لُكَّ 13

تُوبَ كُواْ هَلَّكَ

1أَ دَيْدَيْ وَنَّنْ لُواْكَثِ، وَطَنْسُ مُتَنٜىٰنْ دَسُكٜىٰ أَوُرِنْ سُكَ غَيَ وَ عِيسَىٰ لَابَرِنْ غَلِيلَاوَنْ دَ بِلَتُسْ يَسَا عَكَ كَشٜىٰ لُواْكَثِنْ دَسُكٜىٰ مِيڧَا وَ اللَّهْ هَدَايَرْسُ؞ 2عِيسَىٰ يَأَمْسَ مُسُ يَثٜىٰ ‏«‏دُوانْ أَنْكَشٜىٰ غَلِيلَاوَنَّنْ حَكَ، كُنَ ڟَمَّنِ سُنْڢِے كُواْوَ ذُنُوبِ كٜىٰنَنْ أَ غَلِيلِ؟ 3سَمْ!‏ إِنَ غَيَ مُكُ، عِدَنْ بَكُ تُوبَ عَكَنْ لَيْڢُواْڢِنْكُ بَ، دُكَنْكُ ذَاكُ هَلَّكَ كَمَرْسُ؞ 4كُواْ كُوَ مُتَنٜىٰ شَا تَݣُوسْ طِنَّنْ دَ حَصُومِيَا تَڢَاطِ عَكَنْسُ أَ سِلُوَمْ، يَكَشٜىٰسُ، كُنَ ڟَمَّنِ سُنْڢِے دُكْ سَوْرَنْ مُتَنٜىٰنْ عُرُوشَلِيمَ ذُنُوبِ نٜىٰ؟ 5سَمْ!‏ إِنَ غَيَ مُكُ، إِنْ بَكُ تُوبَبَ، ذَاكُ هَلَّكَ كَمَرْسُ؞»‏

مِصَالِ نَٻَوْرٜىٰ مَرَرْ یَیَ

6سَيْ عِيسَىٰ يَبَاسُ مِصَالِ يَثٜىٰ ‏«‏أَنْ تَٻَيِنْ وَنِ مُتُمْ وَنْدَ يَكٜىٰدَ إِتَاثٜىٰنْ ٻَوْرٜىٰ أَغُواْنَرْ إِنَبِنْسَ؞ سَيْ يَذُواْ دُواْمِنْ يَڟِنْكَ یَیَنْ، عَمَّا بَيْ سَامِ كُواْ طَيَبَ؞ 7سَيْيَثٜىٰ وَمُتُمِنْ دَيَكٜىٰ لُورَ دَ غُواْنَرْ، ‏‹‏دُوبَ، يَوْ شٜىٰكَرَا عُكُ كٜىٰنَنْ إِنَ ذُوَا نٜىٰمَنْ یَیَنْ ٻَوْرٜىٰنَّنْ، عَمَّا كُلُّمْ بَانَ سَامُنْ كُواْمٜىٰ عَكَنْسَ؞ سَارٜىٰشِ!‏ دُوانْمٜىٰ ذَاعَ بَرْ شِ يَتَرٜىٰ وُرِے عَبَنْظَ؟›‏

8‏«‏عَمَّا مَيْ لُورَ دَ غُواْنَرْ يَأَمْسَ يَثٜىٰ، ‏‹‏مَيْغِرْمَ، عَبَرْ شِ دَيْ، إِنْ بَرْ شِ شٜىٰكَرَا طَيَ، إِنْكُمَ ظُبَ مَسَ تَاكِ أَوَنَّنْ شٜىٰكَرَا؞ 9عِدَنْ يَا يِ یَیَ نَنْ غَبَ، تُواْ، إِنْكُمَ بَيْيِبَ، سَيْ أَسَارٜىٰشِ؞›‏ »‏

عِيسَىٰ يَوَرْكَرْ دَ مَثٜىٰ أَ رَانَرْ هُوتُ

10وَتَرَانَ عِيسَىٰ يَنَ كُواْيَرْوَا أَوَتَ مَجَمِعَ أَ رَانَرْ هُوتُ تَمَكُواْ، 11سَيْغَا وَتَ مَثٜىٰ وَدَّ أَلْجَنِ يَسَا ثِيوُاْ يَشَنْيٜىٰتَ نَڟَوُانْ شٜىٰكَرُ غُواْمَشَا تَݣُوسْ؞ دُكْ تَتَنْڨُورٜىٰ، بَاتَ مَا عِيَ مِيڧٜىٰوَ؞ 12دَ عِيسَىٰ يَغَنْتَ، سَيْ يَكِرَتَ يَثٜىٰ ‏«‏عُوَرْغِدَا، أَنْوَرْكَرْ دَكٜىٰ دَغَ رَشِنْ لَاڢِيَرْكِ؞»‏ 13سَيْ يَسَا حَنُّنْسَ عَكَنْتَ، نَنْ دَنَنْ سَيْ تَمِيڧٜىٰ ڟَبْ، تَيَبِے اللَّهْ؞

14عَمَّا شُوغَبَنْ مَجَمِعَرْ يَجِ هَوْشِ يَدَّ عِيسَىٰ يَوَرْكَرْدَ عِتَ أَ رَانَرْ هُوتُ؞ سَيْيَثٜىٰ وَمُتَنٜىٰنْ دَسُكٜىٰ نَنْ ‏«‏أَݣَويْ رَانَكُو حَرْ شِدَ دَ يَا كَمَاتَ عَيِ عَيْكِ، كُذُواْ أَ رَانَكُنَّنْ أَوَرْكَرْ دَكُو، بَ رَانَرْ هُوتُنْبَ؞»‏ #ڢِتْ 20‏.9‏-10؛ مَيْ شَـ 5‏.13‏-14

15عَمَّا عُبَنْ‌غِجِ يَثٜىٰمَسَ ‏«‏مُنَاڢُكَيْ كَوَيْ!‏ أَشٜىٰ، كُواْوَنّٜىٰنْكُ بَايَ كُنْثٜىٰ سَانِيَرْسَ كُواْ جَاكِنْسَ، يَكَيْشِ وُرِنْ دَ ذَيْ شَا ضُوَ أَ رَانَرْ هُوتُ؟ 16مَثٜىٰنَّنْ، یَرْ دَنْ‌غِنْ إِبْرَٰهِيمْ وَدَّ شَيْطَنْ يَطَوْرٜىٰ، يَوْ شٜىٰكَرَا غُواْمَشَا تَݣُوسْ، أَشٜىٰ، بَيْيِ دَيْدَيْ أَوَرْكَرْدَ عِتَ أَ رَانَرْ هُوتُ تَمَكُواْ بَ؟»‏ 17وَنَّنْ مَغَنَرْسَ دَ يَيِ، تَسَا دُكْ مَاسُڧِنْ غَنِنْسَ سُكَجِ كُنْيَا؞ سَوْرَنْ مُتَنٜىٰ كُوَ، دُكْ سُكَيِ تَمُرْنَ سَبُواْدَ أَيُّكَنْ بَنْ مَامَاكِنْ دَ يَكٜىٰيِ؞

مِصَالِ نَڨُويَرْ مَسْتَدْ

﴿مَتْ 13‏.31‏-32؛ مَرْ 4‏.30‏-32﴾

18سَيْ عِيسَىٰ يَثٜىٰ ‏«‏يَيَ مُلْكٍ اللَّهْ يَكٜىٰ؟ دَ مٜىٰ كُمَ ذَنْ ݣُوتَنْتَاشِ؟ 19مُلْكٍ سَمَ كَمَرْ ڨُويَرْ مَسْتَدْ يَكٜىٰ وَدَّ تَڢِے ڧَنْڧَنْتَ ثِكِنْ إِرِ دُكَ، وَدَّ وَنِ مُتُمْ يَطَوْكَ يَشُوكَ أَغُواْنَرْسَ؞ سَيْ تَيِ غِرْمَ حَرْ تَذَمَ إِتَاثٜىٰ، ڟُنْڟَيٜىٰ كُوَ سُكَيِ غِدَا أَ رَسَّنْسَ؞»‏

مِصَالِ نَيِسْتِ

﴿مَتْ 13‏.33﴾

20 عِيسَىٰ يَسَاكٜىٰ تَمْبَيَ ‏«‏دَمٜىٰ ذَنْ ݣُوتَنْتَا مُلْكٍ اللَّهْ؟ 21كَمَرْ يِسْتِ يَكٜىٰ وَنْدَ وَتَ مَثٜىٰ تَݣُوٻَ دَ مُودُ عُكُ نَغَارِنْ أَلْكَمَ، حَرْ دُكْ غَارِنْ يَغَمٜىٰدَ يِسْتِنْ؞»‏

ڧَرَمَرْ ڧُواْڢَ

﴿مَتْ 7‏.13‏-14‏،21‏-23﴾

22دَ عِيسَىٰ يَكَامَ حَنْيَ ذَيْ تَڢِے عُرُوشَلِيمَ، سَيْ يَبِے غَرُرُوَ دَ ڧَوْيُكَ يَنَ كُواْيَوَ مُتَنٜىٰ؞ 23سَيْ وَنِ يَتَمْبَيٜىٰشِ يَثٜىٰ ‏«‏مَلَمْ، شِنْ، وَيْ مُتَنٜىٰ كَطَنْ نٜىٰ كَوَيْ ذَاسُ سَامِ ثٜىٰتُواْ؟»‏

عِيسَىٰ يَثٜىٰمُسُ، 24‏«‏كُيِ ڧُواْڧَرِ كُشِغَ تَڧَرَمَرْ ڧُواْڢَ، دُواْمِنْ مُتَنٜىٰ دَيَوَ ذَاسُيِ ڧُواْڧَرِنْ شِغَ عَمَّا بَذَاسُ عِيَبَ؞ 25إِنْ دَيْ مَيْغِدَنْ يَارِغَا يَتَاشِ يَرُڢٜىٰ ڧُواْڢَرْ غِدَنْ، كُو كُوَ ذَاكُ ڟَيَ أَوَجٜىٰ كُنَ ڨُونْڨُوسَ ڧُواْڢَرْ، كُنَ ثٜىٰوَ ‏‹‏مَيْغِدَا، عَبُوطٜىٰ مَنَ ڧُواْڢَ!‏›‏ شِ كُمَ ذَيْ أَمْسَ مُكُ يَثٜىٰ، ‏‹‏بَنْ سَنْ عِنْدَ كُكَ ڢِتُواْبَ!‏›‏

26‏«‏سَعَنً ذَاكُ ڢَارَ كُكَ كُنَ ثٜىٰوَ ‏‹‏حَبَ، مُو دَ مُكَثِ مُكَشَا تَرٜىٰدَكَيْ، حَرْ كَكُواْيَرْ أَغَرُرُوَنْمُ!‏›‏ 27عَمَّا ذَيْثٜىٰ، ‏‹‏بَنْ سَنْ عِنْدَ كُكَ ڢِتُواْبَ؞ كُرَبُ دَنِے، كُو مَاسُ عَيْكَتَ مُغُنْتَا!‏›‏ #زَبُو 6‏.9 28سَعَدَّ كُكَغَ إِبْرَٰهِيمْ دَ إِسْحَٰڧَ دَ يَعْڧُوبَ دَ دُكَنْ أَنَّبَاوَا أَمُلْكٍ اللَّهْ، كُو كُوَ أَنَ كُواْرَرْكُ، أَنَنْ نٜىٰ ذَاكُيِ كُوكَا دَ ثِظُوانْ هَڧُواْرَ؞ #مَتْ 22‏.13؛ 25‏.30 29مُتَنٜىٰ ذَاسُذُواْ دَغَ غَبَسْ دَ يَمَّ، كُدُ دَ أَرٜىٰوَ، سُذَوْنَ ثِنْ بِكِ أَمُلْكٍ اللَّهْ؞ #مَتْ 8‏.11‏-12 30غَاشِ ڢَا وَطَنْدَ سُكٜىٰ نَڧَرْشٜىٰ ذَاسُ ذَمَ نَڢَرْكُواْ، نَڢَرْكُواْ كُمَ سُذَمَ نَڧَرْشٜىٰ؞»‏ #مَتْ 19‏.30؛ 20‏.16؛ مَرْ 10‏.31

عِيسَىٰ يَدَامُ عَكَنْ عُرُوشَلِيمَ

﴿مَتْ 23‏.37‏-39﴾

31أَوَنَّنْ لُواْكَثِ سَيْ وَطَنْسُ ڢَرِسِيَاوَا سُكَذُواْ سُكَثٜىٰ وَ عِيسَىٰ ‏«‏كَتَاشِ دَغَ نَنْ ڢَا، دُواْمِنْ هِرُدُسْ يَنَ سُواْ يَكَشٜىٰكَ؞»‏

32سَيْ يَثٜىٰمُسُ ‏«‏كُجٜىٰ كُغَيَ وَمَيْ مَكِرْثِنَّنْ ثٜىٰوَ ‏‹‏يَوْ إِنَ ڢِتَرْدَ أَلْجَنُ، إِنَ كُمَ وَرْكَرْدَ مُتَنٜىٰ، غُواْبٜىٰ مَا حَكَ، جِيبِنٜىٰ ذَنْ غَمَ عَيْكِنَ؞ 33دُكْدَهَكَ لَلَّيْ نٜىٰ إِنْثِيغَبَدَ تَڢِيَاتَ يَوْ دَ غُواْبٜىٰ دَ كُمَ جِيبِے، دُوانْ كُوَ بَيْيِ ݣَوْ عَثٜىٰ أَنَّبِے يَمُتُبَ، إِنْ بَ أَ عُرُوشَلِيمَ نٜىٰ عَكَ كَشٜىٰشِيبَ؞›‏

34‏«‏أَيَّ، عُرُوشَلِيمَ!‏ عُرُوشَلِيمَ!‏ مَيْ كِسَنْ أَنَّبَاوَا، مَيْ جِڢَرْ وَطَنْدَ عَكَ عَيْكُواْ غَرٜىٰتَ!‏ سَوْ نَوَ نَاسُواْ إِنْتَتَّرَاكُ كَمَرْ يَدَّ كَاظَا تَكٜىٰ تَتَّارَ یَنْ يَارَنْتَ ثِكِنْ ڢِكَڢِكَنْتَ، عَمَّا كُنْڧِ!‏ 35غَاشِ أَنْبَرْ مُكُ غِدَنْكُ كُڢَيْ!‏ إِنَ كُوَ غَيَ مُكُ، بَذَاكُ ڧَارَ غَنِينَ بَ، سَيْ رَانَرْ دَ كُكَثٜىٰ، ‏‹‏مَيْ أَلْبَرْكَنٜىٰ، وَنْدَ يَكٜىٰ ذُوَا ثِكِنْ سُونَنْ عُبَنْ‌غِجِ!‏›‏ »‏ #زَبُو 118‏.26؛ إِرْمِ 22‏.5

Currently Selected:

لُكَّ 13: hauAS

Highlight

Copy