لُكَّ 12
12
غَرْغَطِ غَمٜىٰدَ مُنَاڢُنْثِ
﴿مَتْ 10.26-27﴾
1أَنَانً سَيْ دُبَّنْ مُتَنٜىٰ سُكَ تَتَّارُ حَرْ سُنَ تَتَّاكَ جُونَ، سَيْ عِيسَىٰ يَيِ وَ أَلْمَجِرَنْسَ مَغَنَ دَ ڢَرْكُواْ يَثٜىٰ «كُيِ حَنْكَلِ دَ يِسْتِنْ#12.1 يِسْتِ: أَبُ نٜىٰ دَ عَكٜىٰ سَا أَغَارِنْ دَ عَكٜىٰيِنْ غُرَاسَ دَشِ دُواْمِنْ غُرَاسَرْ يَكُمْبُرَ؞#مَتْ 16.6؛ مَرْ 8.15 ڢَرِسِيَاوَا، وَتُواْ مُنَاڢُنْثِنْسُ؞ 2بَا أَبِنْدَ يَكٜىٰ أَ رُڢٜىٰ دَ بَذَاعَ بَيَّنَبَ، كُمَ بَا أَبِنْدَ يَكٜىٰ عَٻُواْيٜىٰ وَنْدَ بَذَاعَ سَنِبَ؞#مَرْ 4.22؛ لُكْ 8.17 3سَبُواْدَ حَكَ، دُكْ أَبِنْدَ كُكَ ڢَطَا عَٻُواْيٜىٰ، ذَاعَ جِيشِ أَڢِيلِ؞ أَبِنْ دَ كُكَ كُمَ ڢَطَا أَعَسِرْثٜىٰ، كُواْ عَثِكِنْ طَاكِنْ دَ كُكَ رُڢٜىٰ ڧُواْڢُواْڢِنْسَ مَا، ذَاعَيِ شٜىٰلَرْسَ عَكَنْ رُڢِنْ طَكُنَ؞
وَنْدَ ذَاعَجِ ڟُواْرُوانْسَ
﴿مَتْ 10.28-31﴾
4«كُو أَبُواْكَيْنَ، إِنَ غَيَ مُكُ، كَدَ كُجِڟُواْرُوانْ مَاسُ كِسَنْ جِكِے عَمَّا بَايَنْدَ سُكَ كَشٜىٰشِ بَا أَبِنْدَ ذَاسُ عِيَيِ كُمَ؞ 5ذَنْ ڢَطَا مُكُ وَنْدَ ذَاكُجِڟُواْرُوانْسَ؞ كُجِڟُواْرُوانْ اللَّهْ، وَنْدَ بَايَنْدَ يَكَشٜىٰ، يَنَدَ إِيكُواْ يَجٜىٰڢَ عَثِكِنْ غِدَنْ وُتَا كُمَ؞ حَڧِيڧَ إِنَ غَيَ مُكُ، شِينٜىٰ وَنْدَ ذَاكُجِڟُواْرُوانْسَ!
6«بَ عَكَنْ سَيَرْ دَ یَنْ ڟُنْڟُ بِيَرْ كُواْبُواْ بِيُبَ؟ دُكْدَهَكَ اللَّهْ بَيْ مَنْتَادَ كُواْ طَيَنْسُبَ؞ 7كَيْ! حَرْ غَاشِنْ كَنْكُ مَا أَنْڧِرْغَسُ دُكَ؞ سَبُواْدَ حَكَ، كَدَ مَا كُجِڟُواْرُواْ، دُوانْ كُنْڢِے طَنْ ڟُنْڟُ دَرَجَ سَوْ بَرْكَتَيْ!»
نُونَ يَرْدَ دَ أَلْمَسِيحُ أَغَبَنْ مُتَنٜىٰ
﴿مَتْ 10.32-33؛ 12.32؛ 10.19-20﴾
8«إِنَ كُمَ ڢَطَا مُكُ، دُكْ وَنْدَ يَشَيْدَ أَغَبَنْ مُتَنٜىٰ ثٜىٰوَ يَيَرْدَ دَنِے، طَنْ مُتُمْ مَا ذَيْ شَيْدَ يَيَرْدَ دَشِ أَغَبَنْ مَلاَىِٕكُنْ اللَّهْ؞ 9وَنْدَ كُمَ يَيِ مُسُونْ سَنِنَ أَغَبَنْ مُتَنٜىٰ، نِے مَا ذَنْيِ مُسُونْ سَنِنْسَ أَغَبَنْ مَلاَىِٕكُنْ اللَّهْ؞
10«دُكْ وَنْدَ يَيِ مَغَنَرْ صَاٻُواْ غَمٜىٰدَ طَنْ مُتُمْ، ذَاعَ يَاڢٜىٰمَسَ، عَمَّا دُكْ وَنْدَ يَيِ مَغَنَرْ صَاٻُواْ غَمٜىٰدَ رُوحُ مَيْ ڟَرْكِے، بَذَاعَ يَاڢٜىٰمَسَبَ؞#مَتْ 12.32؛ مَرْ 3.29
11«عِدَنْ كُمَ أَنْكَٰوُاْكُ أَغَبَنْ مَجَمِعُ، كُواْ غَبَنْ مَاسُ حُكُنْثِ، كُواْ كُمَ غَبَنْ شُوغَبَنِّ، كَدَ كُدَامُ دَ يَدَّ ذَاكُ كَارٜىٰ كَنْكُ، كُواْ كُمَ أَبِنْدَ ذَاكُثٜىٰ، 12دُواْمِنْ رُوحُ مَيْ ڟَرْكِے ذَيْ كُواْيَ مُكُ أَبِنْدَ يَكَمَاتَ كُڢَطَا أَ لُواْكَثِنْ؞»#مَتْ 10.19-20؛ مَرْ 13.11؛ لُكْ 21.14-15
مِصَالِ عَكَنْ وَنِ وَاوَا مَيْ أَرْزِڧِ
13سَيْ وَنِ مُتُمْ دَغَ ثِكِنْ جَمَعَ يَثٜىٰ وَ عِيسَىٰ «مَلَمْ، كَثٜىٰ وَطَنْعُوَنَ يَبَانِ رَبُواْنَ نَغَادُوانْ دَ بَابَنْمُ يَمُتُ يَبَرْ مَنَ؞»
14 عِيسَىٰ يَأَمْسَ مَسَ يَثٜىٰ «كَيْ! وَيَمَيْ دَنِے أَلْڧَلِ كُواْ إِنْذَمَ مَيْ رَبَ مُكُ كَايَنْ دَ بَابَنْكُ يَمُتُ يَبَرْ مُكُ؟» 15يَثِيغَبَدَيِ وَمُتَنٜىٰ مَغَنَ يَثٜىٰمُسُ «كُلُورَ ڢَا، كُيِنٜىٰسَ دَ كُواْوَنٜىٰ إِرِنْ ݣُوطَيِ، دُوانْ يَوَنْ كَايَ بَشِينٜىٰ سَامُنْ رَيْبَ؞»
16سَيْ يَبَاسُ وَنِ مِصَالِ يَثٜىٰ «أَنْ تَٻَيِنْ وَنِ مَيْ أَرْزِڧِ وَنْدَ غُواْنَرْسَ تَيِ أَمْڢَانِ سُواْسَيْ؞ 17يَڢَارَ تُنَانِ أَ رَنْسَ يَثٜىٰ، ‹بَانِ دَ عِنْدَ ذَنْسَا أَمْڢَانِنْ غُواْنَتَ دُكَ؞ مٜىٰ ذَنْيِ كٜىٰنَنْ؟›
18«يَثٜىٰ وَكَنْسَ، ‹يَوَّ! نَسَنْ أَبِنْدَ ذَنْيِ؞ ذَنْ رُشٜىٰ وَطَنَّنْ ضُمْبُنَنَ، إِنْغِنَ وَطَنْسُ مَنْيَ، إِنْظُبَ دُكَنْ أَمْڢَانِنْ غُواْنَتَ دَ كَايَانَ عَثِكِ؞ 19ذَنْ كُمَ ثٜىٰوَ رَيْنَ «حَبَ! كَنَدَ كَايَ مَاسُيَوَ وَنْدَ ذَاكَ مُواْرَ أَ شٜىٰكَرُ مَاسُيَوَ؞ بَرِ كَهُوتَ، كَيِ تَثِ، كَيِ تَشَا، كَنَ جِنْ دَاطِنْكَ؞» › 20عَمَّا اللَّهْ يَثٜىٰمَسَ، ‹كَيْ وَاوَا! أَوَنَّنْ دَرٜىٰ ذَاكَ مُتُ؞ سَعَنً إِنْغَا كُواْ وَنٜىٰنٜىٰ ذَيْثِ دُكْ كَايَنَّنْدَ كَتَارَ وَكَنْكَ؞› »
21 عِيسَىٰ يَغَمَ مَغَنَرْ نَنْ دَ ثٜىٰوَ «حَكَ ذَيْ ذَمَ غَ دُكْ وَنْدَ يَتَارَ وَكَنْسَ كَايَ، عَمَّا أَغَبَنْ اللَّهْ بَاشِ دَ أَرْزِڧِ؞»
كُدَيْنَ دَامُوَ
﴿مَتْ 6.25-34﴾
22سَيْ عِيسَىٰ يَثٜىٰ وَ أَلْمَجِرَنْسَ «دُواْمِنْ حَكَ إِنَغَيَ مُكُ، كَدَ كُدَامُ دَ يَدَّ ذَاكُ رَايُ، كُواْ كُمَ يَدَّ ذَاكُ سَامِ رِيغُنَ دُوانْ جِكِنْكُ؞ 23دُواْمِنْ رَيْ يَڢِ عَبِنْثِ، جِكِے كُمَ يَڢِ رِيغُنَ؞ 24كُدُوبِے ڟُنْڟَيٜىٰ مَنَ! أَيْ، بَاسَ شُوكَ، بَاسَ غِرْبِے، بَاسُ دَ طَكُنَنْ أَجِيَرْ عَبِنْثِ كُواْ ضُمْبُنَ، عَمَّا دُكْدَهَكَ اللَّهْ يَنَ بَاسُ عَبِنْثِ؞ دَرَجَرْكُ كُوَ تَڢِے تَڟُنْڟَيٜىٰ سَوْ بَرْكَتَيْ! 25وَنٜىٰنٜىٰ عَثِكِنْكُ تَوُرِنْ دَامُوَرْسَ، ذَيْ عِيَ ڧَارَ كُواْ أَوَ طَيَ غَ ݣُونَكِنْ رَايُوَرْسَ؟#12.25 ڧَارَ كُواْ أَوَ طَيَ غَ ݣُونَكِنْ رَايُوَرْسَ: وَنِ جُويِ نَوَطَنَّنْ كَلْمُواْمِنْ شِينٜىٰ «ڧَارَ وَكَنْسَ ڧَڢَا طَيَ غَ ڟَوُانْسَ؞» 26تُواْ، عِدَنْ بَذَاكُ عِيَيِنْ ڧَنْڧَنِنْ أَبُ إِرِنْ وَنَّنْبَ، دُوانْمٜىٰ كُكٜىٰ دَامُوَ عَكَنْ سَوْرَنْ؟ 27كُدُوبِے يَدَّ سُو ڢُلَوَ سُكٜىٰ غِرْمَ مَنَ؞ بَاسَ عَيْكِ، بَاسَ سَاڧَرْ كُواْمٜىٰ، بَاسَيِ وَكَنْسُ رِيغُنَ، دُكْدَهَكَ إِنَ غَيَ مُكُ كُواْ سَرْكِے سُلَيْمَٰنُ دَ دُكَنْ غِرْمَنْسَ بَيْتَٻَيِنْ أَدُواْ كَمَرْ طَيَ دَغَ ثِكِنْسُبَ؞#1 سَرْ 10.4-7؛ 2 تَارْ 9.3-6 28تُواْ، عِدَنْ حَرْ اللَّهْ ذَيْ يِوَثِيَوَرْ دَاجِ أَدُواْ حَكَ، ثِيَوَ وَطَنْدَ سُكٜىٰنَنْ يَوْ، غُواْبٜىٰ كُوَ عَڧُواْنٜىٰسُ، بَلّٜىٰ كُو؟ يَا كُو مَاسُ ڧَنْڧَنْتَرْ بَنْغَسْكِيَ!
29«كَدَ كُدِنْغَ تُنَانِ عَكَنْ أَبِنْدَ ذَاكُثِ، كُواْ أَبِنْدَ ذَاكُشَا، كَدَ مَا كُدَامُ؞ 30أَيْ، مُتَنٜىٰنْ دُونِيَا وَطَنْدَ بَسُ سَنْ اللَّهْ بَ سُنَ تَنٜىٰمَنْ دُكْ إِرِنْ وَطَنَّنْ أَبُبُوَ؞ كُو كُوَ، عُبَنْكُ يَسَنْ كُنَ بُڧَاتَرْسُ؞ 31كُو دَيْ كُسَا رَنْكُ غَ مُلْكٍ اللَّهْ، ذَاعَ بَاكُ دُكَنْ وَطَنَّنْ أَبُبُوَ كُمَ؞
كُواْيَرْوَا عَكَنْ تَارَ دُوكِيَ أَسَمَ
﴿مَتْ 6.19-21﴾
32«يَا كُو ڧَرَمِنْ غَرْكٜىٰنَ، كَدَ كُجِڟُواْرُواْ، غَمَا عُبَنْكُ يَنَ جِنْ دَاطِے يَبَاكُ مُلْكِنْسَ؞ 33كُسَيَرْ دَ دُكَنْ أَبِنْدَ كُكٜىٰ دَشِ، كُبَا تَلَكَاوَا سَدَكَ؞ كُيِ وَكَنْكُ أَجِيَرْ دَ بَذَاتَ ڟُوڢَبَ، وَتُواْ دُوكِيَرْ دَ بَذَاتَ لَلَثٜىٰبَ كٜىٰنَنْ أَسَمَ، عِنْدَ بَا ٻَرَوُانْ دَ ذَيْ سَاثٜىٰسُ، بَا كُمَ غَضَرْ دَ ذَاتَ لَلَتَرْدَسُو؞ 34غَمَا عِنْدَ دُوكِيَرْ مُتُمْ تَكٜىٰ، أَنَنْ نٜىٰ ذُوثِيَارْسَ مَا تَكٜىٰ؞
بَايِنْ دَ سُكٜىٰ أَشِرْيٜىٰ
35«كُذَوْنَ أَشِرْيٜىٰ، ڢِتِلُنْكُ عَكُنّٜىٰ؞#مَتْ 25.1-13 36كُذَمَ كَمَرْ بَايِنْ دَسُكٜىٰ جِضَانْ مَيْغِدَنْسُ يَدَاوُاْ دَغَ بِكٍ عَوْرٜىٰ؞ دَ يَدَاوُاْ يَڨُونْڨُوسَ ڧُواْڢَ، نَنْ دَنَنْ سَيْ سُبُوطٜىٰ مَسَ؞#مَرْ 13.34-36 37ذَيْ ذَمَ أَبِنْ ڢَضٍ ثِكِ غَ بَايِنَّنْ إِنْ حَرْ مَيْغِدَنْ يَدَاوُاْ يَسَامٜىٰسُ بَسُيِ بَرْثِبَ؞ حَڧِيڧَ إِنَ غَيَ مُكُ، ذَيْثِرٜىٰ بَبَّرْ رِغَرْدَ يَسَا، يَثٜىٰ مُسُ سُظَظْذَوْنَ، سُثِ عَبِنْثِ، سَعَنً يَبِے كَنْ كُواْوَنٜىٰ طَيَنْسُ يَكَٰوُاْ مَسَ عَبِنْثِ؞ 38بَايِنَّنْ مَاسُ أَلْبَرْكَنٜىٰ إِنْ يَدَاوُاْ كُواْ دَ ڟَكَرْ دَرٜىٰ، كُواْ كُمَ دَ سَسَّڢٜىٰ، يَسَامٜىٰسُ أَشِرْيٜىٰ؞ 39كُدَيْ سَنِ ثٜىٰوَ إِنْ مَيْغِدَا يَسَنْ لُواْكَثِنْ دَ ٻَرَوُاْ ذَيْذُواْ مَسَ، بَذَيْ بَرْ شِ يَشِغَ يَيِ مَسَ ٻَرْنَ أَغِدَا بَ؞ 40سَيْ كُذَوْنَ دَ شِرِ، دُواْمِنْ طَنْ مُتُمْ ذَيْذُواْ أَلُواْكَثِنْ دَ بَكُيِ ڟَمَّنِ ذَيْذُوابَ؞»#مَتْ 24.43-44
بَاوَ مَيْ أَمِنْثِ كُواْ مَرَرْ أَمِنْثِ
﴿مَتْ 24.45-51﴾
41بِتْرُسْ يَثٜىٰ «عُبَنْغِجِ، وَنَّنْ مِصَالِ عَكَنْمُ عَكَيِ كُواْ كُوَ يَشَاڢِ كُواْوَ؟»
42 عُبَنْغِجِ يَأَمْسَ مَسَ يَثٜىٰ «وَنٜىٰنٜىٰ بَاوَنَّنْ مَيْ أَمِنْثِ مَيْ حِكِمَ كُمَ، وَنْدَ مَيْغِدَنْسَ ذَيْسَا شِ يَلُورَ دَ غِدَنْسَ، يَكُمَ بَا سَوْرَنْ بَايِ عَبِنْثِ أَدَيْدَيْ لُواْكَثِ؟ 43مَيْ أَلْبَرْكَ نٜىٰ بَاوَنْ دَ مَيْغِدَنْسَ ذَيْذُواْ يَسَامٜىٰشِ يَنَيِنْ عَيْكِنْسَ؞ 44حَڧِيڧَ إِنَ غَيَ مُكُ، ذَيْسَا وَنَّنْ بَاوَ يَلُورَ مَسَ دَ كَايَنْسَ دُكَ؞ 45عَمَّا عِدَنْ بَاوَنَّنْ يَثٜىٰ أَ رَنْسَ، ‹أَيْ، مَيْغِدَانَ يَيِ لَتِّنْ ذُوَا،› سَعَنً يَڢَارَ دُوكَنْ سَوْرَنْ بَايِنْ، مَظَا دَ مَاتَا، يَكُمَ شِغَ ثِ دَ شَا، حَرْ يَنَ بُغُوَ، 46مَيْغِدَنْ وَنَّنْ بَاوَ ذَيْ دَاوُاْ أَ رَانَرْ دَ بَاوَنْ بَيْيِ ڟَمَّنِبَ، كُمَ أَ لُواْكَثِنْ دَ بَيْسَنِبَ؞ مَيْغِدَنَّنْ ذَيْ يِمَسَ مُوغُنْ دُوكَ يَكُمَ حُكُنْتَ شِ تَرٜىٰدَ مَرَسَ أَمِنْثِ؞
47«بَاوَنْدَ يَسَنْ أَبِنْدَ مَيْغِدَنْسَ يَكٜىٰسُواْ يَيِ، عَمَّا بَيْيِ شِرِبَ، بَيْ كُمَيِ أَبِنْدَ عَكٜىٰسُواْ يَيِبَ، ذَاعَيِ مَسَ بُلَلَ سُواْسَيْ؞ 48وَنْدَ كُوَ بَيْسَنْ أَبِنْدَ مَيْغِدَنْسَ يَكٜىٰسُواْ يَيِبَ، يَكُمَيِ أَبِنْدَ يَ إِسَ أَدُوكٜىٰشِ، ذَاعَ دُوكٜىٰشِ كَطَنْ؞ دُكْ وَنْدَ عَكَ بَاشِ أَبُ مَيْ يَوَ، ذَاعَ نٜىٰمِ أَبُ مَيْ يَوَ دَغَ غَرٜىٰشِ؞ وَنْدَ كُمَ عَكَ بَاشِ أَبُ مَيْ يَوَ سُواْسَيْ، ذَاعَ نٜىٰمِ أَبُ مَيْ يَوَ سُواْسَيْ دَغَ غَرٜىٰشِ؞
عِيسَىٰ يَكَٰوُاْ رَبُوَنٜىٰ
﴿مَتْ 10.34-36﴾
49«وُتَا ثٜىٰ نَاذُواْ إِنْسَا وَدُونِيَا؞ دَ سُواْنَ نٜىٰ دَ أَنْكُنَّتَ كُواْ! 50إِنَدَ بَڢْتِسْمَرْ دَ ذَاعَيِ مِنِ، نَا كُوَ مَڟُ أَ ذُوثِيَا سُواْسَيْ حَرْ سَيْ أَنْيِ مِنِ عِتَ!#مَرْ 10.38 51كُنَ ڟَمَّنِ ذَمَنْ لَاڢِيَ نٜىٰ نَكَٰوُاْوَ دُونِيَا؟ عَ إِنَا! إِنَغَيَ مُكُ، رَبُوَثٜىٰ نَكَٰوُاْ؞ 52دَغَ يَنْذُ، أَغِدَا طَيَ، مُتُمْ بِيَرْ ذَاسُ رَبُ كَشِ بِيُ، عُكُ سُنَ غَابَادَ بِيُ، بِيُ كُمَ سُنَ غَابَادَ عُكُ؞ 53بَابَ ذَيْ يِغَابَادَ طَنْسَ، طَنْ كُمَ يَيِ غَابَادَ بَابَنْسَ؞ مَامَا ذَاتَيِ غَابَادَ یَرْتَ، یَرْ كُمَ تَيِ غَابَادَ مَامَرْتَ؞ مَامَرْ مِجِ ذَاتَيِ غَابَادَ مَاتَرْ طَنْتَ، مَاتَرْ طَنْ كُمَ تَيِ غَابَادَ مَامَرْ مِجِنْتَ؞»#مِيكَ 7.6
غَانٜىٰ يَنَيِنْ لُواْكَثِ
﴿مَتْ 16.2-3﴾
54 عِيسَىٰ يَكُمَثٜىٰ وَمُتَنٜىٰ «إِنْ كُنْغَ هَدَرِ يَتَاسُواْ دَغَ يَمَّ، كُكَنْثٜىٰ أَيْ، ذَاعَيِ ضُوً سَمَ، سَيْ كُوَ عَيِ؞ 55عِدَنْ كُمَ كُنْجِ إِسْكَ تَنَ هُورَاوَ دَغَ كُدُ، سَيْكُثٜىٰ ذَاعَيِ ذَاڢِ، سَيْ كُمَ عَيِ؞ 56مُنَاڢُكَيْ! كُنْعِيَ غَانٜىٰ يَنَيِنْ ڧَسَا دَ نَسَرَرِنْ سَمَ، عَمَّا غَانٜىٰوَرْ عَلَمُنْ زَامَانِنَّنْ يَغَغَرٜىٰكُ؞
شِرْيَ دَ مَيْ ڧَارَرْكَ
﴿مَتْ 5.25-26﴾
57«مٜىٰيَسَا كُو كَنْكُ بَكُ عِيَ تُنَانِ كُغَانٜىٰ أَبِنْدَ يَڢِݣَوْ كُيِ؟ 58عِدَنْ وَنِ يَكَيْ ڧَارَرْكَ عَكُواْتُ، كَيِ ڧُواْڧَرِ كُشِرْيَ تُنْ كُنَ عَكَنْ حَنْيَ؞ إِنْ كَڧِ، ذَيْكَيْكَ غَبَنْ أَلْڧَلِ؞ أَلْڧَلِ كُمَ يَمِيڧَكَ غَ طَنْ دُواْكَا؞ طَنْ دُواْكَا كُمَ يَسَاكَ عَكُرْكُكُ؞ 59إِنَغَيَ مَكَ، بَذَاكَ ڢِتَ أَوُرِنْبَ سَيْ كَبِيَ دُكَنْ أَبِنْدَ عَكَ يَنْكَ مَكَ، بَا كُواْ سَوْرَنْ كُواْبُواْ؞»
Currently Selected:
لُكَّ 12: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
