ڢَارَوَ 4

كَيِنُ دَ هَبِيلَ

1مُتُمِنْ كُوَ يَاݣُونَ دَ مَاتَرْسَ هَوَّآءُ، سَيْ تَيِثِكِ تَحَيْڢِ كَيِنُ؞ سَيْ تَثٜىٰ ‏«‏كَيْ، نِے مَا دَ تَيْمَكُوانْ يَهْوٜىٰهْ نَايِ مُتُمْ!‏»‏#4‏.1 كَيِنُ: دَ إِبْرَانِيَنْثِ، يَدَّ عَكٜىٰ ڢَطِنْ وَنَّنْ سُونَ، عَكَنْجِيشِ كَمَرْ كَلْمَ مَيْ مَعَنَ ‏«‏يِ»‏؞ 2سَعَنً كُمَ تَحَيْڢِ طَنْعُوَنْسَ، تَسَ مَسَ سُونَ هَبِيلَ؞ هَبِيلَ مَكِيَايِنْ دَبُّواْبِے نٜىٰ، كَيِنُ كُمَ مَيْ نُواْمَ نٜىٰ؞ 3أَنَانً سَيْ كَيِنُ يَكَٰوُاْ أَمْڢَانِنْ غُواْنَ دُواْمِنْ يَمِيڧَ شِ بَايَرْوَ غَ يَهْوٜىٰهْ؞ 4هَبِيلَ كُمَ يَكَٰوُاْ وَطَنْسُ یَیَنْ ڢَارِ نَدَبُّواْبِنْسَ تَرٜىٰدَ كِڟٜىٰنْسُ؞ يَهْوٜىٰهْ كُوَ يَا كَرْٻِ بَايَرْوَ تَ هَبِيلَ،#إِبْرَ 11‏.4 5عَمَّا بَيْكَرْٻِ بَايَرْوَ تَ كَيِنُ بَ؞ وَنَّنْ يَا سَا كَيِنُ يَيِ ڢُشِے سُواْسَيْ حَرْ يَطَوْرٜىٰ ڢُسْكَرْسَ؞ 6يَهْوٜىٰهْ يَاثٜىٰ وَ كَيِنُ ‏«‏دُوانْمٜىٰ كَكٜىٰ ڢُشِے؟ دُوانْمٜىٰ كَكٜىٰ طَوْرٜىٰ ڢُسْكَ؟ 7عِدَنْ كَيِ أَبِنْدَ يَكٜىٰ دَيْدَيْ، بَذَاكَ سَكِ ڢُسْكَرْكَ بَ؟ عَمَّا عِدَنْ بَكَيِ أَبِنْدَ يَكٜىٰ دَيْدَيْبَ، تُواْ ذُنُوبِ يَنَ عَٻُواْيٜىٰ عَبَاكِنْ ڧُواْڢَ يَنَ مَرْمَرِ يَكَامَكَ، عَمَّا دُواْلٜىٰنٜىٰ كَيِ مُلْكِ عَكَنْسَ؞»‏

8أَنَانً سَيْ كَيِنُ يَثٜىٰ وَطَنْعُوَنْسَ هَبِيلَ ‏«‏كَذُواْ مُڢِتَ ذُوَا دَاجِ؞»‏ عَمَّا يَايِنْ دَسُكٜىٰ أَدَاجِ تَرٜىٰ، سَيْ كَيِنُ يَتَاسَرْ وَ هَبِيلَ يَبُغٜىٰشِ يَكَشٜىٰ؞#مَتْ 23‏.35؛ لُكْ 11‏.51؛ 1 يَحـ 3‏.12

9ثَنْ أَنْجِمَ، سَيْ يَهْوٜىٰهْ يَتَمْبَيِ كَيِنُ يَثٜىٰ ‏«‏إِنَا طَنْعُوَنْكَ هَبِيلَ يَكٜىٰ؟»‏ كَيِنُ يَأَمْسَ يَثٜىٰ ‏«‏بَنْسَنِبَ؞ يَوْشٜىٰ نَذَمَ مَيْ لُورَ دَ طَنْعُوَنَ؟»‏

10 يَهْوٜىٰهْ يَاثٜىٰ ‏«‏مٜىٰ كٜىٰنَنْ كَيِ؟ مُرْيَرْ جِنِنْ طَنْعُوَنْكَ تَنَيِ مِنِ كُوكَا دَغَ ڧَسَا!‏#إِبْرَ 12‏.24 11يَنْذُ ڢَا، كَيْ لَعَنَنّٜىٰ نٜىٰ دَغَ ڧَسَا وَدَّ تَبُوطٜىٰ بَاكِ، تَكَرْٻِ جِنِنْ طَنْعُوَنْكَ دَغَ حَنُّنْكَ؞ 12كُواْ يَيَ كَنُواْمٜىٰتَ، ڧَسَرْ بَذَاتَ ڧَارَ بَاكَ ثِكَكّٜىٰنْ أَمْڢَانِنْتَبَ؞ ذَاكَ ذَمَ مَيْ كَيْ دَ كَٰوُاْوَ، مَيْ يَٰوُاْ بَرْكَتَيْ عَدُونِيَا؞»‏

13سَيْ كَيِنُ يَثٜىٰ وَ يَهْوٜىٰهْ ‏«‏حُكُنْثِنَ يَاڢِ ڧَرْڢِينَ!‏ 14غَاشِ كَكُواْرٜىٰنِ دَغَ ڧَسَرْ، وَنَّنْ كُوَ ذَيْ ٻُواْيٜىٰنِ دَغَ ڢُسْكَرْكَ؞ كَكُمَ مَيْدَنِ مَيْ كَيْ دَ كَٰوُاْوَ، مَيْ يَٰوُاْ بَرْكَتَيْ عَدُونِيَا؞ أَيْ، دُكْ وَنْدَ يَسَامٜىٰنِ ذَيْ كَشٜىٰنِ!‏»‏

15عَمَّا يَهْوٜىٰهْ يَاثٜىٰمَسَ ‏«‏بَهَكَ بَنٜىٰ!‏ ذَنْيِ رَامُوَا حَرْ سَوْ بَݣَويْ عَكَنْ دُكْ وَنْدَ يَيِ حَكَ؞»‏ سَيْ يَهْوٜىٰهْ يَسَاوَ كَيِنُ وَتَ عَلَمَ دُواْمِنْ دُكْ وَنْدَ يَسَامٜىٰشِ كَدَ يَكَشٜىٰشِ؞ 16كَيِنُ كُوَ يَتَاشِ دَغَ غَبَنْ يَهْوٜىٰهْ، يَتَڢِے يَذَوْنَ أَوَنِ يَنْكِ غَبَسْ دَ غُواْنَرْ عَيْدَنْ مَيْ سُونَ نُوادْ؞#4‏.16 نُوادْ: دَ إِبْرَانِيَنْثِ، مَعَنَرْ كَلْمَرْ نَنْ نُوادْ عِتَثٜىٰ يَٰوُاْ بَرْكَتَيْ؞

ذُرِيَرْ كَيِنُ

17كَيِنُ يَاݣُونَ دَ مَاتَرْسَ سَيْ تَيِثِكِ تَحَيْڢِ طَا، سُكَسَا مَسَ سُونَ إِدْرِيسْ#4‏.17 إِدْرِيسْ: سُونَنَّنْ دَ إِبْرَانِيَنْثِ أَنْرُبُوتَ هَنُواكْ، دَ هَوْسَ عٜىٰنُواكْ، دَ لَرَبْثِ كُمَ هَنُواْكَ؞ أَنْطَوْكَ ثٜىٰوَ سُونَنَّنْ إِدْرِيسْ أَ ثِكِنْ أَلْڧُرْءَانِ شِينٜىٰ وَنَّنْ مُتُمْ؞؞ لُواْكَثِنْ كُوَ كَيِنُ يَنَ غِنَا وَنِ بِرْنِ، سَيْ يَسَا وَبِرْنِنْ سُونَنْ طَنْسَ إِدْرِيسْ؞ 18عَكَ حَيْڢَ وَ إِدْرِيسْ طَا مَيْ سُونَ إِرَدْ؞ إِرَدْ يَا حَيْڢِ مٜىٰهُجَيٜىٰلْ، مٜىٰهُجَيٜىٰلْ يَا حَيْڢِ مٜىٰتُشَيٜىٰلْ، مٜىٰتُشَيٜىٰلْ يَا حَيْڢِ لَمٜىٰكْ؞ 19لَمٜىٰكْ يَا عَوْرِ مَاتَا بِيُ؞ تَڢَارِنْ سُونَنْتَ أَدَ، تَبِيُنْ سُونَنْتَ ظِلَّ؞ 20أَدَ تَا حَيْڢِ يَبَلْ، وَنْدَ يَذَمَ تُوشٜىٰنْ دُكَنْ مَكِيَايَنْ دَبُّواْبِے؞ 21سُونَنْ طَنْعُوَنْسَ يُبَلْ، وَنْدَ يَذَمَ تُوشٜىٰنْ دُكَنْ مَاسُ كَطٜىٰ كَطٜىٰ دَ بُوشٜىٰ بُوشٜىٰنْ مُواْلُواْ دَ سَرٜىٰوَ؞ 22ظِلَّ، وَدَّ تَكٜىٰ مَاتَ تَبِيُنْ، تَحَيْڢِ تُبَلْ كَيِنُ، وَنْدَ يَذَمَ تُوشٜىٰنْ دُكَنْ مَاسُ ڧٜىٰرَ كَايَنْ تَغُلَّ دَ نَبَڧِنْ ڧَرْڢٜىٰ؞ یَرْعُوَرْ تُبَلْ كَيِنُ سُونَنْتَ نَعَمَ؞

23وَتَرَانَ لَمٜىٰكْ يَثٜىٰ وَمَاتَنْسَ بِيُ،

‏«‏أَدَ دَ ظِلَّ، كُكَسَ كُنّٜىٰ غَرٜىٰنِ،

مَاتَانْ لَمٜىٰكْ، كُجِ أَبِنْدَ نَكٜىٰ ڢَطَا،

نَا كَشٜىٰ وَنِ، غَمَا يَيِ مِنِ رَوْنِ،

وَنِ طَنْ سَوْرَيِ نٜىٰ، غَمَا يَا مَرٜىٰنِ؞

24عِدَنْ ذَاعَ ڧَارَ حُكُنْثِنْ مَيْ كَشٜىٰ كَيِنُ

سَوْ بَݣَويْ،

تُواْ حُكُنْثِنْ مَيْ كَشٜىٰ لَمٜىٰكْ

ذَيْ ذَمَ سَوْ سَبَعِنْ دَ بَݣَويْ؞»‏

ذُرِيَرْ شِيتُ

25ءَادَمُ يَا سَاكٜىٰ ݣُونَ دَ مَاتَرْسَ، سَيْ تَحَيْڢِ طَا تَبَا شِ سُونَ شِيتُ؞ غَمَا تَاثٜىٰ ‏«‏اللَّهْ يَسَاكٜىٰ بَانِ يَرُواْ أَمَدَدِنْ هَبِيلَ وَنْدَ كَيِنُ يَكَشٜىٰ؞»‏#4‏.25 شِيتُ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ ‏«‏بَايَرْ»‏؞ 26عَكَ حَيْڢَ وَ شِيتُ طَا مَيْ سُونَ عٜىٰنُواشْ؞ أَ زَامَانِنَّنْ نٜىٰ مُتَنٜىٰ سُكَ ڢَارَ كِرَا يَهْوٜىٰهْ دَ سُونَنْسَ ثِكِنْ سُجَّدَ؞

Currently Selected:

ڢَارَوَ 4: hauAS

Highlight

Copy