Yowanu 5
5
Kuuka iyala kwijiya daBeteseda
1Kulondela hayumiyi, kwadiŋi chawija chawaYudeya; Yesu hakukanduka kuYerusalema.
2MuYerusalema, #Neh 3:1; 12:39kuChisu chaNyikoku, kwekala ijiya ijina dadu mwidimi daHeberu nawu Beteseda, dikweti makeki atanu.
3Mwenomu mwakaminaŋa izaza dawantu akata, niamputamesu, niayifwayi, niakwakalepa. [hiyakuchiŋililaŋa hakuvundulawu menji;
4muloŋa kaŋelu wasulukilaŋa nakuvundula menji; hakuvundulawu menji, muntu wukusambilaŋahu dehi kudatamu hakukola kumusoŋu windi ngu-u.]
5Kwenoku kwadiŋi iyala wumu wakata dehi nyaka makumi asatu nanyaka yitanu nayisatu (38).
6Yesu chamumweniyi nakami, welukili nindi wakata dehi hanalehi, hakumwihula nindi, Wukukeŋa wukoli tahindi?
7Owu iyala wakata hakumwakula nindi, Mwanta, hinikweti muntu wakuŋiŋija mwijiya hakuvunduka menjuku; hinelaŋami nami niyumu, muntu wacheŋi hakunyakala kwiŋilamu.
8Yesu hakumwila nindi, #Mat 9:6; Mak 2:11; Luk 5:24Hindukaku, sendaku chikaŋa cheyi, wendi.
9Hohenohu iyala akola nikukola, hakusenda chikaŋa chindi, hakwenda nikwenda.
10Dena ifuku odu dadiŋi #9:14; Yer 17:21-22; Mak 2:24daSabata. Dichi aYudeya hiyakumwila muntu anakoleshuwu dehi, nawu, Lelu hiSabata, kusenda chikaŋa cheyi chinjila.
11Ilaŋa yena hakuyakula nindi, Muntu nankoleshi diyi naŋili nindi, Sendaku chikaŋa cheyi, wendi.
12Wena hiyakumwihula nawu, Iyala wakwila nindi, Sendaku chikaŋa cheyi, wendi; hinyi?
13Ilaŋa owu muntu kwiluka wámukolesha nehi; Yesu nawomboloki dehi nezaza dawantu dadiŋuku.
14Chihanalehi chanti Yesu hakumuwana muTembeli, hakumwila nindi, Tala, eyi anakukoleshi dehi, bayi #8:11wakaputola cheŋuku, chuma chabadika kutama chakamba kakuwana.
15Owu iyala hakudiyila kwindi, hakuleja aYudeya nindi, Yesu diyi wankolesha.
Wumi wekala mudi Yesu
16Cheliliyi Yesu yumiyi haSabata dichi chamukabishililuwu kudi aYudeya.
17Ilaŋa Yesu hakuyakula nindi, Tata yami wuchidi kukalakala nihanu, ninami nawa nidi nakukalakala.
18Henohu dihu hafumini aYudeya kukeŋa nankashi #7:1; 10:33; 19:7kumujaha nawu, Hanakumini dakujilola kwaSabataku, ilaŋa nateni niNzambi nindi, Tata yamami; hakudibwambula naNzambi.
19Dichi Yesu hakuyakula nindi, Chalala chalala, nukuyileja nami, Mwana hatweshaŋa kwila chuma chakankawinduku, chiŋa amona chadi nakwilayi Tata. #v30; 14:10Yuma yelaŋa Tata yejima, diyi yelaŋa niMwana nawa.
20Muloŋa Tata #3:35wakeŋa Mwana, wamulejaŋa yuma yejima yelaŋayi yomweni; wakamuleja ninyidimu #14:12yakubadika yeniyi, kulonda enu mwakahayami.
21Muloŋa chasaŋulaŋayi Tata afu nakuyihandisha, dichi nawa #Rom 8:11chahandishaŋayi Mwana antu anafuukuliyi.
22Tata hasompeshaŋa muntuku, nakunjiki #v27; Yil 17:31kusompesha kwejima kudi Mwana;
23kulonda antu ejima alemeshi Mwana mwomwalemeshelaŋawu Tata. Muntu #Luk 10:16wabulaŋa kulemesha Mwana wabulaŋa kulemesha Tata yindi wamutemesheli.
24Chalala chalala, nukuyileja nami, muntu wukutiya izu dami, #3:18; 20:31; 1 Yow 5:13hakukuhwelela yena wantemesheli, wukweti wumi wahayanyaka; hakamona kumusompeshaku, nafumi dehi mukufwa, neŋili dehi muwumi.
25Chalala chalala, nukuyileja nami, mpinji yikwinza, yashika dehi, mwakutiyilawu afu izu daMwana kaNzambi, ákutiya akuhanda.
26Muloŋa chahetayi Tata wumi mudi yomweni, dichi chanamwinkiyi niMwana kuheta wumi mudi yomweni.
27Namwinki niwanta wakusompesha nanochu chadiyi Mwana kaMuntu.
28Bayi muhayama chumichuku; mpinji yakenza henohu antu ejima adi #1 Kor 15:52mumajamu akatiya izu dindi;
29akedikamu; élili chachiwahi #Dan 12:2; Yil 24:15akasaŋukila wumi, ákoŋeli chatama akasaŋukila kuyisompesha.
30Ami hinukutwesha kwila chuma chakankawami hela chimuku. Múnatiyaŋa dimu nasompeshelaŋa, nikusompesha kwami kwaloŋa; muloŋa hinalondaŋa muchima wamami awenuku, chiŋa muchima waTata wantemesheli.
Wunsahu wakutena Yesu
31Ami neyi nukudishimwina #2:14-18wunsahu wamami aweni, wunsahu wami hiwukwikala walalaku.
32Wunsahu wami awushimunaŋa kudi wacheŋi; ami neluki mwakunshimunayi mwalala.
33Mwatemesheli antu kudi #1:7, 19Yowanu, yena washimwini mwalala hohu.
34Ilaŋa wunsahu wunetejaŋami hiwakudi antuku; chinahoshaŋa mazu awa nalondi mwamwinewi.
35Yena Yowanu wadiŋi #2 Pet 1:19inoŋu, dela nikubutuka nikutoŋeka; enu mwetejeli kuzaŋalala chilaaka chimu muchejeji chindi.
36Ilaŋa wunsahu wunikwetami wabadika waYowanu, nyidimu yanyinkeliyi Tata kumanisha, yena nyidimu iyi yinelaŋa, diyi yanshimunaŋa #10:25, 38; 14:11; 15:24wunsahu, nawu antemesheli kudi Tata.
37NiTata wantemesheli diyi nekali chinsahu chami, diyi nanshimuni dehi; enu kanda mutiyaŋahu dehi izu dindi, hela kumumona chekalayi.
38Izu daNzambi hidashakamaŋa mudenuku, muloŋa ona atemesheliyi himwamukuhwelelaŋaku.
39Enu mwatalatalaŋa #Luk 24:27munyikanda yajila, muloŋa mwatoŋojokaŋa nenu dimu mumukumwena wumi wahayanyaka; yeniyi diyi yanshimunaŋami.
40Ilaŋa enu kwenu kwonti kwenu kwinza kudami kulonda mumoni wumi.
41Ami hinetejaŋa kunlemesha kudi antuku.
42Ilaŋa ami nayiluki, nami mudenu himwekala kukeŋa kwaNzambuku.
43Ami nenzi mwijina daTata yami, himunantambuluku; neyi wacheŋi wukwinza #Mat 24:5mwijina dindi yomweni, mukumutambula.
44Enu mwetejaŋa kuyilemesha kudi akwenu, ilaŋa kuyilemesha kudi #1 Tim 1:17; Yuda v25Nzambi wumu hohu himwachikeŋaŋaku, mukutwesha kukuhwelela ŋahi?
45Bayi mutoŋojoka nenu ami yami nukuyiholokela kudi Tataku; kudi wumu wayiholokelaŋa, diyi Mosi, imwetiyaŋa.
46Muloŋa neyi enu mwamukuhweleleli Mosi mutenowu mwadi kunkuhwelela ninami nawa, muloŋa yena wasonekeli nakuntenami.
47Ilaŋa neyi mukubula kukuhwelela nyikanda yajila yasonekeliyi yena, indi mazu inahoshaŋami mukuyikuhwelela ŋahi?
Currently Selected:
Yowanu 5: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
