Ebikorwa 2

MWOYO MUTAKATIFU NAHANANTUKIRA ENTUMWA.

1Enaku za Pentekoste ka zahikire, bona baliga basumbire ahantu hamo. 2Aho nihabaho akahiliro nikaruga mw’igulu, kuti k’omuyaga ogukuhemba mwingi, nigwizuza enzu yona omwo baliga bekere. 3Endimi nk’ez’omuliro nizibabonekera zitagene, nizibekaliraho buli muntu ha luguru. 4Bona nibezura Mwoyo Mutakatifu, nibatandika kufumora endimi zindi, nk’omwo Mwoyo Mutakatifu yabaherere kufumora. 5Muli Yeruzalemu baliga batwiremo Abayahudi, bantu basomi ba bul’ihanga elili ifwo y’igulu. 6Ilaka elyo ka lyahulirwe, embaga nesumba netamibwa mu mutima, kuba buli muntu yahuliraga nibafumora mu lulimi lwe. 7Bona nibakuma nibatangara, nibagira bati: Abakufumora banu bona ti Banagalilaya? 8Kai itwe tukuhulizibwa ki buli muntu olulimi lwe, olwo twazalirwemo? 9Abanaparti, n’Abanamedi, n’Abanælamita, n’abatwire Mezopotamiya, na Buyahudi na Kapadosya, na Posto na Aziya, 10Frugiya na Panfuliya, na Misri n’embazu za Libya hehi na Sirene, n’abageni abarugire Roma, 11n’Abayahudi n’Abaproseliti#2, 11 Abaproseliti baliga bali bantu b’ihanga lindi abayendaga kuruba edini y’Abayahudi, nk’abantu b’ekigango abatakabatizibwe., n’Abanakleti, n’Abarabu, twahulira nibafumora mu ndimi zetu amakuru ga Mungu. 12Bona bakatamibwa nibakuma bonka, nibagambirana bati: Kinu kikwenda kuba kita? 13Abandi bayesekeraga bati: Banu bakorwa evini mpya.

OBWOLEKEREZI BWA PETRO. — NIBABATIZIBWA BIHUMBI BISATU. — ENTUNGWA Z’ABAHEMBA.

14Mbe Petro naimerera n’ekumi n’omo, nayereza ilaka, nabagambira ati: Baseza mwe, Bayahudi, imwe mwena abatwire muli Yeruzalemu, nimumanye kinu, kai muhulirize ebigambo byange. 15Banu tibatamire, nk’okwo imwe mukutekateka, kuba ni saha ya kasatu ya musana; 16kuba si kinu n’echagambirwe omulagi Yœli, ati: 17Omukama akagira ati: Halibaho mu naku zo kuhereruka olwo ndisesera buli muntu Omwoyo gwange; kandi abana banu b’obwozo n’ab’ obuhara balilaga, abasigazi banu balibonekerwa, abagurusi banu balirota ebiroto#2, 17 Nikwo kugira oti: Balihabwa Mwoyo Mutakatifu.. 18Na kandi mu beru bange n’abazana bange ndiseseramo Omwoyo gwange mu naku ezo, kai balilaga. 19Ndileta amahano mw’igulu oluguru n’enyamo mu nsi ifwo, ensagama n’omuliro, n’olwoya lw’omwika. 20Izoba lilihinduka libe mwirima, okwezi kube nsagama, olunaku luhango n’olukuru lw’Omukama lutakezire. 21Aho buli muntu alilembereza izina ly’Omukama, alichunguka#2, 21 Petro akwizukiza ebilagwa ha lunaku olulihereruka, Lora Matayo 24, 29.. 22Baseza Banaisraeli mwe, muhulirize ebigambo binu: Yezu Omunazareti ayamanyisibwe Mungu mul’imwe n’ebikumyo n’amahano n’enyamo, ebyo Mungu yakozire ha bwe hagati yanu, nk’omwo n’emwe mukumanyira, 23ayaherezibwe mu ngaro z’ab’obuyaga, bakamunaza, bakamwita, Mungu yamazire kubitegeka no kubibona kara; 24owe Mungu yazokwere, namusasira obusasi bwa kuzimu, kuba yaliga atakuhicha kuberamo. 25Kuba si Daudi akamugambaho ati: Bucha bucha naliga nimbona Omukama obusyo yange, obw’ali ha bulyo bwange, niho ntatengeta. 26Nich’omutima gwange gukusemerererwa, n’olulimi lwange nilunulirirwa, kandi n’engingo zange zikuhumulira mu kutegeza, 27kuba tolisiga omwoyo gwange kuzimu, kai toliha Omutakatifu wawe kubona obuzunde. 28Okammanyisya emihanda z’obulame, kai olinizuza obusemererwa n’obusyo bwawe.

29Baseza, bana betu, nimumpeho omwanya mbafumorere, ntakusitaraho, ebya tatenkuru Daudi, nk’okwo yafwire nazikwa, kai n’ekituro che kili owetu kuhika ha lunaku lwa lero. 30Mbe obwo yaliga ali mulagi, akamanya okwo Mungu yamulahirire ekilahiro, ech’Omwana aliruga hali wenene, kai alikara ha kitebe che, 31nabona kara nafumora ebyo kuzoka kwa Kristu, nk’okwo atasigirwe kuzimu, kai n’okwo engingo ze zitabwene obuzunde. 32Yezu ogwo Mungu akamuzokora, owe itwe tuli mbona ze. 33Mbe kumara kwerezibwa omukono mulyo gwa Mungu no kuhabwa omulago gwa Mwoyo Mutakatifu hali Tata, nasesa Omwoyo ogwo imwe mukubona no kuhulira. 34Kandi Daudi tiyahanamire mw’igulu; nawe wenene akagira ati: Omukama akagambira Omukama wange ati: Ikara ha bulyo bwange, 35kuhika ngire abahate bawe buhumuzo bw’amaguru gawe. 36Enzu ya Israeli yona emanye koto okwo Yezu ogwo, owe mwalegire ha musalaba, Mungu yamugizire Mukama na Kristu#2, 36 Petro akumanyisya okwo Yezu ali Masiha, kuber’amahano ge no kuzoka kwe..

37Ka bahulire ebyo, nibahya omutima, nibagambira Petro n’Entumwa zindi bati: Tugire tuta, bana betu? 38Mbe Petro nabagambira ati: Mutamwe, kai buli muntu mul’imwe abatizibwe mw’izina lya Yezu Kristu, mukizibwe ebiheno byanu; kandi mulihabwa engabirano z’Omwoyo Mutakatifu. 39Kuba omulago guli hal’imwe, na ha bana banu na hali bona abali hara, bona bona ab’Omukama Mungu wetu aliba ayesire. 40Akabamanyisya n’ebigambo bindi, nabahana, nagira ati: Nimwechungure ha luzaro olwo oluhenekire. 41Abayanankwire ebigambo bye nibabatizibwa; olunaku olwo abantu kuti bihumbi bisatu nibekiriza.

42Baliga bagumire mu bigambo ebyo Entumwa zabolekerere, bakobire mu kuhinzur’omukate#2, 42 “Kuhinzul’omukate” nikwo kugira Isakramentu lya Ukaristia. na mu kulembereza. 43Obutini nibuba mu mwoyo gwa buli muntu; kandi n’amahano mengi n’enyamo nizikorwa Entumwa muli Yeruzalemu, kai obutini bwingi bwaliga buli muli bona. 44Mbe bona abekirize baliga batwire hamo, kai bakobere byona hamo. 45Ebintu byabo n’ebyo baliga bali nabyo baliga nibabiguza nibabigabana, ha bw’obukene bwa buli muntu. 46Naku zona basibaga mutima gumo mw’eklezia, bahinzulaga omukate mu maka, balyaga ebilyo n’obusemererwa n’omutima gutasobire, 47basimaga Mungu, kandi buli muntu yasemererwaga. Omukama yayongezaga naku zona abaliga bali no kuchunguka#2, 47 Eklezia netandika kukura nk’enzuma nnoro: lora Matayo 13, 31–32..

Currently Selected:

Ebikorwa 2: KED1946

Highlight

Copy