يَحْيَى 21
21
عِيسَىٰ يَبَيَّنَ غَ أَلْمَجِرَنْسَ بَݣَويْ
1بَايَنْ حَكَ عِيسَىٰ يَسَاكٜىٰ بَيَّنَ كَنْسَ غَ أَلْمَجِرَنْسَ عَبَاكِنْ تٜىٰكُنْ تِبَرِيَ؞ كُمَ غَا يَدَّ يَبَيَّنَ كَنْسَ؞ 2سِيمَنْ بِتْرُسْ دَ تُواْمَ وَنْدَ عَكٜىٰثٜىٰدَشِ یَنْ بِيُ دَ نَتَعَالَ دَغَ كَنَ تَ غَلِيلِ دَ یَیَنْ ظَبَدِ دَ كُمَ وَطَنْسُ أَلْمَجِرَنْ بِيُ دُكْ سُنَانَنْ تَرٜىٰ؞ 3سَيْ بِتْرُسْ يَثٜىٰ «ذَانِ كَامُنْ كِيڢِ؞» سَوْرَنْ أَلْمَجِرَنْ سُكَثٜىٰ «مُو مَا ذَامُ تَڢِے تَرٜىٰدَكَيْ؞» سَيْ سُكَ ڢِتَ سُكَ شِغَ جِضْغٍ ضُوَ سُكَ تَڢِے؞ عَمَّا أَوَنَّنْ دَرٜىٰ بَسُ كَامَ كُواْمٜىٰبَ؞
4غَرِ يَنَ وَايٜىٰوَ كٜىٰنَنْ، سَيْغَا عِيسَىٰ أَڟَيٜىٰ عَبَاكِنْ تٜىٰكُنْ، عَمَّا أَلْمَجِرَنْ بَسُ غَانٜىٰ عِيسَىٰ نٜىٰبَ؞ 5سَيْ عِيسَىٰ يَثٜىٰ مُسُ «سَمَارِ، كُنَدَ كِيڢِ؟»
سُكَ أَمْسَ مَسَ سُكَثٜىٰ «أَعَ؞»
6 عِيسَىٰ يَثٜىٰ مُسُ «كُجٜىٰڢَ رَاغَرْ كَامُنْ كِيڢِنْكُ أَ حَنُّنْ دَامَ نَجِضْغٍ، ذَاكُ سَامُ؞» سُكَ جٜىٰڢَشِ كَمَرْ يَدَّ عِيسَىٰ يَڢَطَا، سُكَ كَامَ كِيڢِ دَيَوَ حَرْ سُكَ كَاسَ جَٰوُاْ رَاغَرْ كَامُنْ كِيڢِنْ ذُوَا ثِكِنْ جِضْغٍ؞
7سَيْ أَلْمَجِرِنَّنْ دَ عِيسَىٰ يَكٜىٰ ڧَوْنَ يَثٜىٰ وَ بِتْرُسْ «أَيْ، عُبَنْغِجِ نٜىٰ!» دَ سِيمَنْ بِتْرُسْ يَجِ ثٜىٰوَ عُبَنْغِجِ نٜىٰ، سَيْ يَطَوْكِ رِغَرْسَ يَسَا، دُواْمِنْ تُنْدَا مَا عَتُوٻٜىٰ يَكٜىٰ؞ سَعَنً يَيِ ڟَلّٜىٰ يَشِغَ ثِكِنْ ضُوً؞ 8سَوْرَنْ أَلْمَجِرَنْ كُوَ سُكَذُواْ بَاكِنْ تٜىٰكُنْ عَثِكِنْ جِضْغٍ، سُنَ جَنْ رَاغَرْ كَامُنْ كِيڢِنْ ثِكٜىٰ دَ كِيڢِ؞ دُوانْ دَا مَا بَاسُ دَنِيسَ دَ بَاكِنْ تٜىٰكُنْ، مِصَالِ ڧَڢَا طَرِے عُكُنٜىٰ؞
9دَ ڢِتُواْوَرْسُ بَاكِنْ ضُوَ، سَيْ سُكَغَ غَرْوَشِنْ وُتَا أَوُرِنْ دَ كِيڢِ عَكَيْ دَ غُرَاسَ كُمَ؞ 10عِيسَىٰ يَثٜىٰ مُسُ «كُكَٰوُاْ وَطَنْسُ كِيڢِ دَغَ ثِكِنْ وَطَنْدَ كُكَ كَامَ يَنْذُ؞» 11سَيْ سِيمَنْ بِتْرُسْ يَهَوْ جِضْغٍ ضُوً، يَجَٰوُاْ رَاغَرْ كَامُنْ كِيڢِنْ ذُوَا بَاكِنْ ضُوَ؞ رَاغَرْ كَامُنْ كِيڢِنْ يَنَ كُوَ ثِكٜىٰ دَ مَنْيَنْ كِيڢَيٜىٰ طَرِے دَ حَمْسِنْ دَ عُكُ؞ عَمَّا دُكْ دَ يَوَنْسُ حَكَ، رَاغَرْ كَامُنْ كِيڢِ بَيْ يَاغٜىٰبَ؞ 12سَيْ عِيسَىٰ يَثٜىٰ مُسُ «كُذُواْ كُثِ عَبِنْثِنْ سَڢٜىٰ؞» عَثِكِنْ أَلْمَجِرَنْ كُوَ بَاوَنْدَ يَيِ ڧَرْڢِنْ حَلِ يَتَمْبَيٜىٰشِ كُواْوَنٜىٰنٜىٰ شِ، دُواْمِنْ سُنْ سَنْ ثٜىٰوَ عُبَنْغِجِ نٜىٰ؞ 13سَيْ عِيسَىٰ يَذُواْ يَطَوْكِ غُرَاسَرْ يَبَاسُ، يَكُمَ طَوْكِ كِيڢِنْ يَبَاسُ؞ 14وَنَّنْ شِينٜىٰ سَوْ نَعُكُ دَ عِيسَىٰ يَبَيَّنَ كَنْسَ غَ أَلْمَجِرَنْ بَايَنْدَ عَكَ تَاشٜىٰشِ دَغَ مَتَتُّو؞
عِيسَىٰ دَ بِتْرُسْ
15دَسُكَ غَمَ ثِنْ عَبِنْثِنْ سَڢٜىٰ، سَيْ عِيسَىٰ يَتَمْبَيِ سِيمَنْ بِتْرُسْ يَثٜىٰ «سِيمَنْ طَنْ يَحْيَى، كَنَ ڧَوْنَتَ ڢِيٜىٰدَ وَطَنَّنْ؟»
سَيْ بِتْرُسْ يَأَمْسَ مَسَ يَثٜىٰ «عِ، عُبَنْغِجِ، أَيْ، كَا سَنْ يَدَّ نَكٜىٰسُوانْكَ؞»
عِيسَىٰ يَثٜىٰمَسَ «كَاثِيَرْدَ تُمَكِينَ؞»
16سَيْ عِيسَىٰ يَسَاكٜىٰ تَمْبَيَرْسَ سَوْ نَبِيُ يَثٜىٰ «سِيمَنْ طَنْ يَحْيَى، كَنَ ڧَوْنَتَ؟»
يَأَمْسَ يَثٜىٰ «عِ، عُبَنْغِجِ، أَيْ، كَا سَنْ إِنَ سُوانْكَ؞»
عِيسَىٰ يَثٜىٰ مَسَ «كَيِ كِيوُانْ تُمَكِينَ؞»
17 عِيسَىٰ يَتَمْبَيٜىٰشِ سَوْ نَعُكُ يَثٜىٰ «سِيمَنْ طَنْ يَحْيَى، كَنَ سُواْنَ؟»
سَيْ بِتْرُسْ يَيِ بَڧِنْ ثِكِ، دُوانْ عَتَمْبَيَ تَ عُكُ عِيسَىٰ يَثٜىٰ «كَنَ سُواْنَ؟»
سَيْ شِيكُوَ يَأَمْسَ يَثٜىٰ «يَا عُبَنْغِجِ، أَيْ، كَا سَنْ دُكَنْ كُواْمٜىٰ، كَا سَنْ إِنَ سُوانْكَ؞»
عِيسَىٰ يَثٜىٰ مَسَ «تُواْ، كَاثِيَرْدَ تُمَكِينَ؞ 18حَڧِيڧَ، إِنَ غَيَ مَكَ، لُواْكَثِنْ دَ كَكٜىٰ سَوْرَيِ كَكَنْ سَا وَكَنْكَ سُتُورَ كَجٜىٰ دُكْ عِنْدَ كَغَ دَامَ، عَمَّا إِنْ كَا ڟُوڢَ ذَاكَ مِيڧٜىٰ حَنُّوَنْكَ، وَنِ يَسَا مَكَ سُتُورَ، يَكَيْكَ عِنْدَ بَاكَاسُواْ كَتَڢِے؞» 19عِيسَىٰ يَڢَطِ وَنَّنْ نٜىٰ دُواْمِنْ يَنُونَ إِرِنْ مُتُوَرْ دَ بِتْرُسْ ذَيْ يِ دُوانْ يَطَوْكَكَ اللَّهْ؞ بَايَنْ وَنَّنْ مَغَنَ، عِيسَىٰ يَثٜىٰ وَ بِتْرُسْ «بِينِ؞»
عِيسَىٰ دَ أَلْمَجِرِنْ دَ يَكٜىٰ ڧَوْنَ
20بِتْرُسْ يَجُويَ يَدُوبِے بَايَ، سَيْ يَغَ أَلْمَجِرِنَّنْ دَ عِيسَىٰ يَكٜىٰ ڧَوْنَ يَنَ بِنْسُ؞ وَنَّنْ شِينٜىٰ أَلْمَجِرِنْدَ يَجِنْغِنَ عَڧِرْجِنْ عِيسَىٰ أَ لُواْكَثِنْ ثِنْ عَبِنْثِنْ بِكٍ ڧٜىٰتَرٜىٰوَ؞ شِينٜىٰ وَنْدَ يَتَمْبَيِ عِيسَىٰ يَثٜىٰ «يَا عُبَنْغِجِ، وَنٜىٰنٜىٰ ذَيْ بَاشٜىٰكَ؟» 21دَ بِتْرُسْ يَغَنْ شِ، سَيْ يَتَمْبَيِ عِيسَىٰ يَثٜىٰ «عُبَنْغِجِ، وَنَّنْ مُتُمْ ڢَا؟»
22سَيْ عِيسَىٰ يَثٜىٰ مَسَ «عِدَنْ نُڢِينَ نٜىٰ يَرَايُ حَرْ إِنْ دَاوُاْ، إِنَا ضُوَنْكَ؟ كَيْ دَيْ، كَبِينِ!» 23سَبُواْدَ حَكَ وَنَّنْ لَابَرِ يَيِ تَبَظُوَ ثِكِنْ مَاسُبِنْ عِيسَىٰ ثٜىٰوَ أَلْمَجِرِنَّنْ بَذَيْ مُتُبَ؞ عَمَّا عِيسَىٰ بَيْثٜىٰ بَذَيْ مُتُبَ؞ يَا دَيْ ثٜىٰ «عِدَنْ نُڢِينَ نٜىٰ يَرَايُ حَرْ إِنْ دَاوُاْ، إِنَا ضُوَنْكَ؟»
24وَنَّنْ شِينٜىٰ أَلْمَجِرِنْ دَيَكٜىٰ بَادَ شَيْدَ عَكَنْ وَطَنَّنْ أَبُبُوَ، يَكُمَسَاسُ أَرُبُوثٜىٰ؞ مُنْ كُمَ سَنْ ثٜىٰوَ شَيْدَرْسَ غَسْكِيَثٜىٰ؞
25أَݣَويْ وَطَنْسُ أَبُبُوَ دَيَوَ كُمَ وَطَنْدَ عِيسَىٰ يَيِ دَاعَثٜىٰ ذَاعَ رُبُوتَ دُكَ، إِنَ ڟَمَّنِ كُواْ دُونِيَا كَنْتَ بَذَاتَ عِيَ طَوْكَرْ لِتَّتَّڢَنْ دَ ذَاعَ رُبُوتَبَ؞
Currently Selected:
يَحْيَى 21: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020