يَحْيَى 8

1عَمَّا عِيسَىٰ يَتَڢِے تُدُنْ عِتَتُوَنْ ظَيْتُنْ؞ 2دَ سَسَّڢٜىٰ كُمَ عِيسَىٰ يَسَاكٜىٰ شِغَ هَيْكَلِ؞ دُكَنْ مُتَنٜىٰ سُكَذُواْ وُرِنْسَ، يَكُوَ ذَوْنَ يَنَ كُواْيَ مُسُ؞ 3سَيْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَ كَٰوُاْ وَتَ مَثٜىٰنْ دَ عَكَ كَمَاتَ تَنَ يِنْ ظِنَ؞ سُكَسَا تَڟَيَ أَڟَكِيَرْسُ؞ 4سَيْ سُكَثٜىٰ وَ عِيسَىٰ ‏«‏مَلَمْ، مَثٜىٰنَّنْ أَنْكَمَتَ نٜىٰ، تَنَ ثِكِنْ ظِنَ؞ 5تُواْ، كُواْيَرْوَرْ مُوسَٰى تَعُمَرْثٜىٰمُ مُجٜىٰجّٜىٰڢٜىٰ إِرِنْ وَطَنَّنْ دَ دُوَڟُو حَرْ سُمُتُ؞ كَيْ كُوَ مٜىٰكَثٜىٰ؟»‏ #لِـ ڢِرْ 20‏.10؛ مَيْ شَـ 22‏.22‏-24 6سُنْيِ وَنَّنْ تَمْبَيَ نٜىٰ دُواْمِنْ سُڠُودَ شِ، دُواْمِنْ دَيْ سُسَامِ وَنِ لَيْڢِنْدَ ذَاسُيِ ڧَارَرْسَ عَكَيْ؞

عَمَّا عِيسَىٰ يَسُنْكُيَ، يَيِ رُبُوتُو عَڧَسَا دَ يَڟَرْسَ؞ 7دَسُكَ دِنْ‌غَيِ وَ عِيسَىٰ تَمْبَيُواْيِ، سَيْ يَتَاشِ ڟَيٜىٰ يَثٜىٰمُسُ ‏«‏تُواْ، دُكْ وَنْدَ بَيْتَٻَيِنْ ذُنُوبِ عَثِكِنْكُ بَ يَڢَارَ جِڢَرْتَ دَ دُوڟٜىٰ؞»‏ 8سَيْ عِيسَىٰ يَسَاكٜىٰ سُنْكُيَاوَ، يَيِ رُبُوتُو عَڧَسَا؞ 9دَ سُكَجِ حَكَ كُوَ، سُكَ ڢَارَ تَاشِ دَغَ وُرِنْ طَيَ طَيَ، تُنْدَغَ بَبَّنْسُ ذُوَا ڧَرَمِنْسُ، عَكَ بَرْ عِيسَىٰ شِ كَطَيْ دَ مَثٜىٰنْ أَڟَيٜىٰ أَغَبَنْسَ؞ 10سَيْ عِيسَىٰ يَمِيڧٜىٰ ڟَيٜىٰ، يَتَمْبَيٜىٰتَ يَثٜىٰ ‏«‏عُوَرْغِدَا إِنَا سُكٜىٰ؟ بَاوَنْدَ يَحُكُنْتَكِ؟»‏

11سَيْ تَأَمْسَ تَثٜىٰ ‏«‏مَيْغِرْمَ، بَابُ كُواْوَ؞»‏

سَيْ عِيسَىٰ يَثٜىٰ ‏«‏نِے مَا بَنْ حُكُنْتَكِبَ؞ كِتَڢِے، عَمَّا كَدَ كِڧَارَ يِنْ ذُنُوبِ؞»‏]‏#8‏.11 وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ أَيُواْيِ 7‏.53‏-8‏.11؞

عِيسَىٰ نٜىٰ حَصْكٜىٰنْ دُونِيَا

12سَيْ عِيسَىٰ يَڧَارَيِ وَمُتَنٜىٰ مَغَنَ يَثٜىٰ ‏«‏نِنٜىٰ حَصْكٜىٰنْ دُونِيَا؞ دُكْ وَنْدَ يَكٜىٰبِنَ بَذَيْ يِتَڢِيَ أَدُهُبَ، عَمَّا ذَيْسَامِ حَصْكٜىٰ نَ رَيْ؞»‏ #مَتْ 5‏.14؛ يَحـ 9‏.5

13سَيْ ڢَرِسِيَاوَا سُكَثٜىٰ وَ عِيسَىٰ ‏«‏كَنَيِ وَكَنْكَ شَيْدَ، شَيْدَرْكَ كُوَ بَ تَبَّتَاثِّيَ بَثٜىٰ؞»‏ #يَحـ 5‏.31

14 عِيسَىٰ يَأَمْسَ مُسُ يَثٜىٰ ‏«‏كُواْ دَمَا نَيِ شَيْدَ عَكَيْنَ، أَيْ، شَيْدَتَ غَسْكِيَثٜىٰ، غَمَا نَا سَنْ عِنْدَ نَڢِتُواْ دَ كُمَ عِنْدَ ذَانِ؞ عَمَّا كُو بَكُسَنْ عِنْدَ نَڢِتُواْبَ، كُواْ كُمَ عِنْدَ ذَانِ؞ 15كُو كُنَيِنْ شَرِيعَ نٜىٰ بِسَغَ غَنِنْ مُتُمْ؞ نِے كُوَ بَانَيِ وَكُواْوَ شَرِيعَ؞ 16عَمَّا كُواْ دَمَا ذَنْيِ شَرِيعَ، شَرِيعَتَ تَغَسْكِيَ ثٜىٰ، غَمَا بَنِينٜىٰ كَطَيْبَ، عَمَّا عُبَانَ وَنْدَ يَعَيْكُواْنِ يَنَيِ تَرٜىٰدَنِ؞ 17عَثِكِنْ كُواْيَرْوَرْكُ أَنْرُبُوتَ ثٜىٰوَ عِدَنْ شَيْدُ بِيُ سُنْ ڢَطَا أَبُ إِرِ طَيَ، تُواْ، دُواْلٜىٰنٜىٰ عَكَرْٻِ شَيْدَرْسُ؞ 18تُواْ، نِے إِنَبَادَ شَيْدَ وَ كَيْنَ، عُبَا كُمَ وَنْدَ يَعَيْكُواْنِ شِينٜىٰ نَبِيُنْ؞»‏

19سَيْ سُكَ تَمْبَيٜىٰشِ سُكَثٜىٰ ‏«‏إِنَا عُبَنَّنْ نَاكَ يَكٜىٰ؟»‏

عِيسَىٰ يَأَمْسَ مُسُ يَثٜىٰ ‏«‏بَكُ سَنِّ بَ، بَكُ كُمَ سَنْ عُبَانَ بَ؞ دَ كُنْ سَنْ نِے دَ كُنْ سَنْ عُبَانَ مَا؞»‏

20 عِيسَىٰ يَڢَطِ وَنَّنْ مَغَنَ نٜىٰ أَ لُواْكَثِنْ دَيَكٜىٰ كُواْيَرْوَا كُسَدَ عِنْدَ عَكٜىٰ أَجِيٜىٰ كُطِنْ بَيْكُواْ أَ هَيْكَلِ؞ عَمَّا دُكْدَهَكَ بَاوَنْدَ يَكَامَ شِ، دُوانْ لُواْكَثِنْسَ بَيْيِبَ تُكُنَ؞

عِنْدَ ذَا نِے بَذَاكُ عِيَ ذُوَابَ

21سَيْ عِيسَىٰ يَڧَارَ غَيَ وَمُتَنٜىٰنْ ثٜىٰوَ ‏«‏ذَنْ تَڢِے، ذَاكُ كُوَ نٜىٰمٜىٰنِ، ذَاكُ كُمَ مُتُ ثِكِنْ ذُنُوبِنْكُ؞ عِنْدَ ذَانِے كُوَ، بَذَاكُ عِيَ ذُوَابَ؞»‏

22وَنَّنْ يَسَا شُوغَبَنِّنْ يَهُودَاوَا سُكَثٜىٰ ‏«‏وَتُواْ، ذَيْ كَشٜىٰ كَنْسَ نٜىٰ دَيَثٜىٰ، ‏‹‏عِنْدَ ذَا نِے كُوَ، بَذَاكُ عِيَ ذُوَابَ›‏؟»‏

23عَمَّا عِيسَىٰ يَثِيغَبَدَ ثٜىٰوَ ‏«‏كُو دَغَ نَنْ ڧَسَا كُكٜىٰ، نِے كُوَ نَڢِتُواْ دَغَ سَمَنٜىٰ؞ كُو نَدُونِيَرْ نَنْ نٜىٰ، نِے كُوَ بَنَدُونِيَرْ نَنْ بَنٜىٰ؞ 24شِيَسَا نَثٜىٰمُكُ ذَاكُمُتُ ثِكِنْ ذُنُبَنْكُ؞ دُواْمِنْ إِنْ بَكُ بَادَ غَسْكِيَ ثٜىٰوَ نِنٜىٰ شِے وَنْدَ نَغَيَ مُكُ نَكٜىٰبَ، ذَاكُمُتُ ثِكِنْ ذُنُبَنْكُ؞»‏

25سَيْ سُكَ تَمْبَيِ عِيسَىٰ سُكَثٜىٰ ‏«‏كَيْ وَنٜىٰنٜىٰ؟»‏

عِيسَىٰ يَأَمْسَ مُسُ يَثٜىٰ ‏«‏نِنٜىٰ وَنَّنْ دَ نَڢَطَا مُكُ تُنْدَغَ ڢَرْكُواْ؞#8‏.25 نِنٜىٰ وَنَّنْ دَ نَڢَطَا مُكُ تُنْدَغَ ڢَرْكُواْ: وَنِ جُويِ نَوَطَنَّنْ كَلْمُواْمِ شِينٜىٰ ‏«‏دُوانْمٜىٰ مَا ذَنْيِ مَغَنَ دَكُو؞»‏ 26أَݣَويْ أَبُبُوَ دَيَوَ دَ ذَنْعِيَ ڢَطَا غَمٜىٰدَكُو، إِنْكُمَ حُكُنْتَ؞ عَمَّا إِنَ غَيَ وَمُتَنٜىٰ أَبُبُوَنْدَ نَجِ دَغَ وُرِنْ وَنْدَ يَعَيْكُواْ نِنٜىٰ كَطَيْ، كُمَ يَنَ ڢَطِنْ غَسْكِيَانٜىٰ؞»‏

27مُتَنٜىٰنْ بَسُ غَانٜىٰ ثٜىٰوَ يَنَ مَغَنَ دَ سُونٜىٰ غَمٜىٰدَ عُبَنْ بَ؞ 28شِيَسَا عِيسَىٰ يَثٜىٰ مُسُ ‏«‏أَ لُواْكَثِنْ دَ ذَاكُ طَغَ طَنْ مُتُمْ، أَ لُواْكَثِنَّنْ نٜىٰ ذَاكُ غَانٜىٰ نِينٜىٰشِ؞ ذَاكُ غَانٜىٰ ثٜىٰوَ بَانَ يِنْ كُواْمٜىٰ دَ إِيكُوانْ كَيْنَ، عَمَّا إِنَ ڢَطِنْ أَبِنْدَ عُبَا يَكُواْيَ مِنِ نٜىٰ كَوَيْ؞ 29وَنْدَ يَعَيْكُواْ نِے كُوَ يَنَ تَرٜىٰدَنِ، بَيْبَرْنِ نِے كَطَيْبَ، غَمَا كُلُّمْ إِنَيِنْ أَبِنْدَ يَكٜىٰسُواْ؞»‏ 30أَ لُواْكَثِنْ دَ عِيسَىٰ يَكٜىٰ ڢَطِنْ وَطَنَّنْ أَبُبُوَ مُتَنٜىٰ دَيَوَ سُكَ غَسْكَتَادَشِ؞

یَنْثِ نَغَسْكٜىٰ

31سَيْ عِيسَىٰ يَثٜىٰ وَ يَهُودَاوَنَّنْ دَ سُكَ غَسْكَتَادَشِ ‏«‏إِنْ دَيْ كُنْ ثِيغَبَدَ رِڧٜىٰ كُواْيَرْوَاتَا، كُو أَلْمَجِرَيْنَ نٜىٰ نَغَسْكٜىٰ؞ 32سَعَنً ذَاكُسَنْ غَسْكِيَ، غَسْكِيَرْ كُوَ ذَاتَ بَاكُ یَنْثِ؞»‏

33سُكَ أَمْسَ مَسَ سُكَثٜىٰ ‏«‏أَيْ، مُو ذُرِيَرْ إِبْرَٰهِيمْ نٜىٰ، بَمُتَٻَ ذَمَ بَاوَنْ كُواْوَبَ؞ تُواْ، مٜىٰيَسَا كَثٜىٰ ذَامُ سَامِ یَنْثِ؟»‏ #مَتْ 3‏.9؛ لُكْ 3‏.8

34سَيْ عِيسَىٰ يَأَمْسَ مُسُ يَثٜىٰ ‏«‏غَسْكِيَ، إِنَغَيَ مُكُ، دُكْ مَيْيِنْ ذُنُوبِ بَاوَنْ ذُنُوبِ نٜىٰ؞ 35أَيْ، بَاوَ بَايَ ذَمَ أَغِدَا حَرْ أَبَدَا، عَمَّا طَا نَغِدَا نٜىٰ حَرْ أَبَدَا؞ 36سَبُواْدَ حَكَ عِدَنْ طَنْ يَیَنْتَرْ دَكُو ذَاكُ سَامِ یَنْثِ نَغَسْكٜىٰ؞ 37نَسَنْ دَيْ كُو ذُرِيَرْ إِبْرَٰهِيمْ نٜىٰ، عَمَّا كُنَ سُواْ كُكَشٜىٰنِ، دُواْمِنْ بَكُكَرْٻِ كُواْيَرْوَاتَابَ؞ 38إِنَ ڢَطَا مُكُ أَبِنْدَ نَغَنِ أَوُرِنْ عُبَانَ، عَمَّا كُو كُنَيِنْ أَبِنْدَ كُكَجِ دَغَ عُبَنْكُ؞»‏

شَيْطَنْ نٜىٰ عُبَنْكُ

39سُكَ أَمْسَ مَسَ سُكَثٜىٰ ‏«‏تُواْ، أَيْ، إِبْرَٰهِيمْ نٜىٰ عُبَنْمُ؞»‏

سَيْ عِيسَىٰ يَأَمْسَ مُسُ يَثٜىٰ ‏«‏إِنْ دَ كُو یَیَنْ إِبْرَٰهِيمْ نٜىٰ دَ كُنْيِ أَبُبُوَنْ دَشِے إِبْرَٰهِيمْ يَيِ؞ 40نِے مُتُمْ نٜىٰ مَيْ ڢَطِنْ غَسْكِيَ وَدَّ نَجِ دَغَ وُرِنْ اللَّهْ، عَمَّا كُنَ ڧُواْڧَرِ كُكَشٜىٰنِ؞ تُواْ، أَيْ، إِبْرَٰهِيمْ بَيْيِ إِرِنْ وَنَّنْ أَبُبَ؞ 41سَبُواْدَ حَكَ كُنَيِنْ أَبِنْدَ عُبَنْكُ يَكٜىٰيِنٜىٰ؞»‏

عَمَّا يَهُودَاوَنْ سُكَثٜىٰ ‏«‏مُو بَ شٜىٰغُ بَنٜىٰ؞ اللَّهْ نٜىٰ عُبَنْمُ، كُمَ شِينٜىٰ كَطَيْ عُبَنْ دَمُكٜىٰ دَشِ؞»‏

42 عِيسَىٰ يَثٜىٰ مُسُ ‏«‏دَا عَثٜىٰ اللَّهْ نٜىٰ عُبَنْكُ دَا كُنْ ڧَوْنَثٜىٰنِ، دُواْمِنْ دَغَ وُرِنْ اللَّهْ نَڢِتُواْ، يَنْذُ غَا نِے أَنَنْ؞ بَنْذُواْ دَ إِيكُوانْ كَيْنَبَ، اللَّهْ نٜىٰ يَعَيْكُواْنِ؞ 43مٜىٰيَسَا بَكُ غَانٜىٰ مَغَنَاتَبَ؟ سَبُواْدَ بَكُ عِيَ سَوْرَرِ كُواْيَرْوَاتَابَ؞ 44كُو نَ عُبَنْكُ شَيْطَنْ نٜىٰ، كُمَ كُنَ سُواْ كُيِ أَبِنْدَ يَكٜىٰسُواْ؞ شِے مَيْ كِسَنٜىٰ تُنْ ڢَرْكُواْ كُمَبَا ضُوَنْسَ دَ غَسْكِيَ، دُواْمِنْ بَابُ غَسْكِيَ عَثِكِنْسَ؞ دُكْ لُواْكَثِنْ دَيَكٜىٰ ڧَضْيَا يَنَ نُونَ حَلِنْسَ نٜىٰ، غَمَا شِے مَيْ ڧَضْيَا نٜىٰ، عُبَنْ ڧَضْيَا كُمَ؞ 45عَمَّا سَبُواْدَ إِنَ ڢَطِنْ غَسْكِيَ، بَكُ غَسْكَتَادَنِے بَ؞ 46وَنٜىٰنٜىٰ عَثِكِنْكُ يَنَدَ شَيْدَ وَدَّ تَنُونَ نَا تَٻَيِنْ ذُنُوبِ؟ إِنْ كُوَ غَسْكِيَ نَكٜىٰ ڢَطَا، تُواْ، مٜىٰيَسَا بَكُ غَسْكَتَبَ؟ 47وَنْدَ يَكٜىٰ نَ اللَّهْ يَكَنْ سَوْرَرِ أَبِنْدَ اللَّهْ يَكٜىٰ ڢَطَا؞ عَمَّا كُو بَكُ سَوْرَرِ أَبِنْدَ اللَّهْ يَڢَطَابَ دُوانْ كُو بَنَ اللَّهْ بَنٜىٰ؞»‏

عِيسَىٰ يَڢِ إِبْرَٰهِيمْ

48يَهُودَاوَا سُكَ أَمْسَ مَسَ سُكَثٜىٰ ‏«‏أَشٜىٰ، بَغَسْكِيَرْمُبَ كُوَ دَ مُكَثٜىٰ كَيْ مُتُمِنْ سَمَرِيَ نٜىٰ وَنْدَ يَكٜىٰدَ أَلْجَنِ؟»‏

49 عِيسَىٰ يَأَمْسَ يَثٜىٰ ‏«‏نِے بَمَيْ أَلْجَنِ بَنٜىٰ؞ إِنَ غِرْمَمَ عُبَانَ نٜىٰ، عَمَّا كُو كُوَ كُنَ ڧَسْڧَنْتَرْدَ غِرْمَنَ؞ 50بَنِے نَكٜىٰ نٜىٰمَوَ كَيْنَ طَوْكَكَبَ؞ أَݣَويْ وَنِ وَنْدَ يَكٜىٰ نٜىٰمَ مِنِ، شِينٜىٰ كُمَ مَيْيِنْ حُكُنْثِ؞ 51حَڧِيڧَ، إِنَغَيَ مُكُ، دُكْ وَنْدَ يَكٜىٰ بِيَيَّ دَ كُواْيَرْوَاتَا بَذَيْ تَٻَ مُتُوَبَ سَمْ؞»‏

52سَيْ يَهُودَاوَنْ سُكَثٜىٰ مَسَ ‏«‏تُواْ، يَنْذُ كَمْ، مُنْ تَبَّتَا كَنَدَ أَلْجَنِ؞ أَيْ، إِبْرَٰهِيمْ دَ أَنَّبَاوَا سُنْ مُتُ، عَمَّا كَيْ كَثٜىٰ، ‏‹‏دُكْ وَنْدَ يَكٜىٰ بِيَيَّ دَ كُواْيَرْوَاتَا بَذَيْ تَٻَ مُتُوَبَ سَمْ؞›‏ 53كَنَ ڟَمَّنِ كَاڢِنْ بَابَنْمُ إِبْرَٰهِيمْ نٜىٰ؟ شِے كُوَ يَمُتُ، حَكَنَنْ مَا أَنَّبَاوَا سُنْمُتُ؞ كَنَ ڟَمَّنِ كَيْ وَنٜىٰنٜىٰ؟»‏

54 عِيسَىٰ يَأَمْسَ مُسُ يَثٜىٰ ‏«‏عِدَنْ نَاطَوْكَكَ كَيْنَ، وَنَّنْ طَوْكَكَ بَعَبَاكِنْ كُواْمٜىٰ تَكٜىٰبَ؞ وَنْدَ يَكٜىٰ طَوْكَكَنِ شِينٜىٰ عُبَانَ، وَنْدَ كُكٜىٰثٜىٰوَ وَيْ شِينٜىٰ اللَّهْ نْكُ؞ 55كُو بَكُسَنْ شِيبَ، عَمَّا نِے نَاسَنْشِ؞ دَاعَثٜىٰ نَثٜىٰ مُكُ بَنْسَنْشِيبَ دَ نَذَمَ مَيْ ڧَضْيَا كَمَرْكُ؞ عَمَّا نَا سَنْشِ، إِنَ كُمَ بِيَيَّ دَ أَبِنْدَ يَكٜىٰ ڢَطَا؞ 56غَاشِ عُبَنْكُ إِبْرَٰهِيمْ يَيِ ڢَضٍ ثِكِ سُواْسَيْ دُوانْ دَيْ يَسَامِ غَنِنْ زَامَانِنَ، يَكُوَ غَنْشِ، يَكُمَ يِمُرْنَ؞»‏

57سَيْ يَهُودَاوَا سُكَثٜىٰوَ عِيسَىٰ ‏«‏غَاشِ، حَرْ يَنْذُ بَكَ مَا كَيْ شٜىٰكَرَا حَمْسِنْ بَتُكُنَ، كُمَ كَنَ ثٜىٰوَ كَغَ إِبْرَٰهِيمْ؟»‏#8‏.57 كَنَ ثٜىٰوَ كَغَ إِبْرَٰهِيمْ: وَنِ جُويِ نَوَطَنَّنْ كَلْمُواْمِنْ شِينٜىٰ ‏«‏كَنَ ثٜىٰ وَ إِبْرَٰهِيمْ يَغَنْكَ؟»‏

58 عِيسَىٰ يَثٜىٰ مُسُ ‏«‏غَسْكِيَ، إِنَ غَيَ مُكُ، تُنْ بَعَحَيْڢِ إِبْرَٰهِيمْ بَ، إِنَانَنْ؞»‏ 59دَ عِيسَىٰ يَڢَطِ وَنَّنْ مَغَنَ سَيْ سُكَ طٜىٰبُواْ دُوَڟُو دُواْمِنْ سُجٜىٰجّٜىٰڢٜىٰشِ؞ عَمَّا عِيسَىٰ يَٻُواْيٜىٰ كَنْسَ، يَڢِتَ يَبَرْ هَيْكَلِنْ؞

Currently Selected:

يَحْيَى 8: hauAS

Highlight

Copy