لُكَّ 21
21
بَيْكُوانْ مَثٜىٰنْدَ مِجِنْتَ يَمُتُ
﴿مَرْ 12.41-44﴾
1 عِيسَىٰ يَطَغَ كَيْ يَغَ وَطَنْسُ مَاسُ كُطِ سُنَسَا بَيْكُوانْسُ أَوُرِنْ ظُبَ بَيْكُواْ؞ 2سَيْ يَغَ وَتَ مَتَلَوْثِيَرْ دَ مِجِنْتَ يَمُتُ تَذُواْ تَسَا بَيْكُواْ نَیَنْ تَغُلَّ بِيُنْ دَ بَسُ كَيْ كُواْبُواْبَ؞ 3سَيْ عِيسَىٰ يَثٜىٰ «حَڧِيڧَ إِنَ غَيَ مُكُ، بَيْكُوانْ دَ مَتَلَوْثِيَرْ نَنْ تَسَا، يَڢِ نَسَوْرَنْ دُكَ؞ 4غَمَا دُكَنْسُ سُنْ بَايَرْ دَغَ يَوَنْ أَبِنْدَ سُكٜىٰ دَشِينٜىٰ، عَمَّا عِتَ كُوَ ثِكِنْ رَشِنْتَ تَسَا دُكْ طَنْ كُطِنْ دَ تَكٜىٰدَشِ أَ رَايُوَرْتَ؞»
عِيسَىٰ يَيِ مَغَنَ عَكَنْ رُشٜىٰوَرْ هَيْكَلِ
﴿مَتْ 24.1-2؛ مَرْ 13.1-2﴾
5وَطَنْسُ سُكَ ڢَارَ مَغَنَ عَكَنْ هَيْكَلِ دَ أَدُوانْ دُوَڟُو مَاسُ دَرَجَرْ دَ عَكَ غِنَاشِ دَسُو دَ كُمَ إِرِنْ ݣَوْتَنْ دَ عَكَيِ مَسَ أَدُواْ دَسُو؞ سَيْ عِيسَىٰ يَثٜىٰ، 6«غَمٜىٰ دَ أَبُبُوَنَّنْ دَ كُكٜىٰ كَلُّواْ نٜىٰ، تُواْ، لُواْكَثِ يَنَ ذُوَا دَ بَا وَنِ دُوڟٜىٰنْ دَذَاعَ بَرِ نَنْ عَكَنْ طَنْعُوَنْسَ، كُواْوَنّٜىٰنْسُ ذَاعَ رُشٜىٰشِ؞»
ڢَرْكُوانْ وَهَلَ
﴿مَتْ 24.3-14؛ مَرْ 13.3-13﴾
7سَيْ سُكَ تَمْبَيٜىٰشِ سُكَثٜىٰ «مَلَمْ، يَوْشٜىٰ وَنَّنْ ذَيْ ڢَرُ؟ وَثٜىٰ عَلَمَثٜىٰ كُمَ ذَاعَ غَنِ سَعَدَّ أَبُبُوَنَّنْ ذَاسُ ڢَرُ؟»
8سَيْ يَثٜىٰمُسُ «كُلُورَ ڢَا، كَدَ وَنِ يَرُوطٜىٰكُ؞ دُواْمِنْ مُتَنٜىٰ دَيَوَ ذَاسُذُواْ عَثِكِنْ سُونَنَ، سُنَ ثٜىٰوَ ‹أَيْ، نِنٜىٰ شِ!› دَكُمَ، ‹لُواْكَثِ يَيِ!› كَدَ ڢَا كُبِيسُ؞ 9كَدَ مَا كُجِڟُواْرُواْ إِنْ كُنْجِ لَابَرِنْ يَاڧٜىٰ يَاڧٜىٰ دَ تَاشِنْ حَنْكَلِ؞ لَلَّيْنٜىٰ وَنَّنْ يَڢَارَ ذُوَا، عَمَّا ڧَرْشٜىٰنْ بَيْذُواْ بَتُكُنَ؞»
10يَثِيغَبَدَ ثٜىٰوَ «أَلْعُمَّ ذَاتَ تَاسَرْوَ أَلْعُمَّ، مُلْكِ يَتَاسَرْ وَمُلْكِ؞ 11ذَاعَيِ مُومُّنَرْ ضَوَرْ ڧَسَا دَ يُنْوَ دَ بَلَعِ أَوُرَارٜىٰ دَبَمْ دَبَمْ؞ ذَاعَغَ أَبُبُوَ مَاسُ بَنْڟُواْرُواْ دَ عَلَمُ مَاسُ بَنْ مَامَاكِ سُنَ ڢِتُواْوَ دَغَ سَمَ؞ 12كَاڢِنْ دُكْ أَبُبُوَنَّنْ سُڢَرُ، ذَاسُ كَامَكُ، سُبَادَكُو دُوانْ أَڟَنَنْتَ مُكُ؞ ذَاعَكَيْكُ غَبَنْ مَجَمِعُ عَكُمَ سَاكُ عَكُرْكُكُ؞ ذَاعَكُمَ كَيْكُ غَبَنْ سَرَاكُنَ دَ شُوغَبَنِّ سَبُواْدَ سُونَنَ؞ 13وَنَّنْ نٜىٰ ذَيْبَاكُ دَامَ كُيِ شَيْدَرْ لَابَرِنَ؞ 14سَبُواْدَ حَكَ سَيْ كُشِرْيَ أَ رَنْكُ تُنْدَ وُرِے عَكَنْ بَذَاكُ دَامُ دَ يَدَّ ذَاكُكَارٜىٰ كَنْكُبَ؞ 15غَمَا ذَنْبَاكُ كَلْمُواْمِ دَ حِكِمَ يَدَّ كُواْ طَيَ دَغَ ثِكِنْ مَاسُ غَابَادَكُو بَذَيْ عِيَ جُويٜىٰ مَغَنَرْ كُواْ يَيِ مُسُونْ أَبِنْدَ كُكَثٜىٰبَ؞#لُكْ 12.11-12 16حَرْ إِيَايٜىٰنْكُ مَا دَ یَنْعُوَنْكُ دَ دَنْغِنْكُ دَ أَبُواْكَنْكُ ذَاسُ بَاشٜىٰكُ، سُكُمَسَا عَكَشٜىٰ وَطَنْسُنْكُ؞ 17كُواْوَ ذَيْڧِيكُ سَبُواْدَ سُونَنَ؞ 18عَمَّا بَا كُواْطَيَ دَغَ ثِكِنْ غَاشِنْ كَنْكُ دَظَيْ ٻَتَ؞ 19عِدَنْ كُكَجِمْرٜىٰ، ذَاكُ ڟِيرَا؞
عِيسَىٰ يَڢَطَا يَدَّ عُرُوشَلِيمَ ذَاتَ ڢَاطِ
﴿مَتْ 24.15-28؛ مَرْ 13.14-23﴾
20«سَعَدَّ كُكَغَ سُواْجُواْجِ سُنْ كٜىٰوَيٜىٰ عُرُوشَلِيمَ، ذَاكُ سَنِ ثٜىٰوَ أَنْيِ كُسَ أَ رُشٜىٰتَ؞ 21تُواْ، سَيْ وَطَنْدَ سُكٜىٰ ثِكِنْ يَنْكِنْ يَهُودِيَ، سُغُدُ ذُوَا ثِكِنْ تُدَّيْ؞ وَطَنْدَ سُكٜىٰ عَبِرْنِ كُمَ سُڢِتَ، وَطَنْدَ سُكٜىٰ عَڧَوْيٜىٰ كُمَ كَدَ سُشِغَ بِرْنِنْ؞ 22غَمَا ݣُونَكِنَّنْ ݣُونَكِنْ حُكُنْثِ نٜىٰ، دُوانْ دُواْلٜىٰنٜىٰ عَثِكَ دُكْ أَبِنْدَ رُبُوتَثِّيَرْ مَغَنَرْ اللَّهْ تَثٜىٰ؞#يُوشْ 9.7 23كَيْتُوانْ مَاتَا مَاسُثِكِ دَ مَاسُ غُواْيُواْ أَوَنَّنْ لُواْكَثِ! غَمَا مُومُّنَرْ وَهَلَ ذَاتَ شِغَ ڧَسَرْ، كُمَ ڢُشِنْ اللَّهْ ذَيْ سَوْكُواْ عَكَنْ مُتَنٜىٰنَّنْ؞ 24ذَاعَكَشٜىٰ وَطَنْسُ عَيَاڧِ، عَكُمَ كَامَ وَطَنْسُ عَكَيْسُ بَوْتَا أَوَطَنْسُ ڧَسَاشٜىٰ؞ وَطَنْدَ بَا يَهُودَاوَا بَ ذَاسُ ڟَنَنْتَاوَ عُرُوشَلِيمَ، حَرْ سَيْ لُواْكَثِنْسُ يَثِكَ؞
دَاوُاْوَرْ طَنْ مُتُمْ
﴿مَتْ 24.29-31؛ مَرْ 13.24-27﴾
25«ذَاعَكُمَغَ عَلَمُ مَاسُبَنْ ڟُواْرُواْ أَجِكِنْ رَانَ دَ وَتَ دَ تَوْرَرِ؞ عَدُونِيَا كُمَ أَلْعُمَّيْ ذَاسُ ضِكِثِے دُوانْ ڟُواْرُواْ سَبُواْدَ تَڢَسَ دَ هَوْكَنْ تٜىٰكُ؞ 26مُتَنٜىٰ ذَاسُ سُومَ دُوانْ ڟُواْرُواْ، ذَاسُ كُمَ رَظَنَ دَ غَنِنْ أَبُبُوَنْ دَسُكٜىٰ ڢَرُوَ غَ دُونِيَا؞ غَمَا ذَاعَ غِرْغِظَ إِيكُواْكِنْ سَرَرِنْ سَمَ؞#عِشـ 13.10؛ هِظْ 32.7؛ يُواوْ 3.4؛ رُعُيَ 6.12-13 27سَعَنً ذَاعَ غَ طَنْ مُتُمْ يَنَ ذُوَا عَثِكِنْ غِرْغِجٜىٰ تَرٜىٰدَ إِيكُواْ دَ طَوْكَكَ مَيْ يَوَ؞#دَانْ 7.13؛ رُعُيَ 1.7 28عِدَنْ وَطَنَّنْ أَبُبُوَ سُكَ ڢَارَ ڢَرُوَ، كُشِرْيَ كَنْكُ سُواْسَيْ دُواْمِنْ ثٜىٰتُوانْكُ يَيِكُسَ؞»
كُواْيَرْوَا عَكَنْ إِتَاثٜىٰنْ ٻَوْرٜىٰ
﴿مَتْ 24.32-35؛ مَرْ 13.28-31﴾
29سَيْ عِيسَىٰ يَبَاسُ وَنِ مِصَالِ يَثٜىٰ «كُدُوبَ إِتَاثٜىٰنْ ٻَوْرٜىٰ دَ سَوْرَنْ عِتَتُوَ مَنَ؞ 30دَظَرَرْ سُنْڢَارَ ڢِتَرْدَ سَابَبِّنْ غَنْيٜىٰ، كُو دَكَنْكُ كُنْسَنْ ثٜىٰوَ دَامِنَ تَيِكُسَ كٜىٰنَنْ؞ 31حَكَ مَا، عِدَنْ كُكَغَ وَطَنَّنْ أَبُبُوَ سُنَ ڢَرُوَ، كُسَنِ مُلْكٍ اللَّهْ يَيِكُسَ؞
32«حَڧِيڧَ إِنَ غَيَ مُكُ مُتَنٜىٰنْ زَامَانِنَّنْ بَذَاسُ مُتُبَ سَيْ دُكَنْ أَبُبُوَنَّنْ سُنْ ڢَرُ؞ 33سَمَ دَ دُونِيَا ذَاسُ شُوطٜىٰ، عَمَّا كَلْمَتَ بَذَاتَ شُوطٜىٰبَ كُواْ كَطَنْ؞
غَرْغَطِ عَكَنْ ذَمَ دَ شِرِ
34«كُذَوْنَ أَشِرْيٜىٰ ڢَا؞ كَدَ كُبَرْ ثِيٜىٰ ثِيٜىٰ دَ بُغُوَ دَ دَامُوَرْ رَايُوَرْ دُونِيَا سُطَوْكِ حَنْكَلِنْكُ؞ عِدَنْ بَهَكَبَ، رَانَرْ نَنْ ذَاتَ ذُواْ بَا لَابَرِ تَثَڢْكٜىٰكُ 35كَمَرْ تَرْكُواْ؞ غَمَا ذَاتَ ذُواْ عَكَنْ كُواْوَ دَيَكٜىٰ ذَمَ عَدُونِيَا دُكَ؞ 36كُذَوْنَ أَشِرْيٜىٰ ڢَا، كُنَ أَدُّعَ كُلُّمْ دُوانْ كُسَامِ ڧَرْڢِنْ كُٻُثٜىٰ وَدُكَنْ وَطَنَّنْ أَبُبُوَنْ دَ ذَاسُ ڢَرُ، كُكُمَ ڟَيَ أَغَبَنْ طَنْ مُتُمْ؞»
37كُواْوَثٜىٰ رَانَ، عِيسَىٰ يَكَنْيِ كُواْيَرْوَا أَهَيْكَلِ، عَمَّا عِدَنْ يَمَّ تَيِ سَيْ يَڢِتَ يَجٜىٰ تُدُنْ عِتَتُوَنْ ظَيْتُنْ يَݣُونَ عَثَنْ؞ 38دَ سَسَّڢٜىٰ كُمَ دُكَنْ مُتَنٜىٰ سُكَنْ ذُواْ وُرِنْسَ أَهَيْكَلِ سُجِيشِ؞
Currently Selected:
لُكَّ 21: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
