أَيُّكَنْ مَنْذَنِّے 7
7
جَوَابِنْ إِسْتِڢَنُسْ
1سَيْ بَبَّنْ ڢِرِسْتِ يَتَمْبَيِ إِسْتِڢَنُسْ يَثٜىٰ «أَبُبُوَنَّنْ، غَسْكِيَ نٜىٰ؟»
2سَيْ إِسْتِڢَنُسْ يَثٜىٰ «كُو یَنْعُوَ دَ عُبَنِّ، كُسَوْرَرَتَ؞ اللَّهْ مَطَوْكَكِ يَبَيَّنَ غَ كَكَنْمُ إِبْرَٰهِيمْ سَعَدَّ يَكٜىٰ عَڧَسَرْ مٜىٰسُواْڢُواْتَمِيَ، تُنْ بَيْ ذَوْنَ أَ هَرَنْ بَ؞ 3اللَّهْ يَثٜىٰ مَسَ، ‹كَتَاشِ دَغَ ڧَسَرْكُ، كَبَرْ یَنْعُوَنْكَ، كَجٜىٰ ڧَسَرْدَ ذَنْ نُونَ مَكَ؞› #ڢَارْ 12.1 4سَيْ كَكَنْمُ يَتَاشِ دَغَ ڧَسَرْ كَلْدِيَاوَا، يَجٜىٰ يَذَوْنَ أَ هَرَنْ؞ دَغَ ثَنْ كُمَ، بَايَنْدَ بَابَنْسَ يَمُتُ، اللَّهْ يَكَٰوُاْ شِ ڧَسَرْ نَنْ دَ كُكٜىٰ ذَمَ عَثِكِ يَنْذُ؞ #ڢَارْ 11.31؛ 12.4 5عَمَّا كُوَ اللَّهْ بَيْ بَاشِ غَادُوانْ ڧَسَرْبَ، كُواْ دَ تَاكِ طَيَ؞ سَيْ دَيْ يَيِ مَسَ أَلْڧَوَرِ ذَيْسَا ڧَسَرْ تَذَمَ تَاسَ، شِے دَ ذُرِيَرْسَ دَ ذَاسُذُواْ بَايَنْسَ، كُواْدَيَكٜىٰ بَاشِ دَ يَرُواْ أَ لُواْكَثِنْ؞ #ڢَارْ 12.7؛ 13.15؛ 15.18؛ 17.8 6اللَّهْ كُوَ يَڢَطَا ثٜىٰوَ ذُرِيَرْ إِبْرَٰهِيمْ ذَاسُيِ بَڧُنْثِ أَوَتَ ڧَسَا، مُتَنٜىٰنْ ڧَسَرْ كُوَ ذَاسُ مَيْدَسُو بَايِ، ذَاسُبَاسُ وَهَلَ حَرْ شٜىٰكَرَا طَرِے حُطُ؞ 7اللَّهْ يَثٜىٰ ذَيْ حُكُنْتَ ڧَسَرْدَ ذَاسُ بَوْتَاوَ، بَايَنْ حَكَكُمَ ذُرِيَرْ إِبْرَٰهِيمْ ذَاسُ ڢِتُواْ سُبَوْتَاوَ اللَّهْ أَوَنَّنْ وُرِے؞ #ڢَارْ 15.13-14 #ڢِتْ 3.12 8اللَّهْ كُمَ يَبَا إِبْرَٰهِيمْ ڧَٰعِدَرْ كَاثِيَ،#7.8 كَاثِيَ: دُوبِے مَعَنَرْ وَطَنْسُ كَلْمُواْمِ؞ عَلَمَثٜىٰ تَيَرْجٜىٰجٜىٰنِيَ؞ شِيَسَا دَ إِبْرَٰهِيمْ يَحَيْڢِ إِسْحَٰڧَ، يَيِ مَسَ كَاثِيَ أَ رَانَ تَتَݣُوسْ؞ إِسْحَٰڧَ يَحَيْڢِ يَعْڧُوبَ، يَعْڧُوبَ كُمَ يَحَيْڢِ كَاكَنِّنْمُ غُواْمَشَا بِيُنَّنْ؞ #ڢَارْ 17.10-14؛ 21.2-4؛ 25.26؛ 29.31—35.18
9«كَاكَنِّنَّنْ كُوَ دَيَكٜىٰ سُنَ كِيشِنْ طَنْعُوَنْسُ يُوسُڢَ، سُكَ سَيَرْ دَشِ، عَكَ كَيْ شِ مَصَرْ؞ عَمَّا اللَّهْ يَنَ تَرٜىٰ دَشِ، #ڢَارْ 37.11،28؛ 39.2،21 10يَكُمَ ڢِتَرْ دَشِ دَغَ دُكَنْ وَهَلَرْسَ؞ اللَّهْ كُمَ يَسَا يَذَمَ مَيْ حِكِمَ، مَيْ ڢَضٍ جِنِ أَغَبَنْ سَرْكِے ڢِرْعَوْنَ نَ مَصَرْ؞ ڢِرْعَوْنَ كُوَ يَمَيْدَ يُوسُڢَ ڠُومْنَ نَڧَسَرْ مَصَرْ دَ كُمَ شُوغَبَنْ دُكَنْ جَمَعَرْ غِدَنْسَ؞ #ڢَارْ 41.39-41 11أَنَانً، سَيْ يُنْوَ تَشِغُواْ أَدُكْ ڧَسَرْ مَصَرْ دَ كَنْعَنَ، تَرٜىٰدَ وَهَلَ مَيْ ڟَنَنِ، حَرْ كَاكَنِّنْمُ سُكَ رَسَ عَبِنْثِ؞ #ڢَارْ 42.1-2 12عَمَّا دَ يَعْڧُوبَ يَجِ أَݣَويْ حَڟِ أَ مَصَرْ، يَعَيْكِ يَارَنْسَ وَتُواْ، كَاكَنِّنْمُ ذُوَا مَصَرْ؞ وَنَّنْ يَذَمَ تَڢِيَرْسُ تَڢَرْكُواْ؞ 13عَتَڢِيَرْسُ تَبِيُ يُوسُڢَ يَسَنَرْدَ كَنْسَ غَ یَنْعُوَنْسَ، ڢِرْعَوْنَ كُمَ يَغَانٜىٰ أَصَلِنْسَ؞ #ڢَارْ 45.1،16 14سَيْ يُوسُڢَ يَعَيْكَ وَبَابَنْسَ يَعْڧُوبَ يَذُواْ دَ كُمَ دُكَنْ یَنْعُوَنْ يُوسُڢَ؞ دُكَنْسُ كُوَ مُتُمْ سَبَعِنْ دَ بِيَرْ نٜىٰ؞ #ڢَارْ 45.9-10؛ 17.18؛ ڢَارْ 46.27 15سَيْ يَعْڧُوبَ يَتَڢِے مَصَرْ؞ عَثَنْ نٜىٰ مَا يَمُتُ، شِے دَ كَاكَنِّنْمُ؞ #ڢَارْ 46.1-7؛ 49.33 16سَيْ عَكَ ݣُوسُواْسُ عَكَ مَيْدَسُو شٜىٰكٜىٰمْ، عَكَسَاسُ عَكَبَرِنْ دَ إِبْرَٰهِيمْ يَسَيَ دَ كُطِنْ أَظُرْڢَا أَوُرِنْ یَیَنْ هَمُوارْ أَنَنْ شٜىٰكٜىٰمْ؞ #ڢَارْ 23.3-16؛ 33.19؛ 50.7-13؛ يُواشْ 24.32
17«عَمَّا دَ لُواْكَثِنْ ثِكَرْ أَلْڧَوَرِنْ دَ اللَّهْ يَيِ وَ إِبْرَٰهِيمْ يَيِ كُسَ، جَمَعَرْمُ تَا ڧَارُ، تَايِيَوَ سُواْسَيْ عَڧَسَرْ مَصَرْ؞ 18سَعَنً عَكَيِ وَنِ سَرْكِے أَ مَصَرْ، وَنْدَ بَيْمَا سَنْ كُواْ وَنٜىٰنٜىٰ يُوسُڢَ بَ؞ #ڢِتْ 1.7-8 19وَنَّنْ سَرْكِے كُوَ يَثُوثِ ڧَبِيلَرْمُ، يَيِ وَكَاكَنِّنْمُ ڟَنَنِ يَنَسَا عَيَرْ دَ جَرِرَنْسُ، دُواْمِنْ كَدَ سُرَايُ؞ #ڢِتْ 1.10-11،22 20أَ لُواْكَثِنَّنْ نٜىٰ عَكَ حَيْڢِ مُوسَٰى، يَرُواْ مَيْ ݣَنْ غَسْكٜىٰ؞ أَنْيِ رٜىٰنُوانْسَ وَتَا عُكُ أَغِدَنْ بَابَنْسَ؞ #ڢِتْ 2.2 21دَ عَكَيَرْ دَشِ، یَرْ ڢِرْعَوْنَ تَطَوْكٜىٰشِ، تَلُورَ دَشِ كَمَرْ طَنْتَ؞ #ڢِتْ 2.3-10 22سَيْ عَكَ كُواْيَوَ مُوسَٰى دُكَنْ حِكِمَرْ مَصَرَاوَا، شِيكُوَ مُتُمْ نٜىٰ مَيْ إِيكُواْ ثِكِنْ مَغَنَ دَ أَيُّكَنْسَ؞ 23دَ يَكَيْ شٜىٰكَرَا أَرْبَعِنْ كٜىٰنَنْ، سَيْ يَيِ تُنَانِ يَجٜىٰ يَظِيَرْثِ یَنْعُوَنْسَ إِسْرَٰٓءِيلَاوَا؞ 24دَ يَغَ وَنِ مُتُمِنْ مَصَرْ يَنَ ثُوتَرْ طَيَنْسُ، يَجٜىٰ يَتَيْمَكِ مُتُمِنْ إِسْرَٰٓءِيلَنْ نَنْ، يَرَامَ مَسَ، يَبُغِ مُتُمِنْ مَصَرْ، يَكَشٜىٰشِ؞ 25يَيِ ڟَمَّنِ یَنْعُوَنْسَ ذَاسُ غَانٜىٰ اللَّهْ ذَيْ يِ أَمْڢَانِ دَشِ دُواْمِنْ يَثٜىٰثٜىٰسُ؞ عَمَّا مُتَنٜىٰنْ بَسُ غَانٜىٰبَ؞ 26وَشٜىٰغَرِ كُمَ يَغَ وَطَنْسُ إِسْرَٰٓءِيلَاوَا سُنَ ڢَطَ، سَيْ يَسُواْ يَشِرْيَسُ، يَثٜىٰ، ‹كُو جَمَعَ، كُو یَنْعُوَ نٜىٰ ڢَا، دُوانْمٜىٰ كُكٜىٰ ثُوتَرْ جُونَ؟› 27عَمَّا مَيْ ثُوتَرْ طَنْعُوَنْسَ يَتُرٜىٰ مُوسَٰى غٜىٰڢٜىٰ، يَثٜىٰ، ‹وَ يَسَاكَ كَذَمَ شُوغَبَنْمُ دَ أَلْڧَلِنْمُ؟ 28أَشٜىٰ، كَنَ سُواْ كَكَشٜىٰنِ كَمَرْ يَدَّ كَكَشٜىٰ مُتُمِنْ مَصَرْ نَنْ نَجِيَ؟› #ڢِتْ 2.14 29دَ مُوسَٰى يَجِ حَكَ، سَيْ يَغُدُ يَيِ ذَمَنْ بَڧُنْثِ عَڧَسَرْ مَدْيَنَ، عَثَنْ يَحَيْڢِ یَیَ بِيُ مَظَا؞ #ڢِتْ 2.11-15 #ڢِتْ 18.3-4
30«تُواْ، بَايَنْ شٜىٰكَرَا أَرْبَعِنْ، وَنِ مَلاَىِٕكَ يَبَيَّنَ غَ مُوسَٰى أَ هَرْشٜىٰنْ وُتَا، عَڧَرَمِنْ إِتَاثٜىٰ أَوَنِ دَاجِ كُسَدَ بَبَّنْ تُدُنْ سِنَيْ؞ 31دَ مُوسَٰى يَغَ حَكَ، يَيِ مَامَاكِنْ أَبِنْدَ يَغَنِ؞ دَ يَذُواْ كُسَ دُواْمِنْ يَدُوبَ، سَيْ يَجِ مُرْيَرْ عُبَنْغِجِ تَثٜىٰ، 32‹نِنٜىٰ اللَّهْ نَكَاكَنِّنْكَ، اللَّهْ نَ إِبْرَٰهِيمْ دَ إِسْحَٰڧَ دَ يَعْڧُوبَ؞› سَيْ جِكِنْ مُوسَٰى يَڢَارَ ضَوَ، بَيْمَا عِيَ ڧَرْڢِنْ حَلِنْ دُوبَوَبَ؞ #ڢِتْ 3.6
33«سَيْ عُبَنْغِجِ يَثٜىٰ مَسَ، ‹كَثِرٜىٰ تَاكَلْمَنْكَ، دُواْمِنْ وُرِنَّنْ دَ كَكٜىٰ ڟَيٜىٰ وُرِے مَيْ ڟَرْكِے نٜىٰ؞ 34لَلَّيْ، نَا غَا وَهَلَرْ دَ عَكٜىٰبَا جَمَعَتَ دَسُكٜىٰ مَصَرْ، نَاجِ كُوكَنْسُ، نَا كُمَ سَوْكُواْ إِنْثٜىٰثٜىٰسُ؞ تُواْ، يَنْذُ سَيْ كَيِشِرِ إِنْ عَيْكٜىٰكَ ذُوَا مَصَرْ؞› #ڢِتْ 3.1-10
35«تُواْ، شِ وَنَّنْ مُوسَٰى نٜىٰ سُكَڧِ، سُنَ ثٜىٰوَ ‹وَ يَسَاكَ كَذَمَ شُوغَبَنْمُ دَ أَلْڧَلِنْمُ؟› شِينٜىٰ اللَّهْ يَعَيْكُواْ يَذَمَ شُوغَبَادَ مَيْ ثٜىٰتُواْ، تَوُرِنْ مَلاَىِٕكَنَّنْ دَ يَبَيَّنَ أَغَرٜىٰشِ عَڧَرَمِنْ إِتَاثٜىٰنَّنْ؞ #ڢِتْ 2.14 36شِينٜىٰ كُوَ يَڢِتُواْ دَسُو، بَايَنْ يَيِ أَيُّكَنْ بَنْ مَامَاكِ دَ كُمَ عَلَمُ عَڧَسَرْ مَصَرْ دَ تٜىٰكُنْ ثِيَوَرْ إِوَ،#7.36 تٜىٰكُنْ ثِيَوَرْ إِوَ: عَيْنِحِنْ سُونَنْ وَنَّنْ تٜىٰكُ كٜىٰنَنْ، عَمَّا أَنْكُمَ سَنْتَ دَ سُونَنْ جَنْ تٜىٰكُ؞ دَ كُمَ عَثِكِنْ دَاجِ حَرْ شٜىٰكَرَا أَرْبَعِنْ؞ #ڢِتْ 7.5؛ 14.21؛ لِـ ڧِدْ 14.33 37وَنَّنْ مُوسَٰى شِينٜىٰ وَنْدَ يَثٜىٰ وَ إِسْرَٰٓءِيلَاوَا، ‹اللَّهْ ذَيْ عَيْكُواْ مُكُ دَ وَنِ أَنَّبِے دَغَ ثِكِنْ مُتَنٜىٰنْكُ، كَمَرْ يَدَّ يَعَيْكٜىٰنِ؞› #مَيْ شَـ 8.15،18 38مُوسَٰى شِينٜىٰ مُتُمِنْدَ يَتَتَّارَ جَمَعَرْ إِسْرَٰٓءِيلَ عَثِكِنْ دَاجِ؞ يَكَسَنْثٜىٰ عَثَنْ تَرٜىٰدَ كَاكَنِّنْمُ دَ كُمَ مَلاَىِٕكَنَّنْ دَ يَيِ مَغَنَ دَشِ عَكَنْ بَبَّنْ تُدُنْ سِنَيْ؞ شِينٜىٰ كُمَ يَكَرْٻُواْ كَلْمَ مَيْ بَادَ رَيْ دَغَ وُرِنْ اللَّهْ يَكَٰوُاْ مَنَ؞ #ڢِتْ 19.1—20.17؛ مَيْ شَـ 5.1-33 39عَمَّا كَاكَنِّنْمُ سُكَڧِ يِمَسَ بِيَيَّ، سُكَڧِيجِنْ كَلْمَرْسَ، سُكَيِ مَرْمَرِنْ كُواْمَاوَا ڧَسَرْ مَصَرْ؞
40«سُكَثٜىٰ وَ هَٰرُونَ، ‹كَيِ مَنَ أَلُّواْلِنْ دَ ذَاسُيِ مَنَ جَغُواْرَ، دُوانْ وَنَّنْ مُوسَٰى كَمْ دَ يَڢِتُواْ دَمُو دَغَ ڧَسَرْ مَصَرْ، بَمُسَنْ أَبِنْدَ يَڢَرُ دَشِيبَ؞› #ڢِتْ 32.1 41أَ لُواْكَثِنَّنْ، سُكَيِ صِڢَّرْ طَنْ بِجِمِ، سُكَ مِيڧَا وَغُنْكِنَّنْ هَدَايَ، سُكَ دِنْغَ مُرْنَ دَ عَيْكِنْ دَ سُكَيِ دَ حَنُّنْسُ؞ #ڢِتْ 32.2-6
42«سَبُواْدَ حَكَ اللَّهْ يَجُويَ مُسُ بَايَ، يَمِيڧَسُ غَ بَوْتَرْ رَانَ دَ وَتَ دَ تَوْرَرِنْ سَمَ؞ وَنَّنْ يَيِ دَيْدَيْدَ أَبِنْ دَيَكٜىٰ أَرُبُوثٜىٰ أَ لِتَّڢِنْ أَنَّبَاوَا ثٜىٰوَ
« ‹كُو جَمَعَرْ إِسْرَٰٓءِيلَ،
نِنٜىٰ كُكَ يَنْكَ وَ دَبُّواْبِے، كُكَ مِيڧَا وَ هَدَايَ،
حَرْ شٜىٰكَرَا أَرْبَعِنْ عَثِكِنْ دَاجِ؟
43أَيْ دَ تٜىٰنْتِنْ غُنْكِ مُواْلٜىٰكْ كُكَ دِنْغَ يَٰوُاْ،
دَ تَوْرَرُوانْ غُنْكِنْكُ رٜىٰڢَنْ،
وَتُواْ، غُمَكَنَّنْ دَ كُكَيِ دُوانْ كُيِ مُسُ سُجَّدَ؞
نِے كُوَ ذَنْكَوَرْ دَكُو ثَنْ غَبَ دَ بَابِيلَ؞› #عَمُواسْ 5.25-27
44«أَ دَا كَاكَنِّنْمُ سُنَدَ تٜىٰنْتِنْ شَيْدَرْ كَسَنْثٜىٰوَرْ اللَّهْ أَدَاجِ؞ وَنَّنْ نٜىٰ تٜىٰنْتِنْ دَ اللَّهْ يَعُمَرْثِ مُوسَٰى يَيِ، كُمَ أَنْيِشِ دَيْدَيْ كَمَرْ يَدَّ اللَّهْ يَنُونَ وَ مُوسَٰى؞ #ڢِتْ 25.9،40 45تٜىٰنْتِنَّنْ نٜىٰ كَاكَنِّنْمُ سُكَ غَادَ، سُكَ كُمَ كَٰوُاْ عَڧَسَرْ نَنْ أَ زَامَانِنْ يُواْشُوَ، سَعَدَّ سُكَ كَرْٻِ ڧَسَرْ أَ حَنُّنْ أَلْعُمَّنْ دَ اللَّهْ يَكُواْرَ أَعِدُوانْسُ؞ تٜىٰنْتِنَّنْ كُوَ يأَنَانً حَرْ ذُوَا زَامَانِنْ دَاوُدَ؞ #يُواشْ 3.14-17 46دَاوُدَ كُوَ يَسَامِ ڢَضٍ جِنِ أَغَبَنْ اللَّهْ، حَرْ يَيِ ضُواْڧُواْ دُواْمِنْ يَغِنَ وُرِنْ ذَمَ دُواْمِنْ اللَّهْ نَكَكَنْمُ يَعْڧُوبَ؞#7.46 اللَّهْ نَكَكَنْمُ يَعْڧُوبَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «نَمُتَنٜىٰنْ إِسْرَٰٓءِيلَ» نٜىٰ أَنَنْ؞ #2 سَمْ 7.1-16؛ 1 تَارْ 17.1-14 47عَمَّا سُلَيْمَٰنُ نٜىٰ يَيِ وَ اللَّهْ غِنِنْ؞ #1 سَرْ 6.1-38؛ 2 تَارْ 3.1-17
48«دُكْدَهَكَ، مَڢِے طَوْكَكَ بَايَ ذَمَ أَغِدَاجٜىٰنْ دَ مُتُمْ يَغِنَ؞ يَدَّ أَنَّبِے يَثٜىٰ،
49« ‹سَمَ شِينٜىٰ كُجٜىٰرَرْ مُلْكِنَ،
ڧَسَا كُوَ وُرِنْ سَا ڧَڢَتَنٜىٰ،
وَنٜىٰ إِرِنْ غِدَا نٜىٰ ذَاكُ غِنَا مِنِ؟
إِنْجِ عُبَنْغِجِ؞
كُواْ كُوَ وَنٜىٰ وُرِے نٜىٰ وُرِنْ هُوتُنَ؟
50بَنِينٜىٰ نَا حَلِثِّ دُكْ وَطَنَّنْ أَبُبُوَنْبَ؟› » #عِشـ 66.1-2
51«كُو مَاسُ تَوْرِنْ كَيْ، مَاسُ تَوْرِنْ ذُوثِيَا، مَاسُ كُنّٜىٰنْ ڧَشِ، كُلُّمْ كُنَ ڧِنْ بِيَيَّ دَ رُوحُ مَيْ ڟَرْكِے؞ يَدَّ كَاكَنِّنْكُ سُكَيِ، حَكَ كُو مَا كُكٜىٰيِ؞ #عِشـ 63.10 52ثِكِنْ أَنَّبَاوَا، أَݣَويْ وَنْدَ كَاكَنِّنْكُ بَسُ ڟَنَنْتَ مَسَبَ؟ سُنْ كَشٜىٰ وَطَنْدَ سُكَيِ مَغَنَ عَكَنْ ذُوَانْ مَيْ أَدَلْثِنَّنْ؞ كُو كُوَ، كُكَ بَاشٜىٰشِ، كُكَ كَشٜىٰشِ؞ 53كُونٜىٰ كُوَ كُكَ كَرْٻِ كُواْيَرْوَرْ تَوُرِنْ مَلاَىِٕكُ، عَمَّا بَكُ كِيَايٜىٰتَبَ!»
أَنْجٜىٰجّٜىٰڢِ إِسْتِڢَنُسْ حَرْ يَمُتُ
54دَسُكَجِ حَكَ، سُكَيِ ڢُشِے سُواْسَيْ، حَرْ سُكَ ثِجِ بَاكِ دُوانْ هَوْشِ؞ 55عَمَّا إِسْتِڢَنُسْ ثِكٜىٰ دَ رُوحُ مَيْ ڟَرْكِے، يَظُبَ عِدُواْ يَنَ كَلُّوانْ سَمَ، يَغَ طَوْكَكَرْ اللَّهْ دَ كُمَ عِيسَىٰ أَڟَيٜىٰ أَ حَنُّنْ دَامَ نَ اللَّهْ؞ 56سَيْ إِسْتِڢَنُسْ يَثٜىٰ «دُوبَ، إِنَ غَنِنْ سَمَ عَبُوطٜىٰ دَ كُمَ طَنْ مُتُمْ أَڟَيٜىٰ أَ حَنُّنْ دَامَ نَ اللَّهْ؞»
57عَمَّا سُكَ ڢَارَ إِيهُ سُواْسَيْ، سُكَ تُواْتُّواْشٜىٰ كُنُّوَنْسُ، سُكَ هَوْ مَسَ غَبَاطَيَ؞ 58سُكَ ڢِتَرْدَشِ بَايَنْ غَرِ، سُكَيِ تَجِڢَرْسَ دَ دُوَڟُو؞ شَيْدُ كُوَ سُكَ أَجِيٜىٰ تُڢَاڢِنْسُ وُرِنْ وَنِ سَوْرَيِ مَيْ سُونَ شَوُلُ؞ 59سُنَ تَجِڢَرْ إِسْتِڢَنُسْ، شِے كُوَ يَيِ أَدُّعَ يَثٜىٰ «عُبَنْغِجِ عِيسَىٰ، كَكَرْٻِ رَيْنَ؞» 60سَيْ يَدُرْڧُسَ، يَطَغَ مُرْيَ دَ ڧَرْڢِے يَثٜىٰ «عُبَنْغِجِ، كَدَ كَلِسَّڢْتَ وَنَّنْ ذُنُوبِ عَكَنْسُ؞» دَ ڢَطِنْ حَكَ، سَيْ يَيِ بَرْثِ؞
Currently Selected:
أَيُّكَنْ مَنْذَنِّے 7: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020