لُكَّ 22
22
شُوغَبَنِّ سُنْيِ شَوَرَا سُكَشٜىٰ عِيسَىٰ
﴿مَتْ 26.1-5؛ مَرْ 14.1-2؛ يَحـ 11.45-53﴾
1تُواْ، لُواْكَثِنْ بِكٍ غُرَاسَرْ مَرَرْ يِسْتِنْ دَ عَكٜىٰثٜىٰ دَشِ «بِكٍ ڧٜىٰتَرٜىٰوَ» يَيِكُسَ؞ 2سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَيِ تَنٜىٰمَنْ يَدَّ ذَاسُ كَشٜىٰ عِيسَىٰ؞ سُنْ نٜىٰمَ سُيِ حَكَ عَٻُواْيٜىٰ غَمَا سُنَ جِنْ ڟُواْرُوانْ مُتَنٜىٰ؞
يَهُودَ يَيَرْدَ يَبَادَ عِيسَىٰ
﴿مَتْ 26.14-16؛ مَرْ 14.10-11﴾
3سَيْ شَيْطَنْ يَشِغَ ثِكِنْ ذُوثِيَارْ يَهُودَ وَنْدَ عَكٜىٰثٜىٰ دَشِ إِسْكَرِيُواْتِ، طَيَ دَغَ ثِكِنْ أَلْمَجِرَيْ شَا بِيُنَّنْ؞ 4سَيْ يَجٜىٰ يَيِ مَغَنَ دَ مَنْيَنْ ڢِرِسْتُواْثِے دَ شُوغَبَنِّنْ مَاسُ غَادِنْ هَيْكَلِ عَكَنْ يَدَّ ذَيْبَادَ عِيسَىٰ غَرٜىٰسُ؞ 5سُكَيِ مُرْنَ سُواْسَيْ، سُكَ شِرْيَ عَكَنْ ذَاسُ بِيَشِ كُطِ؞ 6يَهُودَ كُوَ يَيَرْدَ دَ حَكَ، يَڢَارَ نٜىٰمَنْ حَنْيَرْ دَ ذَيْبَادَ عِيسَىٰ غَرٜىٰسُ بَادَ سَنِنْ مُتَنٜىٰبَ؞
عِيسَىٰ يَشِرْيَ ثِنْ بِكٍ ڧٜىٰتَرٜىٰوَ
﴿مَتْ 26.17-25؛ مَرْ 14.12-21؛ يَحـ 13.21-30﴾
7دَ رَانَرْ بِكٍ غُرَاسَرْ مَرَرْ يِسْتِ تَكٜىٰوَيُواْ، وَتُواْ رَانَرْ دَ ذَاعَ يَنْكَ طَنْ ضَغُواْ نَبِكٍ ڧٜىٰتَرٜىٰوَ، 8عِيسَىٰ يَعَيْكِ بِتْرُسْ دَ يَحْيَى يَثٜىٰمُسُ «كُجٜىٰ كُشِرْيَ مَنَ عَبِنْثِنْ ڧٜىٰتَرٜىٰوَ مُثِ؞»
9سُكَ تَمْبَيٜىٰشِ سُكَثٜىٰ «إِنَا كَكٜىٰسُواْ مُجٜىٰ مُشِرْيَشِ؟»
10يَثٜىٰ مُسُ «دَكُنْ شِغَ ثِكِنْ غَرِ، ذَاكُ سَدُ دَ وَنِ مُتُمْ رِڧٜىٰ دَ تُلُنْ ضُوَ؞ كُبِيشِ ذُوَا غِدَنْ دَ ذَيْ شِغَ؞ 11كُثٜىٰ وَمَيْغِدَنْ، ‹مَلَمْ نٜىٰ يَعَيْكٜىٰمُ مُثٜىٰ مَكَ «إِنَا طَاكِنْ دَنِے دَ أَلْمَجِرَيْنَ ذَامُثِ عَبِنْثِنْ ڧٜىٰتَرٜىٰوَ؟» › 12ذَيْ نُونَ مُكُ وَنِ بَبَّنْ طَاكِنْ سَمَ أَشِرْيٜىٰ؞ أَ نَنْ ذَاكُ شِرْيَ مَنَ كُواْمٜىٰ؞»
13سَيْ سُكَ تَڢِے، سُكَ كُمَ سَامِ كُواْمٜىٰ دَيْدَيْ كَمَرْ يَدَّ عِيسَىٰ يَڢَطَا مُسُ، سُكَ كُمَ شِرْيَ عَبِنْثِنْ بِكٍ ڧٜىٰتَرٜىٰوَ؞
جِيبِنْ عُبَنْغِجِ
﴿مَتْ 26.26-30؛ مَرْ 14.22-26؛ 1 كُوارْ 11.23-25﴾
14دَ لُواْكَثِ يَيِ، سَيْ عِيسَىٰ يَذَوْنَ تَرٜىٰدَ مَنْذَنِّےنْسَ دُوانْ ثِنْ عَبِنْثِ؞ 15سَيْ يَثٜىٰ مُسُ «نَيِ مَرْمَرِ إِنْثِ وَنَّنْ بِكٍ ڧٜىٰتَرٜىٰوَ تَرٜىٰدَكُو كَاڢِنْ إِنْشَا وَهَلَ! 16إِنَ دَيْ غَيَ مُكُ، بَذَنْ ڧَارَ ثِنْ بِكِنَّنْبَ، سَيْ مَعَنَرْسَ تَثِكَ أَمُلْكٍ اللَّهْ؞»
17سَيْ يَطَوْكِ ݣُوڢْ، يَيِ غُواْدِيَ غَ اللَّهْ، يَثٜىٰ «كُكَرْٻَ كُرَرَّبَ ڟَكَانِنْكُ؞ 18إِنَ غَيَ مُكُ ثٜىٰوَ دَغَ يَنْذُ بَذَنْ ڧَارَ شَنْ وَنَّنْ ضُوً إِنَبِبَ سَيْ مُلْكٍ اللَّهْ يَا ذُواْ؞»
19سَيْ يَطَوْكِ غُرَاسَ، يَيِ غُواْدِيَ غَ اللَّهْ، يَكَكَّرْيَشِ، يَكُمَبَاسُ، يَنَ ثٜىٰوَ «وَنَّنْ جِكِينَ نٜىٰ وَنْدَ ذَاعَ بَايَرْ دُواْمِنْكُ؞ كُدِنْغَ يِنْ حَكَ دُوانْ تُنَاوَا دَنِے؞» 20حَكَكُمَ، بَايَنْ جِيبِنْ، يَطَوْكِ ݣُوڢْ، يَثٜىٰ «وَنَّنْ ݣُوڢْ نَسَابُوَرْ يَرْجٜىٰجٜىٰنِيَثٜىٰ وَدَّ عَكَ تَبَّتَرْ دَ جِنِنَ وَنْدَ ذَاعَ ظُبَرْ دُواْمِنْكُ؞#22.20 وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ سَاشٜىٰ نَأَيَ تَغُواْمَشَا تَرَ دَ كُمَ أَيَ تَعَشِرِنْ غَبَاطَيَ؞ 21عَمَّا غَاشِ وَنْدَ ذَيْ بَاشٜىٰنِ يَنَثِ تَرٜىٰدَنِ! 22طَنْ مُتُمْ ذَيْ مُتُ كَمَرْ يَدَّ عَكَ شِرْيَ، عَمَّا كَيْتُوانْ مُتُمِنْدَ يَبَادَشِ!»
23سَيْ أَلْمَجِرَنْ سُكَ ڢَارَ تَمْبَيَرْ جُونَ كُواْ وَنٜىٰنٜىٰ عَثِكِنْسُ ذَيْ يِهَكَ؞
غَرْدَمَ عَكَنْ كُواْ وَنٜىٰنٜىٰ بَبَّ
24سَيْ غَرْدَمَ تَتَاشِ عَثِكِنْ أَلْمَجِرَنْ عَكَنْ وَنٜىٰنٜىٰ عَثِكِنْسُ ذَيْ ذَمَ بَبَّ؞ #مَتْ 18.1؛ مَرْ 9.34؛ لُكْ 9.46 25عِيسَىٰ يَثٜىٰمُسُ «سَرَاكُنَنْ مُتَنٜىٰنْدَ بَسُ سَنْ اللَّهْ بَ سُكَنْ نُونَ وَمُتَنٜىٰنْسُ إِيكُواْ، كُمَ شُوغَبَنِّنْسُ سُكَنْثٜىٰ دَكَنْسُ ‹مَاسُ تَيْمَكُوانْ مُتَنٜىٰ؞› 26عَمَّا كَدَ يَذَمَ حَكَ أَڟَكَانِنْكُ؞ أَ مَيْمَكُوانْ حَكَ، بَرِ بَبَّ عَثِكِنْكُ يَذَمَ كَمَرْ ڧَرَمِ، شُوغَبَا كُمَ يَذَمَ كَمَرْ بَاوَ؞ #مَتْ 20.25-27؛ مَرْ 10.42-44 #مَتْ 23.11؛ مَرْ 9.35 27وَنٜىٰنٜىٰ يَڢِ غِرْمَ، شِے وَنْدَ يَذَوْنَ يَنَثِ نٜىٰ، كُواْ كُمَ شِے دَيَكٜىٰ كَيْ مَاسُ عَبِنْثِ؟ أَيْ، وَنْدَ يَذَوْنَ يَنَثِ نٜىٰ؞ عَمَّا غَاشِ إِنَ عَثِكِنْكُ كَمَرْ مَيْكَيْ عَبِنْثِنٜىٰ؞ #يَحـ 13.12-15
28«كُو نٜىٰ كُكَ ڟَيَ دَ أَمِنْثِ تَرٜىٰدَنِ أَدُكْ ڠُوجٜىٰ ڠُوجٜىٰنْدَ نَشَا؞ 29كَمَرْ دَيْ يَدَّ عُبَانَ يَبَانِ إِيكُواْ إِنْيِ مُلْكِ، حَكَ نَكٜىٰ بَاكُ، 30دُواْمِنْ كُثِ كُشَا عَتٜىٰبُرِنَ عَثَنْ ثِكِنْ مُلْكِنَ؞ كُمَ ذَاكُ ذَوْنَ عَكُجٜىٰرُنْ مُلْكِ، كُيِ مُلْكٍ ذُرِيَ غُواْمَشَا بِيُنَّنْ نَ إِسْرَٰٓءِيلَ؞ #مَتْ 19.28
بِتْرُسْ ذَيِّ مُسُونْ سَنِنْ عِيسَىٰ
﴿مَتْ 26.31-35؛ مَرْ 14.27-31؛ يَحـ 13.36-38﴾
31«بِتْرُسْ، بِتْرُسْ! كَجِ نَنْ! شَيْطَنْ يَنٜىٰمِ إِظْنِ يَڠُودَكُو دُكَ، يَتَنْكَطٜىٰكُ كَمَرْ يَدَّ عَكٜىٰ تَنْكَطٜىٰ أَلْكَمَ دَغَ دُوسَ؞ 32عَمَّا نَيِ مَكَ أَدُّعَ، بِتْرُسْ، كَدَ بَنْغَسْكِيَرْكَ تَكَاسَ؞ بَايَنْدَ كَجُويُواْ وُرِينَ، كَڧَرْڢَڢَ یَنْعُوَنْكَ؞»
33بِتْرُسْ يَأَمْسَ يَثٜىٰ «عُبَنْغِجِ، إِنَ أَشِرْيٜىٰ إِنْجٜىٰ حَرْ مَا كُرْكُكُ تَرٜىٰدَكَيْ؞ إِنْ مَا مُتُوَاثٜىٰ، مُمُتُ تَرٜىٰ!»
34 عِيسَىٰ يَثٜىٰ «إِنَ غَيَ مَكَ، بِتْرُسْ، كَاڢِنْ ظَكَرَ يَيِثَارَ أَدَرٜىٰنْ يَوْ، ذَاكَثٜىٰ بَكَسَنْ نِبَ سَوْ عُكُ!»
كُشِرْيَ كَنْكُ دُوانْ لُواْكَثِنْ وَهَلَ
35سَيْ عِيسَىٰ يَتَمْبَيِ أَلْمَجِرَنْسَ يَثٜىٰ «أَ لُواْكَثِنْدَ نَ عَيْكٜىٰكُ بَا كُطِ، بَا عَبِنْثِ، بَا تَاكَلْمَ، كُنْ رَسَ وَنِ أَبُ نٜىٰ؟»
سُكَثٜىٰ «أَعَ!» #مَتْ 10.9-10؛ مَرْ 6.8-9؛ لُكْ 9.3؛ 10.4
36يَثٜىٰ مُسُ «عَمَّا يَنْذُ، دُكْ وَنْدَ يَكٜىٰدَ كُطِ كُواْ عَبِنْثِ، يَطَوْكَ يَرِڧٜىٰ، كُمَ دُكْ وَنْدَ بَاشِدَ تَكُواْبِے، يَسَيَرْ دَ رِغَرْسَ يَسَيَ؞ 37غَمَا إِنَ غَيَ مُكُ، ثٜىٰوَ وَنَّنْ رُبُوتَثِّيَرْ مَغَنَرْ اللَّهْ دَ تَثٜىٰ ‹أَنْ حَطَشِ ثِكِنْ مَاسُ ذُنُوبِ،› دُواْلٜىٰنٜىٰ تَثِكَ عَكَيْنَ؞ عِ، أَبِنْدَ عَكَ رُبُوتَ عَكَيْنَ يَنَ كَنْ ثِكَاوَا؞» #عِشـ 53.12
38أَلْمَجِرَنْ سُكَثٜىٰ مَسَ «مَيْغِرْمَ، غَا تَكُواْبِے غُدَا بِيُ أَنَنْ؞» عِيسَىٰ يَثٜىٰ «يَ إِسَ؞»
عِيسَىٰ يَيِ أَدُّعَ عَتُدُنْ عِتَتُوَنْ ظَيْتُنْ
﴿مَتْ 26.36-46؛ مَرْ 14.32-42﴾
39 عِيسَىٰ يَبَرْ بِرْنِنْ، يَهَوْ تُدُنْ عِتَتُوَنْ ظَيْتُنْ كَمَرْ يَدَّ يَسَابَا؞ أَلْمَجِرَنْسَ كُوَ سُكَبِيشِ؞ 40دَ يَكَيْ وُرِنْ، سَيْيَثٜىٰمُسُ «كُيِ أَدُّعَ ڢَا، دُواْمِنْ كَدَ كُڢَاطَ ثِكِنْ جَرَّبَ؞»
41سَيْ يَثِيغَبَ يَيِ طَنْ نِيسَ دَسُو، مِصَالِنْ نِيسَنْ جِڢَ، سَيْ يَدُرْڧُسَ يَيِ أَدُّعَ؞ 42يَثٜىٰ «عُبَا، إِنْ كَا يَرْدَ كَطَوْكٜىٰ مِنِ وَنَّنْ ݣُوڢْ نَوَهَلَ؞ عَمَّا بَ نُڢِينَبَ، سَيْدَيْ نُڢِنْكَ ذَاعَ بِے؞»
43سَيْغَا مَلاَىِٕكَ دَغَ سَمَ يَبَيَّنَ غَرٜىٰشِ يَنَ ڧَرْڢَڢَشِ؞ 44يَنَ ثِكِنْ عَذَابَ مَيْ ڟَنَنِ، سَيْ يَڧَارَ نَاثٜىٰوَ ثِكِنْ أَدُّعَرْ، حَرْ ظُڢَ تَنَ سَوْكَ مَسَ كَمَرْ جِنِ؞#22.44 وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ أَيُواْيِ 43-44؞
45دَ عِيسَىٰ يَتَاشِ دَغَ أَدُّعَ، سَيْ يَكُواْمَ وُرِنْدَ أَلْمَجِرَنْ سُكٜىٰ، يَسَامٜىٰسُ سُنَ بَرْثِ سَبُواْدَ بَڧِنْ ثِكِ؞ 46يَثٜىٰمُسُ «دُوانْمٜىٰ كُكٜىٰ بَرْثِ؟ كُتَاشِ، كُيِ أَدُّعَ دُواْمِنْ كَدَ كُڢَاطَ ثِكِنْ جَرَّبَ؞»
أَنْ كَمَ عِيسَىٰ
﴿مَتْ 26.47-56؛ مَرْ 14.43-50؛ يَحـ 18.2-11﴾
47بَيْ مَا رُڢٜىٰ بَاكِبَ، سَيْغَا تَارُوانْ مُتَنٜىٰ سُكَذُواْ؞ يَهُودَ، طَيَ دَغَ ثِكِنْ شَا بِيُنْ نٜىٰ، يَكَٰوُاْسُ؞ سَيْ يَغُسَ كُسَدَ عِيسَىٰ دُواْمِنْ يَسُمْبَثٜىٰشِ؞ 48عَمَّا عِيسَىٰ يَثٜىٰ «يَهُودَ، أَشٜىٰ دَسُمْبَنٜىٰ ذَاكَ بَادَ طَنْ مُتُمْ؟»
49دَ أَلْمَجِرَنْ دَسُكٜىٰ تَرٜىٰدَ عِيسَىٰ سُكَغَ حَكَ، سُكَ تَمْبَيٜىٰشِ سُكَثٜىٰ «مَيْغِرْمَ، مُيِ أَمْڢَانِ دَ تَكُواْبِنْ نٜىٰ؟» 50سَيْ طَيَنْسُ يَسَارِ بَاوَنْ بَبَّنْ ڢِرِسْتِ، يَيَنْكٜىٰ كُنّٜىٰنْسَ نَدَمَ؞
51عَمَّا عِيسَىٰ يَثٜىٰ مُسُ «كُبَرِ؞» سَيْ يَتَٻَ كُنّٜىٰنْ مُتُمِنْ دَ عَكَسَارَ يَوَرْكَرْ دَشِ؞
52سَيْ عِيسَىٰ يَثٜىٰ وَمَنْيَنْ ڢِرِسْتُواْثِے دَ شُوغَبَنِّنْ مَاسُ غَادِنْ هَيْكَلِ دَ شُوغَبَنِّنْ جَمَعَ، وَطَنْدَ سُكَذُواْ دُواْمِنْ سُكَامَشِ «كُنْڢِتُواْ دَ تَكُبَ دَ سَنْدُنَ كُكَامَنِ سَيْكَثٜىٰ طَنْ ڢَشِ؟ 53كُلُّمْ إِنَ تَرٜىٰدَكُو أَ هَيْكَلِ، بَكُكَامَ نِبَ؞ عَمَّا وَنَّنْ نٜىٰ لُواْكَثِنْكُ دَ نَ إِيكُوانْ دُهُ؞» #لُكْ 19.47؛ 21.37
بِتْرُسْ يَيِ مُسُونْ سَنِنْ عِيسَىٰ
﴿مَتْ 26.57-58،69-75؛ مَرْ 14.53-54،66-72؛ يَحـ 18.12-18،25-27﴾
54سُكَ كَامَ عِيسَىٰ سُكَ تَڢِے دَشِ، سُكَ كَيْشِ غِدَنْ بَبَّنْ ڢِرِسْتِ؞ بِتْرُسْ يَدِنْغَ بِنْسُ دَغَ نٜىٰسَ نٜىٰسَ؞ 55دَسُكَ هُورَ وُتَا أَڢِيلِنْ غِدَنْ سُكَ ظَظْذَوْنَ، بِتْرُسْ مَا يَذَوْنَ عَثِكِنْسُ؞ 56دَ طَيَ دَغَ ثِكِنْ یَنْ مَاتَانْدَ سُكٜىٰ عَيْكِ أَغِدَنْ تَغَنْشِ ظَوْنٜىٰ كُسَدَ وُتَرْ، تَكَڢَ مَسَ عِدُواْ تَثٜىٰ «أَيْ، وَنَّنْ مُتُمِنْ مَا يَنَ تَرٜىٰدَ عِيسَىٰ!»
57عَمَّا بِتْرُسْ يَيِ مُسُو يَثٜىٰ «كٜىٰ! نِے بَنْسَنْشِيبَ!»
58بَايَنْ طَنْ لُواْكَثِ كَطَنْ، وَنِ مُتُمْ يَغَانٜىٰ بِتْرُسْ، يَثٜىٰ «لَلَّيْ، كَيْمَا طَيَنْسُنٜىٰ!»
عَمَّا بِتْرُسْ يَنَاثٜىٰ دَ ثٜىٰوَ «كَيْ! بَنِ بَنٜىٰ!»
59بَايَنْ كَمَرْ أَوَ طَيَ سَيْ وَنِ مُتُمْ يَثٜىٰ «بَاشَكَّ مُتُمِنَّنْ مَا يَنَ تَرٜىٰ دَشِ، غَمَا شِے مُتُمِنْ غَلِيلِ نٜىٰ؞»
60عَمَّا بِتْرُسْ يَثٜىٰ «حَبَ! بَنْ مَا سَنْ أَبِنْدَ كَكٜىٰ ڢَطَا بَ!» تُنْ بَيْ رُڢٜىٰ بَاكِبَ، سَيْ ظَكَرَ يَيِثَارَ؞ 61عُبَنْغِجِ كُمَ يَجُويَ يَدُوبِے بِتْرُسْ؞ سَعَنً بِتْرُسْ يَتُنَ يَدَّ عُبَنْغِجِ يَثٜىٰمَسَ «كَاڢِنْ ظَكَرَ يَيِثَارَ أَدَرٜىٰنْ يَوْ، ذَاكَثٜىٰ بَكَسَنِّبَ سَوْ عُكُ؞» 62سَيْ يَڢِتَ وَجٜىٰ، يَڢَشٜىٰ دَ كُوكَا مَيْ ذَاڢِ؞
أَنْيِ وَ عِيسَىٰ بَعَ، أَنْ كُمَ دُوكٜىٰشِ
﴿مَتْ 26.67-68؛ مَرْ 14.65﴾
63سَيْ وَطَنْدَ سُكٜىٰ غَادِنْ عِيسَىٰ سُكَيِ مَسَ بَعَ سُكَ كُمَيِ مَسَ دُوكَ؞ 64سُكَ طَوْرٜىٰ مَسَ إِدَانُو سُنَ تَمْبَيَرْسَ «يِ أَنَّبْثِ، وَيَمَرٜىٰكَ!» 65سُكَ كُمَيِتَيِ مَسَ وَطَنْسُ مَغَنْغَنُنْ رٜىٰنِ؞
أَنْ كَٰوُاْ عِيسَىٰ أَغَبَنْ یَنْ مَجَلِسَ
﴿مَتْ 26.59-66؛ مَرْ 14.55-64؛ يَحـ 18.19-24﴾
66دَغَرِ يَوَايٜىٰ، سَيْ شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَتَارُ، سُكَكَيْ عِيسَىٰ غَبَنْ مَجَلِسَرْسُ؞ 67سُكَثٜىٰ «ڢَطَا مَنَ، كَيْنٜىٰ أَلْمَسِيحُ؟»
سَيْ يَأَمْسَ يَثٜىٰ «كُواْ نَغَيَ مُكُ بَذَاكُ غَسْكَتَبَ، 68عِدَنْ كُمَ نَيِمُكُ تَمْبَيَ بَذَاكُ بَانِ أَمْسَبَ؞ 69عَمَّا دَغَ يَنْذُ، طَنْ مُتُمْ ذَيْذَوْنَ أَهَنُّنْ دَامَ نَ اللَّهْ مَيْ إِيكُواْ؞»
70سَيْ دُكَنْسُ سُكَثٜىٰ «أَشٜىٰ، كَيْ طِنَّنْ طَنْ اللَّهْ نٜىٰ؟»
يَأَمْسَ يَثٜىٰ «كُنْ ڢَطَا، نِنٜىٰ؞»
71سَيْ سُكَثٜىٰ «وَثٜىٰ شَيْدَثٜىٰ كُمَ مُكٜىٰ نٜىٰمَ؟ أَيْ، مُو دَ كَنْمُ مُنْجِ أَبِنْدَ يَثٜىٰ دَبَاكِنْسَ!»
Currently Selected:
لُكَّ 22: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
