Marko 9
9
KUHINDUKA KUNDI KWA KRISTU. — OWA SITANI NAKIZIBWA.
1Enaku mukaga ka zarabireho, Yezu natwara Petro na Yakobo na Yohana, nabasagara mw’ibanga lilehire kahero bonka, nahinduka kundi mu meso gabo. 2Ebizwaro bye nibyengerera nibyera nka zeluji, hona n’omunabya mu nsi takuhicha kubyeza atyo. 3Musa nababonekera na Eliya, nibafumora na Yezu. 4Petro nasubamo nagambira Yezu ati: Mukama wange, ni kuzima itwe twikare hanu; twombeke ebihuna bisatu, iwe kimo, Musa kimo, na Eliya kimo. 5Kuba tiyamanyaga echo yafumoraga, kutina kwa muno. 6Nihabaho elire nilibakingiriza, kai ilaka niliruga mu lire niligira liti: Onu niwe Mwana wange owe nkwenda: mumuhulire. 7Mbe aho nibamagamaga, tibasubire kubona muntu, raba si Yezu wenka ali na bonene#9, 7 Lora Matayo 17, 8.. 8Baliga bakihanantuka h’ebanga, nabazibira batatengera muntu n’omo ebyo babona, kuhika Omwana w’omuntu azoke mu bafu. 9Ekigambo echo nibakigumya muli bonene, nibaronda ensonga z’ebigambo: kuhika azoke mu bafu#9, 9 Entumwa zaliga zitakasombokerwe okwo Yezu ali no kufwa.. 10Nibamubuza nibagira bati: Kai Abafarizayo n’abandiki bakugambira ki bati: Eliya ali no kutandika kwiza? 11Wenene nasubamo nabagambira ati: Eliya k’aliza, alisuba kuchuma byona; kai nk’okwo chandikirwe ha Mwana w’omuntu, ali no kusasibwa bingi no kugaywa. 12Nawe nkubagambira okwo Eliya yezire, (kai nibamugirira byona ebyo bayendaga), nk’okwo chandikirweho#9, 12 Lora Matayo 17, 11–13 na Matayo 11, 12–15..
13Ka yahikire ha bahemba be, nabona embaga ningi ebekumirireho, abandiki nibahakana nabo. 14Kachwi n’ako embaga, ka yabwene Yezu, nekuma netina neiruka kuza kumubwacha. 15Nababuza ati: Mukuhakana ki mul’imwe? 16Omo mu mbaga nasubamo nagira ati: Mwolekerezi, naleta omwana wange hal’iwe, ali na sitani itita; 17buli aho likumukwata, likumuchundagula, yatona ifiro, nanen’ameno nahangarara. Nagambire abahemba bawe kulirucha, babura kuhicha. 18Wenene nabasubiramo nagira ati: Imwe luzaro lutali no kwikiriza, ndikara n’emwe kuhika lihi? ndibeguminsiriza kuhika lihi? Nimumundetere. 19Nibamuleta. Ka yamulozire, aho n’aho isitali nilimunaranaza, nagwa ha nsi, nasarabagana, nabira ifiro. 20Nabuza ise ati: Kuruga lihi abere atyo? Nagira ati: Kuruga buto; 21kandi ngendo ningi likamugwisya mu muliro na mu menzi, nilyenda kumwita. Nawe raba nohicha kintu, notuhwere, otusasire. 22Yezu namugambira ati: Raba nohicha kwikiriza, byona bikuhikibwa ha muntu naikiriza. 23Aho n’aho ise omwana nalira n’amaziga, nagira ati: Nkwikiriza, Mukama wange; nohwere obutekiriza bwange. 24Yezu ka yabwene embaga esumbire nemwirukiraho, nachahalira omwoyo gw’obulofu, nagugambira ati: Iwe mwoyo muzibe w’amatwi na mutita, ine nkukulagira: nomurugemo, kai otalisubira kumuzamo. 25Nilyana nilimusasya muno, nilimurugaho; nasusa oti henda yafwa, banamwingi nibagira bati: yafwa. 26Nawe Yezu ka yamukwasire omukono, namwereza, naimuka. 27Ka yatahire mu nzu, abahemba be nibamubuza bwesereke bati: Kubaki itwe titwahikize kulirucha? 28Nabagira ati: Elyezabo elyo lityo tilikuhicha kwirukibwa, hatali n’esala no kusiba.
YEZU NALAGA OBUSASI BWE. — KWEKEHYA NO KWEGUMINSIRZA. — EBIKUHENESYA.
29Ka yarugire aho, nibaraba Galilaya, tiyayendaga omuntu amanye. 30Mbe nayolekerera abahemba be nabagambira ati: Omwana w’omuntu aliherezibwa mu ngaro z’abantu, balimwita, kai k’aliba yaisirwe, alizoka ha lunaku lwa kasatu. 31Bonene tibamanyire ekigambo echo, nawe bakatina kumubuza.
32Nibahika Kafarnahumi. Aho baliga bali mu nzu, nababuza ati: Sanga nimuhakanisyanya ki mu muhanda? 33Bonene nibabuza; kuba mu muhanda bahakanisyanyaga muli bonene obukuru. 34Ka yekere, nayeta ikumi na babili nabagambira ati: Akwenda kuba wo kutandika, abe wo kuhereruka kukira bona, kai abe mukozi wa bona. 35Nakwata omwana namwemereza hagati yabo, namufumbata, nabagambira ati: 36Buli muntu alayanankura omwana nk’onu mw’izina lyange, alyanankura ine; kai buli akunanankura, takwanankura ine, nawe akwanankura ayantumire. 37Yohana namusubiramo nagira ati: Ngu, Mwolekerezi, twabona omuntu ogwo nairuch’amasitani mw’izina lyawe, kai ngu takuturuba, itwe twamuzibira. 38Yezu nagira ati: Muleke kumuzibira; kuba tihaliyo omuntu akukola ihano mw’izina lyange, kai aho honka akangambaho kubi. 39Omuntu atakubarwana, ogwo ni wanu. 40Kuba buli muntu wena alibanwesyaho mutaho gumo gw’amenzi mw’izina lyange, obwo muli ba Kristu, koto nkubagambira nti: ogwo taliburwa empera ye.
41Kai buli muntu alisitazaho omo muli banamuto banu abakunikiriza, ni kuzima hakili bamukoma mu bicha bye olumengo oluhiringisibwa ensikiri, yatubizibwa mu nanza#9, 41 Lora Matayo 18, 6.. 42Omukono gwawe gukakuhenesya, ogutemeho; ni kuzima hal’ iwe kutaha mu bulame olemere, kukira kugenda mu muliro ogutalala, oli n’emikono ibili, 43omwo ihuka lyabo litakufwa, n’omuliro gutakulala. 44Kandi okuguru kwawe kukakwohereza kuhena, okusindureho; hakili wagenda nosuntira mu bulame obutahwaho, kukira kunagwa mu lina ly’omuliro ogutalala, oli n’amaguru abili, 45omwo ihuka lyabo litakufwa, n’omuliro gutakulala. 46Kandi eliso lyawe likakwohereza kuhena, olinonkoremo; hakili wataha mu bukama bwa Mungu n’ensongo, kukira, oli n’ameso abili, kunagwa mu lina ly’omuliro, 47omwo ihuka lyabo litakufwa, n’omuliro gutakulala. 48Kuba buli muntu alirungwa omuliro, kai buli kitambo kirungwa omwonu. 49Omwonu ni muzima; nawe ka guyongoroka, gurungwa hai? Nimugire omwonu mul’imwe, hatyo mugirirane omulebo#9, 49 Omukono n’okuguru n’eliso bikumanya ebikuhenesya byona, naho bisasire muno. Lora Matayo 18, 9. — Ihuka elitakufwa ni kimanyisyo ch’obusasi n’obuzune bwingi obw’omuntu muheni alibona mu muliro ogutahwaho..
Currently Selected:
Marko 9: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
