أَيُّكَنْ مَنْذَنِّے غَبَاتَرْوَ
غَبَاتَرْوَ
مَاسُ عِلِمِ سُنْ يَرْدَ ثٜىٰوَ لُكَّ أَبُواْكِنْ تَڢِيَرْ مَنْذُواْ بُلُسْ نٜىٰ يَرُبُوتَ لِتَّڢِنْ أَيُّكَنْ مَنْذَنِّے دَ كُمَ لَابَرِ مَيْ دَاطِے دَغَ حَنُّنْ لُكَّ ﴿دُوبِے لِتَّڢِنْ أَيُّكَنْ مَنْذَنِّے 16.10-17، 20.5-15، 21.1-18، 27.1—28.16﴾؞ رَعَيُواْيِ دَيْ سُنْ رَبُ غَمٜىٰدَ لُواْكَثِنْ دَ عَكَ رُبُوتَ وَنَّنْ لِتَّڢِ؞ وَطَنْسُ سُنْ يَرْدَ ثٜىٰوَ أَ لُواْكَثِ غُدَا نٜىٰ عَكَ رُبُوتَ شِ دَ لَابَرِ مَيْ دَاطِے دَغَ حَنُّنْ لُكَّ؞
دَلِيلَنْ دَ سُكَسَا عَكَ رُبُوتَ وَنَّنْ لِتَّڢِ سُونٜىٰ، دُواْمِنْ عَبَا تِيُواْڢِلُسْ عَيْنِحِنْ تَبَّتَاثّٜىٰنْ رَهُواْتُواْ غَمٜىٰدَ يَدَّ أَدِّينِنْ مَاسُبِے يَسَامُواْ تُوشٜىٰ؞ لِتَّڢِنْ يَكُمَ نُونَ يَدَّ أَدِّينِنْ مَاسُبِے يَڢَارَ عَثِكِنْ يَهُودَاوَا أَ عُرُوشَلِيمَ حَرْ يَبَظُو ثِكِنْ وَطَنْدَ بَا يَهُودَاوَا بَ كُواْعِنَ عَدُونِيَا؞ أَ لُواْكَثِنَّنْ أَنْطَوْكِ مَاسُبِے كَمَرْ مَاسُ تَاوَيٜىٰ نٜىٰ غَ مَاسُ مُلْكِ؞ سَبُواْدَ حَكَ عَكَ رُبُوتَ وَنَّنْ لِتَّڢِ دُواْمِنْ عَكَارٜىٰ وَطَنَّنْ مَاسُبِے؞
لِتَّڢِنْ أَيُّكَنْ مَنْذَنِّے يَذَمَ كَمَرْ غَدَا نٜىٰ ڟَكَانِنْ أَيُّكَنْ دَ عِيسَىٰ يَيِ يَايِنْ دَيَكٜىٰ عَدُونِيَا دَ كُمَ أَيُّكَنْ دَ مَنْذَنِّے، وَتُواْ مَاسُ سَڧُوانْ عِيسَىٰ، سُكَ ثِيغَبَدَ يِ؞ رُوحُ مَيْ ڟَرْكِے يَيِ مُهِمِّنْ عَيْكِ تَوُرِنْ بَا مَنْذَنِّےنْ إِيكُوانْ يِنْ شَيْدَرْ لَابَرِنَّنْ مَيْدَاطِے؞ لِتَّڢِنْ يَبَادَ حَصْكٜىٰ سُواْسَيْ غَمٜىٰدَ رَايُوَا دَ أَيُّكَ نَ بِتْرُسْ دَ بُلُسْ دَ سَوْرَنْ مَاسُ سَڧُواْ نَ عِيسَىٰ؞ كُواْعِنَ عِنْدَ عَكَيِ شٜىٰلَرْ لَابَرِنَّنْ مَيْ دَاطِے، مُتَنٜىٰ سُكَنْ بَادَ غَسْكِيَ، عَمَّا وَنَّنْ نَصَرَا تَكَنْ ذُواْ حَطٜىٰ دَ ڟَنَنْتَاوَ؞
أَبُبُوَنْ دَ سُكٜىٰ ثِكِ
شِرِنْ وَعَظِ غَمٜىٰدَ لَابَرِ مَيْ دَاطِے 1.1-26
وَعَظِ غَمٜىٰدَ لَابَرِ مَيْ دَاطِے أَ عُرُوشَلِيمَ 2.1—8.3
بَظَ لَابَرِ مَيْ دَاطِے عَيَنْكِنْ يَهُودَ دَ سَمَرِيَ 8.4—12.25
تَڢِيَرْ بُلُسْ تَڢَرْكُواْ دُواْمِنْ يِنْ شٜىٰلَرْ لَابَرِ مَيْ دَاطِے 13.1—14.28
تَرُوانْ شُوغَبَنِّنْ جَمَعَرْ مَاسُبِے أَ عُرُوشَلِيمَ 15.1-35
تَڢِيَرْ بُلُسْ تَبِيُ دُواْمِنْ يِنْ شٜىٰلَرْ لَابَرِ مَيْ دَاطِے 15.36—18.22
تَڢِيَرْ بُلُسْ تَ عُكُ دُواْمِنْ يِنْ شٜىٰلَرْ لَابَرِ مَيْ دَاطِے 18.23—21.16
أَنْ كَامَ بُلُسْ أَ عُرُوشَلِيمَ 21.17—23.22
أَنْ كُلّٜىٰ بُلُسْ أَ كَيْسَرِيَ 23.23—26.32
أَنْ كَيْ بُلُسْ رُواْمَ 27.1—28.31
لِتَّڢِنْ أَيُّكَنْ مَنْذَنِّے
Currently Selected:
أَيُّكَنْ مَنْذَنِّے غَبَاتَرْوَ: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020