أَيُّكَنْ مَنْذَنِّے 20

بُلُسْ يَكُواْمَ مَكِدُواْنِيَ دَ هٜىٰلَّسْ

1بَايَنْدَ ضِكِثِنْ يَݣُونْتَ، بُلُسْ يَكِرَا مَاسُبِے؞ دَ يَڧَرْڢَڢَ مُسُ ذُوثِيَا، سَيْ يَيِ بَنْ ݣُونَ دَسُو، يَتَڢِے ڧَسَرْ مَكِدُواْنِيَ؞ 2دَ يَظَظْذَاغَ وَطَنَّنْ يَنْكُنَ، يَكُمَ ڧَرْڢَڢَ مَاسُبِے سُواْسَيْ، سَيْ يَكَيْ ڧَسَرْ هٜىٰلَّسْ؞ 3يَيِ وَتَا عُكُ أَنَنْ؞ يَنَ شِرِنْ يَشِغَ جِضْغٍ ضُوَ يَتَڢِے ڧَسَرْ سُورِيَ كٜىٰنَنْ، يَهُودَاوَا كُوَ سُكَيِ مَسَ مُوغُنْ شِرِ؞ سَبُواْدَ حَكَ سَيْ يَذَاٻِ يَكُواْمَ تَ مَكِدُواْنِيَ؞ 4سُڢَتَ طَنْ ڢَرُسْ دَغَ بِرِيَ، تَرٜىٰدَ أَرِسْتَرْكُسْ دَ سَكُنْدُسْ، مُتَنٜىٰنْ تَسَلُواْنِكَ دَ غَايُسْ دَغَ دَرْبٜىٰ دَ تِمُواْتِ، حَرْ مَا دَ تِكِكُسْ دَ تُرُواْڢِمُسْ، مُتَنٜىٰنْ أَسِيَ، سُكَ رَكَشِ؞ 5سُنْ رِغَامُ تَڢِيَ سُكَ جِضَامُ أَ تُواْرُوَسْ؞ 6مُو كُوَ مُكَتَاشِ دَغَ ڢِلِبِے أَجِضْغٍ ضُوَ، بَايَنْ بِكٍ غُرَاسَرْ مَرَرْ يِسْتِ، مُكَ سَامٜىٰسُ أَ تُواْرُوَسْ بَايَنْ ݣُونَ بِيَرْ؞ أَ تُواْرُوَسْ مُكَيِ ݣُونَ بَݣَويْ؞

زِيَارَرْ ڧَرْشٜىٰ تَ بُلُسْ أَ تُواْرُوَسْ

7أَ رَانَرْ ڢَرْكُواْ تَمَكُواْ كُمَ مُكَ تَارُ دُواْمِنْ مُرَرَّبَ غُرَاسَرْ زُمُنْثِ؞ سَيْ بُلُسْ يَيِ مُسُ جَوَابِے؞ سَبُواْدَ يَنَ شِرِ يَتَڢِے وَشٜىٰغَرِ، يَيِ تَجَوَابِے حَرْ ڟَكَرْ دَرٜىٰ؞ 8أَݣَويْ كُوَ ڢِتِلُ دَيَوَ أَغِدَنْ سَمَنْ دَ مُكَ تَارُ؞ 9وَنِ سَوْرَيِ مَيْ سُونَ يُتِكُسْ يَنَ ظَوْنٜىٰ عَكَنْ تَغَ، سَيْ بَرْثِ يَدَامٜىٰشِ سُواْسَيْ لُواْكَثِنْ دَ بُلُسْ يَكٜىٰ تَيِنْ دُواْغُوانْ جَوَابِنْسَ؞ حَرْ بَرْثِنْ يَݣُوشِ يُتِكُسْ، سَيْ يَڢَاطُواْ دَغَ ثَنْ هَوَ نَعُكُ، كُمَ عَكَ طَوْكٜىٰشِ مَتَثّٜىٰ؞ 10عَمَّا بُلُسْ يَسَوْكَ ڧَسَا يَسُنْكُيَ يَضُنْ‌غُمٜىٰشِ، يَثٜىٰ ‏«‏كَدَ كُدَامُ، أَيْ، يَنَدَ رَيْ؞»‏ 11سَيْ بُلُسْ يَكُواْمَ سَمَ يَرَرَّبَ غُرَاسَرْ زُمُنْثِ مُكَثِ؞ يَثِيغَبَدَ يِمُسُ مَغَنَ حَرْ غَرِ يَوَايٜىٰ، سَعَنً يَتَڢِے؞ 12سَيْ سُكَ تَڢِے دَ سَوْرَيِنْ دَ رَيْ، سُكَ كُوَيِ مُرْنَ سُواْسَيْ؞

تَڢِيَ دَغَ تُواْرُوَسْ ذُوَا مِلٜىٰتُسْ

13مُو كُوَ مُكَيِ غَبَ ذُوَا جِضْغٍ ضُوً، مُكَ مِيڧٜىٰ ذُوَا أَسُسْ دَ نُڢِ مُطَوْكِ بُلُسْ دَغَ ثَنْ؞ غَمَا دَا مَا حَكَ يَشِرْيَ، شِيكُوَ يَيِ نِيَّ يَتَڢِے دَ ڧَڢَا؞ 14دَ يَسَامٜىٰمُ أَعَسُسْ، مُكَ طَوْكٜىٰشِ أَجِضْغٍ مُكَ ذُواْ مِتِلِنْ؞ 15دَغَ نَنْ كُمَ مُكَثِيغَبَدَ تَڢِيَ عَثِكِنْ جِضْغٍ ضُوً؞ وَشٜىٰغَرِ كُمَ سَيْغَامُ أَغٜىٰڢٜىٰنْ كِيُواسْ؞ وَشٜىٰغَرِ كُمَ سَيْغَامُ أَ سَمُواسْ، وَشٜىٰغَرِ كُمَ سَيْ مِلٜىٰتُسْ؞ 16دَا مَا كُوَ بُلُسْ يَسَا رَيْ بَذَيْ سَوْكَ أَعَڢِسَ بَ، دُواْمِنْ كَدَ يَٻَاتَ لُواْكَثِ أَعَسِيَ؞ يَنَ سَوْرِ، عِدَنْ ذَيْ يِوُ مَا يَكَيْ عُرُوشَلِيمَ كَاڢِنْ رَانَرْ بِكٍ ڢٜىٰنْتِكُواسْ؞

بُلُسْ يَيِ وَدَتَّاوَنْ جَمَعَرْ مَاسُبِے نَ أَڢِسَ بَنْ ݣُونَ

17دَغَ مِلٜىٰتُسْ نٜىٰ بُلُسْ يَعَيْكَ ذُوَا أَڢِسَ عَكِرَا مَسَ دَتَّاوَنْ جَمَعَرْ مَاسُبِے؞ 18دَسُكَذُواْ وُرِنْسَ سَيْيَثٜىٰ مُسُ ‏«‏كُو دَ كَنْكُ كُنْ سَنْ إِرِنْ ذَمَنْدَ نَيِ عَثِكِنْكُ تُنْ رَانَرْدَ نَسَا ڧَڢَتَ عَڧَسَرْ أَسِيَ؞ 19إِنَ بَوْتَاوَ عُبَنْ‌غِجِ دَ تَوَلِعُ سُواْسَيْ حَرْ دَ هَوَيٜىٰ؞ نَجِمْرٜىٰ ڠُوجٜىٰ ڠُوجٜىٰنْ دَ سُكَذُواْ مِنِ تَوُرِنْ مُوغَيٜىٰنْ شِرْيٜىٰ شِرْيٜىٰنْ دَ يَهُودَاوَا سُكَيِ مِنِ؞ 20بَنْ دَيْنَ غَيَ مُكُ كُواْوَنٜىٰ أَبُ مَيْ أَمْڢَانِبَ، إِنَ يِمُكُ وَعَظِ دَ كُواْيَرْوَا أَ ڢِيلِ دَ كُمَ غِدَا غِدَا؞ 21نَغَرْغَطِے يَهُودَاوَا دَ وَطَنْدَ بَا يَهُودَاوَا بَ دُكَ غَمٜىٰدَ تُوبَ ذُوَا وُرِنْ اللَّهْ، سُكُمَ بَادَ غَسْكِيَ غَ عُبَنْ‌غِجِنْمُ عِيسَىٰ؞

22‏«‏غَاشِ كُمَ يَنْذُ إِيكُوانْ رُوحُ يَنَ تُورَنِ، ذَنْ تَڢِے عُرُوشَلِيمَ، بَنْ كُوَ سَنْ أَبِنْدَ ذَيْسَامٜىٰنِ عَثَنْبَ، 23كُواْدَيَكٜىٰ رُوحُ مَيْ ڟَرْكِے يَنَ تَبَّتَرْ مِنِ عَكُواْوَنٜىٰ غَرِ ثٜىٰوَ كُلّٜىٰوَ عَكُرْكُكُ دَ شَنْ ڟَنَنِ سُنَ جِضَانَ؞ 24عَمَّا نِے بَنْ مَيْدَ رَيْنَ كَمَرْ وَنِ أَبُبَ، عِدَنْ دَيْ ذَنْ عِيَ غَمَ ڟٜىٰرٜىٰنَ، إِنْكُمَ كَمَّلَ عَيْكِنْ دَ عُبَنْ‌غِجِ عِيسَىٰ يَبَانِ، وَتُواْ إِنْشَيْدَ لَابَرِ مَيْ دَاطِے نَأَلْحٜىٰرِنْ اللَّهْ؞#2 تِمْ 4‏.7

25‏«‏تُواْ، يَنْذُ نَسَنِ دُكَنْكُ بَذَاكُ سَاكٜىٰ غَنِينَبَ، كُو دَ نَظَظْذَاغَ ثِكِنْكُ إِنَ يِمُكُ شٜىٰلَرْ مُلْكٍ اللَّهْ؞ 26سَبُواْدَ حَكَ إِنَ دَيْ تَبَّتَرْ مُكُ عَيَوْ، ثٜىٰوَ بَا أَلْحَكِنْ جِنِ كُواْ نَطَيَنْكُ عَكَيْنَ، 27دُواْمِنْ نَسَنَرْ مُكُ دَ نُڢِنْ اللَّهْ دُكَ؞ 28كُلُورَ دَ كَنْكُ دَ كُمَ دُكَنْ غَرْكٜىٰنْ دَ رُوحُ مَيْ ڟَرْكِے يَسَا كُكَ ذَمَ مَاسُ كُلَ دَشِ، كُكُمَ ثِيغَبَدَ كِيوُانْ جَمَعَرْ مَاسُبِے وَطَنْدَ اللَّهْ#20‏.28 جَمَعَرْ مَاسُبِے وَطَنْدَ اللَّهْ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ ‏«‏جَمَعَرْ مَاسُبِے وَطَنْدَ عُبَنْ‌غِجِ»‏ نٜىٰ أَنَنْ؞ يَسَامُواْ وَكَنْسَ دَ جِنِنْ طَنْسَ؞

29‏«‏نَا سَنِ بَايَنْ نَتَڢِے وَطَنْسُ مُوغَيٜىٰنْ ݣَرْكٜىٰتَيْ ذَاسُ شِغُواْ ثِكِنْكُ، بَكُوَ ذَاسُبَرْ غَرْكٜىٰنْبَ؞ 30حَرْ مَا عَثِكِنْكُ وَطَنْسُ ذَاسُ تَاسُواْ سُيِ مَغَنْ‌غَنُنْ ڧَضْيَا، دُواْمِنْ سُجَٰوُاْ مَاسُبِے ذُوَا غٜىٰڢٜىٰنْسُ؞ 31سَبُواْدَ حَكَ سَيْ كُذَوْنَ دَ شِرِ، كُتُنَ ڢَا، شٜىٰكَرَا عُكُ كٜىٰنَنْ دَرٜىٰ دَ رَانَ، بَنْ ڢَاسَيِ وَكُواْوَنٜىٰ طَيَنْكُ غَرْغَطِے بَ، حَرْ دَ هَوَيٜىٰ؞

32‏«‏يَنْذُ كُمَ نَدَنْڧَكُ أَ حَنُّنْ اللَّهْ؞ بَرِ كَلْمَرْ أَلْحٜىٰرِنْسَ تَكِيَايٜىٰكُ، عِتَثٜىٰ ذَاتَ عِيَ غِنَكُ، تَكُمَ بَاكُ غَادُواْ تَرٜىٰدَ دُكَنْ مَاسُ ڟَرْكِے؞ 33بَنْيِ ݣُوطَيِنْ كُطِ كُواْ تُڢَاڢِنْ كُواْوَبَ؞ 34كُو دَ كَنْكُ كُنْ سَنِ نَيِ عَيْكِ دَ حَنُّوَنَ دُواْمِنْ إِنْبِيَ بُڧَاتُنَ دَ نَوَطَنْدَ سُكٜىٰ تَرٜىٰدَنِ؞ 35ثِكِنْ وَنَّنْ دُكَ نَبَاكُ مِصَالِ ثٜىٰوَ دُواْلٜىٰنٜىٰ كُيِ عَيْكِ حَكَ دُوانْ مُتَيْمَكِ مَرَسَ ڧَرْڢِے؞ كُنَ تُنَ كُمَ دَ كَلْمَرْ عُبَنْ‌غِجِ عِيسَىٰ دَيَثٜىٰ، ‏‹‏يَڢِ أَلْبَرْكَ عَبَايَرْدَ عَكَرْٻَ؞›‏ »‏

36دَ بُلُسْ يَغَمَ ڢَطِنْ حَكَ، سَيْ يَدُرْڧُسَ يَيِ أَدُّعَ تَرٜىٰدَسُو دُكَ؞ 37سَيْ دُكْ سُكَ ڢَشٜىٰ دَ كُكَ، سُكَ ضُنْ‌غُمِ بُلُسْ سُنَيِنْ مَسَ سُمْبَ، 38سُنَ بَڧِنْ ثِكِ مُسَمَّنْ دُوانْ مَغَنَرْ دَ يَيِ تَثٜىٰوَ بَذَاسُ ڧَارَ غَنِنْسَبَ؞ دَغَ نَنْ سُكَ رَكَشِ حَرْ بَاكِنْ جِضْغِ؞

Currently Selected:

أَيُّكَنْ مَنْذَنِّے 20: hauAS

Highlight

Copy