يَحْيَى 7
7
یَنْعُوَنْ عِيسَىٰ بَسُ غَسْكَتَ دَشِيبَ
1بَايَنْ وَنَّنْ عِيسَىٰ يَظَظْذَاغَ ثِكِنْ غَلِيلِ، عَمَّا بَيْ سُواْ يَيِ تَڢِيَ ثِكِنْ يَهُودِيَ بَ، دُوانْ يَهُودَاوَنْ دَسُكٜىٰ ثَنْ سُنَ نٜىٰمَ سُكَشٜىٰشِ؞ 2بِكٍ بُكُّواْكِ#7.2 بِكٍ بُكُّواْكِ: دُوبِے مَعَنَرْ وَطَنْسُ كَلْمُواْمِ؞ نَ يَهُودَاوَا يَيِ كُسَ كٜىٰنَنْ،#لِـ ڢِرْ 23.34؛ مَيْ شَـ 16.13 3سَيْ یَنْعُوَنْ عِيسَىٰ سُكَثٜىٰ مَسَ «يَا كَمَاتَ كَتَاشِ دَغَ نَنْ كَتَڢِے يَهُودِيَ دُواْمِنْ أَلْمَجِرَنْكَ سُو مَا سُغَ أَيُّكَنْ بَنْ مَامَاكِنْ دَ كَكٜىٰيِ؞ 4أَيْ، دُكْ وَنْدَ يَكٜىٰسُواْ أَ سَنْ شِ سُواْسَيْ بَايَ ٻُواْيٜىٰ أَبِنْدَ يَكٜىٰيِ؞ تُنْدَيَكٜىٰ كَنَ يِنْ وَطَنَّنْ أَبُبُوَ، أَيْ، سَيْ كَنُونَ كَنْكَ دُواْمِنْ دُونِيَا تَسَنْكَ؞» 5غَمَا سُو یَنْعُوَنْ عِيسَىٰ مَا بَسُ بَادَ غَسْكِيَ غَرٜىٰشِيبَ؞
6سَيْ عِيسَىٰ يَثٜىٰ مُسُ «لُواْكَثِنَ بَيْ ذُواْ بَ تُكُنَ، عَمَّا أَوَجٜىٰنْكُ كُواْوَنٜىٰ لُواْكَثِ دَيْدَيْنٜىٰ؞ 7كُو كَمْ دُونِيَا بَذَاتَ عِيَ ڧِنْكُبَ، عَمَّا نِے تَكٜىٰڧِ، دُواْمِنْ إِنَ ڢَطَا مَتَ مُوغَيٜىٰنْ أَيُّكَنْ دَتَكٜىٰيِ؞ 8كُو دَيْ كُتَڢِے بِكٍ؞ نِے بَذَنْتَڢِے وَنَّنْ بِكِبَ، غَمَا لُواْكَثِنَ بَيْيِبَ تُكُنَ؞» 9بَايَنْدَ عِيسَىٰ يَڢَطَا مُسُ وَنَّنْ مَغَنَ، سَيْ يَطَنْ دَكَتَ أَ غَلِيلِ؞
10عَمَّا بَايَنْدَ یَنْعُوَنْسَ سُكَ تَڢِے بِكٍ، سَيْ عِيسَىٰ يَتَڢِے، عَمَّا عَٻُواْيٜىٰ، بَعَڢِيلِبَ؞ 11يَهُودَاوَا سُنَ تَنٜىٰمَنْسَ أَوُرِنْ بِكٍ، سُنَ تَمْبَيَ ثٜىٰوَ «إِنَا مُتُمِنْ يَكٜىٰ؟»
12عَثِكِنْ تَارُواْنَّنْ مُتَنٜىٰ سُنَ تَمَغَنْغَنُ دَ جُونَنْسُ عَٻُواْيٜىٰ عَكَنْ عِيسَىٰ؞ وَطَنْسُ سُنَ ثٜىٰوَ «شِے مُتُمِنْ كِرْكِنٜىٰ؞»
وَطَنْسُ كُمَ سُنَ ثٜىٰوَ «أَعَ، أَيْ، يَنَ رُوطِنْ مُتَنٜىٰنٜىٰ؞» 13عَمَّا بَاوَنْدَ يَيِ ڧَرْڢِنْ حَلِ يَيِ مَغَنَ عَكَنْ عِيسَىٰ أَ ڢِيلِ، سَبُواْدَ سُنَ ڟُواْرُوانْ شُوغَبَنِّنْ يَهُودَاوَا؞
عِيسَىٰ يَيِ كُواْيَرْوَا عَبِكٍ بُكُّواْكِ
14دَ عَكَثِ رَبِنْ لُواْكَثِنْ بِكِ، سَيْ عِيسَىٰ يَشِغَ هَيْكَلِ يَڢَارَ كُواْيَرْوَا؞ 15سَيْ شُوغَبَنِّنْ يَهُودَاوَا سُكَيِ مَامَاكِ سُكَثٜىٰ «وَنَّنْ مُتُمْ بَيْتَٻَ ذُوَا مَكَرَنْتَ دُوانْ كُواْيُوانْ كَرَاتُ بَ، تَيَيَا يَذَمَ ڠُونِ حَكَ؟»
16سَيْ عِيسَىٰ يَأَمْسَ مُسُ يَثٜىٰ «أَبُبُوَنْ دَ نَكٜىٰ كُواْيَرْوَا بَنَوَبَنٜىٰ، عَمَّا نَوَنْدَ يَعَيْكُواْ نِنٜىٰ؞ 17دُكْ وَنْدَ يَذَاٻِ يِنْ أَبِنْدَ اللَّهْ يَكٜىٰسُواْ، ذَيْ سَنِ ثٜىٰوَ كُواْيَرْوَاتَا تَڢِتُواْ دَغَ وُرِنْ اللَّهْ نٜىٰ، بَوُرِينَبَ؞ 18وَنْدَ يَكٜىٰ كُواْيَرْ دَ أَبُبُوَ نَكَنْسَ، يَنَ ڧُواْڧَرِنْ طَوْكَكَ كَنْسَ نٜىٰ؞ عَمَّا وَنْدَ يَكٜىٰ ڧُواْڧَرِنْ طَوْكَكَ وَنْدَ يَعَيْكُواْشِ، شِينٜىٰ مَيْ غَسْكِيَ، كُمَ بَاشِ دَ رَشِنْ غَسْكِيَ عَثِكِنْسَ؞ 19أَشٜىٰ، بَ مُوسَٰى نٜىٰ يَبَاكُ كُواْيَرْوَا بَ؟ عَمَّا دُكْدَهَكَ بَا وَنِ عَثِكِنْكُ وَنْدَ يَكٜىٰ كِيَايٜىٰ كُواْيَرْوَرْ؞ مٜىٰيَسَا كُكٜىٰسُواْ كُكَشٜىٰنِ؟»
20مُتَنٜىٰنْ سُكَ أَمْسَ سُكَثٜىٰ «كَنَدَ أَلْجَنِ عَثِكِنْكَ؞ سُو وَنٜىٰنٜىٰ سُكٜىٰسُواْ سُكَشٜىٰكَ؟»
21سَيْ عِيسَىٰ يَأَمْسَ مُسُ يَثٜىٰ «نَيِ أَبِنْ بَنْ مَامَاكِ غُدَا طَيَ تَكْ، عَمَّا كُنْيِ مَامَاكِ دُكَنْكُ؞ 22مُوسَٰى يَبَاكُ عُمَرْنِنْ كَاثِيَ، كُواْدَيَكٜىٰ بَشِينٜىٰ يَڢَارَبَ، عَمَّا كَاكَنِّنْ كَاكَنِّنْكُ نٜىٰ؞ دُكْدَهَكَ كُكَنْيِ وَيَرُواْ كَاثِيَ أَ رَانَرْ هُوتُ تَمَكُواْ؞#ڢَارْ 17.10؛ لِـ ڢِرْ 12.3 23تُواْ، عِدَنْ أَنَ عِيَيِ وَيَرُواْ كَاثِيَ أَ رَانَرْ هُوتُ تَمَكُواْ دُواْمِنْ دَيْ عَيِ بِيَيَّ دَ كُواْيَرْوَرْ مُوسَٰى، تُواْ، مٜىٰيَسَا ذَاكُيِ ڢُشِے دَنِے سَبُواْدَ نَوَرْكَرْدَ جِكِنْ مُتُمْ سَرَيْ أَ رَانَرْ هُوتُ؟#يَحـ 5.9 24كَدَ كُيِ شَرِيعَ بِسَغَ يَدَّ أَبُبُوَ سُكٜىٰ أَغَنِنْ عِدُواْ، عَمَّا كُيِ شَرِيعَ بِسَغَ أَبِنْدَ يَكٜىٰ دَيْدَيْ؞»
عِيسَىٰ نٜىٰ أَلْمَسِيحُ؟
25سَيْ وَطَنْسُ مُتَنٜىٰنْ عُرُوشَلِيمَ سُكَثٜىٰ «أَشٜىٰ، بَ وَنَّنْ نٜىٰ مُتُمِنْ دَسُكٜىٰ نٜىٰمَ سُكَشٜىٰبَ؟ 26غَاشِ نَنْ كُوَ، يَنَ مَغَنَ أَ ڢِيلِ، بَسُثٜىٰ مَسَ كُواْمٜىٰبَ؞ كُواْ شُوغَبَنِّنْ سُنْ رِغَا سُنْ يَرْدَ ثٜىٰوَ شِينٜىٰ أَلْمَسِيحُ كٜىٰنَنْ؟ 27غَاشِ، مُنْ سَنْ عِنْدَ مُتُمِنَّنْ يَڢِتُواْ، عَمَّا سَعَدَّ أَلْمَسِيحُ نَغَسْكٜىٰ يَذُواْ، بَاوَنْدَ ذَيْ سَنْ عِنْدَ يَڢِتُواْ؞»
28 عِيسَىٰ يَنَ كُواْيَرْوَا أَ هَيْكَلِنْ كٜىٰنَنْ، سَيْ يَطَغَ مُرْيَ يَثٜىٰ «كُنْ دَيْ سَنْ نِے، كُنْ كُمَ سَنْ عِنْدَ نَڢِتُواْ؞ عَمَّا بَنْ ذُواْ دَ إِيكُوانْ كَيْنَ بَ؞ وَنْدَ يَعَيْكُواْ نِے مَيْ غَسْكِيَ نٜىٰ، شِيكُوَ بَكُسَنْ شِيبَ؞ 29عَمَّا نِے نَاسَنْشِ، غَمَا دَغَ وُرِنْسَ نَڢِتُواْ، شِينٜىٰ كُوَ يَعَيْكُواْنِ؞»
30دَ عِيسَىٰ يَڢَطِ وَنَّنْ مَغَنَ، سَيْ مُتَنٜىٰنْ سُكَ نٜىٰمَ سُكَامَشِ؞ عَمَّا بَاوَنْدَ يَتَٻَ شِ، غَمَا لُواْكَثِنْسَ بَيْيِبَ؞ 31دُكْدَهَكَ مُتَنٜىٰ دَيَوَ عَثِكِنْ جَمَعَرْ سُكَ غَسْكَتَادَ عِيسَىٰ، سُنَ ثٜىٰوَ «شِنْ، لُواْكَثِنْ دَ أَلْمَسِيحُ ذَيْذُواْ، ذَيْ يِ عَلَمُنْ بَنْ مَامَاكِ ڢِيٜىٰدَ أَبُبُوَنْ دَ مُتُمِنَّنْ يَيِ نٜىٰ؟»
شُوغَبَنِّنْ يَهُودَاوَا سُنْيِ ڧُواْڧَرِنْ كَامُنْ عِيسَىٰ
32ڢَرِسِيَاوَا سُكَجِ مُتَنٜىٰ سُنَ مَغَنَ أَ حَنْكَلِ دَ جُونَ عَكَنْ عِيسَىٰ، سَيْ مَنْيَنْ ڢِرِسْتُواْثِے دَ ڢَرِسِيَاوَا سُكَ عَيْكِ مَاسُ غَادِنْ هَيْكَلِ سُكَمُواْشِ؞
33سَيْ عِيسَىٰ يَأَمْسَ يَثٜىٰ «لُواْكَثِنْ دَ ذَنْ ذَوْنَ تَرٜىٰدَكُو يَضَغٜىٰ طَنْ كَطَنْ، سَعَنً ذَنْكُواْمَ وُرِنْ وَنْدَ يَعَيْكُواْ نِے؞ 34ذَاكُ نٜىٰمٜىٰنِ، عَمَّا بَذَاكُ سَامٜىٰنِبَ؞ عِنْدَ نَكٜىٰ كُوَ بَذَاكُ عِيَ ذُوَابَ؞»
35سَيْ يَهُودَاوَا سُكَيِ مَغَنَ دَ جُونَ سُكَثٜىٰ «إِنَا نٜىٰ ذَيْتَڢِے حَرْ دَ بَذَامُ سَامٜىٰشِيبَ؟ كُواْ ذَاشِ وَجٜىٰنْ يَهُودَاوَنْ دَسُكٜىٰ أَوَرْوَڟٜىٰ سُنَ ذَمَ دَ هٜىٰلٜىٰنَاوَا نٜىٰ، يَكُواْيَ وَ هٜىٰلٜىٰنَاوَا عَثَنْ؟ 36مٜىٰ يَكٜىٰ نُڢِ دَيَثٜىٰ، ‹ذَاكُ نٜىٰمٜىٰنِ، عَمَّا بَذَاكُ سَامٜىٰنِبَ›؟ مٜىٰيَكٜىٰ نُڢِ كُمَ دَ ‹عِنْدَ نَكٜىٰ بَذَاكُ عِيَ ذُوَابَ›؟»
أَلْڧَوَرِنْ ضُوَ مَيْ بَادَ رَيْ
37أَ رَانَرْ ڧَرْشٜىٰ تَبِكٍ، وَدَّ كُمَ تَذَمَ بَبَّرْ رَانَ تَبِكٍ، عِيسَىٰ يَڟَيَ يَطَغَ مُرْيَ يَثٜىٰ «دُكْ مَيْ جِنْ ڧِشِنْ ضُوَ يَذُواْ وُرِينَ يَشَا؞#لِـ ڢِرْ 23.36 38دُكْ مَيْ بَادَ غَسْكِيَ غَرٜىٰنِ، ‹رَاڢُڢُّكَنْ ضُوَ مَيْ بَادَ رَيْ ذَاسُ ڢِڢِّتُواْ دَغَ ذُوثِيَارْسَ،› كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا؞»#7.37-38 وَنِ جُويِ نَوَطَنَّنْ أَيُواْيِنْ شِينٜىٰ «دُكْ مَيْ جِنْ ڧِشِنْ ضُوَ يَذُواْ وُرِينَ، كُمَ دُكْ وَنْدَ يَبَادَ غَسْكِيَ غَرٜىٰنِ كُمَ يَشَا؞ 38؞ كَمَرْ يَدَّ مَغَنَرْ اللَّهْ تَثٜىٰ ‹رَاڢُڢُّكَنْ ضُوَ مَيْ بَادَ رَيْ ذَاسُ ڢِڢِّتُواْ دَغَ ذُوثِيَارْسَ؞› »#هِظْ 47.1؛ زَكْ 14.8 39عِيسَىٰ يَنَ مَغَنَ نٜىٰ عَكَنْ رُوحُ مَيْ ڟَرْكِے، وَنْدَ مَاسُ بَادَ غَسْكِيَ غَرٜىٰشِ ذَاسُ كَرْٻَ، دُواْمِنْ أَوَنَّنْ لُواْكَثِ بَعَبَادَ رُوحُ مَيْ ڟَرْكِے بَ تُكُنَ، سَبُواْدَ بَ أَطَوْكَكَ عِيسَىٰ تُكُنَبَ؞
مُتَنٜىٰ سُنْيِ غَرْدَمَ عَكَنْ عِيسَىٰ
40دَ مُتَنٜىٰنْ سُكَجِ وَنَّنْ مَغَنَرْ دَ عِيسَىٰ يَيِ، سَيْ سُكَثٜىٰ «بَاشَكَّ، وَنَّنْ شِينٜىٰ أَنَّبِنَّنْ؞»
41وَطَنْسُ كُوَ سُكَثٜىٰ «وَنَّنْ شِينٜىٰ أَلْمَسِيحُنْ؞» عَمَّا حَرْ يَنْذُ وَطَنْسُ سُكَثٜىٰ «أَشٜىٰ، أَلْمَسِيحُنْ دَغَ غَلِيلِ ذَيْڢِتُواْ؟ 42بَ رُبُوتَثِّيَرْ مَغَنَرْ اللَّهْ تَڢَطَا ثٜىٰوَ أَلْمَسِيحُ ذَيْڢِتُواْ دَغَ ذُرِيَرْ دَاوُدَ نٜىٰبَ؟ بَكُمَ ذَيْڢِتُواْ دَغَ بَيْتَلَحْمِ، ڧَوْيٜىٰنْ دَ دَاوُدَ يَذَوْنَ نٜىٰبَ؟»#2 سَمْ 7.12؛ مِيكَ 5.1 43سَيْ بَاكِنْ مُتَنٜىٰنْ يَرَبُ عَكَنْ عِيسَىٰ؞ 44وَطَنْسُنْسُ سُكَسُواْ سُكَامَشِ، عَمَّا بَاوَنْدَ يَتَٻَشِ؞
رَشِنْ بَنْغَسْكِيَرْ شُوغَبَنِّنْ يَهُودَاوَا
45دَ مَاسُ غَادِ سُكَكُواْمَ، سَيْ مَنْيَنْ ڢِرِسْتُواْثِے دَ شُوغَبَنِّنْ ڢَرِسِيَاوَا سُكَ تَمْبَيٜىٰسُ سُكَثٜىٰ «مٜىٰيَسَا بَكُكَٰوُاْ شِ بَ؟»
46سَيْ دُواْغَضَوَنْ سُكَ أَمْسَ سُكَثٜىٰ «أَيْ، بَابُ مُتُمِنْدَ يَتَٻَ مَغَنَ كَمَرْ وَنَّنْ مُتُمْ؞»
47ڢَرِسِيَاوَنْ سُكَثٜىٰ وَدُواْغَرَوَنْ «أَڢْ! حَرْ كُو مَا يَرُوطٜىٰكُ كٜىٰنَنْ؟ 48كُواْ أَݣَويْ وَنِ دَغَ ثِكِنْ شُوغَبَنِّ كُواْ ڢَرِسِيَاوَنْ دَ يَبَادَ غَسْكِيَ غَرٜىٰشِ؟ 49عَمَّا وَنَّنْ تَارُوانْ دَ بَسُسَنْ كُواْمٜىٰ عَكَنْ كُواْيَرْوَرْ مُوسَٰى بَ، أَيْ، لَعَنَنُّ نٜىٰ؞»
50نِكُواْدِمُسْ كُوَ وَنْدَ يَجٜىٰ وُرِنْ عِيسَىٰ أَدَا، وَنْدَ كُوَ يَنَ طَيَ دَغَ ثِكِنْ ڧُنْغِيَرْسُ، يَثٜىٰ مُسُ،#يَحـ 3.1-2 51«بِسَغَ كُواْيَرْوَرْمُ بَذَامُ عِيَ حُكُنْتَ مُتُمْبَ، سَيْ أَنْجِ دَغَ بَاكِنْسَ، دُوانْ أَ سَنْ أَبِنْدَ يَكٜىٰيِ؞»
52سَيْ سُكَ أَمْسَ مَسَ سُكَثٜىٰ «كَيْ مَا مُتُمِنْ غَلِيلِ نٜىٰ؟ كَبِنْثِكَ رُبُوتَثِّيَرْ مَغَنَرْ اللَّهْ كَغَنِ مَنَ، أَيْ، بَا وَنِ أَنَّبِنْدَ ذَيْذُواْ دَغَ غَلِيلِ؞»
مَثٜىٰنْدَ عَكَكَامَ أَظِنَ
53[سَيْ كُواْوَ يَتَڢِے غِدَا؞
Currently Selected:
يَحْيَى 7: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
