ڢَارَوَ 5
5
ذُرِيَرْ ءَادَمُ ذُوَا یَیَ مَظَا نَ نُوحُ
1غَا لِتَّڢِنْ تَارِيحِنْ ذُرِيَرْ ءَادَمُ؞ سَعَدَّ اللَّهْ يَحَلِثِّ یَنْ أَدَمْ يَيِسُ عَكَمَنِّنْسَ؞#ڢَارْ 1.27-28 2يَايِسُ نَمِجِ دَ تَمَثٜىٰ، سَيْ يَسَا مُسُ أَلْبَرْكَ، يَكُمَسَا مُسُ سُونَ یَنْ أَدَمْ؞#مَتْ 19.4؛ مَرْ 10.6
3لُواْكَثِنْ دَ ءَادَمُ يَيِ شٜىٰكَرَا طَرِے دَ تَلَاتِنْ، يَا حَيْڢِ طَا مَيْ كَمَنِّنْسَ دَ صِڢَّرْسَ؞ ءَادَمُ يَا سَا مَسَ سُونَ شِيتُ؞ 4بَايَنْ حَيْڢُوَرْ شِيتُ، ءَادَمُ يَيِ شٜىٰكَرَا طَرِے تَݣُوسْ، يَا كُمَ حَيْڢِ یَیَ مَظَا دَ مَاتَا؞ 5حَكَ نَنْ كُوَ دُكَنْ ݣُونَكِنْ ءَادَمُ شٜىٰكَرَا ثٜىٰ طَرِے تَرَ دَ تَلَاتِنْ، سَيْ يَمُتُ؞
6لُواْكَثِنْ دَ شِيتُ يَيِ شٜىٰكَرَا طَرِے دَ بِيَرْ، سَيْ يَحَيْڢِ طَا مَيْ سُونَ عٜىٰنُواشْ؞ 7بَايَنْ حَيْڢُوَرْ عٜىٰنُواشْ، شِيتُ يَيِ شٜىٰكَرَا طَرِے تَݣُوسْ دَ بَݣَويْ، يَا كُمَ حَيْڢِ یَیَ مَظَا دَ مَاتَا؞ 8حَكَ نَنْ كُوَ دُكَنْ ݣُونَكِنْ شِيتُ شٜىٰكَرَثٜىٰ طَرِے تَرَ دَ غُواْمَشَا بِيُ، سَيْ يَمُتُ؞
9لُواْكَثِنْ دَ عٜىٰنُواشْ يَيِ شٜىٰكَرَا ثَسَعِنْ، سَيْ يَحَيْڢِ طَا مَيْ سُونَ كٜىٰنَنْ؞ 10بَايَنْ حَيْڢُوَرْ كٜىٰنَنْ، عٜىٰنُواشْ يَيِ شٜىٰكَرَا طَرِے تَݣُوسْ دَ شَا بِيَرْ، يَا كُمَ حَيْڢِ یَیَ مَظَا دَ مَاتَا؞ 11حَكَ نَنْ كُوَ دُكَنْ ݣُونَكِنْ عٜىٰنُواشْ شٜىٰكَرَا ثٜىٰ طَرِے تَرَ دَ بِيَرْ، سَيْ يَمُتُ؞
12لُواْكَثِنْ دَ كٜىٰنَنْ يَيِ شٜىٰكَرَا سَبَعِنْ، سَيْ يَحَيْڢِ مَهَلَلٜىٰلْ؞ 13بَايَنْ حَيْڢُوَرْ مَهَلَلٜىٰلْ، كٜىٰنَنْ يَيِ شٜىٰكَرَا طَرِے تَݣُوسْ دَ أَرْبَعِنْ، يَا كُمَ حَيْڢِ یَیَ مَظَا دَ مَاتَا؞ 14حَكَ نَنْ كُوَ دُكَنْ ݣُونَكِنْ كٜىٰنَنْ شٜىٰكَرَثٜىٰ طَرِے تَرَ دَ غُواْمَ، سَيْ يَمُتُ؞
15لُواْكَثِنْ دَ مَهَلَلٜىٰلْ يَيِ شٜىٰكَرَا سِتِّنْ دَ بِيَرْ، سَيْ يَحَيْڢِ يَرٜىٰدْ؞ 16بَايَنْ حَيْڢُوَرْ يَرٜىٰدْ، مَهَلَلٜىٰلْ يَيِ شٜىٰكَرَا طَرِے تَݣُوسْ دَ تَلَاتِنْ، يَا كُمَ حَيْڢِ یَیَ مَظَا دَ مَاتَا؞ 17حَكَ نَنْ كُوَ دُكَنْ ݣُونَكِنْ مَهَلَلٜىٰلْ شٜىٰكَرَا ثٜىٰ طَرِے تَݣُوسْ دَ ثَسَعِنْ دَ بِيَرْ، سَيْ يَمُتُ؞
18لُواْكَثِنْ دَ يَرٜىٰدْ يَيِ شٜىٰكَرَا طَرِے دَ سِتِّنْ دَ بِيُ، سَيْ يَحَيْڢِ إِدْرِيسْ؞ 19بَايَنْ حَيْڢُوَرْ إِدْرِيسْ، يَرٜىٰدْ يَيِ شٜىٰكَرَا طَرِے تَݣُوسْ، يَا كُمَ حَيْڢِ یَیَ مَظَا دَ مَاتَا؞ 20حَكَ نَنْ كُوَ دُكَنْ ݣُونَكِنْ يَرٜىٰدْ شٜىٰكَرَثٜىٰ طَرِے تَرَ دَ سِتِّنْ دَ بِيُ، سَيْ يَمُتُ؞
21لُواْكَثِنْ دَ إِدْرِيسْ يَيِ شٜىٰكَرَا سِتِّنْ دَ بِيَرْ، سَيْ يَحَيْڢِ مٜىٰتُسٜىٰلَ؞ 22بَايَنْ حَيْڢُوَرْ مٜىٰتُسٜىٰلَ، إِدْرِيسْ يَيِ شٜىٰكَرَا طَرِے عُكُ يَنَ تَڢِيَ ثِكِنْ زُمُنْثِ دَ اللَّهْ، يَا كُمَ حَيْڢِ یَیَ مَظَا دَ مَاتَا؞ 23حَكَ نَنْ كُوَ دُكَنْ ݣُونَكِنْ إِدْرِيسْ شٜىٰكَرَثٜىٰ طَرِے عُكُ دَ سِتِّنْ دَ بِيَرْ؞ 24يَايِ تَڢِيَ ثِكِنْ زُمُنْثِ دَ اللَّهْ؞ أَنَانً بَعَسَاكٜىٰ غَنِنْسَبَ، غَمَا اللَّهْ يَا طَوْكٜىٰشِ؞#إِبْرَ 11.5؛ يَهُو 14
25لُواْكَثِنْ دَ مٜىٰتُسٜىٰلَ يَيِ شٜىٰكَرَا طَرِے دَ تَمَٰنِنْ دَ بَݣَويْ، سَيْ يَحَيْڢِ لَمٜىٰكْ؞ 26بَايَنْ حَيْڢُوَرْ لَمٜىٰكْ، مٜىٰتُسٜىٰلَ يَيِ شٜىٰكَرَا طَرِے بَݣَويْ دَ تَمَٰنِنْ دَ بِيُ، يَا كُمَ حَيْڢِ یَیَ مَظَا دَ مَاتَا؞ 27حَكَ نَنْ كُوَ دُكَنْ ݣُونَكِنْ مٜىٰتُسٜىٰلَ شٜىٰكَرَا ثٜىٰ طَرِے تَرَ دَ سِتِّنْ دَ تَرَ، سَيْ يَمُتُ؞
28لُواْكَثِنْ دَ لَمٜىٰكْ يَيِ شٜىٰكَرَا طَرِے دَ تَمَٰنِنْ دَ بِيُ، سَيْ يَحَيْڢِ طَا؞ 29يَا سَا مَسَ سُونَ نُوحُ دَ ثٜىٰوَ «بَرِ وَنَّنْ يَكَٰوُاْ مَنَ هُوتُ دَغَ عَيْكِنْمُ دَ كُمَ عَذَابَرْ حَنُّوَنْمُ دَغَ ڧَسَرْدَ يَهْوٜىٰهْ يَلَعَنْتَ؞»#5.29 نُوحُ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ «هُوتُ»؞ 30بَايَنْ حَيْڢُوَرْ نُوحُ، لَمٜىٰكْ يَيِ شٜىٰكَرَا طَرِے بِيَرْدَ ثَسَعِنْ دَ بِيَرْ، يَا كُمَ حَيْڢِ یَیَ مَظَا دَ مَاتَا؞ 31حَكَ نَنْ كُوَ دُكَنْ ݣُونَكِنْ لَمٜىٰكْ شٜىٰكَرَا ثٜىٰ طَرِے بَݣَويْ دَ سَبَعِنْ دَ بَݣَويْ، سَيْ يَمُتُ؞
32لُواْكَثِنْ دَ نُوحُ يَيِ شٜىٰكَرَا طَرِے بِيَرْ، سَيْ يَحَيْڢِ شٜىٰمْ دَ هَمْ دَ يَڢٜىٰتْ؞
Currently Selected:
ڢَارَوَ 5: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
