Luka 19
19
Zakewu Nsonkeshi
1Eŋila nimuYeriku, hakuya nakupandakanamu.
2Kutala iyala wumu, ijina dindi Zakewu, mukulumpi wawansonkeshi waheta,
3wakeŋelaŋa kumumona Yesu amwiluki chadiyi, ilaŋa wakaŋenyi nansaŋu yezaza dawantu, muloŋa yena wadiŋi wakiya.
4Hakutemukaŋahu dehi lufuchi, hakukandama kuchilembalemba kulonda amumoni, muloŋa diku kwakukeŋa kuhitilayi Yesu.
5Chanashikiyi Yesu kwenoku, hakutala kwiwulu, hakumwila nindi, Eyi Zakewu, sulukaku swayi; lelu chiŋa #Yow 14:23nishakama kwitala deyi.
6Hakusuluka swayi, hakumutambula namuzaŋalu.
7Antu chanachimonuwu, hiyakunyinyita wejima wawu nawu, Nayi nakukama kudi iyala #15:1-2; Mat 9:11mukwanshidi.
8Zakewu hakwimana, hakumwila Mwanta nindi, Mwanta, tala, nukubalula mahetami hakachi, chibalu chimu nanjaŋeni atuzweŋi; neyi hadi muntu #3:12-13nadiila yawukombi, nukumufuntishila #Kwi 22:1; Lev 6:5; Kuch 5:6-7; 2 Sam 12:6; Ezek 33:14-15yiwana.
9Yesu hakumwila nindi, Lelu wamwinu wunenzi kwitalidi, nanochu chaneliyi niyena #3:8; 13:16; Rom 4:16; Ŋal 3:7himwana kaAbarahama.
10Muloŋa Mwana kaMuntu nenzi #Ezek 34:16; Mat 18:11; Yow 3:17akakeŋakeŋi, akaamwini wajimbeli.
Chishimu chamali ikumi
(Mat 25:14-30)
11Chanatiyuwu yumiyi, hakunuŋaku chishimu muloŋa hadi kwakwihi #9:51naYerusalema. Antu adiŋi nakutoŋojoka nawu wanta waNzambi keŋa wumwekani hohenohu.
12Dichi hakwila nindi, Chilolu wumu #Mak 13:34wayili kwituŋa dakwakulehi, nindi akatambuli wanta windi akafunti cheŋi.
13Hakutambika aŋamba jindi ikumi, hakuyanjaŋena mali ikumi, hakuyila nindi, Landululenu kushika nichinakenza cheŋi.
14Ilaŋa akwamukala windi adiŋi amuhela, hiyakumutemeshela antu alema nawu, Kwonti kwetu yeniwu kwikala mwanta wetu.
15Chanafuntiyi cheŋi, natambuli dehi wanta, hakutambika aŋamba enkeliyi mali, kulonda eluki yanawanuwu kukulandulula.
16Watachi hakwinza kudi yena nindi, Eyi mwanta, kudali deyi nawenuku amakwawu ikumi.
17Hakumwila nindi, Chachiwahi, eyi wuŋamba #16:10; Mat 25:21, 23wamuwahi; chiwunashinshiki nakachuma kantesha, ikalaku mwanta wanyikala ikumi.
18Wamuchiyedi hakwinza nindi, Eyi mwanta, kudali deyi nawenuku atanu.
19Hakumwila niyena nawa nindi, Nineyi nawa ikalaku mwanta wanyikala yitanu.
20Mukwawu hakwinza nindi, Eyi mwanta, tala idali deyi idi, nadiswekeli mwihina.
21Nakutiyili woma nanochu chiwazuwa; wenda wunona yiwabulili kutenteka, wenda wumuna kuwabulili kukuwa.
22Hakumwila nindi, Eyi ŋamba watama, nukukusompesha namazu amukanwa keyeyi aweni. Welukili neyi ami nimuntu wazuwa, nenda ninona yinabulili kutenteka, nenda nimuna kunabulili kukuwa;
23walekelelidi kusha mali ami mubanki, kulonda ichi chinenzi, niwani niyakushilahu?
24Hakuyila antu emenuku nindi, Mutambulenu idali dindi, mwinkenu iwu wukweti mali ikumi.
25Hiyakumwila nawu, Mwanta, iwu wukweti mali ikumi.
26Nindi, Nukuyileja nami #8:18; Mat 25:29wúkweti akamulunjikila, wábula akamutambula ninaka kadiyi naku.
27Ilaŋa awa #Rom 2:8akwankunyi nami abulili kukeŋa ami kwikala mwanta wawu, yiletenu kunu, muyijahili kumesu ami.
Kwiŋila muYerusalema namushindu
(Mat 21:1-9; Mak 11:1-10; Yow 12:12-15)
28Chanahoshiyi ochu, hakutwaminaŋahu dehi, hakukanduka #9:51; Mak 10:32kuYerusalema.
29Chayilaŋayi nakushika kwakwihi naBetefwaji #Mat 21:17naBetani, kwokumpidi yaOliveta, hakutemesha atumbanji twindi ayedi,
30nindi, Yenu kumukala wudi kumbidi wuna. Chimukushika mukumona mwana kachimbulu wakadi kwendelaŋahu dehi muntu, anamukasi; mwakamukasununi mumuleti kunu.
31Neyi muntu wukuyihula nindi, Mukumukasunwinadi? mwakamwila nenu, Anamukeŋi kudi Mwanta.
32Átemesheluwu #22:13hiyakuya, hiyakuwana mwomwayilejeliyi.
33Chadiŋi nakukasununawu mwana kachimbulu, ámuheteli hiyakuyila nawu, Mudi nakumukasunwinadi mwana kachimbulu?
34Hiyakuyila nawu, #7:13Mwanta diyi namukeŋi.
35Hiyakumuleta kudi Yesu, hiyakusha mahinawu hamwana kachimbulu, amukandamishahu niYesu.
36Chadiŋi nakuyayi, hiyakwala #2 Anya 9:13mahinawu mumukwakwa.
37Chayilaŋayi nakushika kwakwihi nakwakunkumukila mpidi yaOliveta, izaza dawatumbanji dejima hidikutachika kuzaŋalala nakuhameka Nzambi nezu daŋovu, nanyidimu yanamonuwu dehi yejima.
38Nawu,
#
13:35; Mas 118:26 Kisu kisu Mwanta wukwinza mwijina daMWANTA;
#
2:14; Rom 5:1 Mwiwulu mwikali kuwunda,
Mwiwulu dakubadika mwikali lubanji lwakulema.
39 #
Mat 21:15-16
AFwarisewu amakwawu adiŋi mwizaza hiyakumwila nawu, Eyi Nkuluŋaŋa, yihosholi atumbanji tweyi.
40Kuchinka yena nindi, Nukuyileja nami, neyi wena akumwena #Hab 2:11malola awa akuvwakuka.
41Chayilaŋayi nakushika kwakwihi, amona niYerusalema, #13:34-35hakuyidilila,
42nindi, Lelu neyi wadiŋi weluka yuma yikukuletela kuwunda! Ilaŋa anayijindi wubuli kuyimona.
43Muloŋa mafuku amba kakuwana, amba kakupundila #21:21-24; Isa 29:3; Yer 6:6; Ezek 4:2mpwembu kudi akwankunyi neyi kwi-ndo; amba kakujikilila niniku niniku mbadi jejima;
44amba #21:6; Mat 24:2; Mak 13:2kakunatila heseki kumu nawanyaneyi; mudeyi himwamba kashala ilola dimu dakunaŋamana hadikwawuku; nanochu chiwabulili kwiluka mpinji yanakuhempuluwu.
Yesu muTembeli
(Mat 21:12-16; Mak 11:15-18; Yow 2:13-16)
45Hakwiŋila muTembeli, hakutachika kutemunamu ádiŋi nakulandishilamu.
46Hakuyila nindi, Anasoneki nawu,
Itala dami dakela itala #Isa 56:7dakulombelela;
ilaŋa enu kwenu munadibalumuni kwikala
iyeŋu #Yer 7:11dawamakombi.
47Hakutaŋisha #Mat 26:55hefuku hefuku muTembeli. Akulumpi jawatupristu niansoneki nawantu alema hiyakukeŋa #20:19; Mat 12:14; Mak 11:18hakumujahila;
48ilaŋa akaŋenyi kumona mwakwila, muloŋa antu ejima hiyakuduŋumika nakumutiyilila.
Currently Selected:
Luka 19: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
