ مَنَ وَتَ بَبَّرْ عَلَمَرْ دَ ذَاتَ بَيَّنَ إِيكُوانْكَ؞»‏#مَتْ 16‏.1؛ مَرْ 8‏.11؛ لُكْ 11‏.16

39سَيْ يَأَمْسَ مُسُ يَثٜىٰ ‏«‏مُتَنٜىٰنْ زَامَانِنَّنْ مَرَسَ أَمِنْثِ غَ اللَّهْ نٜىٰ، مُوغَيٜىٰ نٜىٰ كُمَ!‏ سُنَسُواْ سُغَ عَلَمَ، عَمَّا بَذَاعَ نُونَ مُسُ وَتَ عَلَمَ بَ، سَيْدَيْ عَلَمَ تَأَنَّبِے يُونُسَ؞#مَتْ 16‏.4؛ مَرْ 8‏.12 40غَمَا يَدَّ يُونُسَ يَيِ ݣُونَ عُكُ دَرٜىٰ دَ رَانَ عَثِكِنْ ثِكِ نَبَبَّنْ كِيڢِ، حَكَمَا طَنْ مُتُمْ ذَيْ يِݣُونَ عُكُ دَرٜىٰ دَ رَانَ عَثِكِنْ ڧَسَا؞#يُونْ 1‏.17 41أَ رَانَرْ شَرِيعَ مُتَنٜىٰنْ نِنٜىٰبَ ذَاسُ تَاشِ تَرٜىٰدَ مُتَنٜىٰنْ زَامَانِنَّنْ، سُنُونَ وَمُتَنٜىٰنْ زَامَانِنَّنْ بَسُيِ دَيْدَيْبَ، دُواْمِنْ سُو سُنْ تُوبَ سَبُواْدَ وَعَظِنْ يُونُسَ؞ غَاشِ كُوَ وَنْدَ يَڢِ يُونُسَ يَنَ أَنَنْ؞#يُونْ 3‏.5 42أَ رَانَرْ شَرِيعَ، سَرَوْنِيَرْ شٜىٰبَ ذَاتَ تَاشِ تَرٜىٰدَ مُتَنٜىٰنْ زَامَانِنَّنْ، تَنُونَ مُسُ بَسُيِ دَيْدَيْبَ، دُواْمِنْ تَذُواْ نٜىٰ دَغَ وُرِے مَيْ نِيسَ سُواْسَيْ، دُواْمِنْ تَجِ كُواْيَرْوَرْ حِكِمَ تَسَرْكِے سُلَيْمَٰنُ؞ غَاشِ كُوَ وَنْدَ يَڢِ سُلَيْمَٰنُ يَنَ أَنَنْ؞»‏#1 سَرْ 10‏.1‏-10؛ 2 تَارْ 9‏.1‏-12

دَاوُاْوَرْ ڧَظَمِنْ رُوحُ

﴿لُكْ 11‏.24‏-26﴾

43‏«‏عِدَنْ ڧَظَامِنْ رُوحُ يَڢِتَ دَغَ جِكِنْ مُتُمْ، يَكَنْيِ تَيَٰوُاْ أَوُرَارٜىٰنْ دَ بَ ضُوَ دُواْمِنْ يَسَامِ وُرِنْ هُوتَوَا؞ عَمَّا عِدَنْ بَيْ سَامُبَ، 44سَيْيَثٜىٰ، ‏‹‏ذَنْ كُواْمَ غِدَانَ نَدَا عِنْدَ نَڢِتُواْ؞›‏ عِدَنْ يَا ذُواْ يَسَامُ بَا كُواْوَ يَكُمَغَا أَنْشَرٜىٰ، أَنْ‌ڠَرَ غِدَنْ، 45سَيْ يَكُواْمَ يَݣُوسُواْ وَطَنْسُ ڧَظَامَنْ رُوحُواْحِ غُدَا بَݣَويْ، وَطَنْدَ سُكَڢِيشِ مُغُنْتَا، سُذُواْ سُشِغَ سُذَوْنَ أَوُرِنْ؞ عَڧَرْشٜىٰ، ذَمَنْ مُتُمِنَّنْ ذَيْڢِ نَڢَرْكُوانْ مُونِ؞ حَكَ مَا ذَيْ ذَمَ غَ مُتَنٜىٰنْ وَنَّنْ زَامَانِ؞»‏

مَامَرْ عِيسَىٰ دَ یَنْعُوَنْسَ

﴿مَرْ 3‏.31‏-35؛ لُكْ 8‏.19‏-21﴾

46يَنَ كَنْ مَغَنَ دَ جَمَعَ كٜىٰنَنْ، سَيْغَا مَامَرْسَ دَ یَنْعُوَنْسَ سُنَ ڟَيٜىٰ أَوَجٜىٰ سُنَسُواْ سُيِ مَغَنَ دَشِ؞ 47سَيْ عَكَثٜىٰ مَسَ ‏«‏غَا مَامَرْكَ دَ یَنْعُوَنْكَ سُنَ ڟَيٜىٰ أَوَجٜىٰ سُنَ سُواْ سُيِ مَغَنَ دَكَيْ؞»‏

48سَيْيَثٜىٰ وَوَنَّنْ دَيَڢَطَا مَسَ ‏«‏وَثٜىٰثٜىٰ مَامَاتَ، كُمَ سُوَنٜىٰنٜىٰ یَنْعُوَنَ؟»‏ 49سَيْ يَنُونَ أَلْمَجِرَنْسَ دَ حَنُّنْسَ يَثٜىٰ ‏«‏غَا مَامَاتَ دَ یَنْعُوَنَ أَنَنْ؞ 50غَمَا دُكْ وَنْدَ يَيِ أَبِنْدَ عُبَانَ دَيَكٜىٰ ثِكِنْ سَمَ يَكٜىٰسُواْ، شِينٜىٰ طَنْعُوَنَ دَ یَرْعُوَتَ دَ كُمَ مَامَاتَ؞»‏

Currently Selected:

مَتِيُ 12: hauAS

Highlight

Copy