Zekariya 13
13
Kutookesha kunshidi
1Dena ifuku odu akajikwila mutaŋa waDavidi, niakwakushakama muYerusalema, kaseloki #Mas 51:2, 7; Isa 1:16-18; Ezek 36:25kakutookesha nachu nshidi namajilu.
2Yehova Wamazaza nindi, Dena ifuku odu mwituŋa nakajiyishamu majina awankishi jakutuŋa, hiyakayanukaŋa nawa cheŋuku. Mwituŋa nakafumishamu nawa atuprofwetu nispiritu wamajilu.
3Akelaŋa chakelayi muntu nindi aprofweti, #Kuhit 18:20tata yindi namama yindi amusema akamwila nawu, Eyi hiwukuhandaku, muloŋa wudi nakuhosha yuma yakutwamba mwijina daYehova. Chakamwekeshayi yijindilu tata yindi namama yindi amusema akamupwika nzwa-a.
4Dena ifuku odu atuprofwetu ejima chakaprofwetawu akatiya nsonyi yayimwenu yawu, iwu nachindi, iwu nachindi; hiyakavwala nawa mahina awuvuji kulonda kudimbana nachuku.
5Ilaŋa yena wakela nindi, Ami hinikaprofwetuku, nidi mukwakudima kwami; ami kwami ankwata dehi wuduŋu kufuma kuwansi wami.
6Muntu wumu wakamwihula nindi, Indi iyi yitu yidi mukachi kamakaseyi yanka? Yena wakaakula nindi, Yoyu yantapiluwu mwitala dawamabwambu jami.
Kutapa kabiŋa nikupalaŋana kwanyikoku
7Yehova Wamazaza nindi,
Eyi mpoku yakabali, hindukaku mutulu
Wulwi #Isa 40:11; Ezek 34:23-24nakabiŋa kami,
Wulwi namuntu #Yer 23:5-6mwinetu. Mutapi #Isa 53:4-5; Mat 26:31; Mak 14:27kabiŋa,
Nyikoku yipalaŋani ndu-ndu,
Ninami nibalumuni chikasa chami hadi anyanya.
8Yehova nindi,
Mwituŋa dejima mwakekala
Yibalu yiyedi akayifumishahu yakafwa,
Chamuchisatu chakashalamu.
9Chibalu chimu nakachihanwisha mukesi,
Nakayitookesha neyi chatookeshaŋawu siliva,
Nakayeseka neyi chesekaŋawu wuru.
Akatambika ijina dami, ami nakayitiya.
Nakela nami, Hiyantu ami;
Wena akela nawu, Yehova hiNzambi yetu.
Currently Selected:
Zekariya 13: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
