Maku 2

Yesu hakuuka mukwakalepa

(Mat 9:2-8; Luk 5:18-26)

1Chimwahitili mafuku, weŋilili cheŋi muKaperinamu; amutiyili nawu wudi mwitala.

2Kwapompeli antu amavulu, nimwitala mwakeheli mwakushakama, hela muchisu tuhu; hakuyitaŋisha izu daNzambi.

3Enjili nakumuletela muntu wakata kalepa, anamweleki kudi antu awana.

4Chanakaŋanyuwu kushika kwakwihi nayena nansaŋu yezaza, hiyakubutulula hewulu detala mwadiŋiyi; chanadilokoluwu, hiyakuzelumuna owu wakata kalepa hakadidi kindi.

5Yesu chanamoniyi #5:34kukuhwelela kwawu, hakumwila owu wakata kalepa nindi, Eyi mwanami, anakwanakeni nshidi jeyi.

6Ilaŋa mwenomu mwashakamini ansoneki amakwawu hiyakudihujola munyichima yawu,

7nawu, Iwu muntu nahoshelidi chochichi? Natuki Nzambi. Wúkutwesha kwanakena antu nshidi jawu hinyi? chiŋa yowu Nzambi hohu.

8Hohenohu Yesu eluka nimuspiritu yindi chadi nakudihujolawu munyichima yawu; hakuyila nindi, Mukudihujoleladi yumiyi munyichima yenu?

9Chaswayi kumwila mukwakalepa nami, Anakwanakeni nshidi jeyi, tahindi kumwila nami, Hindukaku, nyamunaku kadidi keyi, endaku?

10Ilaŋa nalondi mwiluki nenu Mwana kaMuntu wukweti wanta wakwanakena antu nshidi jawu hanu hamaseki; hakumwila owu wakata kalepa,

11nindi, Nakwili nami, hindukaku, nyamunaku kadidi keyi, yaŋa kweyi kwitala deyi.

12Hakunyamuka, hohenohu yonyamuna nikadidi kindi, edika nimwitala iku adi nakumutala wejima wawu. Wejima wawu hiyakuhayama, #Mat 9:33hiyakulemesha Nzambi nawu, Kanda tuchimonaŋahu dehi chochichuku.

Kutambikewa kwaLevi

(Mat 9:9-13; Luk 5:27-32)

13Wayili cheŋi kuchikumu chejiya; izaza dawantu dejima hidikumupompela, yena hakuyitaŋisha.

14Chahitiliyi, hakumona mwana kaAlafwewu Levi nashakami kwakutambwila nyombu, hakumwila nindi, #Mat 8:22Nlondaŋa. Niyena hakunyamuka hakumulondela.

15Chashakaminiyi mwitala daLevi nakudya, ansonkeshi amavulu niakwanshidi hiyakushakama hamu naYesu nawatumbanji twindi; muloŋa wenawa amavulu amulondelaŋa.

16Ansoneki jawaFwarisewu chanamumonuwu nakudya hamu nawakwanshidi nawansonkeshi, hiyakuyila atumbanji twindi nawu, Muloŋanyi yena hakudya nakunwa nawansonkeshi niakwanshidi?

17Yesu chanachitiyiyi hakuyila nindi, Antu akola hiyakeŋakeŋaŋa chimbukuku, chiŋa antu akata; hinenjili nakutambika aloŋaku, chiŋa akwanshidi.

Hiyakumwihula Yesu nsaŋu yakuleka kudya.

(Mat 9:14-17; Luk 5:33-35)

18Atumbanji twaYowanu nawaFwarisewu adiŋi nakujiŋa nakuleka kudya. Antu hiyakwinza nakumwihula nawu, Atumbanji twaYowanu niatumbanji twawaFwarisewu ajiŋaŋa nakuleka kudya, hakwila atumbanji tweyi hiyajiŋaŋaku. Chafuma hanka?

19Yesu hakuyila nindi, Amayala adi nakalemba atweshi kuleka kudya hachiduwu nakalemba? Hachiduwu nakalemba hiyakutwesha kuleka kudyaku.

20Ilaŋa #Mat 9:15; Luk 17:22mafuku amba kenza, akafumisha kalemba kudi wena, hefuku odu dihu hamba kajiŋawu nakuleka kudya.

21Kwosi muntu wukuchimina chitabu chehina dadiha kuchikowelu chachikuluku, mukunkulwayi ochu chadiŋi chakujikamu nachu chikutabula chachikulu; chachiha chikutabula chachikulu, chiloku chikusweja kutoha.

22Kwosi muntu wukuloŋa vinyu yayiha mumapakumuna ayitembi yayikuluku; neyi wukwila chochochu, vinyu yikubusa yitembi, nivinyu niyitembi yikukisika; ilaŋa aloŋaŋa vinyu yayiha mumapakumuna ayitembi yayiha.

Mwanta waSabata

(Mat 12:1-8; Luk 6:1-5)

23HaSabata yimu Yesu wadiŋi nakuhita mumaha atidiku; chadiŋi nakuhitawu atumbanji twindi hiyakutachika #Kuhit 23:25kukotola nyitu yatidiku.

24AFwarisewu hiyakumwihula nawu, Tala, adi nakwililadi chuma chajila kwila hetaŋwa daSabata?

25Yena hakuyila nindi, Kanda mutaŋaŋahu dehi ochu cheliliyi Davidi habuliliyi yakudya, hatiyiliyi nzala, niyena niantu adiŋiyi nawu?

26 # 1 Sam 21:1-6 Cheŋililiyi mwitala daNzambi hadiŋiyi kapristu muneni Abiyatari, chadiiliyi mankendi akutenteka kumesu aNzambi, ajila kudya antu acheŋi chiŋa atupristu hohu, hakwinkahu ninowu adiŋiyi nawu.

27Hakuyila nindi, #Kwi 23:12; Kuhit 5:14Sabata ayililili muntu, muntu hiyamwililili Sabataku;

28dichi Mwana kaMuntu himwanta waSabata nawa.

Currently Selected:

Maku 2: MWW04

Highlight

Copy