मर्कूस 11
11
यरूशलेमाङ येशूकी आदर खाटा स्वागत जाट्च
(मत्ती २१:१-११; लुका १९:२८-४०; युहन्ना १२:१२-१९)
1होखुरीक यरूशलेम खेरेप जैटुन डाँडौ छेवाङ बेथफागे र बेथानिया डेच ठावाङ टाराहा। अनी येशूये लहो नीस चेलाकी इट डेयार बीर्न्हका, 2“नाखुरीक अगाडीयुङ लाङ्घाङ नुङ्नी र टाछ बीटीक्कै नाखुरीकै चाहाँ सम्म सुर माकाल्छ गढौ काट बछेडा छ्याक्ङ डाच डुप्ले। होसकी पीसाकार इला राक्नी। 3इडीक सुयेर ‘इसे ही जाट्च?’ डेयार गीना डेनाङ, ‘प्रभुकी चहडीस्ने र होसकै इसे बछेडाकी छीटो न ल्हेट्न याल्हे’ डेनी।”
4होटै होखुरीक नुङा र होसे गढौ बछेडा लाम छेउङ इमुङ गालाम अगाडी छ्याक्ङ डाच डुपा र पीसाका। 5होला खेरेप टोङ्छ भर्मीकै होखुरीककी गीना, “होसे बछेडाकी पीसाकार ही जाट्न न ले?” 6येशूये डेनाङ लेखा न चेलाकै होट न डेयार होखुरीकै गढौ मीजा आल्खी याहा।
7होटै चेलाकै होसे बछेडाकी येशू लेठाङ राका र लहो बढीनको टाङ्ङ याहा र होसको बछेडा मीटाक काल्हार सवार छाना। 8वास्टै भर्मीकै चहीँ लहो न बढीनको होसकुङ लामाङ टाङ्ङ याहा र अरुये चहीँ मैडान लकीङ स्याउल्हाको राकार होसकुङ लामाङ टाङ्ङ याहा।#११:८ यहुडीकै होखुरीकै लोहो सहराङ मान जाट्की पर्च भर्मीकी इजाट्न स्वागट जाट्च जाट्न्या। 9होटै होसकुङ अगाडी-अगाडी व्हाच र न्हुङ-न्हुङ राछकै इट डेचै जयजयकार जाटा, “होसन्ना#११:९ होसन्ना भर्मीको होसन्ना डेचै च्याका। होसन्ना सब्ड चहीँ आरामीक सब्ड हो, इच्यो अर्ठ चहीँ “परमेश्वरौ पर्सङ्सा छान्ख्यो हो”।! सु परमप्रभुओ म्यार्मीनाङ राल्हे, होसको आसीसीट छान्ले!#भजनसंग्रह ११८:२५-२६ 10आसीस डुप्चको, कानुङ बोइ दाउदौ होसे राछ राज्य! स्वर्गाङ लेच परमेश्वरौ प्रशंसा छान्ख्यौ।”
11येशू यरूशलेमाङ राहा र परमेश्वरौ मन्दिर भीत्री पर्या। अनी होसकै वार्लाक पार्लाकुङ पट्ट ठोककी ङोसा। टर अबेला छान्च बाटै लहो बार्ह जना चेलाकोलाक लार बेथानिया लाङ्घाङ नुङा।
मीस्या मालेच अन्जीरौ म्यार्टुङ
(मत्ती २१:१८-१९)
12पीउराक लेखो येशू र मेकुङ चेलाको बेथानिया लकीङ ल्हेस्न न लेनाङ येशूकी मीटुक रन्छीया। 13येशूये चेक पारी काट झ्याम्म पर्च अन्जीरौ म्यार्टुङ डाङा। मीस्या स्यामे की डेयार ङोस्की नुङा टर होसे म्यार्टुङाङ मील्हा मट्टै डाङा हीजैडेनाङ होडीक बेला अन्जीरौ मीस्या स्याच बेला माछान्नन्या। 14येशूये होसे म्यार्टुङकी डेया, “इटै आलाक नाङ लकीङ सुयेर मीस्या ज्याकी माढीन्ख्यौ।” अनी इट डेच कुरा मेखोल्हौ चेलाकै सेया।
येशू परमेश्वरौ मन्दिराङ नुङ्च
(मत्ती २१:१२-१७; लुका १९:४५-४८; युहन्ना २:१३-२२)
15येशू यरूशलेमाङ टार्हखीङ होसको परमेश्वरौ मन्दिर भीत्री पर्या। परमेश्वरौ मन्दिर भीत्री लोम आर्लाम जाट्च पट्ट न ब्यापारीकोलाक बाहीर छ्युका होटै पैसा योस्चकुङ टेबुलको र परेवा आर्लाचकुङ ङुच ठाउँको र पल्टडीम याहा।#११:१५ पैसा योस्चको: होसबेला, परमेश्वरौ मन्दिराङ बलीडान याखी रान्हाङ भर्मीकै परमेश्वरौ मन्दिराङ क्योटाक्की डेम पैसा योस्च जाट्न्या। हीजैडेनाङ याङ्च पैसा चहीँ होसे पैसा योस्चको खाटा मट्टै लेया, जुन पैसाकै जनाबरको लोम बलीडान याखी य्होक्नन्या। 16येशूये परमेश्वरौ मन्दिरौ लाम छानार सुकीर हीर आल्खी र राक्की माय्हा। 17अनी होसकै भर्मीकोलाक शिक्षा याछै डेया, “धर्मशास्त्राङ मारीक्ने र, ‘ङौ इम चहीँ पट्ट न जाटीकुङ पार्ठनौ इम छान्की पर्ले डेयार’?#यशैया ५६:७ टर नाखुरीकै च इसकी खुसकुङ अड्डा टी खासा।#यर्मिया ७:११” 18इसे कुरा मुख्य पुजाहारीको र धर्मगुरुकै सेया। सेरखीङ होखुरीकै येशूकी साट्च उपाया पाकी ठाला। होखुरीक येशू खाटा बीर्हीमन्या हीजैडेनाङ पट्ट न भर्मीको येशूओ शिक्षाङ अचम्म मन्डीमन्या। 19नाम्बीकरखीङ येशू मेकुङ चेलाको खाटा यरूशलेम सहर लकीङ ख्योव्हार नुङा।
अन्जीरौ म्यार्टुङ लकीङ शिक्षा
(मत्ती २१:२०-२२)
20पीउराक गोराक लेखो होसे पहीलुङ लाम छानार नुङ्नाङ होखुरीकै होसे अन्जीरौ म्यार्टुङकी जरालकीङ न छोक्च डाङा। 21येशूये होसे म्यार्टुङकी डेच कुरा आर्मीटार पत्रुसै डेया, “गुरुज्यु, ङोस्नी नाकै सराप याछ अन्जीरौ म्यार्टुङ च सीलेसा ट।”
22होटै येशूये चेलाकोलाक डेया, “परमेश्वर मीटाक विश्वास जाट्नी। 23साँच्ची न ङा नाखुरीककी डेले, इडीक सुयेर लहो मीमनाङ चेक्जा र सङ्खा माजाट्न टर लहे डेच कुराको पुरा छान्ने डेम विश्वास जाटार इसे पहाडकी ‘नाङ इटै हटडीसार टालाङ झालो’ डेया डेनाङ, होच्यौ लागी होसे होट न छान्ने। 24होटबाटै ङा नाखुरीककी डेले, नाखुरीकै प्रार्थना जाटार ही ङेहा होसे डुप्म भ्यामे डेयार विश्वास जाट्नी र होसे नाखुरीकुङ लागी छान्ले। 25जब नाखुरीक प्रार्थना जाट्की तयार छान्ले, इडीक नाखुरीकुङ सुओर विरुद्धाङ हीर ले डेनाङ क्षमा यान्ही। होटै स्वर्गाङ लेच नाखुरीकुङ बोये र नाखुरीकुङ पाप क्षमा जाट्न याल्हे। 26[टर नाखुरीकै अरुकी क्षमा माजाट्ले डेनाङ, स्वर्गाङ ङुच नाखुरीकुङ परमेश्वर बोये र नाखुरीकुङ पाप क्षमा जाट्न माय्हाल्हे।]#११:२६ कुनै-कुनै सोरोट बाइबलमा यो पड छैन”
येशूओ अधिकार बारेयाङ गीन्च
(मत्ती २१:२३-२७; लुका २०:१-८)
27येशू लहो चेलाको खाटा फेरी यरूशलेमाङ राहा। अनी परमेश्वरौ मन्दिराङ इलाक आलाक व्हाम ङुनाङ मुख्य पुजाहारीको, धर्मगुरुको र अगुवाको होसको लेठाङ राहा। 28होखुरीकै येशूकी गीना, “नाकै कुटै अधिकार डुपार इसे कामको जाट्न न ले? इसे कामको जाट्च अधिकार नाकोकी सुये याहा?” 29येशूये होखुरीककी डेया, “ङा र नाखुरीककी काट कुरा गीन्ले र ङाकी जबाफ यान्ही। अनी मट्टै ङै कुटै अधिकार डुपार इसे काम जाट्च हो, ङा नाखुरीककी डेले। 30लु डेनी, युहन्नै बप्तिस्मा याछ अधिकार कुटै डुपा, परमेश्वर लकीङ की भर्मी लकीङ?” 31अनी इसे सेयार मेखुरीक-मेखुरीक कुरा जाट्की ठाला, “परमेश्वर लकीङ डेया डेनाङ ‘नाखुरीकै हीजै युहन्नाकी विश्वास माजाट्च?’ डेयार होसकै गीन्ले। 32इडीक भर्मी लकीङ डेइङ कुटजाट्न डेकी?” इट डेकी भर्मीको खाटा बीर्हीया हीजैडेनाङ पट्टये युहन्नाकी अगमवक्ता हो डेमन्या। 33होटबाटै होखुरीकै येशूकी डेया, “खोइ कानकी च ठाहा माले।”
होटै येशूये डेया, “होट डेनाङ ङै कुटै अधिकार डुपार इसे पट्ट न काम जाट्नने, ङा र नाखुरीककी माडेले।”
Currently Selected:
मर्कूस 11: EMGP
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
