لُكَّ 20
20
أَنَ شَكَّرْ إِظْنِنْ عِيسَىٰ
﴿مَتْ 21.23-27؛ مَرْ 11.27-33﴾
1وَتَرَانَ عِيسَىٰ يَشِغَ هَيْكَلِ يَنَ كُواْيَرْوَا، يَنَ كُمَ وَعَظِنْ لَابَرِ مَيْ دَاطِے غَ مُتَنٜىٰ، سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى تَرٜىٰدَ شُوغَبَنِّنْ جَمَعَ سُكَذُواْ 2سُكَثٜىٰمَسَ «غَيَ مَنَ إِظْنِنْ دَ كَكٜىٰ دَشِ دَ كَكٜىٰيِنْ وَطَنَّنْ أَبُبُوَ؞ وَيَبَاكَ إِظْنِنْ؟»
3 عِيسَىٰ يَأَمْسَ مُسُ يَثٜىٰ «نِے مَا ذَنْيِ مُكُ وَتَ تَمْبَيَ؞ كُغَيَ مِنِ، 4إِظْنِنْ دَ يَحْيَى يَيِ بَڢْتِسْمَ دَشِ، اللَّهْ نٜىٰ يَبَاشِ، كُواْ كُوَ مُتُمْ؟»
5سَيْ سُكَ تَتَّوْنَ أَ جُونَنْسُ، سُنَ ثٜىٰوَ «عِدَنْ مُنْ ثٜىٰ، ‹دَغَ وُرِنْ اللَّهْ يَا ذُواْ،› ذَيْثٜىٰ، ‹دُوانْمٜىٰ بَكُ غَسْكَتَ شِيبَ؟› 6إِنْكُمَ مُكَثٜىٰ، ‹دَغَ مُتُمْ نٜىٰ،› يَوَنْ مُتَنٜىٰنَّنْ ذَاسُ جٜىٰجّٜىٰڢٜىٰمُ دَ دُوَڟُو، دُواْمِنْ كُواْوَ يَيَرْدَ ثٜىٰوَ يَحْيَى أَنَّبِنٜىٰ؞» 7دُواْمِنْ حَكَ سُكَثٜىٰ مَسَ «بَمُسَنْ عِنْدَ يَڢِتُواْبَ؞»
8سَيْ عِيسَىٰ يَثٜىٰمُسُ «نِے مَا بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ وَطَنَّنْ أَبُبُوَبَ؞»
مِصَالِ نَمَاسُ كَرْٻَرْ هَيَرْ غُواْنَرْ إِنَبِے
﴿مَتْ 21.33-46؛ مَرْ 12.1-12﴾
9سَيْ عِيسَىٰ يَغَيَ وَمُتَنٜىٰ وَنَّنْ مِصَالِ يَثٜىٰ «أَنْ تَٻَيِنْ وَنِ مُتُمِنْ دَ يَيِ غُواْنَرْ إِنَبِے، سَيْ يَبَادَ هَيَرْتَ غَ وَطَنْسُ مَنُواْمَ، سَعَنً يَتَڢِے وَتَ ڧَسَا، يَكُمَ دَطٜىٰ عَثَنْ؞ #عِشـ 5.1 10دَ لُواْكَثِنْ غِرْبِنْ إِنَبِنْ يَيِ، سَيْ يَعَيْكِ وَنِ بَاوَنْسَ يَجٜىٰ وُرِنْ وَطَنَّنْ دَ سُكَ كَرْٻِ هَيَرْ غُواْنَرْ، يَكَرْٻُواْ مَسَ وَطَنْسُ یَیَنْ إِنَبِے دَغَ غُواْنَرْ؞ عَمَّا یَنْ هَيَرْ سُكَيِ مَسَ دُوكَ، سُكَ سَلَّمٜىٰشِ حَنُّ وُاْڢِ؞ 11سَيْ مُتُمِنَّنْ يَسَاكٜىٰ عَيْكِ وَنِ بَاوَ، عَمَّا وَطَنَّنْ یَنْ هَيَرْ سُكَيِ مَسَ دُوكَ شِيمَا، سُكَ كُمَ وُلَڧَنْتَشِ سُكَ سَلَّمٜىٰشِ حَنُّ وُاْڢِ؞ 12هَرْوَيَوْ مُتُمِنْ يَعَيْكِ وَنِ بَاوَ نَعُكُ، شِيكُمَ سُكَيِ مَسَ ثِيوُاْ، سُكَجٜىٰڢَشِ وَجٜىٰ؞ 13سَعَنً مُتُمِنَّنْ مَيْ غُواْنَرْ إِنَبِنْ يَثٜىٰ، ‹يَنْذُ مٜىٰ ذَنْيِ؟ ذَنْ عَيْكِ طَانَ وَنْدَ نَكٜىٰ ڧَوْنَ، نَسَنْ لَلَّيْ ذَاسُ بَاشِ غِرْمَ!› 14عَمَّا دَ یَنْ هَيَرْ سُكَ غَنْشِ، سُكَثٜىٰ وَجُونَ، ‹أَهَ! غَا وَنْدَ ذَيْثِ غَادُوانْ غُواْنَرْ، بَرِ مُكَشٜىٰشِ، دُوانْ غَادُوانْسَ يَذَمَ نَامُ!› 15سَيْ سُكَ وُرْغَشِ عَبَايَنْ كَتَنْغَ، سُكَ كَشٜىٰشِ؞
«تُواْ، مٜىٰكُكٜىٰ ڟَمَّنِ مَيْ غُواْنَرْ نَنْ ذَيْ يِدَ یَنْ هَيَرْ نَنْ؟ 16ذَيْذُواْ يَهَلَّكَ یَنْ هَيَرْ نَنْ، يَبَا وَطَنْسُ هَيَرْ غُواْنَرْ؞»
دَمُتَنٜىٰ سُكَجِ حَكَ سُكَثٜىٰ «اللَّهْ يَسَوَّڧٜىٰ!»
17عَمَّا عِيسَىٰ يَدُوبٜىٰسُ يَثٜىٰ «مٜىٰنٜىٰنٜىٰ نُڢِنْ وَنَّنْ أَيَ عَثِكِنْ رُبُوتَثِّيَرْ مَغَنَرْ اللَّهْ؟
« ‹دُوڟٜىٰنْ دَ مَاسُ غِنِ سُكَڧِ،
شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ!› » #زَبُو 118.22
18«دُكْ وَنْدَ يَڢَاطِ عَكَنْ وَنَّنْ دُوڟٜىٰنْ، ذَيْ هَلَّكَ، كُمَ عِدَنْ دُوڟٜىٰنَّنْ يَڢَاطِ عَكَنْ وَنِ، ذَيْ نِڧَشِ يَذَمَ كَمَرْ غَارِ؞»
تَمْبَيَ غَمٜىٰدَ بِيَنْ هَرَاجِ غَ كَيْسَرْ
﴿مَتْ 22.15-22؛ مَرْ 12.13-17﴾
19أَ نَنْ نٜىٰ مَلَمً كُواْيَرْوَرْ مُوسَٰى دَ مَنْيَنْ ڢِرِسْتُواْثِے سُكَسُواْ سُكَامَ عِيسَىٰ، دُواْمِنْ سُنْ غَانٜىٰ ثٜىٰوَ يَيِ وَنَّنْ مِصَالِ عَكَنْسُ نٜىٰ، عَمَّا سُنْجِڟُواْرُوانْ مُتَنٜىٰ؞ 20سَيْ سُكَ نٜىٰمِ حَنْيَ، سُكَبِيَ وَطَنْسُ مُتَنٜىٰ سُيِ كَمَرْ سُو مَاسُ كِرْكِنٜىٰ؞ سُكَ عَيْكٜىٰسُنٜىٰ سُسَاوَ عِيسَىٰ تَرْكُواْ دَ إِرِنْ تَمْبَيُواْيِنْ دَ ذَاسُيِ مَسَ دَ نُڢِنْ سُبَادَشِ غَ إِيكُواْ دَ كُمَ حُكُنْثِنْ مَيْمُلْكِ؞ 21وَطَنْدَ عَكَ عَيْكَ كُوَ سُكَ تَمْبَيِ عِيسَىٰ، سُكَثٜىٰ «مَلَمْ، مُنْ سَنِ ثٜىٰوَ مَغَنَرْكَ دَ كُواْيَرْوَرْكَ غَسْكِيَانٜىٰ، مُنْ كُمَ سَنِ بَاكَ نُونَ بَمْبَنْثِ، كُمَ كَنَ كُواْيَرْ دَ حَنْيَرْ اللَّهْ ثِكِنْ غَسْكِيَ؞ 22تُواْ، كَنَ غَنِ دَيْدَيْنٜىٰ مُبِيَ وَكَيْسَرْ هَرَاجِ، كُواْ أَعَ؟»
23عَمَّا عِيسَىٰ يَغَانٜىٰ وَيُوانْسُ، سَيْيَثٜىٰمُسُ 24«نُونَ مِنِ دِنَرِ؞ حُواْتُوانْ وَ دَ سُونَنْ وَنٜىٰنٜىٰ عَكَنْسَ؟»
سُكَ أَمْسَ «نَكَيْسَرْ نٜىٰ؞»
25سَيْ يَثٜىٰ «تُواْ، سَيْ كُبَا كَيْسَرْ أَبِنْدَ يَكٜىٰ نَكَيْسَرْ، كُكُمَبَا اللَّهْ أَبِنْدَ يَكٜىٰ نَ اللَّهْ؞»
26أَ نَنْ كُمَ سُكَ كَاسَ كَامَشِ دَ مَغَنَ أَغَبَنْ مُتَنٜىٰ؞ سَيْ سُكَيِ شِضُ سُنَ مَامَاكِنْ وَنَّنْ أَمْسَرْدَ يَبَاسُ؞
تَمْبَيَ عَكَنْ تَاشِنْ مَتَتُّو
﴿مَتْ 22.23-33؛ مَرْ 12.18-27﴾
27سَيْغَا وَطَنْسُ سَدُوكِيَاوَا،#20.27 سَدُوكِيَاوَا: دُوبِے مَعَنَرْ وَطَنْسُ كَلْمُواْمِ؞ #أَيُّكَنْ 23.8 وَطَنْدَ سُكٜىٰثٜىٰوَ وَيْ بَابُ تَاشِنْ مَتَتُّو، سُنْ ذُواْ وُرِنْ عِيسَىٰ، سُكَثٜىٰ 28«مَلَمْ، مُوسَٰى يَرُبُوتَ مَنَ وَنَّنْ عُمَرْنِ ثٜىٰوَ ‹عِدَنْ مُتُمْ يَمُتُ يَبَرْ مَاتَرْسَ بَا یَیَ، يَا كَمَاتَ طَنْعُوَنْسَ يَ عَوْرٜىٰتَ دُواْمِنْ يَسَامُواْ مَسَ یَیَ؞› #مَيْ شَـ 25.5 29تُواْ، أَنْتَٻَ يِنْ وَطَنْسُ مُتَنٜىٰ سُو بَݣَويْ، دُكْ یَنْعُوَنْ جُونَ؞ بَبَّنْ يَيِ عَوْرٜىٰ يَمُتُ بَا يَرُواْ؞ 30نَبِيُنْ يَ عَوْرِ مَاتَرْ، يَمُتُ بَا يَرُواْ؞ 31نَعُكُنْ مَا حَكَ؞ سَيْ يَذَمَ دُكَنْسُ بَݣَويْ طِنْ سُنْ عَوْرِ مَثٜىٰنَّنْ، عَمَّا سَيْ سُكَ مُتُ بَابُ یَیَ؞ 32عَڧَرْشٜىٰ كُمَ، عِتَ مَثٜىٰنْ تَمُتُ؞ 33تُواْ، عَتَاشِنْ مَتَتُّو، مَاتَرْ وَ ذَاتَ ذَمَ؟ غَمَا دُكْ بَݣَويْ طِنْ سُنْ عَوْرٜىٰتَ؞»
34 عِيسَىٰ يَثٜىٰمُسُ «أَ زَامَانِنَّنْ مَظَا سُنَ عَوْرٜىٰ، أَنَ كُمَ بَادَ مَاتَا غَ عَوْرٜىٰ؞ 35عَمَّا وَطَنْدَ ذَاسُ ثَنْثَنْثِ تَاشِ دَغَ مَتَتُّو سُكُمَ ذَوْنَ أَظَامَانِ مَيْ ذُوَا بَذَاسُيِ عَوْرٜىٰبَ، بَذَاعَ كُمَ عَوْرَرْ دَسُوبَ؞ 36غَمَا بَايَ يِوُوَ سُسَاكٜىٰ مُتُوَ سَبُواْدَ ذَاسُذَمَ كَمَرْ مَلاَىِٕكُ؞ ذَاسُ كُوَ ذَمَ یَیَنْ اللَّهْ كٜىٰنَنْ سَبُواْدَ سُنْ تَاشِ دَغَ مَتَتُّو؞ 37أَيْ، مُوسَٰى يَكُمَ نُونَ أَڢِيلِ ثٜىٰوَ وَطَنْدَ سُكَ مُتُ ذَاسُ تَاشِ؞ أَ لَابَرِنْ ڧَرَمِنْ إِتَاثٜىٰنْدَ يَثِ وُتَا، يَيِ مَغَنَ عَكَنْ عُبَنْغِجِ ثٜىٰوَ ‹شِينٜىٰ اللَّهْ نَ إِبْرَٰهِيمْ، اللَّهْ نَ إِسْحَٰڧَ دَ كُمَ اللَّهْ نَ يَعْڧُوبَ›؞ #ڢِتْ 3.6 38شِے بَ اللَّهْ نَمَتَتُّو بَنٜىٰ، عَمَّا نَمَاسُ رَيْ؞ وَنَّنْ يَنُونَ ثٜىٰوَ أَغَرٜىٰشِ كُواْوَ مَيْ رَيْنٜىٰ؞»
39سَيْ وَطَنْسُ مَلَمً كُواْيَرْوَرْ مُوسَٰى سُكَيِ مَغَنَ سُكَثٜىٰ «مَلَمْ كَا ڢَطَا دَيْدَيْ!» 40دَغَ نَنْ كُمَ بَسُيِ ڧَرْڢِنْ حَلِ سُڧَارَ تَمْبَيَرْسَ وَنِ أَبُبَ؞
تَمْبَيَ عَكَنْ أَلْمَسِيحُ
﴿مَتْ 22.41-46؛ مَرْ 12.35-37﴾
41 عِيسَىٰ يَتَمْبَيٜىٰسُ يَثٜىٰ «يَيَ ذَاعَ ثٜىٰ أَلْمَسِيحُ طَنْ دَاوُدَ نٜىٰ؟ 42دَاوُدَ دَكَنْسَ يَثٜىٰ أَلِتَّڢِنْ زَبُورَا،
« ‹عُبَنْغِجِ يَثٜىٰ وَ عُبَنْغِجِنَ،
«ذَوْنَ أَهَنُّنْ دَامَنَ،
43سَيْ نَسَا أَبُواْكَنْ غَابَنْكَ
عَڧَرْڧَشِنْ ڧَڢَاڢُنْكَ؞» › » #زَبُو 110.1
44«دَاوُدَ يَثٜىٰ دَ أَلْمَسِيحُ ‹عُبَنْغِجِ؞› تُواْ، يَيَ كُمَ ذَاعَ ثٜىٰ دَشِ طَنْ دَاوُدَ؟»
عِيسَىٰ يَتُواْنَ أَسِيرِنْ مَلَمً كُواْيَرْوَرْ مُوسَٰى
﴿مَتْ 23.1-36؛ مَرْ 12.38-40؛ لُكْ 11.37-54﴾
45 عِيسَىٰ يَغَيَ وَ أَلْمَجِرَنْسَ أَغَبَنْ مُتَنٜىٰ ثٜىٰوَ 46«كُيِ حَنْكَلِ دَ مَلَمً كُواْيَرْوَرْ مُوسَٰى، سُو مَاسُسُوانْ سَا مَنْيَنْ رِيغُنَ سُنَ يَٰوُاْ، مَاسُسُواْ أَغَيْشٜىٰسُ عَكَاسُوَ، مَاسُ سُواْ عَبَاسُ وُرَارٜىٰنْ ذَمَ مَاسُ دَرَجَ أَ مَجَمِعُ دَ وُرَارٜىٰنْ ذَمَ مَاسُ ݣَوْ أَوُرِنْ بِكِ؞ 47سُونٜىٰ مَاسُثِنْ كَايَنْ مَاتَانْدَ مَذَنْسُ سُكَ مُتُ، سَعَنً سُيِ دُواْغُوَرْ أَدُّعَ دُوانْ أَغَنْسُ؞ أَيْ، سُو ذَاسُشَا حُكُنْثِ مَڢِے ڟَنَنِ؞»
Currently Selected:
لُكَّ 20: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
