أَيُّكَنْ مَنْذَنِّے 6
6
أَنْ ذَاٻِ مَاسُ حِدِمَ بَݣَويْ
1تُواْ، عَݣُونَكِنْنَنْ دَ يَوَنْ أَلْمَجِرَيْ يَكٜىٰ ڧَارُوَ، سَيْ يَهُودَاوَا مَاسُ جِنْ هٜىٰلٜىٰنَنْثِ سُكَيِ غُنَغُنِ عَكَنْ يَهُودَاوَا مَاسُ جِنْ يَرٜىٰنْ أَرَمَيَ؞ يَهُودَاوَا مَاسُ جِنْ هٜىٰلٜىٰنَنْثِ سُنْيِ غُنَغُنِ نٜىٰ دُوانْ أَوَجٜىٰنْ رَبُوانْ تَيْمَكُواْ نَكُواْوَثٜىٰ رَانَ بَعَكُلَ دَ مَاتَنْسُ وَطَنْدَ مَذَنْسُ سُكَ مُتُ؞ 2سَيْ شَا بِيُنَّنْ سُكَ كِرَوُاْ دُكْ جَمَعَرْ مَاسُبِے، سُكَثٜىٰ «أَيْ، بَيْيِ ݣَوْ مُبَرْ وَعَظِنْ كَلْمَرْ اللَّهْ، مُشِغَ شَعَنِنْ عَبِنْثِبَ؞ 3سَبُواْدَ حَكَ، یَنْعُوَ، سَيْ كُذَاٻِ مُتُمْ بَݣَويْ دَغَ ثِكِنْكُ، وَطَنْدَ عَكَسَنْسُ دَ حَلِنْ كِرْكِ، ثِكٜىٰ دَ رُوحُ دَ كُمَ حِكِمَ، وَطَنْدَ ذَامُبَاسُ وَنَّنْ عَيْكِ؞ 4مُو كُمَ سَيْ مُسَامِ دَامَرْ نَاثٜىٰوَ دَ يِنْ أَدُّعَ دَ كُمَ كُواْيَرْ دَ كَلْمَرْ اللَّهْ؞»
5جَمَعَ دُكَ كُوَ سُكَجِ دَاطِنْ أَبِنْدَ سُكَ ڢَطَا؞ سَيْ سُكَ ذَاٻِ إِسْتِڢَنُسْ، وَنِ مُتُمِنْ دَيَكٜىٰ ثِكٜىٰ دَ بَنْغَسْكِيَ دَ رُوحُ مَيْ ڟَرْكِے دَ ڢِلِبُسْ دَ بُرُواْكُواْرَسْ دَ نِكَنُوارْ دَ تِمُوانْ دَ بَرْمِنَسْ دَ نِكُواْلَسْ مُتُمِنْ أَنْتَكِيَ، وَنْدَ بَ بَيَهُودٜىٰ بَنٜىٰ عَمَّا يَشِغَ أَدِّينِنْ يَهُودَاوَا؞ 6وَطَنَّنْ نٜىٰ عَكَ غَبَاتَرْ أَغَبَنْ مَنْذَنِّے، وَطَنْدَ سُكَيِ مُسُ أَدُّعَ كُمَ سُكَسَا مُسُ حَنُّنْ أَلْبَرْكَ؞
7كَلْمَرْ اللَّهْ كُوَ سَيْ ڧَارَ يَطُوَ تَكٜىٰيِ؞ يَوَنْ مَاسُبِے كُمَ عَثِكِنْ بِرْنِنْ عُرُوشَلِيمَ سَيْ ڧَارُوَ يَكٜىٰ تَيِ سُواْسَيْ، ڢِرِسْتُواْثِے مَاسُيَوَ سُواْسَيْ كُمَ سُكَ كَرْٻِ بَنْغَسْكِيَرْ نَنْ؞
أَنْ كَامَ إِسْتِڢَنُسْ
8تُواْ، إِسْتِڢَنُسْ، ثِكٜىٰ دَ أَلْحٜىٰرِ دَ إِيكُواْ، يَعَيْكَتَ مَنْيَنْ أَيُّكَنْ بَنْ مَامَاكِ دَ عَلَمُ عَثِكِنْ جَمَعَ؞ 9سَيْ وَطَنْسُ نَمَجَمِعَرْ دَ عَكٜىٰثٜىٰ دَ عِتَ مَجَمِعَرْ یَنْتَتُّ،#6.9 یَنْتَتُّ: وَنَّنْ يَنَ نُڢِنْ يَهُودَاوَا وَطَنْدَ سُكَ سَامُ یَنْثِنْ كَنْسُ دَغَ بَوْتَا؞ سُكَ تَيَرْوَ إِسْتِڢَنُسْ دَ غَرْدَمَ؞ وَطَنَّنْ كُوَ يَهُودَاوَا نٜىٰ دَغَ سَيِرِنْ دَ إِسْكَنْدَارِيَا دَ كُمَ دَغَ ڧَسَرْ كِلِكِيَ دَ تَ أَسِيَ؞ 10عَمَّا عَ إِنَا! سُنْ كَاسَ غَرْدَمَ دَشِ، دُواْمِنْ يَنَ مَغَنَ دَ حِكِمَرْ دَ رُوحٌ اللَّهْ يَبَاشِ؞ 11سَيْ سُكَ ذُغَ وَطَنْسُ مُتَنٜىٰ عَٻُواْيٜىٰ دُواْمِنْ سُثٜىٰ «مُنْجِيشِ يَنَ ذَاغِنْ أَنَّبِے مُوسَٰى، يَنَيِ وَ اللَّهْ مَغَنَرْ رٜىٰنِ؞» 12تَهَكَ، سُكَتَادَ حَنْكَلِنْ جَمَعَ دَ دَتَّاوَا دَ مَلَمً كُواْيَرْوَرْ مُوسَٰى، سُو كُمَ سُكَ هَوْ مَسَ، سُكَ كَامَ شِ، سُكَ كَيْشِ غَبَنْ مَجَلِسَ؞ 13سَيْ شُوغَبَنِّنْ جَمَعَ سُكَ كَٰوُاْ مَاسُ شَيْدَرْ ڧَضْيَا، وَطَنْدَ سُكَثٜىٰ «مُتُمِنَّنْ كُواْيَوْشٜىٰ يَنَ مَغَنَرْ بَنْظَ عَكَنْ وُرِنَّنْ مَيْ ڟَرْكِے دَ كُمَ كُواْيَرْوَرْ مُوسَٰى؞ 14غَاشِ، مُنْجِيشِ يَنَ ثٜىٰوَ وَيْ عِيسَىٰ بَنَظَرٜىٰتْ نَنْ ذَيْ رُشٜىٰ وُرِنَّنْ، يَكُمَ ثَنْجَ دُكْ أَلْعَادُنْ دَ أَنَّبِے مُوسَٰى يَبَرْ مَنَ؞» 15دُكْ وَطَنْدَ سُكٜىٰ ظَوْنٜىٰ أَ مَجَلِسَرْ كُوَ سُكَ ظُبَ مَسَ عِدُواْ، سُكَغَ ڢُسْكَرْسَ تَذَمَ كَمَرْ تَمَلاَىِٕكَ؞
Currently Selected:
أَيُّكَنْ مَنْذَنِّے 6: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020