ڢَارَوَ 10
10
أَصَلِنْ ڧَبِيلُنْ دُونِيَا دَغَ ذُرِيَرْ نُوحُ
﴿1 تَارْ 1.5-23﴾
1غَا تَارِيحِنْ ذُرِيَرْ یَیَ مَظَا نَ نُوحُ، وَتُواْ شٜىٰمْ دَ هَمْ دَ يَڢٜىٰتْ؞ أَنْ حَيْڢَ مُسُ یَیَ مَظَا بَايَنْ بَبَّرْ أَمْبَلِيَرْ ضُوًنَنْ؞
ذُرِيَرْ يَڢٜىٰتْ
2ذُرِيَرْ يَڢٜىٰتْ سُونٜىٰ، ڧَبِيلُنْ غُواْمٜىٰرْ دَ مَغُواغْ دَ مَدَيْ دَ يَبَنْ دَ تُبَلْ دَ مٜىٰشٜىٰكْ دَ تِرَسْ؞
3ذُرِيَرْ غُواْمٜىٰرْ سُونٜىٰ ڧَبِيلُنْ أَشْكٜىٰنَزْ دَ رِڢَتْ دَ تُواْغَرْمَ؞
4ذُرِيَرْ يَبَنْ سُونٜىٰ ڧَبِيلُنْ أَلْيَسَعَ دَ تَرْشِشْ دَ كِتِّمْ دَ دُواْدَنِمْ؞
5دَغَ وَطَنَّنْ ظُرِيُواْيِ نٜىٰ مُتَنٜىٰ مَاسُ ذَمَ عَيَنْكِنْ بَاكِنْ تٜىٰكُ سُكَ ڢِتُواْ سُكَ يَطُ كُواْعِنَ؞ وَطَنَّنْ نٜىٰ ذُرِيَرْ يَڢٜىٰتْ، سُنَ ذَمَ عَڧَسَاشٜىٰنْسُ، بِسَغَ عِيَلَنْسُ دَ ڧَبِيلُنْسُ، كُواْوَنّٜىٰنْسُ دَ يَرٜىٰنْسُ؞
ذُرِيَرْ هَمْ
6ذُرِيَرْ هَمْ سُونٜىٰ ڧَبِيلُنْ كُشْ دَ مَصَرْ دَ ڢُتْ دَ كَنْعَنَ؞
7ذُرِيَرْ كُشْ سُونٜىٰ ڧَبِيلُنْ سٜىٰبَ دَ هَوِلَ دَ سَبْتَ دَ رَعَمَ دَ سَبْتٜىٰكَ؞
ذُرِيَرْ رَعَمَ سُونٜىٰ ڧَبِيلُنْ شٜىٰبَ دَ دٜىٰدَنْ؞
8كُشْ يَا حَيْڢِ نِمْرُوادْ؞ نِمْرُوادْ نٜىٰ نَڢَرْكُواْ عَدُونِيَا وَنْدَ يَذَمَ ڠُونِنْ يَاڧِ؞ 9شِے ڠُونِنْ ڢَرَوْتَنٜىٰ أَغَبَنْ يَهْوٜىٰهْ؞ شِے يَاسَا عَكَنْثٜىٰ «شِ كَمَرْ نِمْرُوادْ نٜىٰ ڠُونِنْ ڢَرَوْتَ أَغَبَنْ يَهْوٜىٰهْ؞» 10يَا ڢَارَ كَڢَ مُلْكِنْسَ أَ بَابِيلَ نٜىٰ دَ عٜىٰرٜىٰكْ دَ عَكَّدْ، دُكَنْسُ كُوَ عَڧَسَرْ شِنَرْ سُكٜىٰ؞ 11دَغَ وَنَّنْ ڧَسَا يَا تَڢِے أَسُّرِيَ يَغِنَ بِرَنٜىٰنْ نِنٜىٰبَ دَ رٜىٰهُواْبُواتْ إِرْ دَ كَلَ، 12دَ رٜىٰسٜىٰنْ وَدَّ تَكٜىٰ ڟَكَانِنْ نِنٜىٰبَ دَ بَبَّنْ بِرْنِنْ دَ عَكٜىٰ كِرَا كَلَ؞
13ذُرِيَرْ مَصَرْ سُونٜىٰ ڧَبِيلُنْ لُدْ دَ أَنَمْ دَ لٜىٰهَبْ دَ نَڢْتُ، 14ڢَتُرُسْ دَ كَسْلُ دَ كُمَ كِرِتْ، عِنْدَ ڢِلِسْتِيَاوَا سُكَ ڢِتُواْ؞
15كَنْعَنَ يَا حَيْڢِ سِدُوانْ طَنْسَ نَڢَرْكُواْ دَ هٜىٰتْ؞ 16كَنْعَنَ كُمَ شِينٜىٰ بَابَنْ ظُرِيُواْيِنْ يٜىٰبُسِيَاوَا دَ أَمُواْرِيَاوَا دَ غِرْغَشِيَاوَا، 17دَ هِوِيَاوَا دَ أَرْكِيَاوَا دَ سِنِيَاوَا، 18دَ أَرْوَدِيَاوَا دَ ظٜىٰمَرِيَاوَا دَ هَمَتِيَاوَا؞
بَايَنْ حَكَ ذُرِيَرْ كَنْعَنَ سُكَ يَطُ كُواْعِنَ؞ 19يَنْكِنْ ڧَسَرْ كَنْعَنِيَاوَا كُوَ يَا مِيڧٜىٰ كُدُ دَغَ سِدُوانْ ذُوَا غٜىٰرَرْ كُسَدَ غَاظَ، يَا كُمَ مِيڧٜىٰ غَبَسْ ذُوَا سُواْدُوامْ دَ غُواْمُواْرَ دَ أَدْمَ دَ ظٜىٰبُواْيِمْ كُسَدَ لَشَ؞
20وَطَنَّنْ سُونٜىٰ ذُرِيَرْ هَمْ، سُنَ ذَمَ عَڧَسَاشٜىٰنْسُ، بِسَغَ عِيَلَنْسُ دَ ڧَبِيلُنْسُ، كُواْوَنّٜىٰنْسُ دَ يَرٜىٰنْسَ؞
ذُرِيَرْ شٜىٰمْ
21شٜىٰمْ، وَنْدَ شِينٜىٰ بَبَّنْ طَنْعُوَنْ يَڢٜىٰتْ، أَنْحَيْڢَ مَسَ یَیَ مَظَا؞ شٜىٰمْ نٜىٰ كَكَنْ كَكَنْ ذُرِيَرْ عٜىٰبٜىٰرْ؞
22ذُرِيَرْ شٜىٰمْ سُونٜىٰ ڧَبِيلُنْ عٜىٰلَمْ دَ أَشُّرْ دَ أَرْڢَكْشَدْ دَ لُدْ دَ كُمَ أَرَمْ؞
23ذُرِيَرْ أَرَمْ سُونٜىٰ ڧَبِيلُنْ عُظْ دَ هُلْ دَ غٜىٰتٜىٰرْ دَ كُمَ مَشْ؞
24أَرْڢَكْشَدْ يَا حَيْڢِ شٜىٰلَ، شٜىٰلَ كُمَ يَا حَيْڢِ عٜىٰبٜىٰرْ؞
25أَنْ حَيْڢَ وَ عٜىٰبٜىٰرْ یَیَ مَظَا بِيُ؞ أَنْ كِرَا طَنْ ڢَارِنْ ڢٜىٰلٜىٰغْ، غَمَا أَ لُواْكَثِنْسَ نٜىٰ عَكَ رَبَ دُونِيَا؞#10.25 ڢٜىٰلٜىٰغْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ «أَ رَبَ»؞ سُونَنْ طَنْعُوَنْسَ كُمَ يُواكْتَنْ نٜىٰ؞
26يُواكْتَنْ نٜىٰ يَا حَيْڢِ أَلْمُواْدَدْ دَ شٜىٰلٜىٰڢْ دَ هَظَرْ مَوٜىٰتْ دَ يٜىٰرَ، 27دَ هَدُواْرَمْ دَ عُظَلْ دَ دِكْلَ، 28دَ عُواْبَلْ دَ أَبِمَيٜىٰلْ دَ شٜىٰبَ، 29دَ عُواْڢِرْ دَ هَوِلَ دَ يُواْبَبْ؞ دُكَنْ وَطَنَّنْ كُوَ ذُرِيَرْ يُواكْتَنْ نٜىٰ؞
30يَنْكِنْ ڧَسَرْدَ سُكٜىٰ ذَمَ يَا مِيڧٜىٰ دَغَ مٜىٰشَ حَرْ ذُوَا سٜىٰڢَرْ عَيَنْكِنْ تُدَّيْ نَغَبَسْ؞
31وَطَنَّنْ نٜىٰ ذُرِيَرْ شٜىٰمْ، سُنَ ذَمَ عَڧَسَاشٜىٰنْسُ، بِسَغَ عِيَلَنْسُ دَ ڧَبِيلُنْسُ، كُواْوَنّٜىٰنْسُ دَ يَرٜىٰنْسَ؞
32وَطَنَّنْ سُونٜىٰ ظُرِيُواْيِنْ یَیَنْ نُوحُ، بِسَغَ لِسَّڢِنْ أَصَلِنْسُ، بِسَغَ ڧَبِيلُنْسُ؞ دَغَ وَطَنَّنْ نٜىٰ أَلْعُمَّيْ سُكَ يَطُ كُواْعِنَ أَ ڢُسْكَرْ دُونِيَا بَايَنْ بَبَّرْ أَمْبَلِيَرْ ضُوً؞
Currently Selected:
ڢَارَوَ 10: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
