أَيُّكَنْ مَنْذَنِّے 19
19
بُلُسْ أَعَڢِسَ
1أَ لُواْكَثِنْ دَ أَڢُواْلُّواسْ يَكٜىٰ أَ كُواْرِنْتِ، بُلُسْ يَظَظْذَاغَ ثِكِنْ ڧَسَرْ حَرْ يَكَيْ أَڢِسَ، عِنْدَ يَتَرَرْ دَ وَطَنْسُ أَلْمَجِرَيْ؞ 2سَيْ يَثٜىٰ مُسُ «كُنْ كَرْٻِ رُوحُ مَيْ ڟَرْكِے لُواْكَثِنْ دَ كُكَ بَادَ غَسْكِيَ؟»
سُكَثٜىٰ مَسَ «بَمُ مَا سَنْ أَݣَويْ رُوحُ مَيْ ڟَرْكِے بَ؞» 3سَيْ يَثٜىٰ «ذُوَا ثِكِنْ مٜىٰ عَكَيِ مُكُ بَڢْتِسْمَ؟» سُكَثٜىٰ «ذُوَا ثِكِنْ بَڢْتِسْمَ تَ يَحْيَى ثٜىٰ؞»
4بُلُسْ يَثٜىٰ «أَيْ، يَحْيَى يَيِ بَڢْتِسْمَ دُواْمِنْ عَتُوبَنٜىٰ، يَنَ ڢَطَا وَمُتَنٜىٰ سُغَسْكَتَادَ وَنْدَ ذَيْذُواْ بَايَنْسَ، وَتُواْ عِيسَىٰ؞» #مَتْ 3.11؛ مَرْ 1.4،7-8؛ لُكْ 3.4،16؛ يَحـ 1.26-27 5دَ سُكَجِ حَكَ، سَيْ عَكَيِ مُسُ بَڢْتِسْمَ ثِكِنْ سُونَنْ عُبَنْغِجِ عِيسَىٰ؞ 6دَ بُلُسْ يَسَا مُسُ حَنُّنْ أَلْبَرْكَ، رُوحُ مَيْ ڟَرْكِے كُوَ يَسَوْكُواْ مُسُ، سُكَ كُوَيِ مَغَنَ دَ وَطَنْسُ هَرْسُنَ، سُنَ أَنَّبْثِ؞ 7سُو وَجٜىٰنْ مُتُمْ غُواْمَشَا بِيُ نٜىٰ دُكَ؞
8سَيْ بُلُسْ يَشِغَ مَجَمِعَ يَنَ وَعَظِ بَابُ ڟُواْرُواْ، يَكُمَيِ وَتَا عُكُ يَنَ كَٰوُاْ مُسُ دَلِيلَيْ، يَنَ رِنْجَيَرْسُ عَكَنْ شَعَنِنْ مُلْكٍ اللَّهْ؞ 9عَمَّا وَطَنْسُنْسُ سُكَ نُونَ تَوْرِنْ كَيْ سُكَڧِ سُغَسْكَتَ، حَرْ سُكَيِ وَوَنَّنْ حَنْيَرْ عُبَنْغِجِ بَڧَرْ مَغَنَ أَغَبَنْ جَمَعَ؞ دُواْمِنْ حَكَ بُلُسْ يَرَبُ دَسُو، يَتَڢِے دَ مَاسُبِے، يَنَ تَكُواْيَرْوَا كُواْوَثٜىٰ رَانَ أَ مَكَرَنْتَرْ تِرَنُسْ؞ 10حَكَ يَيِتَيِ حَرْ شٜىٰكَرَا بِيُ، حَرْ دُكَنْ مَاسُ ذَمَ عَڧَسَرْ أَسِيَ سُكَجِ كَلْمَرْ عُبَنْغِجِ، يَهُودَاوَا دَ وَطَنْدَ بَا يَهُودَاوَا بَ دُكَ؞
یَیَنْ سِكٜىٰبَ
11تَهَنُّنْ بُلُسْ كُمَ اللَّهْ يَيِ وَطَنْسُ مَنْيَنْ أَيُّكَنْ بَنْ مَامَاكِنْ دَ بَعَسَابَا غَنِبَ، 12يَدَّ حَرْ مَا عِدَنْ عَكَ طَوْكِ حَنْكِثِ نَاسَ كُواْ رِغَرْ دَ تَتَٻَ جِكِنْسَ، عَكَ كَيْوَ وَطَنْدَ بَاسُدَ لَاڢِيَ، سَيْ سُوَرْكٜىٰ، مُوغَيٜىٰنْ رُوحُواْحِ كُمَ سُرَبُ دَسُو؞ 13سَيْ وَطَنْسُ يَهُودَاوَا مَاسُ يَٰوُاْ غَرِ غَرِ سُنَ ڢِتَرْدَ مُوغَيٜىٰنْ رُوحُواْحِ سُكَيِ ڧُواْڧَرِ سُيِ أَمْڢَانِ دَ سُونَنْ عُبَنْغِجِ عِيسَىٰ عَكَنْ مَاسُ مُوغَيٜىٰنْ رُوحُواْحِ؞ سُنَ ثٜىٰوَ «نَا عُمَرْثٜىٰكُ دَ سُونَنْ عِيسَىٰ نَّنْ دَ بُلُسْ يَكٜىٰ وَعَظِنْسَ؞» 14عَثِكِنْسُ أَݣَويْ وَطَنْسُ یَیَ بَݣَويْ مَظَا نَوَنِ بَبَّنْ ڢِرِسْتِ نَ يَهُودَاوَا، مَيْ سُونَ سِكٜىٰبَ، دُكَنْسُ سُنَيِنْ حَكَ؞
15عَمَّا مُوغُنْ رُوحٌ يَأَمْسَ مُسُ يَثٜىٰ «عِيسَىٰ دَيْ نَسَنْشِ، نَكُمَ سَنْ بُلُسْ، تُواْ، كُو كُمَ كُو وَنٜىٰنٜىٰ؟»
16سَيْ مُتُمِنَّنْ مَيْ مُوغُنْ رُوحُ يَيِ ڟَلّٜىٰ، يَهَوْ مُسُ، يَشَا ڧَرْڢِنْسُ دُكَنْسُ، حَرْ سُكَ ڢِتَ دَغَ غِدَنْ أَغُجٜىٰ ڟِرَرَ دَ جِكِنْسُ دُكْ رَوْنِ؞ 17دَ دُكَنْ مَاسُ ذَمَ أَعَڢِسَ، يَهُودَاوَا دَ وَطَنْدَ بَا يَهُودَاوَا بَ، سُكَجِ لَابَرِنْ وَنَّنْ أَبِنْدَ يَڢَرُ، سَيْ ڟُواْرُواْ يَكَامَسُ، سُكَ كُوَ طَوْكَكَ سُونَنْ عُبَنْغِجِ عِيسَىٰ؞ 18دَ يَوَ كُمَ دَ سُكَ بَادَ غَسْكِيَ سُكَذُواْ سُنَ ڢَطِنْ مُوغَيٜىٰنْ أَيُّكَنْسُ أَ ڢِيلِ؞ 19مُتَنٜىٰ دَيَوَ كُوَ مَاسُ يِنْ سِحِرِ، سُكَ تَتَّارُواْ لِتَّتَّڢَنْسُ سُكَ ڧُواْنٜىٰسُ أَغَبَنْ جَمَعَ دُكَ؞ دَ سُكَيِ لِسَّڢِنْ كُطِنْ لِتَّتَّڢَنْ، سَيْ سُكَغَ يَكَيْ أَظُرْڢَا دُبُو حَمْسِنْ؞#19.19 أَظُرْڢَا دُبُو حَمْسِنْ: أَ لُواْكَثِنَّنْ، كُطِنْ يَكَيْ كُطِنْ دَ لٜىٰبُرَ ذَيْسَامُ نَعَيْكِنْ ݣُونَ دُبُو حَمْسِنْ؞ 20تَهَكَ كَلْمَرْ عُبَنْغِجِ تَڧَارَ بَظُوَ، تَكُمَيِ ڧَرْڢِے سُواْسَيْ؞
تَاشِنْ حَنْكَلِ أَعَڢِسَ
21بَايَنْ وَطَنَّنْ أَبُبُوَ، بُلُسْ يَشِرْيَ أَ رَنْسَ ثٜىٰوَ عِدَنْ يَا ظَظْذَاغَ ڧَسَرْ مَكِدُواْنِيَ دَ تَ عَكَيَ، ذَيْجٜىٰ عُرُوشَلِيمَ؞ يَكُمَثٜىٰ «بَايَنْدَ نَتَڢِے ثَنْ كُوَ دُواْلٜىٰنٜىٰ إِنْجٜىٰ إِنْ غَا بِرْنِنْ رُواْمَ؞» 22بَايَنْدَ يَعَيْكَ دَ مَاسُ تَيْمَكُوانْسَ بِيُ، وَتُواْ تِمُواْتِ دَ أَرَسْتُسْ، ذُوَا مَكِدُواْنِيَ، شِيكُوَ يَطَنْ ڟَيَ عَڧَسَرْ أَسِيَ؞
23أَ لُواْكَثِنَّنْ عَكَيِ وَنِ بَبَّنْ تَاشِنْ حَنْكَلِ غَمٜىٰدَ وَنَّنْ حَنْيَ؞ 24وَنَّنْ تَاشِنْ حَنْكَلِ يَڢَارَ دَ وَنِ مَڧٜىٰرِ مَيْ سُونَ دِمِتِرِيُسْ وَنْدَ يَكٜىٰ أَمْڢَانِ دَ أَظُرْڢَا يَنَ ڧٜىٰرَ صِڢَّرْ هَيْكَلِنْ أَرْتٜىٰمِسْ؞ شِے دَ مَعَيْكَتَنْسَ سُنَ سَامُنْ كُطِ تَوَنَّنْ سَنَعَرْسُ بَكَطَنْبَ؞
25سَيْ يَتَرَسُ دَ دُكْ مَاسُ يِنْ إِرِنْ وَنَّنْ عَيْكِ، يَثٜىٰ «كُو جَمَعَ، كُنْ سَنِ ڢَا دَ سَنَعَرْ نَنْ مُكٜىٰيِنْ أَرْزِڧِ؞ 26كُمَ كُنَجِ كُنَ غَنِ، بَ أَنَنْ أَڢِسَ كَطَيْبَ، كُسَنْ دُكْ ڧَسَرْ أَسِيَ مَا، بُلُسْ طِنَّنْ يَرِنْجَيِ مُتَنٜىٰ دَيَوَ سُواْسَيْ؞ يَجُويَرْ دَسُو، يَنَثٜىٰ وَ أَلُّواْلِنْدَ عَكَيِ دَ حَنُّ بَ أَلُّواْلِ بَنٜىٰ؞ 27تُواْ، أَݣَويْ حَڟَرِ ڢَا؞ ذَاعَ ٻَاتَ سُونَنْ عَيْكِنْمُ؞ بَنْدَ حَكَمَا، حَرْ دَ هَيْكَلِنْ بَبَّنْ أَلِّيَ أَرْتٜىٰمِسْ ذَاعَ مَيْدَشِ بَنْظَ، حَرْ كُمَ أَ رَبَ أَلِّيَرْ دَ دَرَجَرْتَ، عِتَ وَدَّ دُكْ ڧَسَرْ أَسِيَ، كَيْ، حَرْ مَا دُكَنْ دُونِيَا تَكٜىٰ بَوْتَا مَتَ؞»
28دَ سُكَجِ حَكَ، سَيْ سُكَ ثِكَ دَ ڢُشِے سُواْسَيْ، سُكَ طَغَ مُرْيَ غَبَاطَيَ سُنَ ثٜىٰوَ «غِرْمَ يَتَبَّتَا غَ أَرْتٜىٰمِسْ تَ أَڢِسَاوَا!» 29سَيْ غَارِينْ دُكْ يَرُوطٜىٰ، جَمَعَ سُكَ رُوغَ ذُوَا ڢِيلِنْ تَارُواْ، سُكَ كَامَ غَايُسْ دَ أَرِسْتَرْكُسْ، مُتَنٜىٰنْ مَكِدُواْنِيَ، وَطَنْدَ سُكٜىٰ أَبُواْكَنْ تَڢِيَرْ بُلُسْ؞ 30بُلُسْ يَسُواْ يَشِغَ تَارُواْنَّنْ، عَمَّا مَاسُبِے سُكَ حَنَ شِ؞ 31وَطَنْسُ مَنْيَنْ هَكِمَيْ نَڧَسَرْ أَسِيَ، وَطَنْدَ سُكٜىٰ أَبُواْكَنْسَ، سُو مَا سُكَ عَيْكَ مَسَ، سُكَ ضُواْڧٜىٰشِ كَدَ يَكُسْكُرَ يَشِغَ وَجٜىٰنْ تَارُواْنَّنْ؞ 32مُتَنٜىٰنْ دَ سُكَ تَارُ كُوَ دُكْ مَا أَ ضِكِثِے سُكٜىٰ، غَمَا بَسُ مَا سَنْ أَبِنْدَ يَسَا سُكَ تَارُبَ؞ وَطَنْسُ سُنَ تَادَ مُرْيَ سُنَ ڢَطِنْ وَنَّنْ أَبُ، وَطَنْسُ كُمَ سُنَ ڢَطِنْ وَنْثَنْ؞ 33وَطَنْسُ يَهُودَاوَا سُكَ تُورَ وَنِ مَيْ سُونَ إِسْكَنْدَرِ غَبَ، شِيكُوَ يَطَغَ حَنُّ عَيِ شِضُ دُواْمِنْ يَيِ مُسُ بَيَانِ؞ 34عَمَّا دَ سُكَ غَانٜىٰ ثٜىٰوَ شِ بَيَهُودٜىٰ نٜىٰ، سُكَ طَغَ مُرْيَ غَبَاطَيَ سُنَ ثٜىٰوَ «غِرْمَ يَا تَبَّتَا غَ أَرْتٜىٰمِسْ تَ أَڢِسَاوَا!» سُنْيِ حَكَ حَرْ وَجٜىٰنْ أَوَ بِيُ؞
35عَڧَرْشٜىٰ دَ مَرُبُوثِنْ غَرِنْ يَسَا سُكَيِ شِضُ، سَيْيَثٜىٰ «كُو مُتَنٜىٰنْ أَڢِسَ! أَيْ، كُواْوَ يَسَنْ ثٜىٰوَ بِرْنِنْ أَڢِسَ نٜىٰ تَكٜىٰ كُلَ دَ هَيْكَلِنْ مَيْغِرْمَ أَرْتٜىٰمِسْ دَ كُمَ دُوڟٜىٰ مَيْ ڟَرْكِنَّنْ دَيَڢَاطُواْ دَغَ سَمَ؞ 36تُواْ، تُنْدَيَكٜىٰ بَا دَامَ عَيِمُسُونْ وَطَنَّنْ أَبُبُوَ، أَيْ، يَا كَمَاتَ كُنَڟُ، كَدَ كُيِ كُواْمٜىٰ دَ غَضَجٜىٰ؞ 37غَاشِ كُوَ مُتَنٜىٰنَّنْ دَ كُكَ كَٰوُاْ أَنَنْ، بَسُيِسَاتَا أَ هَيْكَلِنْ أَلِّيَرْمُ أَرْتٜىٰمِسْ بَ، بَسُ كُمَيِ مَتَ مَغَنَرْ صَاٻُوابَ؞ 38عَمَّا عِدَنْ دِمِتِرِيُسْ دَ أَبُواْكَنْ سَنَعَرْسَ سُنَدَ وَتَ دَامُوَ غَمٜىٰدَ وَنِ، أَيْ، غَا طَاكِنْ شَرِيعَ عَبُوطٜىٰ، غَا كُمَ مَاسُ شَرِيعَ، سَيْسُكَيْ ڧَارَ؞ 39عَمَّا عِدَنْ أَݣَويْ وَنِ أَبُ دَبَمْ دَ كُكٜىٰسُواْ كُسَنِ، أَيْ، سَيْ أَدَيْدَيْتَ أَ مَجَلِسَ؞ 40حَڧِيڧَ مُنَ ثِكِنْ حَڟَرِنْ أَمْسَرْ ڧَارَ عَكَنْ تَاوَيٜىٰنْ يَوْ، تُنْدَيَكٜىٰ بَذَامُ عِيَ بَادَ دَلِيلِنْدَ يَسَا وَنِ تَاشِنْ حَنْكَلِ يَڢَرُبَ؞»
41دَ يَڢَطِ حَكَ سَيْ يَسَلَّمِ تَارُوانْ؞
Currently Selected:
أَيُّكَنْ مَنْذَنِّے 19: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
