Lukas 17

Ntag nzenze

(Mat. 18.6-7,21-22; Mark. 9.42)

1Yésu tshob ghazi'te nu i ndù: A be nu nefa'te ke tag ke be, là nge' tu mèn z'a nsi tshùa njam i là. 2A lo mbwô ndù bo kut loṅ bàn tô i ma' i ntùm dibantse, ntshùa mb'a be a ghù mo' metsit mén netèt tshen ni vù ntùm ywi' là. 3Bin #Mat. 18.15bam nà num tu wut tsine.

A be ze mfèl o ghù nukebwô là, o tshobt'é, a be z'a kaṅ ntù i là, o lagte yi. 4A be z'a ghù nukebwô wù yoṅ sammbàa num ta' lé'njù, mbèn nse' ntèl o yoṅ sammbàa ntshob ndù: Me kaṅ ntù àm nà, o lagte yi.

5Ghantum tshob Tshùaben ndù: Kwi'te bamntù bag. 6Là Tshùaben tshob ndù: A lo mbe ndù bin ghù bamntù mba lag metsit nzwit tù là, mba bin tshob sen tù li ndù: Tsho' nsen nà, nèn njwit wul o ntùm dibantse, mb'a ju' bin.

7A be ze mo' mèn netèt bin ghù nkuan i, a be ngadù' nà, ke ngabéb mbwe lo, mb'a be a tshob yi à ndù a se' ndende ntswe téblé ngelaṅ a fe tshwèt là ké? 8Mb'a ke tshob yi à ndù: Nabte jujù me, taṅ kob su, fa' me tà nkum ngelaṅ me miagte nejù, mbèn nu là, k'o njôg njù mbèn nu yu ké? 9A nsi labte nkuan i mb'a ghù ju z'a tshob yi là ké? 10Mba bin zin, ngelaṅ bin ghù ju ze bo tshob ndù bin ghù là, bin tshob ndù: Bag b'a ghafa' tse bo ke' ywimte là; bag ghù nda' ju z'a bwô ndù bag ghù là.

Ghankin gham

11Yésu be nèn Yérusalém, ntshùa netèt ngô Galiléa mba Samaria. 12A be kum ntshu mo' ngô, tsemo' ghankin gham nke nse' bo à bo bumte, ndù bo tsin ngùanesà. 13Bo kua' ntshob ndù: Tà Yésu, nyin yage. 14Yésu #Lev. 14.1-32be yen yub ntshob bo ndù: Bin nèn nda'te wut tsin ghale'te Nsi. Ngelaṅ ze bo ke nèn nà, bo kaṅ ndàne. 15Mo' mèn netèt bo be yen ndù a yate, mbèn njam, nke ngamte Nsi kua' neta, 16ngwù nsi num nku Yésu kabkab, nke ndabt'é; yen mèn nà na' mb'a ze Samaria. 17Yésu bùnte ntshob ndù: Njoṅ zin gham fa ke' yate ké? 18Sàm mèn netèt bo ke' bèn njam nse' mfà ghamte Nsi ké? K'a ke nda' yen ngùn ni! 19Ndùlala a tshob yi ndù: Lo tù, nène, bamntù o yôg o.

Mba nufen Nsi nsi se' là

(Mat. 24.23-28,37-41)

20Ba Férésia bètte Yésu ngelaṅ ze nufen Nsi nsi se' là, a bùnte bo ndù: Nufen Nsi ke nsi be se' benntùn ke njen miag. 21Bo ke nsi tshob ndù: Tshù, a li nsen ni, ke ndù a là nsen nà lo; nummbe, tshù, nufen Nsi b'a netèt bin.

22A tshob ghazi'te nu i ndù: A nsi be mo' ngelaṅ bin kô neyen mo' ta' lé'njù Mén mèn, bin ke yen. 23Bo nsi tshob bin ndù: Tshù, a b'a nsen nà, a b'a nsen ni; kà bin nèn bwe, kà bin diag i. 24Ndaṅndaṅ mba beba'mbaṅ num nké' num mo' bag kamànyam, nèn nkum num mo' là, a b'a mba Mén mèn nsi be mum lé'njù se là. 25Là, a bwô ndù a bwôgmbwe njen nge' yàme, yen zwiaṅ benntùn ni bèn ngua' i.

26A #Net. 6.5-8nsi be num tse lé'njù Mén mèn ndaṅndaṅ mb'a na' mbe num tse lé'njù Noa là. 27Benntùn #Net. 7.6-24lo ke njù, nu, nso bènnzwi, mfà ngonngon tshob ntùm nandà, tà nèn nkum lé'njù ze Noa tsho ntùm kenu, dibambaṅ se' ngwù bo bite là.

28A #Net. 18.20—19.25nsi bèn be ndaṅndaṅ mb'a na' mbe num tse lé'njù Lot là, benntùn lo ke njù, nu, njune, nzwite, njwile, nkule; 29là lé'njù ze Lot tum Sodom nà, mbaṅ mbwôg mba njôg swe' kamànyam, ngwù, ngù bo bite fafa. 30A nsi b'a be ndaṅndaṅ mum lé'njù ze Mén mèn nsi tswite wul i là. 31Mum #Mat. 24.17-18; Mark. 13.15-16sen lé'njù là, mèn z'a nsi be num tuba', tshu tse be ntùm ndà là, k'a swe' ntsho bwe num nelo' ju; be ndaṅndaṅ, mèn z'a nsi be mà tshwèt là, ke nsi bèn njam. 32Bin #Net. 19.26kwimte nzwi Lot.

33Mèn #Mat. 10.39; 16.25; Mark. 8.35; Luk. 9.24; Yoha. 12.25z'a diag nelem yôg se là, mb'a neghua' i, mèn z'a ghua' yôg là, mb'a neyôg yôg i. 34Me tshob bin ndù: Be num yen tèttswe' là, benntùn bàa nsi nô num kunndà ntshù', bo lo' mo', mfaṅ mo'. 35Bènnzwi bàa nsi ke gho' bàn, bo lo' mo', mfaṅ mo'. [ 36Ben bàa nsi be mà tshwèt, bo lo' mo', mfaṅ mo'.]

37Ghazi'te nu Yésu bùnte ntshob yi ndù: Yen nu là nsi b'a yà Tshùaben? A tshob bo ndù: Dù' ze fe ben be bwe là, mba ghammàtat nsi bumte bwe.

Currently Selected:

Lukas 17: BMa

Highlight

Copy