Luka 20

Hiyakutadika wanta waYesu

(Mat 21:23-27; Mak 11:27-33)

1Wena mafuku owu, ifuku dimu wadiŋi nakutaŋisha antu muTembeli #Mat 4:23nikushimuna nsaŋu yayiwahi, kudi yena hikukwinza akulumpi jawatupristu niansoneki niakulumpi.

2Hiyakumwila nawu, Tuleji, eyi welaŋa yumiyi nawantanyi? Indi nakwinki #Yow 2:18wantiwu hinyi?

3Hakuyakula nindi, Ninami nawa nukuyihula kadizu kamu, munleji.

4 # Mak 1:4 Chijimikilu chaYowanu chakwiwulu, tahindi chakudi antu?

5Wena hiyakudihujola nawu, Neyi tukwila netu chakwiwulu, yena wukwila nindi, Mwalekelelidi kumukuhwelela?

6Neyi tukwila netu chakudi antu, akutwasola malola kudi #7:29; Mat 14:5antu ejima; muloŋa wena etejaŋa nawu Yowanu wadiŋi kaprofwetu.

7Dichi hiyakwakula nawu, Kwiji; hituneluki kuchafuminuku.

8Yesu hakuyila nindi, Hela ami hinukuyileja wanta wunelaŋa nachu yumiyuku.

Chishimu chawandimi

(Mat 21:33-46; Mak 12:1-12)

9Hakutachika kuyitila antu chishimu chakwila nindi, Muntu wumu wadimini itempa #Isa 5:1-7danyivinyu; hakudishila akwakudima, #Mat 25:14hakuya kwituŋa dacheŋi haleheli chacheni.

10Hachilaaka chanyikabu hakutemeshela akwakudima nduŋu wumu, kulonda amwinki nyikabu yamwitempa. Ilaŋa akwakudima hiyakumweta, hiyakumufuntisha makasakasa.

11Hakutemeshaku ninduŋu mukwawu; niyena nawa hiyakumweta, hiyakumukoŋa chatama, amufuntisha nimakasakasa.

12Hakutemeshaku wamuchisatu; niyena nawa hiyakumukatisha, amunata nikumpata.

13Mwiniitempa danyivinyu nindi, Nukwila ŋahi? Nukutemesha mwanami #Mat 3:17nakeŋa nankashi, wamba kela akamwakama yena.

14Ilaŋa akwakudima chanamumonuwu, hiyakutiyaŋana nawu, Iwu diyi nswana; tumujahenu, kulonda wuswana wikali wetwetu.

15Hiyakumwidisha mwitempodu, hiyakumujaha. Dichi mwiniitempa wakayila ŋahi?

16Wakenza nakujilumuna awa akwakudima, odu itempa wakenka antu #Yil 13:46; 18:6; 28:28acheŋi. Chanachitiyuwu, hiyakwila nawu, Chinjila!

17Ilaŋa yena hakuyitala nindi, Idi izu danasonekuwu dakwila nawu,

# Mas 118:22 Ilola dalekeli antuŋi,

Dodinekali dasweja kwoloka nankashi #Yil 4:11dakwiwombu,

daya mudihi?

18Antu ejima akuholokela #Isa 8:14-15helolodu, akukotoka kotu kotu; hakwila muntu akaholokelawu kudi ilolodu, akamufukumuna neyi lunkuŋu.

19Yena mpinji oyu ansoneki niakulumpi jawatupristu akeŋeli nawu #19:47; Mat 26:4amukwati, ilaŋa hiyakutiya woma wawantu; muloŋa wena elukili nawu, Chishimu ichi natili etu.

Kusonka kudi Kesari

(Mat 22:15-22; Mak 12:13-17)

20Hiyakumweba, hiyakutemeshaku akwakumwendesha adimbeni kumwekana neyi antu aloŋa, kulonda amukwati namazu akuhoshayi, amoni jakumulubula kuŋovu nikuwanta wanyuuli.

21Hiyakumwihula nawu, Eyi #Yow 3:2Nkuluŋaŋa, tuneluki netu eyi wahoshaŋa nikutaŋisha mwaloŋa, hiwatiyaŋa muntu womaku, wataŋishaŋa njila yaNzambi muwalala.

22Chaloŋa etu kusonka kudi #23:2Kesari, tahindi nehi?

23Ilaŋa yena wamweni makasu awu,

24hakuyila nindi, Nlejenu idali. Dikweti chifwikija chanyi, ninsona yanyi? Nawu, YaKesari.

25Kuchinka yena nindi, Dichi #Rom 13:7mwinkenu Kesari yuma yaKesari; mwinkenu Nzambi yuma yaNzambi.

26Chanahoshiyi mazu owu kumesu awantu, hiyamweni hakumushintakeshelaku; akuminini dakuhayama mwakwiliyi, amwena ninzo-o.

Wulu hakusaŋuka

(Mat 22:23-33; Mak 12:18-27)

27Kudi yena hikukwinza aSadusi amakwawu, elaŋa nawu afu #Yil 23:6-10; 1 Kor 15:12hiyasaŋukaŋaku.

28Hiyakumwihula nawu, Eyi Nkuluŋaŋa, #Kuhit 25:5Mosi watusonekeleli nindi, neyi muntu wukweti manakwindi ofwa chakadi kumushiya iŋodindi namwana, manakwindi akatambuli mumbanda, akamuvweli manakwindi mwana.

29Dichi kwadiŋi amayala atanu nayedi ivumu dawu dimu. Watachi wasumbwili mumbanda, wafwili chakadi anyana;

30niwamuchiyedi, niwamuchisatu chochu.

31Wejima wawu atanu nayedi chochu nawa, afwili, kushiya anyana nehi.

32Nkumininaku mumbanda niyena ofwa nikufwa.

33Dichi hamba kasaŋukawu afu, mumbanda wakela iŋodawumwodihi? Muloŋa ejima wawu atanu nayedi amusumbwili.

34Yesu hakuyila nindi, Antu anyakiyi asumbulaŋa, asumbukaŋa;

35ilaŋa antu anafuukuluwu nawu anateli kushika kunyakoyu, nikukusaŋuka mudi afu, hiyakasumbula hela kusumbukaku.

36Muloŋa hela kufwa, hiyakatwesha kufwa cheŋuku; anesekani nawaŋelu, hiyanyana kaNzambi anasaŋuki dehi.

37Hakwila nsaŋu yakusaŋuka, hela Mosi wayilejeli, oku kwasonekawu nsaŋu yachiputa, hateneniyi MWANTA nindi,

# Kwi 3:6 Ami Yami Nzambi yaAbarahama,

Nzambi yaIsaka,

Nzambi yaYakoba.

38Yena hiNzambi yawafuku, hiNzambi yawamomi; muloŋa ejima amuhandilaŋa yena.

39Ansoneki amakwawu hiyakwakula nawu, Eyi Nkuluŋaŋa, wunahoshi #Mak 12:28chachiwahi.

40Muloŋa atiyili woma #Mat 22:46; Mak 12:34wakumwihula cheŋi chuma chikwawu.

Kristu himwana kanyi?

(Mat 22:41—23:7; Mak 12:35-40)

41Hakuyila nindi, Chelaŋawu nawu Kristu himwana kaDavidi, chaya mudihi?

42Muloŋa Davidi yomweni namuteni mumukanda waMasamu nindi,

# Mas 110:1 MWANTA wamwilili Mwanta wami nindi,

Shakamaku kuchikasa chami chachidiilu,

43Nichinamba kayila ayilumbu jeyi hiyadi itanda dakunyendu yeyi.

44Davidi wamutenaŋa nindi Mwanta; wukwikala mwanindi ŋahi?

45Hakuyila atumbanji twindi, iku antu ejima adi nakumutiya,

46nindi, Babelenu ansoneki, atiyaŋa kuwaha kuvwalavwala mahina akuluka, akeŋa kuyimwosha kuwulandilu, akeŋa #11:43; 14:7matanda alema mumashikola, akeŋa kushakama halema kuyawija;

47hiyakulombela lombelele-e kulombela kwakudimbana nachu, iku adi nakudya maheta awambanda amfwila. Diwu amba kamona kubabesha kwasweja.

Currently Selected:

Luka 20: MWW04

Highlight

Copy