ڢَارَوَ 9

يَهْوٜىٰهْ يَا يِيَرْجٜىٰجٜىٰنِيَ دَ نُوحُ

1سَيْ اللَّهْ يَسَا وَ نُوحُ دَ یَیَنْسَ مَظَا أَلْبَرْكَ، يَثٜىٰ ‏«‏كُيِ تَحَيْڢُوَ سُواْسَيْ، كُيَلْوَتَ، كُثِثِّكَ دُونِيَا؞#ڢَارْ 1‏.28 2كُواْوَثٜىٰ دَبَّ تَڧَسَا دَ كُواْوَنٜىٰ ڟُنْڟُ نَسَرَرِنْ سَمَ دَ كُواْوَنٜىٰ أَبُ مَيْ رَرَّڢٜىٰ عَڧَسَا دَ دُكَنْ كِيڢَيٜىٰنْ تٜىٰكُ ذَاسُ جِڟُواْرُوانْكُ سُنَ ڢِرْغِتَ، غَمَا نَا بَادَسُو دُكَ أَ حَنُّنْكُ؞ 3كُواْوَنٜىٰ أَبُ مَيْ رَيْ دَيَكٜىٰ مُواْڟِ ذَيْ ذَمَ عَبِنْثِ أَغَرٜىٰكُ، كَمَرْ يَدَّ نَارِغَا نَابَاكُ كُواْوَنٜىٰ إِرِنْ غَنْيٜىٰ دُواْمِنْ عَبِنْثِ؞ يَنْذُ ڢَا نَابَاكُ كُواْمٜىٰ يَذَمَ مُكُ عَبِنْثِ؞ 4عَمَّا ڢَا كَدَ كُثِ نَامَ تَرٜىٰدَ جِنِنْ دَبَّ عَثِكِنْسَ، غَمَا جِنِ رَيْ نٜىٰ؞#لِـ ڢِرْ 7‏.26‏-27؛ 17‏.10‏-14؛ لِـ ڢِرْ 19‏.26؛ مَيْ شَـ 12‏.16‏،23؛ 15‏.23 5غَمٜىٰ دَ جِنِنْكُ وَنْدَ شِينٜىٰ رَنْكُ، لَلَّيْ ذَنْبُڧَثِ أَلْحَكِنْسَ دَغَ حَنُّنْ وَنْدَ يَظُبْ دَشِ؞ دَغَ كُواْوَنٜىٰ دَبَّ ذَنْ بُڧَاثِ أَلْحَكِنْ ظُبْدَ جِنِنْكُ، حَكَمَا دَغَ یَنْ أَدَمْ؞ ذَنْ بُڧَاثِ أَلْحَكِنْ ظُبْدَ جِنِنْ طَنْ أَدَمْ عَكَنْ كُواْوَنٜىٰ طَنْ أَدَمْ؞

6‏«‏دُكْ وَنْدَ يَا ظُبْدَ جِنِنْ طَنْ أَدَمْ،

تَهَنُّنْ طَنْ أَدَمْ ذَاعَ ظُبْدَ جِنِنْسَ؞

غَمَا ثِكِنْ صِڢَّرْ اللَّهْ،

اللَّهْ يَيِ طَنْ أَدَمْ؞#ڢَارْ 1‏.26؛ ڢِتْ 20‏.13

7‏«‏عَمَّا كُو دَيْ، كُيِ تَحَيْڢُوَ سُواْسَيْ، كُيَلْوَتَ، كُثِثِّكَ دُونِيَا، كُڧَارُ عَثِكِنْتَ؞»‏#ڢَارْ 1‏.28

8سَيْ اللَّهْ يَثٜىٰ وَ نُوحُ دَ یَیَنْسَ مَظَا دَسُكٜىٰ تَرٜىٰ دَشِ، 9‏«‏غَاشِ إِنَ كَڢَ يَرْجٜىٰجٜىٰنِيَ دَكُو، كُو دَ ذُرِيَرْكُ مَاسُ ذُوَا بَايَنْكُ، 10كُمَ دَ كُواْوَثٜىٰ حَلِتَّ مَيْ رَيْ دَيَكٜىٰ تَرٜىٰدَكُو، ڟُنْڟَيٜىٰ دَ دَبُّواْبِنْ غِدَا دَ دُكَنْ دَبُّواْبِنْ دُونِيَا، وَتُواْ كُواْوَنٜىٰ أَبِنْدَ يَڢِتَ دَغَ جِضْغٍ تَرٜىٰدَكُو؞ 11نَا كَڢَ يَرْجٜىٰجٜىٰنِيَ دَكُو ثٜىٰوَ بَذَاعَ سَاكٜىٰ كَوَرْدَ دُكَنْ حَلِتُّو مَاسُ رَيْ دَ ضُوَيٜىٰنْ بَبَّرْ أَمْبَلِيَ بَ، بَ كُوَ ذَاعَ سَاكٜىٰيِنْ بَبَّرْ أَمْبَلِيَرْ ضُوً دَ ذَاتَ هَلَّكَ دُونِيَا بَ؞»‏ 12اللَّهْ يَاثٜىٰ ‏«‏وَنَّنْ عِتَثٜىٰ عَلَمَرْ يَرْجٜىٰجٜىٰنِيَرْدَ نَكَڢَ ڟَكَانِينَ دَكُو دَ كُواْوَنٜىٰ أَبُ مَيْ رَيْ وَنْدَ يَكٜىٰ تَرٜىٰدَكُو، حَرْ دُكَنْ ذَامَانَيْ مَاسُ ذُوَا، 13نَسَا بَكَنْ غِظُواْنَ أَغِرْغِجٜىٰ، كُمَ ذَيْ كَسَنْثٜىٰ عَلَمَرْ يَرْجٜىٰجٜىٰنِيَ ڟَكَانِينَ دَ دُونِيَا؞ 14سَعَدَّ نَكَٰوُاْ غِرْغِجٜىٰ أَسَرَرِنْ سَمَ، عَكَ كُمَ غَا بَكَنْ غِذُواْ، 15ذَنْتُنَ دَ يَرْجٜىٰجٜىٰنِيَرْ دَتَكٜىٰ ڟَكَانِينَ دَكُو دَ كُمَ كُواْوَثٜىٰ حَلِتَّ مَيْ رَيْ؞ ضُوَيٜىٰ كُوَ بَذَاسُ سَاكٜىٰ كَٰوُاْ بَبَّرْ أَمْبَلِيَرْ دَ ذَاتَ هَلَّكَ كُواْوَثٜىٰ حَلِتَّ مَيْ رَيْ بَ؞ 16دُكْ سَعَدَّ بَكَنْ غِذُواْ يَبَيَّنَ أَغِرْغِجٜىٰ، ذَنْ‌غَنْشِ إِنْتُنَ دَ يَرْجٜىٰجٜىٰنِيَ تَهَرْ أَبَدَا ڟَكَانِنْ نِے اللَّهْ دَ كُواْوَثٜىٰ حَلِتَّ مَيْ رَيْ وَدَّ تَكٜىٰ عَدُونِيَا؞»‏ 17سَيْ اللَّهْ يَثٜىٰ وَ نُوحُ ‏«‏وَنَّنْ عِتَثٜىٰ عَلَمَرْ يَرْجٜىٰجٜىٰنِيَرْدَ نَكَڢَ ڟَكَانِينَ دَ كُواْوَثٜىٰ حَلِتَّ مَيْ رَيْ وَدَّ تَكٜىٰ عَدُونِيَا؞»‏

نُوحُ دَ یَیَنْسَ مَظَا

18یَیَ مَظَا نَ نُوحُ دَ سُكَ ڢِتَ دَغَ جِضْغٍ سُونٜىٰ شٜىٰمْ دَ هَمْ دَ يَڢٜىٰتْ؞ هَمْ نٜىٰ بَابَنْ كَنْعَنَ؞ 19دَغَ وَطَنَّنْ یَیَ مَظَا عُكُ نَ نُوحُ نٜىٰ، مُتَنٜىٰ سُكَ يَطُ كُواْعِنَ عَدُونِيَا؞

20نُوحُ مَنُواْمِ نٜىٰ، كُمَ شِينٜىٰ نَڢَرْكُوانْ دَ يَيِ غُواْنَرْ إِنَبِے؞ 21وَتَرَانَ دَ يَشَا ضُوً إِنَبِے، سَيْ يَبُغُ يَݣُونْتَ ڟِرَرَ عَثِكِنْ تٜىٰنْتِنْسَ؞ 22سَيْ هَمْ، بَابَنْ كَنْعَنَ، يَا غَنْ شِ ڟِرَرَ، يَا ڢِتَ يَا ڢَطَا وَیَنْعُوَنْسَ بِيُ وَطَنْدَ سُكٜىٰ أَوَجٜىٰ؞ 23عَمَّا شٜىٰمْ دَ يَڢٜىٰتْ، سُكَ طَوْكِ مَيَاڢِ سُكَ رِڧٜىٰتَ عَكَڢَطَرْسُ سُكَيِ تَتَڢِيَ دَ بَايَ سُكَ رُڢٜىٰ ڟِرَيْثِنْ بَابَنْسُ؞ سُنْ كُوَ كَوَرْدَ ڢُسْكُواْكِنْسُ دُواْمِنْ كَدَسُغَا ڟِرَيْثِنْسَ؞ 24لُواْكَثِنْ دَ نُوحُ يَكُواْمَ ثِكِنْ حَنْكَلِنْسَ، يَكُمَجِ أَبِنْدَ طَنْ أَوْتَنْسَ يَيِمَسَ، 25سَيْيَثٜىٰ،

‏«‏لَعَنَنّٜىٰ نٜىٰ كَنْعَنَ!‏

بَاوَنْ بَايِ غَ یَنْعُوَنْسَ ذَيْ ذَمَ؞»‏

26نُوحُ يَكُمَثٜىٰ،

‏«‏أَلْبَرْكَ تَا تَبَّتَا غَ يَهْوٜىٰهْ اللَّهْ نَ شٜىٰمْ!‏

بَرِ كَنْعَنَ يَبَوْتَا وَ شٜىٰمْ؞

27بَرِ اللَّهْ يَسَا يَڢٜىٰتْ يَيَلْوَتَ!‏

بَرِ ذُرِيَرْ يَڢٜىٰتْ سُيِ رَايُوَا تَرٜىٰدَ تَ شٜىٰمْ،

بَرِ كُمَ كَنْعَنَ يَبَوْتَا وَ يَڢٜىٰتْ؞»‏

28بَايَنْ بَبَّرْ أَمْبَلِيَرْ ضُوًنَنْ، نُوحُ يَيِ شٜىٰكَرَا طَرِے عُكُ دَ حَمْسِنْ؞ 29دُكَنْ ݣُونَكِنْ نُوحُ شٜىٰكَرَا ثٜىٰ طَرِے تَرَ دَ حَمْسِنْ، سَيْ يَمُتُ؞

Currently Selected:

ڢَارَوَ 9: hauAS

Highlight

Copy