সখরিয় 6
6
চেরান্ রথ
1মুই আরঅ রিনি চেইনে চেরান্ রথ দেগিলুং। সিয়েনি দ্বিবে মুড়ো সংমোধ্যেত্তুন্ নিগিলি এজের্। সেই মুড়ো দ্বিবে অলদে পিদোলর্। 2পত্তম রথ্তানত্ এলাক্ বেক্ রাঙা রঙর্ ঘোড়াগুন, দ্বিলম্বর রথ্তানত্ এলাক্ বেক্ কালা রঙর্ ঘোড়াগুন, 3তিন লম্বর্ রথ্তানত্ এলাক্ বেক্ ধুব্ রঙর্ ঘোড়াগুন আর চের্ লম্বরত্ এলাক্ বেক্ চিদিরে-বদরা রঙর্ ঘোড়াগুন; বেক্ ঘোড়াগুন বোলী এলাক্। 4মুই সেই স্বর্গদূত্তোরে পুযোর্ গুরিলুং, “ও মর্ প্রভু, ইগুন কি?”
5জোবত্ তে মরে কলঅ, “ইগুন আগাজর্ চেরান্ বোইয়্যের্; পুরো দুনিয়েগানত্ প্রভুর মুজুঙোত্ থিয়্যেই থানার্ পরেদি ইয়েনি নিগিলি এজের্। 6কালা ঘোড়ার্ রথ্তান উত্তোরেদি দেজ ইন্দি যার্, ধুব্ ঘোড়ার্ রথ্তান পোজিমেদি যার্ আর চিদিরে-বদরা রঙর্ ঘোড়ার্ রথ্তান যার্ দোগিণেদি।”
7বোলী ঘোড়াগুন নিগিলিনে পুরো পিত্থিমীগান ঘুরি চেবাত্তে ছোট্পোত্যে ওই উঠ্যন্। সেক্কে সেই স্বর্গদূত্তো কলঅ, “পিত্থিমীর বেক্ জাগায়ান ঘুরি চাহ্।” সেনত্তে তারা পিত্থিমীর বেক্ জাগায়ান ঘুরিবাত্তে গেলাক্। 8সে পরেদি তে মরে ডাগিনে কলঅ, “চাহ্, যিগুনে উত্তোর্ দেজ ইন্দি যাদন্ তারা মঅ রাগ্কান থামেই দুয়োন্।”
যিহোশূয়ত্তে মুকুট
9পরেদি লগেপ্রভু মরে কলঅ, 10বাবিল বন্দীদজাত্তুন্ ফিরি এচ্চ্যে হিল্দয়, টোবিয় আর যিদায় ইত্তুন্ তুই সোনা আহ্ রূবো নেযা। একই দিনোত্ তুই সফনিয়র পুয়ো যোশিয় ঘরত্ যাহ্। 11সে পরেদি তুই সেই সোনা আর রূবোলোই এক্কো মুকুট বানা আর সিবে যিহোষাদকর পুয়ো ধর্মগুরু যিহোশূয়র মাঢাত্ পিনেই দেগোই। 12তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব। 13অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ। 14হেলেম, অত্তাৎ হিল্দয়, টোবিয়, যিদায় আর সফনিয়র পুয়ো হেনকে, অত্তাৎ যোশিয়রে মনত্ রাগেবার চিহ্নো ইজেবে সেই মুকুট্টো লগেপ্রভুর ঘর ভিদিরে থেবঅ।
15“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”
Currently Selected:
সখরিয় 6: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
