لُكَّ 10
10
عِيسَىٰ يَعَيْكِ مُتُمْ سَبَعِنْ دَ بِيُ
1بَايَنْ حَكَ، عُبَنْغِجِ يَكُمَ ذَاٻِ وَطَنْسُ مُتُمْ سَبَعِنْ دَ بِيُ،#10.1 سَبَعِنْ دَ بِيُ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «سَبَعِنْ» نٜىٰ أَنَنْ؞ يَعَيْكٜىٰسُ بِيُ بِيُ سُيِ غَبَ ذُوَا غَرُرُوَ دَ وُرَارٜىٰنْ دَشِ كَنْسَ يَشِرْيَ ذَيْجٜىٰ؞ 2سَيْ يَثٜىٰ مُسُ «غِرْبِنْ يَنَدَ يَوَ، عَمَّا مَاسُ عَيْكِنْ كَطَنْ نٜىٰ؞ سَبُواْدَ حَكَ كُضُواْڧِ مَيْ غُواْنَرْ يَعَيْكُواْ دَ مَاسُ عَيْكِ سُيِ مَسَ غِرْبِے؞#مَتْ 9.37-38 3سَيْ كُتَڢِے؞ غَاشِ، إِنَ عَيْكَنْكُ كَمَرْ تُمَكِ ثِكِنْ ݣَرْكٜىٰتَيْ؞#مَتْ 10.16 4كَدَ كُطَوْكِ كُطِ، كُواْ جَكَ، كُواْ تَاكَلْمَ؞ كَدَ كُيِ دُواْغُوَرْ غَيْسُوَا عَكَنْ حَنْيَ؞ 5دُكْ غِدَنْ دَ كُكَ شِغَ، كُڢَارَ ثٜىٰوَ ‹سَلَمَرْكُ مُتَنٜىٰنْ غِدَا!› 6عِدَنْ أَݣَويْ طَنْ سَلَمَ أَغِدَنْ، تُواْ، بَرِ غَيْسُوَرْكُ تَسَلَمَ تَكَسَنْثٜىٰ تَرٜىٰ دَشِ؞ إِنْ كُوَ بَابُ، سَيْ غَيْسُوَرْكُ تَسَلَمَ تَكُواْمُواْ مُكُ؞ 7كُذَوْنَ أَوَنَّنْ غِدَا، كُثِ كُشَا دُكْ إِرِنْ أَبِنْدَ عَكَ بَاكُ، دُواْمِنْ يَا كَمَاتَ عَبِيَ وَ مَيْيِنْ عَيْكِ حَكِّنْسَ؞ كَدَ كُبِے غِدَا غِدَا؞#1 كُوارْ 9.14؛ 1 تِمْ 5.18 8دُكْ غَرِنْ دَ كُكَ شِغَ، إِنْ أَنْكَرْٻٜىٰكُ، كُثِ دُكْ إِرِنْ أَبِنْدَ عَكَ كَٰوُاْ مُكُ؞ 9كُوَرْكَرْدَ مَرَسَ لَاڢِيَ دَسُكٜىٰ أَغَرِنْ، كُكُمَ ڢَطَا وَمُتَنٜىٰنْ ثٜىٰوَ ‹مُلْكٍ اللَّهْ يَاذُواْ كُسَدَكُو؞› 10عَمَّا دُكْ غَرِنْ دَ كُكَ شِغَ، عَكَڧِ كَرْٻَرْكُ، كُبِے تِيتِ تِيتِ، كُنَ ثٜىٰوَ 11‹كُواْ ڧُورَرْ غَرِنْكُ دَ تَمَنّٜىٰ مَنَ عَڧَڢَاڢُ مَا، مُنْ كَكَّٻٜىٰ مُكُ؞ عَمَّا كُسَنِ ثٜىٰوَ مُلْكٍ اللَّهْ يَاذُواْ كُسَدَكُو!›#مَتْ 10.7-14؛ مَرْ 6.8-11؛ لُكْ 9.3-5#أَيُّكَنْ 13.51 12إِنَ دَيْ غَيَ مُكُ، أَ رَانَرْ ڧَرْشٜىٰ، ذَاعَ ڢِے جِنْ تَوْسَيِنْ سُواْدُوامْ ڢِيٜىٰدَ وَنَّنْ غَرِ؞#ڢَارْ 19.24-28؛ مَتْ 11.24؛ 10.15
غَرُضُوً دَ بَسُ تُوبَبَ
﴿مَتْ 11.20-24﴾
13«كَيْتُوانْكِ، كُواْرَسِنْ! كَيْتُوانْكِ، بٜىٰڟَيْدَ! غَمَا دَ أَيُّكَنْ بَنْ مَامَاكِ دَ عَكَيِ عَثِكِنْكُ نٜىٰ عَكَيِ أَ تَيَ دَ سِدُوانْ دَ سُنْ تُوبَ تُنْ تُنِ، سُنْسَا ڟُمُّواْكِ، سُنْ ذَوْنَ، سُنَ ظُبَ وَكَنْسُ تُواْكَ؞#عِشـ 23.1-18؛ هِظْ 26.1—28.26؛ يُواوْ 3.4-8؛ عَمُواسْ 1.9-10؛ زَكْ 9.2-4 14أَ رَانَرْ شَرِيعَ، ذَاعَ ڢِے جِنْ تَوْسَيِنْ تَيَ دَ سِدُوانْ ڢِيٜىٰ دَكُو؞ 15كٜىٰ كُمَ كَڢَرْنَهُمْ! كِنَ ڟَمَّنِ طَوْكَكَاكِ ذَاعَيِ ذُوَا سَمَ نٜىٰ؟ عَ إِنَا! ڧَسْڧَنْتَرْ دَكٜىٰ ذَاعَيِ حَرْ ذُوَا وُرِنْ ذَمَنْ مَتَتُّو!#عِشـ 14.13-15
16«دُكْ وَنْدَ يَجِيكُ، نِنٜىٰ يَجِ؞ دُكْ وَنْدَ كُمَ يَڧِكُ، نِنٜىٰ يَڧِ؞ دُكْ وَنْدَ يَڧِنِ كُوَ، يَڧِ وَنْدَ يَعَيْكُواْ نِنٜىٰ؞»#مَتْ 10.40؛ مَرْ 9.37؛ لُكْ 9.48؛ يَحـ 13.20
سَبَعِنْ دَ بِيُنْ سُنْ دَاوُاْ
17مُتُمْ سَبَعِنْ دَ بِيُنَّنْ سُكَ دَاوُاْ دَ مُرْنَ، سُكَثٜىٰ «عُبَنْغِجِ، حَرْ أَلْجَنُ مَا سُنَ جِنْمُ عِدَنْ مُنْ عُمَرْثٜىٰسُ ثِكِنْ سُونَنْكَ!»
18 عِيسَىٰ يَأَمْسَ مُسُ يَثٜىٰ «نَغَ شَيْطَنْ يَڢَاطُواْ دَغَ سَمَ كَمَرْ وَلْڧِيَ؞ 19كُجِ نَنْ! نَبَاكُ إِيكُوانْ دَ ذَاكُ تَاكَ مَثِيظَيْ دَ كُنَمَيْ، كُكُمَ شَا كَنْ دُكَنْ إِيكُوانْ مَاسُ غَابَا، بَابُ كُمَ أَبِنْدَ ذَيْ ڢَرُ دَكُو؞#زَبُو 91.13 20دُكْدَهَكَ كَدَ كُيِ مُرْنَ دُوانْ أَلْجَنُ سُنْجِيكُ، كُيِ مُرْنَ دَيْ دُواْمِنْ أَنْرُبُوتَ سُونَيٜىٰنْكُ أَ سَمَ؞»
عِيسَىٰ يَيِ ڢَضٍ ثِكِ
﴿مَتْ 11.25-27؛ 13.16-17﴾
21أَوَنَّنْ لُواْكَثِ، عِيسَىٰ ثِكٜىٰ دَ ڢَضٍ ثِكِ تَوُرِنْ رُوحُ مَيْ ڟَرْكِے، يَثٜىٰ،
«نَا غُواْدٜىٰ مَكَ، يَا عُبَا، عُبَنْغِجِنْ سَمَ دَ دُونِيَا، دُواْمِنْ كَا ٻُواْيٜىٰ وَطَنَّنْ أَبُبُوَ غَ مَاسُ حِكِمَ دَ مَاسُ عِلِمِ، كَكُمَ بَيَّنَسُ غَ یَنْ يَارَا؞ حَكَنٜىٰ يَا عُبَا، غَمَا وَنَّنْ شِينٜىٰ أَبِنْدَ يَيِمَكَ ݣَوْ؞
22«عُبَانَ يَبَانِ دُكَنْ أَبُ؞ بَاوَنْدَ يَسَنْ كُواْ وَنٜىٰنٜىٰ طَنْ سَيْدَيْ عُبَنْ كَطَيْ، كُواْ كُمَ يَسَنْ كُواْ وَنٜىٰنٜىٰ عُبَنْ سَيْدَيْ شِ طَنْ دَ كُمَ وَنْدَ طَنْ يَسُواْ يَبَيَّنَ مَسَ؞»#يَحـ 3.35؛ 10.15
23سَيْ يَجُويَ وُرِنْ أَلْمَجِرَنْ، يَثٜىٰمُسُ عَٻُواْيٜىٰ «كُو مَاسُ أَلْبَرْكَنٜىٰ دَ وَطَنَّنْ أَبُبُوَ سُكَ ڢَرُ أَعِدَنُونْكُ! 24إِنَ غَيَ مُكُ، أَنَّبَاوَا دَ سَرَاكُنَ دَيَوَ سُنْسُواْ سُغَ أَبِنَّنْ دَ كُكٜىٰ غَنِ عَمَّا بَسُسَامِ دَامَبَ؞ سُنْسُواْ سُجِ أَبِنْدَ كُكٜىٰجِ عَمَّا بَسُجِبَ!»
مِصَالِنْ بَسَمَرِيٜىٰنْ دَ يَنُونَ جِنْڧَيْ
25سَيْغَا وَنِ مَلَمِنْ كُواْيَرْوَرْ مُوسَٰى يَمِيڧٜىٰ ڟَيٜىٰ دُواْمِنْ يَڠُودَ عِيسَىٰ؞ يَتَمْبَيٜىٰشِ يَثٜىٰ «مَلَمْ، مٜىٰ ذَنْيِ دُوانْ إِنْغَاجِ رَيْ نَهَرْ أَبَدَا؟»
26 عِيسَىٰ يَأَمْسَ مَسَ يَثٜىٰ «مٜىٰ كُواْيَرْوَرْ مُوسَٰى تَثٜىٰ؟ يَيَ كُمَ كَكٜىٰ ڢَسَّرْتَتَ؟»
27مُتُمِنْ يَثٜىٰ «أَنْثٜىٰ، ‹كَڧَوْنَثِ عُبَنْغِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ ڧَرْڢِنْكَ دَ كُمَ دُكَنْ حَنْكَلِنْكَ؞ كَكُمَ ڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ›؞»#لِـ ڢِرْ 19.18؛ مَيْ شَـ 6.5
28 عِيسَىٰ يَثٜىٰ مَسَ «كَا ڢَطَا دَيْدَيْ؞ تُواْ، كَيِ حَكَ، ذَاكَ رَايُ؞»#مَتْ 22.35-40؛ مَرْ 12.28-34#لِـ ڢِرْ 18.5
29عَمَّا مَلَمِنْ كُواْيَرْوَرْ يَسُواْ يَنُونَ ثٜىٰوَ بَاشِ دَ لَيْڢِے؞ سَبُواْدَ حَكَ سَيْ يَتَمْبَيِ عِيسَىٰ يَثٜىٰ «شِنْ، وَنٜىٰنٜىٰ مَڨُوبْثِنَ؟»
30 عِيسَىٰ يَأَمْسَ مَسَ يَثٜىٰ «أَنْ تَٻَيِنْ وَنِ مُتُمْ وَنْدَ يَتَاشِ دَغَ عُرُوشَلِيمَ يَنَ غَنْغَرَ ذُوَا يٜىٰرِكُواْ؞ سَيْ يَهَطُ دَ یَنْ ڢَشِ، سُكَ ڨُوثٜىٰ مَسَ كَايَنْسَ، سُكَيِ مَسَ مُوغُنْ دُوكَ، سُكَ بَرْ شِ أَوُرِنْ بَاكِنْ رَيْ دَ مُتُوَ؞ 31أَنَانً سَيْغَاشِ وَنِ ڢِرِسْتِ يَبِيُواْ كَنْ وَنَّنْ حَنْيَ؞ دَ يَغَ مُتُمِنَّنْ عَݣُونْثٜىٰ، سَيْ يَبِے تَغٜىٰڢٜىٰ يَوُثٜىٰ أَبِنْسَ؞ 32حَكَمَا وَنِ مُتُمِنْ ذُرِيَرْ لَوِ دَ يَذُواْ وُرِنْ يَغَنْشِ عَݣُونْثٜىٰ، شِے مَا يَبِے تَغٜىٰڢٜىٰ، يَوُثٜىٰ أَبِنْسَ؞ 33أَنَانً دَيْ، سَيْ حَنْيَ تَكَٰوُاْ وَنِ مُتُمِنْ سَمَرِيَ عِنْدَ يَكٜىٰ؞ دَ يَغَ مُتُمِنَّنْ، سَيْ تَوْسَيِ يَكَامَ شِ؞ 34يَجٜىٰ وُرِنْسَ، يَظُبَ مَيْدَ ضُوً إِنَبِے أَ مِيكِنْسَ، سَعَنً يَطَطَّوْرٜىٰسُ؞ يَطَوْكٜىٰشِ يَسَا عَكَنْ جَاكِنْسَ يَكَيْشِ وَنِ مَسَوْكِ، يَيِ جِنْيَرْسَ؞#2 تَارْ 28.15 35وَشٜىٰغَرِ، سَيْ يَطَوْكِ يَوَنْ كُطِنْ دَ لٜىٰبُرَ ذَيْسَامُ عَكْوَانَ بِيُ يَبَا مَيْ مَسَوْكِنْ، يَثٜىٰ، ‹كَلُورَ مِنِ دَ وَنَّنْ مُتُمْ، عِدَنْ نَدَاوُاْ، ذَنْ بِيَاكَ دُكْ أَبِنْدَ كَكَشٜىٰ عَكَنْسَ بَايَنْ وَنَّنْ؞› »
36عَڧَرْشٜىٰ سَيْ عِيسَىٰ يَتَمْبَيِ مَلَمِنْ كُواْيَرْوَرْ نَنْ يَثٜىٰ «أَغَنِنْكَ وَنٜىٰنٜىٰ عَثِكِنْ مُتَنٜىٰنَّنْ عُكُ يَنُونَ حَلِنْ مَڨُوبْثِ غَ مُتُمِنَّنْدَ يَڢَاطَ أَهَنُّنْ یَنْ ڢَشِ؟»
37مَلَمِنْ كُواْيَرْوَا يَثٜىٰ «وَنَّنْدَ يَجِ تَوْسَيِنْسَ؞»
عِيسَىٰ يَثٜىٰ مَسَ «سَيْ كَيْ مَا كَتَڢِے كَيِ حَكَ؞»
عِيسَىٰ يَظِيَرْثِ مَرْتَ دَ مَرْيَمُ
38 عِيسَىٰ دَ أَلْمَجِرَنْسَ سُنَ ثِكِنْ تَڢِيَ كٜىٰنَنْ، سَيْ يَكَيْ وَنِ ڧَوْيٜىٰ عِنْدَ وَتَ مَثٜىٰ مَيْ سُونَ مَرْتَ تَكَرْٻٜىٰشِ أَغِدَنْتَ؞ 39عِتَ مَرْتَ تَنَدَ یَرْعُوَ مَيْ سُونَ مَرْيَمُ، وَدَّ تَذَوْنَ كُرْكُسَدَ عُبَنْغِجِ تَنَجِنْ مَغَنَرْسَ؞#يَحـ 11.1 40مَرْتَ كُوَ عَيْكِنْ عَبِنْثِ يَطَوْكٜىٰ مَتَ حَنْكَلِ، سَيْ تَجٜىٰ وُرِنْ عِيسَىٰ تَثٜىٰ «عُبَنْغِجِ، بَكَدَامُ دَ يَدَّ یَرْعُوَتَ تَبَرْ مِنِ يِنْ عَبِنْثِ نِے كَطَيْبَ؟ ڢَطَا مَتَ تَذُواْ تَتَيْمَكٜىٰنِ مَنَ؞»
41عَمَّا عُبَنْغِجِ يَأَمْسَ مَتَ يَثٜىٰ «مَرْتَ، مَرْتَ، حَنْكَلِنْكِ يَتَاشِ، كِنْ كُمَ دَامُ عَكَنْ أَبُبُوَ دَيَوَ؞ 42عَمَّا أَبُ طَيَ تَكْ عَكٜىٰ بُڧَاتَ؞#10.42 أَبُ طَيَ تَكْ عَكٜىٰ بُڧَاتَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «أَبُبُوَ كَطَنْ نٜىٰ نَمُسَمَّنْ» نٜىٰ أَنَنْ؞ مَرْيَمُ تَا رِغَا تَا ذَاٻِ أَبُ مَيْݣَوْ، وَنْدَ بَذَاعَ عِيَ كَرْٻٜىٰ مَتَبَ؞»
Currently Selected:
لُكَّ 10: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
