لُكَّ 11

كُواْيَرْوَرْ عِيسَىٰ عَكَنْ أَدُّعَ

﴿مَتْ 6‏.9‏-13؛ 7‏.7‏-11﴾

1وَتَرَانَ عِيسَىٰ يَنَ أَدُّعَ أَوَنِ وُرِے؞ دَ يَغَمَ، سَيْ طَيَ دَغَ ثِكِنْ أَلْمَجِرَنْسَ يَثٜىٰ مَسَ ‏«‏عُبَنْ‌غِجِ، كَكُواْيَ مَنَ يَدَّ ذَامُيِ أَدُّعَ، كَمَرْ يَدَّ يَحْيَى يَكُواْيَ وَ أَلْمَجِرَنْسَ مَنَ؞»‏

2 عِيسَىٰ يَثٜىٰ مُسُ ‏«‏إِنْ ذَاكُيِ أَدُّعَ، كُثٜىٰ،

‏«‏ ‏‹‏يَا عُبَا،#11‏.2 يَا عُبَا: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ ‏«‏عُبَنْمُ وَنْدَ يَكٜىٰ ثِكِنْ سَمَ»‏ نٜىٰ أَنَنْ؞

عَكِيَايٜىٰ سُونَنْكَ دَ ڟَرْكِے،

مُلْكِنْكَ يَذُواْ؞

3كَبَامُ عَبِنْثِ نَيَوْ دَ نَكُواْوَثٜىٰ#11‏.3 نَكُواْوَثٜىٰ رَانَ: وَنِ جُويِ نَوَطَنَّنْ كَلْمُواْمِنْ شِينٜىٰ ‏«‏عَبِنْثِنْمُ نَغُواْبٜىٰ؞»‏ رَانَ؞

4كَغَاڢَرْتَا مَنَ ذُنُبَنْمُ،

غَمَا مُو مَا مُنَ غَاڢَرْتَا وَ دُكْ وَنْدَ يَيِمَنَ لَيْڢِے؞

كَدَ كَكَيْمُ ثِكِنْ جَرَّبَ؞›‏ »‏#11‏.4 كَدَ كَكَيْمُ ثِكِنْ جَرَّبَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنْ ڧَارَ ‏«‏عَمَّا كَثٜىٰثٜىٰمُ دَغَ مَيْ مُغُنْتَا؞»‏

5 عِيسَىٰ يَسَاكٜىٰثٜىٰ وَ أَلْمَجِرَنْسَ ‏«‏عَثٜىٰ طَيَنْكُ يَنَدَ أَبُواْكِ، يَجٜىٰ وُرِنْسَ دَ ڟَكَرْ دَرٜىٰ يَثٜىٰمَسَ، ‏‹‏أَبُواْكِ، كَبَانِ بَاشِنْ غُرَاسَ غُدَا عُكُ مَنَ؞ 6غَاشِ وَنِ أَبُواْكِينَ وَنْدَ يَڢِتُواْ تَڢِيَ يَسَوْكَ أَوُرِينَ يَنْذُ يَنْذُنَّنْ؞ كُمَ بَانِدَ عَبِنْثِنْ دَ ذَنْبَاشِ؞›‏ 7سَعَنً عَثٜىٰ أَبُواْكِنَّنْ دَ أَنْجٜىٰ نٜىٰمَنْ بَاشِ أَوُرِنْسَ يَأَمْسَ دَغَ ثِكِنْ طَاكِ يَثٜىٰ ‏‹‏كَدَ كَدَمٜىٰنِ!‏ أَيْ، نَارِغَا نَا كُلّٜىٰ ڧُواْڢَ دَنِے دَ يَارَنَ دُكْ مُنْ ݣُونْتَ، بَذَنِيَ تَاشِ إِنْبَاكَ وَنِ أَبُبَ؞›‏ 8إِنَ غَيَ مُكُ، كُواْ دَ بَذَيْ تَاشِ يَبَاشِ وَنِ أَبُ دُوانْ شِے أَبُواْكِنْسَ بَنٜىٰ، ذَيْ تَاشِ يَبَاشِ كُواْ نَوَ يَكٜىٰسُواْ سَبُواْدَ أَبُواْكِنْ بَايَ جِنْ كُنْيَا يَيِ تَضُواْڧُواْ؞

9‏«‏إِنَ دَيْ غَيَ مُكُ، كُيِ تَضُواْڧُواْ ذَاعَ بَاكُ؞ كُيِ تَنٜىٰمَ ذَاكُسَامُ؞ كُيِ تَڨُونْڨُوسَاوَا، ذَاعَ بُوطٜىٰ مُكُ؞ 10غَمَا دُكْ وَنْدَ يَضُواْڧَا، ذَاعَ بَاشِ، دُكْ وَنْدَ يَنٜىٰمَ ذَيْسَامُ، كُمَ دُكْ وَنْدَ يَڨُونْڨُوسَ ذَاعَ بُوطٜىٰ مَسَ؞ 11أَݣَويْ وَنِ عَثِكِنْكُ وَنْدَ إِنْ يَرُوانْسَ يَضُواْڧٜىٰشِ#11‏.11 ضُواْڧٜىٰشِ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنْ ڧَارَ ‏«‏غُرَاسَ، يَبَا شِ دُوڟٜىٰ، كُواْ كُمَ إِنْ يَرُواْ يَتَمْبَيَ...»‏ كِيڢِ سَيْ يَبَاشِ مَثِيجِ؟ 12كُواْ كُوَ يَرُوانْ يَضُواْڧِ ڨُويْ سَيْ عَبَاشِ كُنَمَ؟ 13عِدَنْ كُو دَ كُكٜىٰ مُوغَيٜىٰ كُنْ سَنْ يَدَّ ذَاكُبَا یَیَنْكُ أَبُبُوَ مَاسُ ݣَوْ، بَلّٜىٰ عُبَنْكُ نَسَمَ ذَيْبَادَ رُوحُ مَيْ ڟَرْكِے غَ مَاسُ ضُواْڧُوانْسَ؞»‏

عِيسَىٰ دَ بَعَلْظَبُلْ

﴿مَتْ 12‏.22‏-30؛ مَرْ 3‏.20‏-27﴾

14أَنَانً عِيسَىٰ يَنَ ڢِتَرْدَ بٜىٰبٜىٰنْ أَلْجَنِ دَغَ وَنِ مُتُمْ؞ دَ أَلْجَنِنْ يَڢِتَ، سَيْ مُتُمِنْ يَيِ مَغَنَ، تَارُوانْ كُوَ سُكَيِ مَامَاكِ؞ 15عَمَّا وَطَنْسُ مُتَنٜىٰ سُكَثٜىٰ ‏«‏أَهَبْ!‏ أَيْ، بَعَلْظَبُلْ،#11‏.15 بَعَلْظَبُلْ: دُوبِے مَعَنَرْ وَطَنْسُ كَلْمُواْمِ؞#مَتْ 9‏.34؛ 10‏.25 سَرْكِنْ أَلْجَنُ نٜىٰ يَبَاشِ وَنَّنْ إِيكُواْ نَڢِتَرْدَ أَلْجَنُ؞»‏

16وَطَنْسُ سُنَسُواْ سُڠُودَ عِيسَىٰ، سَيْ سُكَثٜىٰ مَسَ يَيِ وَتَ بَبَّرْ عَلَمَرْ دَ ذَاتَ بَيَّنَ إِيكُوانْسَ؞#مَتْ 12‏.38؛ 16‏.1؛ مَرْ 8‏.11 17عَمَّا عِيسَىٰ يَغَانٜىٰ تُنَانِنْ دَسُكٜىٰ ثِكِ، سَيْيَثٜىٰ مُسُ ‏«‏دُكْ مُلْكِنْدَ يَرَبُ كَشِ بِيُ سُنَ غَابَادَ جُونَ، مُلْكٍ بَذَيْ ڟَيَبَ؞ حَكَ مَا إِنْ غِدَا يَرَبُ كَشِ بِيُ، سُنَ غَابَادَ جُونَ، ذَيْ رُشٜىٰ؞ 18إِنْ كُمَ شَيْطَنْ يَرَبُ كَشِ بِيُ يَنَ غَابَادَكَنْسَ، يَيَ مُلْكِنْسَ ذَيْ يِڧَرْڢِے؟ كُنْ ثٜىٰ دَ إِيكُوانْ بَعَلْظَبُلْ نَكٜىٰ ڢِتَرْدَ أَلْجَنُ؞ 19عِدَنْ دَ إِيكُوانْ بَعَلْظَبُلْ نَكٜىٰ ڢِتَرْدَ أَلْجَنُ، تُواْ، أَلْمَجِرَنْكُ ڢَا؟ دَ إِيكُوانْ وَ سُكٜىٰ ڢِتَرْوَ؟ أَلْمَجِرَنْكُ نٜىٰ ذَاسُيِ مُكُ شَرِيعَ عَكَنْ وَنَّنْ؞ 20عَمَّا عِدَنْ دَ إِيكُوانْ اللَّهْ نَكٜىٰ ڢِتَرْدَ أَلْجَنُ، أَشٜىٰ، مُلْكٍ اللَّهْ يَاذُواْ مُكُ كٜىٰنَنْ؞

21‏«‏عِدَنْ مُتُمْ مَيْ ڧَرْڢِے يَيِ شِرِ سُواْسَيْ، يَنَ غَادِنْ غِدَنْسَ، كَايَنْ غِدَنْسَ ذَاسُ ذَوْنَ لَاڢِيَ لَوْ؞ 22عَمَّا عِدَنْ وَنْدَ يَڢِيشِ ڧَرْڢِے يَذُواْ يَهَوْ شِ دَ ڢَطَ يَكُمَ شَا ڧَرْڢِنْسَ، سَيْ يَڨُوثٜىٰ دُكْ مَكَامَنْ دَ مُتُمِنْ يَدُواْغَرَ دَسُو، يَكُمَ رَرَّبَ كَايَيَّكِنْ دَ يَڨُوثٜىٰ عَيَاڧِ؞

23‏«‏وَنْدَ بَايَ تَرٜىٰدَنِ، يَنَ غَابَادَنِے كٜىٰنَنْ؞ وَنْدَ بَيْ تَيْمَكٜىٰنِ تَرَوَ بَ كُوَ، يَنَ وَاڟَرْوَ نٜىٰ؞»‏#مَرْ 9‏.40

دَاوُاْوَرْ ڧَظَمِنْ رُوحُ

﴿مَتْ 12‏.43‏-45﴾

24‏«‏عِدَنْ ڧَظَامِنْ رُوحُ يَڢِتَ دَغَ جِكِنْ مُتُمْ، يَكَنْيِ تَيَٰوُاْ أَوُرَارٜىٰنْ دَ بَا ضُوَ دُواْمِنْ يَسَامِ وُرِنْ هُوتَوَا؞ عِدَنْ بَيْ سَامُبَ، سَيْيَثٜىٰ ‏‹‏ذَنْ كُواْمَ غِدَانَ دَ نَڢِتُواْ؞›‏ 25عِدَنْ يَا ذُواْ يَسَامُ أَنْشَرٜىٰ، أَنْكُمَ ڠَرَ غِدَنْ، 26سَيْ يَكُواْمَ يَݣُوسُواْ وَطَنْسُ ڧَظَامَنْ رُوحُواْحِ بَݣَويْ وَطَنْدَ سُكَڢِيشِ مُغُنْتَا، سُذُواْ سُذَوْنَ أَوُرِنْ؞ عَڧَرْشٜىٰ ذَمَنْ مُتُمِنَّنْ ذَيْڢِ نَڢَرْكُوانْ مُونِ؞»‏

أَلْبَرْكَ تَغَسْكِيَ

27دَ عِيسَىٰ يَڢَطِ حَكَ، سَيْ وَتَ مَثٜىٰ دَغَ ثِكِنْ جَمَعَ تَطَغَ مُرْيَ تَثٜىٰمَسَ ‏«‏اللَّهْ يَ أَلْبَرْكَثِ مَاتَرْ دَ تَحَيْڢٜىٰكَ تَكُمَ غُواْيٜىٰكَ حَرْ كَيِغِرْمَ!‏»‏

28 عِيسَىٰ يَأَمْسَ يَثٜىٰ ‏«‏عِ، عَمَّا أَلْبَرْكَ تَڢِے تَبَّتَا غَ وَطَنْدَ سُكٜىٰ جِنْ كَلْمَرْ اللَّهْ، سُكٜىٰ كُمَ كِيَايٜىٰتَ!‏»‏

نٜىٰمَنْ عَلَمَ

﴿مَتْ 12‏.38‏-42﴾

29سَعَدَّ مُتَنٜىٰ سُكَ دِنْ‌غَ ڧَارُوَ وُرِنْ عِيسَىٰ، سَيْ يَڢَارَ ثٜىٰوَ ‏«‏وَنَّنْ زَامَانِ مُوغُنْ زَامَانِنٜىٰ؞ سُنَ نٜىٰمَ أَنُونَ مُسُ وَتَ عَلَمَ، عَمَّا بَابُوَتَ عَلَمَرْ دَ ذَاعَ نُونَ مُسُ سَيْدَيْ تَ يُونُسَ؞#مَتْ 16‏.4؛ مَرْ 8‏.12 30كَمَرْ يَدَّ يُونُسَ يَذَمَ عَلَمَ غَ مُتَنٜىٰنْ نِنٜىٰبَ، حَكَمَا طَنْ مُتُمْ ذَيْ ذَمَ غَ مُتَنٜىٰنْ زَامَانِنَّنْ؞#يُونْ 3‏.4 31أَ رَانَرْ شَرِيعَ، سَرَوْنِيَرْ شٜىٰبَ ذَاتَ تَاشِ تَرٜىٰدَ مُتَنٜىٰنْ زَامَانِنَّنْ تَنُونَ مُسُ بَسُيِ دَيْدَيْبَ، غَمَا تَاذُواْ نٜىٰ دَغَ وُرِے مَيْ نِيسَ سُواْسَيْ دُوانْ تَجِ كُواْيَرْوَرْ حِكِمَرْ سُلَيْمَٰنُ؞ عَمَّا غَ وَنْدَ يَڢِ سُلَيْمَٰنُ أَنَنْ؞#1 سَرْ 10‏.1‏-10؛ 2 تَارْ 9‏.1‏-12 32أَ رَانَرْ شَرِيعَ، مُتَنٜىٰنْ نِنٜىٰبَ ذَاسُ تَاشِ تَرٜىٰدَ مُتَنٜىٰنْ زَامَانِنَّنْ، سُنُونَ مُسُ بَسُيِ دَيْدَيْبَ، دُواْمِنْ سُو سُنْ تُوبَ سَبُواْدَ وَعَظِنْ يُونُسَ؞ غَاشِ كُوَ وَنْدَ يَڢِ يُونُسَ أَنَنْ!‏#يُونْ 3‏.5

ڢِتِلَرْ جِكِے

﴿مَتْ 5‏.15؛ 6‏.22‏-23﴾

33‏«‏بَاوَنْدَ ذَيْ كُنَّ ڢِتِلَ سَعَنً يَٻُواْيٜىٰتَ، كُواْ كُمَ يَرُڢٜىٰتَ دَ ݣُونُواْ؞#11‏.33 يَرُڢٜىٰتَ دَ ݣُونُواْ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ وَطَنَّنْ كَلْمُواْمِنْ؞#مَتْ 5‏.15؛ مَرْ 4‏.21؛ لُكْ 8‏.16 أَعَ، سَيْدَيْ يَأَجِيٜىٰتَ عَكَنْ سَنْدَا مَيْ رِڧٜىٰ ڢِتِلُ، عِنْدَ كُواْوَ دَ يَشِغَ ذَيْ غَ حَصْكٜىٰنْ؞ 34عِدُواْ شِينٜىٰ ڢِتِلَرْ جِكِے؞ إِنْ عِدُوانْكَ يَنَ دَ لَاڢِيَ، دُكَنْ جِكِنْكَ ذَيْثِكَ دَ حَصْكٜىٰ؞ عَمَّا عِدَنْ عِدُوانْكَ بَا لَاڢِيَ، سَيْ دُكَنْ جِكِنْكَ يَرَسَ حَصْكٜىٰ؞ 35كَلُورَ ڢَا، كُواْ حَصْكٜىٰنْ دَ كَكٜىٰ دَشِ دُهُنٜىٰ؞ 36إِنْ دُكَنْ جِكِنْكَ يَنَدَ حَصْكٜىٰ، بَ عِنْدَ يَكٜىٰدَ دُهُ، أَيْ، دُكْ سَيْ يَحَصْكَكَا غَبَاطَيَ، كَمَرْ يَدَّ حَصْكٜىٰنْ ڢِتِلَ يَكٜىٰ بَاكَ حَصْكٜىٰ؞»‏

عِيسَىٰ يَتُواْنَ أَسِيرِنْ ڢَرِسِيَاوَا دَ مَلَمً كُواْيَرْوَرْ مُوسَٰى

﴿مَتْ 23‏.1‏-36؛ مَرْ 12‏.38‏-40﴾

37دَ عِيسَىٰ يَغَمَ مَغَنَ، سَيْ وَنِ بَڢَرِسِيٜىٰ يَغَيَّثِ عِيسَىٰ غِدَنْسَ سُثِ عَبِنْثِ؞ سَيْ عِيسَىٰ يَجٜىٰ يَذَوْنَ دُوانْ ثِنْ عَبِنْثِ؞ 38دَ بَڢَرِسِيٜىٰنْ يَغَ ثٜىٰوَ عِيسَىٰ بَيْ وَنْكٜىٰ حَنُّ كَاڢِنْ يَڢَارَ ثِنْ عَبِنْثِنْبَ، سَيْ مَامَاكِ يَكَامَشِ؞ 39عُبَنْ‌غِجِ يَثٜىٰ مَسَ ‏«‏كُو ڢَرِسِيَاوَا كُكَنْ وَنْكٜىٰ بَايَنْ ݣُوڢْ دَ كُمَ ڨُورْيَ، عَمَّا عَثِكِنْكُ كُنَ ثِكٜىٰ دَ ثُوثٜىٰ ثُوثٜىٰ دَ مُغُنْتَا؞ 40وَوَيٜىٰ كَوَيْ!‏ أَشٜىٰ، بَ اللَّهْ وَنْدَ يَيِ وَجٜىٰنْ نٜىٰ يَيِ ثِكِنْ مَابَ؟ 41عَمَّا دَ ذَاكُيِ سَدَكَ دَ أَبُبُوَنْ دَسُكٜىٰ عَثِكِ دَكُواْمٜىٰ ذَيْ ذَمَ مَرَرْ ڧَظَنْتَا أَغَرٜىٰكُ؞

42‏«‏كَيْتُوانْكُ، ڢَرِسِيَاوَا!‏ كُنَبَا اللَّهْ زَكَّرْ كَايَنْ يَجِ نَغَنْيٜىٰ دَ كُمَ سَوْرَنْ غَنْيٜىٰنْ مِيَ دُكَ؞ عَمَّا كُنْڧِ كُلَ دَ عَيْكَتَ غَسْكِيَ دَ ڧَوْنَرْ اللَّهْ؞ وَطَنَّنْ نٜىٰ يَا كَمَاتَ كُيِ، بَاتَرٜىٰدَ كُنْ ڨَلٜىٰ سَوْرَنْبَ؞#لِـ ڢِرْ 27‏.30

43‏«‏كَيْتُوانْكُ، ڢَرِسِيَاوَا!‏ كُنْثِكَسُواْ عَبَاكُ وُرَارٜىٰنْ ذَمَ مَاسُ دَرَجَ أَ مَجَمِعُ، عَكُمَ دِنْ‌غَ غَيْشٜىٰكُ عَكَاسُوَ؞ 44كَيْتُوانْكُ!‏ كُنْيِ كَمَ دَ كَبُرْبُرَنْ دَ بَعَغَنِ، وَطَنْدَ مُتَنٜىٰ سُكٜىٰ تَڢِيَ عَكَيْ دُوانْ رَشِنْ سَنِ؞»‏

45سَيْ طَيَ دَغَ ثِكِنْ مَلَمً كُواْيَرْوَرْ مُوسَٰى يَثٜىٰ وَ عِيسَىٰ ‏«‏مَلَمْ، إِنْ كَڢَطِ حَكَ، أَيْ، مُو مَا، كَذَغٜىٰمُ!‏»‏

46 عِيسَىٰ يَأَمْسَ، يَثٜىٰ ‏«‏كَيْتُوانْكُ، كُو مَا مَلَمً كُواْيَرْوَرْ مُوسَٰى!‏ كُنْ جِبْغَ وَمُتَنٜىٰ كَايَ، وَتُواْ دُواْكُواْكِ مَاسُ نَوْيِ سُطَوْكَ، عَمَّا كُو كَنْكُ بَكُتَٻَ كَايَنْ كُواْ دَيَڟَ طَيَ دُواْمِنْ كُتَيْمَكٜىٰسُبَ؞ 47كَيْتُوانْكُ!‏ كُنْ غِنَا كَبُرْبُرَ مَاسُ ݣَوْ وَ أَنَّبَاوَنْ اللَّهْ وَطَنْدَ كَاكَنِّنْكُ سُكَ كَشٜىٰ؞ 48وَتُواْ كُو دَ كَنْكُ كُنْ شَيْدَ كُنْ كُمَ يَرْدَ دَ يَدَّ كَاكَنِّنْكُ سُكَيِ؞ سُنْ كَشٜىٰ أَنَّبَاوَنْ، كُو كُمَ كُكَ غِنَا كَبُرْبُرَنْ؞ 49شِيَسَا حِكِمَرْ اللَّهْ تَثٜىٰ، ‏‹‏ذَنْ عَيْكَ مُسُ دَ أَنَّبَاوَا دَ مَنْذَنِّے؞ ذَاسُكَشٜىٰ وَطَنْسُ، سُكُمَ ڟَنَنْتَا وَ وَطَنْسُ؞›‏ 50سَبُواْدَ حَكَ ذَاعَ حُكُنْتَ مُتَنٜىٰنْ زَامَانِنَّنْ سَبُواْدَ كَشٜىٰ كَشٜىٰنْ دَ عَكَيِ وَدُكَنْ أَنَّبَاوَا تُنْ كَڢَاوَرْ دُونِيَا، 51وَتُواْ، تُنْدَغَ جِنِنْ هَبِيلَ حَرْ ذُوَا نَ زَكَرِيَّا، وَنْدَ عَكَ كَشٜىٰ ڟَكَانِنْ بَغَدٜىٰنْ هَدَايَ دَ وُرِے مَيْ ڟَرْكِے ثِكِنْ هَيْكَلِ؞ عِ، إِنَ غَيَ مُكُ، ذَاعَ حُكُنْتَ مُتَنٜىٰنْ زَامَانِنَّنْ سَبُواْدَ وَطَنَّنْ دُكَ!‏#ڢَارْ 4‏.8؛ 2 تَارْ 24‏.20‏-21

52‏«‏كَيْتُوانْكُ مَلَمً كُواْيَرْوَرْ مُوسَٰى!‏ كُنْ رِڧٜىٰ مَبُوطِنْ غِدَنْ عِلِمِ، كُو كَنْكُ بَكُ شِغَبَ، بَكُ كُمَ بَرْ مَاسُ سُوانْ شِغَ سُشِغَبَ؞»‏

53دَ عِيسَىٰ يَبَرْ وُرِنْ، سَيْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَ ڢَارَ مَاڟَ مَسَ، سُنَ ڟُواْكَنَرْسَ دَ تَمْبَيُواْيِ عَكَنْ أَبُبُوَ دَيَوَ، 54سُنَ ڧُواْڧَرِ سُسَا مَسَ تَرْكُواْ دُواْمِنْ يَڢَطَا وَنِ أَبِنْدَ بَ دَيْدَيْبَ؞

Currently Selected:

لُكَّ 11: hauAS

Highlight

Copy