أَيُّكَنْ مَنْذَنِّے 9
9
تُوبَرْ شَوُلُ
﴿أَيُّكَنْ 22.6-16؛ 26.12-18﴾
1شَوُلُ كُوَ يَنَ ثِيغَبَدَ ڟَنَنْتَاوَ مَاسُبِنْ عُبَنْغِجِ ڟَنَنِ سُواْسَيْ، حَرْ دَ ثٜىٰوَ ذَيْ كَشٜىٰسُ؞ سَيْ يَجٜىٰ وُرِنْ بَبَّنْ ڢِرِسْتِ، 2يَضُواْڧٜىٰشِ يَبَاشِ وَسِيڧُ ذُوَا مَجَمِعُنْ دِمَشْڧُ، دُوانْ عِدَنْ يَا سَامِ مَاسُبِنْ حَنْيَرْ عُبَنْغِجِ، مَظَا كُواْ مَاتَا، يَكَٰوُاْسُ أَطَوْرٜىٰ عَبِرْنِنْ عُرُوشَلِيمَ؞ 3يَنَ ثِكِنْ تَڢِيَ كٜىٰنَنْ، يَيِ كُسَدَ دِمَشْڧُ، بَا لَابَرِ، سَيْغَا وَنِ حَصْكٜىٰ دَغَ سَمَ يَحَصْكَكَا كٜىٰوَيٜىٰ دَشِ؞ 4سَيْ يَڢَاطِ عَڧَسَا، يَكُمَجِ وَتَ مُرْيَ تَنَثٜىٰمَسَ «شَوُلُ، شَوُلُ، دُوانْمٜىٰ كَكٜىٰ ڟَنَنْتَ مِنِ؟»
5شِے كُوَ يَثٜىٰ «وَنٜىٰنٜىٰ كَيْ، مَيْغِرْمَ؟»
سَيْ مُرْيَرْ تَأَمْسَ ثٜىٰوَ «نِنٜىٰ عِيسَىٰ وَنْدَ كَكٜىٰ ڟَنَنْتَ مَسَ؞ 6كَتَاشِ كَشِغَ ثِكِنْ غَرِ، عَثَنْ ذَاعَ ڢَطَا مَكَ أَبِنْدَ ذَاكَيِ؞»
7أَبُواْكَنْ تَڢِيَرْسَ كُوَ سُكَ كَاسَ مَغَنَ، سُنَجِنْ مُرْيَ، عَمَّا بَسُغَ كُواْوَبَ؞ 8سَيْ شَوُلُ يَتَاشِ، عَمَّا دَ يَبُوطٜىٰ عِدُواْ بَيْ عِيَ غَنِبَ؞ سَيْ سُكَ رِڧٜىٰ مَسَ حَنُّ سُكَ كَٰوُاْ شِ دِمَشْڧُ؞ 9يَيِ ݣُونَ عُكُ، بَايَ غَنِ، بَايَثِ، كُمَ بَايَشَا؞
10تُواْ، أَݣَويْ وَنِ مَيْبِے أَ دِمَشْڧُ، مَيْ سُونَ هَنَنِيَ؞ عُبَنْغِجِ يَيِ مَسَ مَغَنَ ثِكِنْ رُعُيَ يَثٜىٰ «هَنَنِيَ!»
شِے كُوَ يَأَمْسَ «غَا نِے، يَا عُبَنْغِجِ؞»
11سَيْ عُبَنْغِجِ يَثٜىٰ مَسَ «تَاشِ كَتَڢِے تِيتِنَّنْ دَ عَكٜىٰثٜىٰ دَشِ مِيڧَڧّٜىٰ، كَجٜىٰ غِدَنْ يَهُودَ، كَتَمْبَيَ كُواْ أَݣَويْ وَنِ مُتُمِنْ تَرْسُسْ، مَيْ سُونَ شَوُلُ؞ غَاشِ نَنْ يَنَ أَدُّعَ أَوُرِنْ؞ 12حَرْ مَا عَثِكِنْ رُعُيَ يَغَ وَنِ مُتُمْ مَيْ سُونَ هَنَنِيَ يَشِغُواْ، يَسَا مَسَ حَنُّنْ أَلْبَرْكَ دُواْمِنْ يَسَاكٜىٰ سَامُنْ غَنِنْ غَرِ؞»
13عَمَّا هَنَنِيَ يَأَمْسَ يَثٜىٰ «عُبَنْغِجِ، نَشَا جِنْ لَابَرِنْ مُتُمِنَّنْ وُرِنْ مُتَنٜىٰ دَيَوَ عَكَنْ يَوَنْ مُغُنْتَارْ دَ يَيِ وَڟَرْكَكَا أَ عُرُوشَلِيمَ؞ 14غَاشِ كُمَ يَنَدَ إِظْنِ دَغَ مَنْيَنْ ڢِرِسْتُواْثِے يَكَامَ دُكْ وَنْدَ يَكٜىٰ كِرَا غَ سُونَنْكَ؞»
15عَمَّا عُبَنْغِجِ يَثٜىٰ مَسَ «كَيْ دَيْ، كَجٜىٰ، دُواْمِنْ شِے مُتُمْ نٜىٰ دَ نَذَاٻَا يَيِ عَيْكِنَ دُواْمِنْ يَسَنَرْدَ سُونَنَ غَ وَطَنْدَ بَا يَهُودَاوَا بَ دَ سَرَاكُنَ دَ كُمَ إِسْرَٰٓءِيلَاوَا؞ 16نِے دَكَيْنَ ذَنْ نُونَ مَسَ وُيَرْ دَ لَلَّيْ ذَيْشَا سَبُواْدَ سُونَنَ؞»
17سَيْ هَنَنِيَ يَتَڢِے يَشِغَ غِدَنْ؞ يَسَ حَنُّوَنْسَ عَكَنْ شَوُلُ، يَثٜىٰ «طَنْعُوَنَ شَوُلُ، عُبَنْغِجِ نٜىٰ يَعَيْكُواْ نِے، وَتُواْ عِيسَىٰ وَنْدَ يَبَيَّنَ أَغَرٜىٰكَ عَكَنْ حَنْيَرْدَ كَبِيُواْ؞ يَعَيْكٜىٰنِ دُواْمِنْ كَسَاكٜىٰ عِيَ غَنِ، عَكُمَ ثِكَكَ دَ رُوحُ مَيْ ڟَرْكِے؞» 18نَنْ تَكٜىٰ، سَيْ وَنِ أَبُ كَمَرْ ٻَوُاْ يَڢَاطِ دَغَ إِدَانُنْ شَوُلُ، سَيْ يَسَاكٜىٰ غَنِ؞ سَعَنً يَتَاشِ، عَكَيِ مَسَ بَڢْتِسْمَ؞ 19سَيْ يَثِ عَبِنْثِ، يَسَاكٜىٰ سَامُنْ ڧَرْڢِے؞
شَوُلُ يَيِ وَعَظِ أَ دِمَشْڧُ
شَوُلُ كُوَ يَيِ یَنْ ݣُونَكِے تَرٜىٰدَ سَوْرَنْ مَاسُبِنْ دَسُكٜىٰ أَ دِمَشْڧُ؞ 20بَادَ دَطٜىٰوَبَ، شَوُلُ يَڢَارَ وَعَظِنْ عِيسَىٰ أَ مَجَمِعُنْ يَهُودَاوَا ثٜىٰوَ عِيسَىٰ شِينٜىٰ طَنْ اللَّهْ؞ 21دُكْ وَطَنْدَ سُكَجِيشِ كُوَ سُكَيِ مَامَاكِ، سُكَثٜىٰ «أَشٜىٰ، بَوَنَّنْ نٜىٰ يَكَكَّشٜىٰ يَكُمَ وَاڟَرْدَ مَاسُ كِرَنْ سُونَنَّنْ ثِكِنْ سُجَّدَ أَ عُرُوشَلِيمَ بَ؟ بَ يَا ذُواْ نَنْ دَ نِيَّرْ يَكَيْسُ غَبَنْ مَنْيَنْ ڢِرِسْتُواْثِے أَطَوْرٜىٰ بَنٜىٰ؟»
22عَمَّا شَوُلُ يَڧَارَ سَامُنْ ڧَرْڢِے، يَنَ تَرِكِتَرْ دَ حَنْكَلِنْ يَهُودَاوَنْ دَسُكٜىٰ ذَمَ أَ دِمَشْڧُ، يَنَ تَبَّتَرْ مُسُ ثٜىٰوَ عِيسَىٰ شِينٜىٰ أَلْمَسِيحُ؞
شَوُلُ يَكُٻُثٜىٰ وَ يَهُودَاوَا
23بَايَنْ یَنْ ݣُونَكِے، يَهُودَاوَا سُكَيِ شَوَرَا سُكَشٜىٰ شَوُلُ؞ 24عَمَّا شِيكُوَ يَجِ لَابَرِنْ شِرِنْسُ؞ دَرٜىٰ دَ رَانَ سُنَ ظُبَ عِدُواْ عَڧُواْڢُواْڢِنْ غَرِ دُواْمِنْ سُكَشٜىٰشِ، 25عَمَّا دَ دَرٜىٰ أَلْمَجِرَنْسَ سُكَ طَوْكٜىٰشِ، سُكَ سَوْكَرْ دَشِ تَوَتَ تَغَ أَجِكِنْ بَنْغُوانْ بِرْنِنْ ثِكِنْ بَبَّنْ ݣُونْدُواْ؞#2 كُوارْ 11.32-33
شَوُلُ يَكُواْمَ عُرُوشَلِيمَ
26دَ شَوُلُ يَذُواْ عُرُوشَلِيمَ، يَايِ ڧُواْڧَرِ يَشِغَ ثِكِنْ أَلْمَجِرَنْ، عَمَّا دُكْ سُكَجِڟُواْرُوانْسَ، دُوانْ بَسُ يَرْدَ شِے أَلْمَجِرِ بَنٜىٰ؞ 27عَمَّا بَرْنَبَ يَطَوْكٜىٰشِ يَكَيْ شِ وُرِنْ مَنْذَنِّے؞ يَڢَطَا مُسُ يَدَّ شَوُلُ يَغَ عُبَنْغِجِ أَ حَنْيَ دَ يَدَّ عُبَنْغِجِ يَيِ مَسَ مَغَنَ دَ كُمَ يَدَّ شَوُلُ يَيِ وَعَظِ دَ سُونَنْ عِيسَىٰ أَ دِمَشْڧُ، بَ ڟُواْرُواْ؞ 28دَغَ نَنْ شَوُلُ يَدِنْغَ شِغَ دَ ڢِتَ دَسُو أَ عُرُوشَلِيمَ، 29يَنَ وَعَظِ دَ سُونَنْ عُبَنْغِجِ بَ ڟُواْرُواْ؞ يَكُمَ دِنْغَ يِنْ مَغَنَ دَ يَهُودَاوَا مَاسُ جِنْ هٜىٰلٜىٰنَنْثِ، يَنَ كُمَ غَرْدَمَ دَسُو، عَمَّا سُكَيِ تَنٜىٰمَنْ حَنْيَ سُكَشٜىٰشِ؞ 30دَ یَنْعُوَ سُكَ غَانٜىٰ حَكَ، سَيْ سُكَ كَيْ شِ كَيْسَرِيَ، سُكَ عَيْكَ دَشِ ذُوَا تَرْسُسْ؞
31سَعَنً نٜىٰ جَمَعَرْ مَاسُبِے نَدُكَنْ يَنْكِنْ يَهُودِيَ دَ غَلِيلِ دَ سَمَرِيَ، تَسَامِ ذَمَنْ سَلَمَ؞ جَمَعَرْ مَاسُبِے تَسَامِ ڧَرْڢِے تَكُمَ ڧَارُ سُواْسَيْ تَوُرِنْ تَيْمَكُوانْ رُوحُ مَيْ ڟَرْكِے، يَايِنْ دَتَكٜىٰ رَايُوَا عَثِكِنْ ڟُواْرُوانْ عُبَنْغِجِ؞
بِتْرُسْ يَوَرْكَرْ دَ إِنِيَسْ
32تُواْ دَ بِتْرُسْ يَظَظْذَاغَ يَنْكِنْ دُكَ، سَيْ يَكُمَ جٜىٰ وُرِنْ ڟَرْكَكَنَّنْ دَسُكٜىٰ ذَمَ أَ لِدَّ؞ 33أَوُرِنْ يَسَدُ دَ وَنِ مُتُمْ مَيْ سُونَ إِنِيَسْ، وَنْدَ يَكٜىٰ عَݣُونْثٜىٰ شٜىٰكَرَا تَݣُوسْ دُوانْ شِے شَنْيَيّٜىٰ نٜىٰ؞ 34سَيْ بِتْرُسْ يَثٜىٰ مَسَ «إِنِيَسْ، عِيسَىٰ أَلْمَسِيحُ يَوَرْكَرْ دَكَيْ؞ تَاشِ كَنَطٜىٰ أَبِنْ ݣُونْثِيَرْكَ؞» نَنْ دَنَنْ إِنِيَسْ يَتَاشِ؞ 35دُكْ مُتَنٜىٰنْ غَرُضُوً لِدَّ دَ نَ شَرُوانْ كُوَ سُكَ غَنْشِ وَنْدَ يَوَرْكٜىٰ، سَعَنً سُكَ جُويُواْ غَ عُبَنْغِجِ؞
بِتْرُسْ يَتَادَ تَبِتَ دَغَ مَتَتُّو
36أَ يُواْڢَّ كُوَ أَݣَويْ وَتَ مَيْبِے، مَيْ سُونَ تَبِتَ، وَتُواْ دُواْكَسْ#9.36 دُواْكَسْ: «تَبِتَ» عَيَرٜىٰنْ أَرَمَيَ دَ «دُواْكَسْ» أَ هٜىٰلٜىٰنَنْثِ دُكْ سُنَ نُڢِنْ وَنِ إِرِنْ نَامَنْ دَاجِ نٜىٰ كَمَرْ بَرٜىٰوَ؞ كٜىٰنَنْ؞ مَثٜىٰنْ كُوَ تَبَادَ كَنْتَ طُنْغُمْ ثِكِنْ يِنْ عَيْكِنْ كِرْكِ دَ كُمَيِنْ سَدَكَ؞ 37عَݣُونَكِنْنَنْ تَيِ رَشِنْ لَاڢِيَ، تَمُتُ؞ دَ سُكَيِ مَتَ وَنْكَ، سُكَ ݣُونْتَرْدَ جِكِنْتَ أَطَاكِنْ سَمَ؞ 38دَيَكٜىٰ لِدَّ تَنَ كُسَدَ يُواْڢَّ، سَعَدَّ مَاسُبِے سُكَجِ بِتْرُسْ يَنَ لِدَّ، سَيْ سُكَ عَيْكَ مُتُمْ بِيُ ذُوَا وُرِنْسَ، سُضُواْڧٜىٰشِ يَذُواْ وُرِنْسُ دَ سَوْرِ؞ 39سَيْ بِتْرُسْ يَتَاشِ يَتَڢِے تَرٜىٰدَسُو؞ دَ يَ إِسُواْ، سُكَ كَيْ شِ طَاكِنْ سَمَنْ؞ دُكْ مَتَ وَطَنْدَ مَذَنْسُ سُكَ مُتُ، سُكَ ڟَيَ كُسَدَشِ، سُنَ كُكَ، سُنَ نُونَ رِيغُنَ دَ سَوْرَنْ كَايَنْ دَ دُواْكَسْ تَيِ مُسُ تُنْ تَنَ تَرٜىٰدَسُو؞ 40بِتْرُسْ يَڢِتَرْ دَسُو وَجٜىٰ دُكَ، يَدُرْڧُسَ يَيِ أَدُّعَ؞ يَجُويَ وَجٜىٰنْ غَاوَرْ، يَثٜىٰ «تَبِتَ، تَاشِ؞» سَيْ تَبُوطٜىٰ عِدُواْ؞ دَ تَغَ بِتْرُسْ، سَيْ تَتَاشِ تَذَوْنَ؞ 41بِتْرُسْ كُوَ يَمِيڧَ مَتَ حَنُّ يَتَيْمَكٜىٰتَ تَتَاشِ؞ سَيْ يَكِرَا مَاسُبِے دَ مَاتَنَّنْ وَطَنْدَ مَذَنْسُ سُكَ مُتُ، يَمِيڧَ مُسُ عِتَ دَ رَيْ؞ 42لَابَرِنَّنْ يَبَظُو أَدُكَنْ يُواْڢَّ، مُتَنٜىٰ دَيَوَ كُوَ سُكَ غَسْكَتَادَ عُبَنْغِجِ؞ 43بِتْرُسْ يَذَوْنَ ݣُونَكِے دَيَوَ أَ يُواْڢَّ، أَغِدَنْ وَنِ مَيْ عَيْكِنْ ڢَتُنْ دَبُّواْبِے، سُونَنْسَ سِيمَنْ نٜىٰ؞
Currently Selected:
أَيُّكَنْ مَنْذَنِّے 9: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
