Met 35

Mulu me Yakob e Kanaan

(Met 28:10-22; 48:3-4)

1Zambe a nga jô Yakob na: Kôlô'ô si, betek e Bétél a tabe'e wé; e wé wo ye lôñe Zambe ata'a metuna'a, e Zambe a nga yené be wo éyoñ ô nga tube monyoñ Esô. 2Yakob a nga jô *nda bôte jé a ba bese be mbe a nye na: Va'ane bezambe bikuu be ne be mia, tunane miabebien a tyenda'ane mengômesan. 3Bia ye kôlô si a bia ye bet e Bétél; e wé ma ye lôñe Zambe ata'a metuna'a, e Zambe a nga yené be ma e *môs ôlune wom a a mbe a ma éyoñe ya dulu me nga wulu. 4Be nga kee Yakob bezambe bikule bese be mbe be bili, nalé fe bivônga biap. Yakob a nga mane jame bie élé térébeñte si e nje é ne bebé Sikem. 5Mvus éte be nga ke. Nkoone Zambe woñ ô nga mialan e bitisone ya mefôla mete a be nji ke tôñe bone be Yakob.

6Yakob a ba bese be mbe a nye be nga kui Luz e nye a ne Bétél, e Kanaan. 7A nga lôñe ata'a metuna'a valé, a a nga yôlé vôm ate na: El-Bétél; amu vôm ate e nye Zambe a nga yené be nye éyoñ a nga tube monyañ. #35:7 Zambe ya Bétél. 8Débôra, nyia ntoñe Rebeka, a nga wu a be nga jame nye e Bétél si, élône be nga loone na Elône miñyône si. #35:8 Elé ba loone «chéne» ja funan élé jangan ba loon élôn. Ajô te nkôñelane wu bia belan élôn señe «chéne»

9Zambe a nga beta yené be Yakob mkuane wé ya Padañ-Aram, a a nga botane nye. 10Zambe a nga jô nye na:

Jôé dôé e ne na Yakob,

ve ba ye bo te beta ve wo

jôé Israél te.

Jôé dôé da ye bo Israél.

Nalé ate a nga yôlé nye jôé na Israél.

11Zambe a nga jô nye na:

Me ne Zambe A ne Ngul ése.

Biaék a fôé.

Ngum ayoñ a jama meyoñ

ma ye bialé be wo,

a bejô bôt ba ye kui *miñya miôé.

12E si me nga ve Abraham a Izak

ma ye ve wo je,

a e mvoñe bôte jôé mvuse jôé

ma ye ve *si nyô.

13Zambe a nga ke yôp, e vôm a nga kobô nye. 14Yakob a nga telé ndem e vôme Zambe a nga kobô nye, ndem akok, e nje a nga sôé ényunyui été yôp a sôé mbon. 15Yakob a nga yôlé vôme Zambe a nga kobô nye na Bétél.

Abialé Bényamin, awu Rachél

(Met 3:16; 30:1; 49:3-4; 29:31 a kui 30:24)

16Be nga kôlô Bétél, valé Efrata a ngenan ôbe nté, ane Rachél a nga biaé. Abiaé e nga lôte nye njuk; 17e mie zañ, minga a bialé binga a nga jô nye na: Te ko woñ, amu ô beteya biaé monafam! 18Mbôlô a nga ye suu mvebe, amu a mbe bebé ya wu, a nga loone nye jôé na: Bén-Oni, ve ésaa a nga yôlé na: Bényamin. #35:18a Bén-Oni mone ya mintaé miam #35:18b Bényamin mone ya mbo nnôm, nsela'an a mbo ngal. 19Ane Rachél a nga wu a be nga jame nye zene ya Efrata e nye a ne Bétléhém. 20Yakob a nga telé ndem e soñe jé yôp; e nje é ne ndem awu Rachél, é ngenan a kui môse wu. 21Israél a nga ke a telé *nda éndelé jé alôte Migdal-Eder. 22Israél a too si éte, e nde Ruben a ke bômbô Bilha, minga ésaa a mbe te nya nlu'ane, a Israél a nga yeme de. Bobefame be Yakob be mbe awôm a bebaé. 23Bone be Léa: Ruben, ntôle mone Yakob, Siméoñ, Lévi, Yuda, Isakar, a Zabuloñ. 24Bone be Rachél: Yôsep a Bényamin. 25Bone be Bila, mbo ésaé minga Rachél: Dañ a Néftali. 26Bone be Zilpa, mbo ésaé minga Léa: Gad a Azér. Bobefame be Yakob, be nga bialé nye Padañ-Aram, mbe le.

Mebulan me Yakop e be ésaa wé. Awu Izak

(Met 25:7-10; 49:29-33)

27Yakob a nga kui be ésaa wé Izak, e Mamré, e Kiryat Arba, e nye a ne Ebroñ, e vôme Abraham a Izak be nga ke bo mintabe. 28Izak a nga nyiñe mimbu 180. 29A nga suu mvebe. A nga wu a be nga bôôé nye vôme wua a bimvame bié bi nga wu, nnôm a njalan a abui melu. Bone bé Esô a Yakob be nga jame nye.

Currently Selected:

Met 35: BDCB

Highlight

Copy