أَيُّكَنْ مَنْذَنِّے 13
13
أَنْ ذَاٻِ أَنْكُمَ عَيْكِ بَرْنَبَ دَ شَوُلُ
1تُواْ، أَ جَمَعَرْ مَاسُبِنْ دَتَكٜىٰ أَعَنْتَكِيَ، أَݣَويْ وَطَنْسُ أَنَّبَاوَا دَ مَلَمَيْ، وَتُواْ بَرْنَبَ دَ سِمٜىٰيُوانْ وَنْدَ عَكٜىٰ ثٜىٰ دَشِ بَڧِ دَ لُشِيُسْ دَغَ سَيِرِنْ دَ مَنَيٜىٰنْ، وَنْدَ يَيِ غِرْمَ تَرٜىٰدَ سَرْكِے هِرُدُسْ دَ كُمَ شَوُلُ؞ 2سَعَدَّ سُكٜىٰيِ وَ عُبَنْغِجِ سُجَّدَ، سُنَ كُمَيِنْ أَظُمِ، سَيْ رُوحُ مَيْ ڟَرْكِے يَثٜىٰ «كُكٜىٰٻٜىٰ مِنِ بَرْنَبَ دَ شَوُلُ دُواْمِنْ عَيْكِنْدَ نَكِرَاسُ سُيِ؞» 3بَايَنْدَ سُكَيِ أَظُمِ دَ أَدُّعَ، سَيْ سُكَسَا وَ بَرْنَبَ دَ شَوُلُ حَنُّنْ أَلْبَرْكَ، سُكَ سَلَّمٜىٰسُ؞
بَرْنَبَ دَ شَوُلُ أَ سَيِڢُرُسْ
4بَرْنَبَ دَ شَوُلُ كُوَ، وَطَنْدَ رُوحُ مَيْ ڟَرْكِے يَعَيْكٜىٰسُ، سُكَ تَڢِے سَلُكِيَ دَغَ ثَنْ كُمَ سُكَ شِغَ جِضْغٍ ضُوَ ذُوَا سَيِڢُرُسْ؞ 5دَ سُكَ كَيْ سَلَمِسْ، سُكَيِ وَعَظِنْ كَلْمَرْ اللَّهْ أَ مَجَمِعُنْ يَهُودَاوَا؞ يَحْيَى كُمَ يَنَ تَرٜىٰدَسُو يَنَ تَيْمَكُوانْسُ؞
6بَايَنْ سُنْ ظَظْذَاغَ ڟِبِرِنْ دُكَ حَرْ بَڢُواسْ، سُكَ سَدُ دَ وَنِ بَيَهُودٜىٰ مَيْ سِحِرِ، شِ أَنَّبِنْ ڧَضْيَا نٜىٰ، مَيْ سُونَ بَرْ يُواْشُوَ، 7وَنْدَ يَكٜىٰ تَرٜىٰدَ ڠُومْنَ سَرْجِيُسْ بُلُسْ؞ ڠُومْنَ سَرْجِيُسْ بُلُسْ كُوَ مُتُمْ مَيْ حِكِمَ نٜىٰ؞ سَيْ ڠُومْنَنْ يَكِرَا بَرْنَبَ دَ شَوُلُ دُوانْ يَنَ سُواْ يَجِ كَلْمَرْ اللَّهْ؞ 8عَمَّا أَلِمَسْ، مَيْ سِحِرِنَّنْ، غَمَا حَكَ مَعَنَرْ سُونَنْسَ دَ هٜىٰلٜىٰنَنْثِ تَكٜىٰ، بَيْ بَاسُ غُواْيُوانْ بَايَبَ، يَنَ نٜىٰمَ يَجُويَ حَنْكَلِنْ ڠُومْنَنَّنْ دُواْمِنْ كَدَ يَبَادَ غَسْكِيَ؞ 9عَمَّا شَوُلُ كُوَ، وَنْدَ عَكٜىٰ ثٜىٰ دَشِ بُلُسْ، ثِكٜىٰ دَ رُوحُ مَيْ ڟَرْكِے، يَظُبَا وَ أَلِمَسْ عِدُواْ، 10يَثٜىٰ «كَيْ طَنْ شَيْطَنْ! مَيْ غَابَادَ دُكْ أَبِنْدَ يَكٜىٰ نَأَدَلْثِے! كَنَ ثِكٜىٰ دَ رُوطُ دَ مُغُنْتَا كَوَيْ؞ بَذَاكَ دَيْنَ ٻَاتَ مِيڧَڧُّنْ هَنْيُواْيِنْ عُبَنْغِجِ بَ؟ 11يَنْذُ ڢَا، حَنُّنْ عُبَنْغِجِ يَنَ غَابَادَكَيْ، ذَاكَ ذَمَ مَكَهُواْ؞ ذَاعَ طَوْكِ طَنْ لُواْكَثِ بَكَغَ حَصْكٜىٰنْ رَانَبَ؞»
نَنْ تَكٜىٰ كُوَ سَيْ وَنِ حَزُواْ دَ دُهُ سُكَ رُڢٜىٰ عِدَنُونْسَ، يَيِ تَلَلُبَوَ يَنَ نٜىٰمَنْ وَنْدَ ذَيْ يِمَسَ جَغُواْرَ؞ 12دَ ڠُومْنَ يَغَ أَبِنْدَ يَڢَرُ، سَيْ يَبَادَ غَسْكِيَ، يَنَ مَامَاكِنْ كُواْيَرْوَرْ عُبَنْغِجِ؞
بُلُسْ دَ بَرْنَبَ أَعَنْتَكِيَ تَ بِسِيدِيَ
13سَيْ بُلُسْ دَ أَبُواْكَنْ تَڢِيَرْسَ سُكَتَاشِ دَغَ بَڢُواسْ عَثِكِنْ جِضْغٍ ضُوَ، سُكَجٜىٰ ڢٜىٰرْغَ تَڧَسَرْ ڢَمْڢِيلِيَ؞ يَحْيَى وَنْدَ عَكٜىٰثٜىٰ دَشِ مَرْكُسْ كُوَ يَبَرْسُ يَكُواْمَ عُرُوشَلِيمَ؞ 14سُو كُوَ سُكَ ثِيغَبَ دَغَ ڢٜىٰرْغَ، سُكَ تَڢِے أَنْتَكِيَ تَڧَسَرْ بِسِيدِيَ؞ رَانَرْ هُوتُ تَمَكُواْ كُوَ سُكَ شِغَ مَجَمِعَ سُكَ ذَوْنَ؞ 15بَايَنْدَ عَكَيِ كَرَاتُ دَغَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا، سَيْ شُوغَبَنِّنْ مَجَمِعَ سُكَ عَيْكَ مُسُ ثٜىٰوَ «یَنْعُوَ، عِدَنْ كُنَدَ وَتَ مَغَنَرْ غَرْغَطِنْ دَ ذَاكُيِ وَجَمَعَ، سَيْ كُيِ؞»
16سَيْ بُلُسْ يَمِيڧٜىٰ ڟَيٜىٰ، يَطَغَ حَنُّ عَيِ شِضُ، يَثٜىٰ «كُو یَنْعُوَنَ إِسْرَٰٓءِيلَاوَا دَ سَوْرَنْ مَاسُ ڟُواْرُوانْ اللَّهْ، كُسَوْرَرَ! 17اللَّهْ نَجَمَعَرْ إِسْرَٰٓءِيلَ يَذَاٻِ كَاكَنِّنْمُ، يَمَيْدَ جَمَعَرْ نَنْ أَلْعُمَّ مَيْغِرْمَ أَ لُواْكَثِنْ دَسُكٜىٰ عَڧَسَرْ مَصَرْ، يَكُمَ ڢِتُواْ دَسُو دَغَ ڧَسَرْدَ إِيكُوانْسَ مَيْغِرْمَ؞#ڢِتْ 1.7؛ 12.51 18يَيِ حَڧُرِ دَسُو وَجٜىٰنْ شٜىٰكَرَا أَرْبَعِنْ عَثِكِنْ دَاجِ؞#لِـ ڧِدْ 14.34؛ مَيْ شَـ 1.31 19بَايَنْدَ يَهَلَّكَ أَلْعُمَّ بَݣَويْ عَڧَسَرْ كَنْعَنَ، يَبَا جَمَعَرْ إِسْرَٰٓءِيلَ غَادُوانْ ڧَسَرْ؞#مَيْ شَـ 7.1؛ يُواشْ 14.1 20وَنَّنْ يَا طَوْكِ وَجٜىٰنْ شٜىٰكَرَا طَرِے حُطُ دَ حَمْسِنْ؞
«بَايَنْ حَكَكُمَ اللَّهْ يَنَطَ مُسُ أَلْڧَلَيْ حَرْ ذُوَا زَامَانِنْ أَنَّبِے سَمَٰعِيلَ؞#أَلْڧَ 2.16؛ 1 سَمْ 3.20 21سَعَنً سُكَ ضُواْڧَا أَ نَطَ مُسُ سَرْكِے، سَيْ اللَّهْ يَبَاسُ طَالُوتَ طَنْ كِشْ، مُتُمِنْ ذُرِيَرْ بِلِيَامِنُ، وَنْدَ يَيِ مُلْكِ حَرْ شٜىٰكَرَا أَرْبَعِنْ؞#1 سَمْ 8.5؛ 10.21 22بَايَنْدَ اللَّهْ يَثِرٜىٰ طَالُوتَ، يَسَا دَاوُدَ يَذَمَ سَرْكِنْسُ؞ ثِكِنْ شَيْدَرْ دَ اللَّهْ يَبَايَرْ غَمٜىٰدَ دَاوُدَ، يَثٜىٰ، ‹نَسَامِ دَاوُدَ طَنْ يٜىٰسّٜىٰ، مُتُمْ نٜىٰ مَيْ ذُوثِيَا إِرِنْ تَاوَ، وَنْدَ كُمَ ذَيْ عَيْكَتَ دُكَنْ نُڢِينَ؞›#1 سَمْ 13.14؛ 16.12؛ زَبُو 89.20 23دَغَ ذُرِيَرْ مُتُمِنَّنْ نٜىٰ اللَّهْ يَكَٰوُاْوَ إِسْرَٰٓءِيلَ مَيْ ثٜىٰتُواْ، عِيسَىٰ، كَمَرْ يَدَّ يَيِ أَلْڧَوَرِ؞#عِشـ 11.1-16 24كَاڢِنْ ذُوَانْ عِيسَىٰ، يَحْيَى يَيِ وَمُتَنٜىٰنْ إِسْرَٰٓءِيلَ دُكَ وَعَظِ سُتُوبَ عَكُمَيِ مُسُ بَڢْتِسْمَ؞#مَرْ 1.4؛ لُكْ 3.3 25يَايِنْ دَ يَحْيَى يَكُسَ غَمَ عَيْكِنْسَ، سَيْيَثٜىٰ، ‹وَ كُكٜىٰ ڟَمَّنِ نَكٜىٰ؟ بَ ڢَا نِنٜىٰ شِ طِنَّنْبَ؞ عَمَّا أَݣَويْ مَيْ ذُوَا عَبَايَنَ، وَنْدَ كُواْ إِغِيَرْ تَاكَلْمَنْسَ مَا بَنْ إِسَ إِنْ كُنْثٜىٰبَ؞›#مَتْ 3.11؛ مَرْ 1.7؛ لُكْ 3.16؛ يَحـ 1.20،27
26«كُو یَنْعُوَنَ، ذُرِيَرْ إِبْرَٰهِيمْ دَ كُمَ كُو مَاسُ ڟُواْرُوانْ اللَّهْ وَطَنْدَ بَا يَهُودَاوَا بَ، مُو نٜىٰ ڢَا عَكَ عَيْكُواْ مَنَ لَابَرِنْ ثٜىٰتُواْنَّنْ؞ 27غَمَا مَاسُ ذَمَ أَ عُرُوشَلِيمَ دَ شُوغَبَنِّنْسُ بَسُ غَانٜىٰ شِينٜىٰ مَيْ ثٜىٰتُوانْ بَ، بَسُ كُمَ غَانٜىٰ مَغَنَرْ أَنَّبَاوَنْ دَ عَكٜىٰ كَرَنْتَاوَا عَكُواْوَثٜىٰ رَانَرْ هُوتُ تَمَكُواْبَ؞ عَمَّا سُنْثِكَ وَنَّنْ مَغَنَرْ أَنَّبَاوَا يَايِنْ دَ سُكَ حُكُنْتَ عِيسَىٰ؞ 28كُواْدَيَكٜىٰ بَسُ سَامٜىٰشِ دَ لَيْڢِنْدَ ذَيْ كَيْ غَ حُكُنْثِنْ كِسَابَ، دُكْدَهَكَ سُكَ ضُواْڧِ بِلَتُسْ عَكَشٜىٰشِ؞#مَتْ 27.22؛ مَرْ 15.13-14؛ لُكْ 23.21-23؛ يَحـ 19.15 29دَ سُكَ ثِكَ دُكْ أَبِنْدَ عَكَ رُبُوتَ غَمٜىٰدَشِ ثِكِنْ رُبُوتَثِّيَرْ مَغَنَرْ اللَّهْ، سَيْسُكَ سَوْكُواْ دَشِ دَغَ كَنْ غُنْغُمٜىٰنْ إِتَاثٜىٰ، سُكَسَاشِ عَكَبَرِ؞#مَتْ 27.57-61؛ مَرْ 15.42-47؛ لُكْ 23.50-56؛ يَحـ 19.38-42 30عَمَّا اللَّهْ يَتَاشٜىٰشِ دَغَ مَتَتُّو؞ 31ݣُونَكِے دَيَوَ كُوَ يَنَ تَبَيَّنَ غَ وَطَنْدَ سُكَبِيشِ ذُوَا عُرُوشَلِيمَ دَغَ غَلِيلِ، وَطَنْدَ يَنْذُ سُونٜىٰ شَيْدُنْسَ غَ جَمَعَ؞#أَيُّكَنْ 1.3 32مُو مَا مُنْ كَٰوُاْ مُكُ لَابَرِ مَيْ دَاطِے ثٜىٰوَ أَلْڧَوَرِنَّنْ دَ اللَّهْ يَيِ وَكَاكَنِّنْمُ، 33يَثِكَ مَنَشِ، مُو دَمُكٜىٰ یَیَنْسُ، سَعَدَّ يَتَادَ عِيسَىٰ دَغَ مَتَتُّو؞ كَمَرْ يَدَّ يَكٜىٰ أَرُبُوثٜىٰ ثِكِنْ زَبُورَا تَبِيُ ثٜىٰوَ
« ‹كَيْ طَانَ نٜىٰ،
يَوْ نَا ذَمَ عُبَنْكَ؞› »#زَبُو 2.7
34«اللَّهْ يَتَادَ عِيسَىٰ دَغَ مَتَتُّو عَكَنْ ثٜىٰوَ عِيسَىٰ بَذَيْسَاكٜىٰ مُتُوَبَ بَلّٜىٰ يَضُٻَ؞ حَڧِيڧَ، اللَّهْ يَثِكَ وَنَّنْ كَلْمَ غَمٜىٰدَ تَاشِنْسَ ثٜىٰوَ
« ‹ذَنْبَاكَ أَلْبَرْكُنَّنْ
مَاسُ ڟَرْكِے كُمَ تَبَّتَاتُّ
وَطَنْدَ نَيِ وَ دَاوُدَ أَلْڧَوَرِ؞› »#عِشـ 55.3
35«دُواْمِنْ أَوَتَ زَبُورَا مَا يَثٜىٰ،
‹بَذَاكَ بَرْ مَيْ ڟَرْكِنْكَ يَضُٻَبَ؞› »#زَبُو 16.10
36«بَايَنْدَ دَاوُدَ يَثِكَ عَيْكِنْ دَ اللَّهْ يَبَا شِ أَ زَامَانِنْسَ، سَيْ يَيِ بَرْثِ، عَكَ كُوَ بِنّٜىٰشِ تَرٜىٰدَ كَاكَنِّنْسَ، جِكِنْسَ كُمَ يَرُٻٜىٰ؞ 37عَمَّا عِيسَىٰ وَنْدَ اللَّهْ يَتَادَشِ دَغَ مَتَتُّو بَيْ ضُٻَ عَكَبَرِبَ؞
38«سَبُواْدَ حَكَ یَنْعُوَنَ، كُسَنْ وَنَّنْ ثٜىٰوَ تَوُرِنْ عِيسَىٰ نَّنْ نٜىٰ عَكٜىٰ سَنَرْ مُكُ دَ غَاڢَرَرْ ذُنُبَنْكُ؞ 39تَوُرِنْسَ كُمَ دُكْ وَنْدَ يَبَادَ غَسْكِيَ يَسَامِ یَنْثِ كٜىٰنَنْ دَغَ دُكَنْ ذُنُبَنْدَ كُواْيَرْوَرْ مُوسَٰى تَكَاسَ بَادَ یَنْثِ عَكَيْ؞ 40سَبُواْدَ حَكَ سَيْ كُمَيْدَ حَنْكَلِ، كَدَ أَبِنَّنْ دَ اللَّهْ يَڢَطَا ثِكِنْ لِتَّتَّڢَنْ أَنَّبَاوَا يَڢَرُ دَكُو، وَتُواْ،
41« ‹كُسَوْرَرَ، كُو مَاسُ يِنْ بَعَ!
يِمَامَاكِ، كُهَلَّكَ!
غَمَا ذَنْيِ وَنِ عَيْكِ عَݣُونَكِنْكُ،
عَيْكِنْ دَ بَذَاكُ غَسْكَتَبَ،
كُواْ دَ وَنِ يَغَيَ مُكُ؞› »#حَبـ 1.5
42بُلُسْ دَ بَرْنَبَ سُنَ ڢِتُواْوَ دَغَ مَجَمِعَرْ كٜىٰنَنْ، سَيْ مُتَنٜىٰ سُكَ ضُواْڧٜىٰسُ سُڧَارَيِ مُسُ مَغَنَ عَكَنْ أَبُبُوَنَّنْ كُمَ أَ رَانَرْ هُوتُ تَمَكُواْ مَيْ ذُوَا؞ 43دَ جَمَعَ سُكَ وَڟٜىٰ، سَيْ يَهُودَاوَا دَيَوَ دَ كُمَ وَطَنْسُ مَاسُ شِغَ أَدِّينِنْ يَهُودَاوَا دَ ڨُوذُواْ، سُكَبِے بُلُسْ دَ بَرْنَبَ، وَطَنْدَ سُكَيِ مُسُ مَغَنَ، سُكَ ڧَرْڢَڢَاسُ سُثِيغَبَدَ رَايُوَا ثِكِنْ أَلْحٜىٰرِنْ اللَّهْ؞
44دَ رَانَرْ هُوتُ تَكٜىٰوَيُواْ، كُسَنْ دُكْ بِرْنِنْ سُكَ تَارُ دُواْمِنْ سُجِ كَلْمَرْ اللَّهْ؞ 45عَمَّا دَ يَهُودَاوَا سُكَغَ تَارُوانْ مُتَنٜىٰ مَاسُيَوَ، سُكَيِ كِيشِ سُواْسَيْ، سُنَ مُسُونْ أَبُبُوَنْ دَ بُلُسْ يَڢَطَا سُنَ مَغَنْغَنُنْ رٜىٰنِ؞ 46عَمَّا بُلُسْ دَ بَرْنَبَ سُكَيِ مَغَنَ بَا ڟُواْرُواْ، سُكَثٜىٰ «كُو يَهُودَاوَا كُونٜىٰ يَا كَمَاتَ أَڢَارَ يِمُكُ كَلْمَرْ اللَّهْ؞ عَمَّا تُنْدَ كُكَ ڧِتَ، كُنْ نُونَ بَكُ ثَنْثَنْثِ كُسَامِ رَيْ نَهَرْ أَبَدَابَ؞ تُواْ، ذَامُجٜىٰ وُرِنْ وَطَنْدَ بَا يَهُودَاوَا بَ؞ 47دُواْمِنْ عُبَنْغِجِ يَارِغَا يَعُمَرْثٜىٰمُ دَيَثٜىٰ،
« ‹نَسَاكَ كَذَمَ حَصْكٜىٰ غَ وَطَنْدَ بَا يَهُودَاوَا بَ،
دُوانْ كَكَٰوُاْ ثٜىٰتُواْ حَرْ ذُوَا إِيَاكَرْ دُونِيَا؞› »#عِشـ 42.6؛ 49.6
48دَ وَطَنْدَ بَا يَهُودَاوَا بَ سُكَجِ حَكَ، سُكَجِ دَاطِے سُواْسَيْ، سُكَ يَبِے كَلْمَرْ عُبَنْغِجِ؞ وَطَنْدَ عَكَ ڧَدَّرَ مُسُ سَامُنْ رَيْ نَهَرْ أَبَدَا كُمَ سُكَ بَادَ غَسْكِيَ؞
49كَلْمَرْ عُبَنْغِجِ كُوَ سَيْ تَڧَارَ بَظُو عَڧَسَرْ دُكَ؞ 50عَمَّا يَهُودَاوَا سُكَ ذُغَ وَطَنْسُ مَاتَا مَاسُ ڟُواْرُوانْ اللَّهْ، وَطَنْدَ عَكٜىٰبَاسُ غِرْمَ دَ كُمَ وَطَنْسُ مَنْيَنْ مُتَنٜىٰنْ غَرِنْ؞ سُكَتَادَ ڟَنَنِ غَ بُلُسْ دَ بَرْنَبَ، سُكَ كُواْرٜىٰسُ دَغَ غَرِنْسُ؞ 51مَنْذَنِّےنْ كُوَ سُكَ كَكَّٻٜىٰ ڧُورَرْ ڧَڢَاڢُنْسُ دُواْمِنْ شَيْدَ عَكَنْ مُتَنٜىٰنْ غَرِنْ، سُكَ تَڢِے إِيكُواْنِيَ؞#مَتْ 10.14؛ مَرْ 6.11؛ لُكْ 9.5؛ 10.11 52مَاسُبِے نَ أَنْتَكِيَ كُمَ سُنَ ثِكٜىٰ دَ ڢَضٍ ثِكِ دَ كُمَ رُوحُ مَيْ ڟَرْكِے؞
Currently Selected:
أَيُّكَنْ مَنْذَنِّے 13: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020