1 CHANRELNAK 26
26
Kutka Cawngtu Hna
1Kutka cawngtu pawl an i phawtning cu hi bangin a si: Korah mi hna chungin, Meshelemiah; amah cu Kore fapa a si, Kore cu Asaf fapa hna lak i pakhat a si. 2Cun Meshelemiah nih fapa a ngeih hna: a fater cu Jekhariah a si, pahnihnak cu Jediael a si, pathumnak cu Zebadiah a si, palinak cu Jathniel a si, 3panganak cu Elam a si, paruknak cu Jehohanan a si, pasarihnak cu Elie-ho-enai a si. 4Cun Obededom nih fapa a ngeih hna: a fater cu Shemaiah, a pahnihnak cu Jehozabad, pathumnak cu Joah, palinak cu Sakar, panganak cu Nethanel, #2Sam 6.11; 1Cha 13.14 5paruknak cu Ammiel, pasarihnak cu Issakhar, pariatnak cu Peullethai a si; zeitintiah Pathian nih thluachuahnak a pek. 6A fapa Shemaiah zong nih khan an pale innchungkhar i uktu a si ciomi fapa hna kha a hrin hna, zeitintiah annih cu thil ti kho ngaimi an si. 7Shemaiah fapa hna cu: Othni, Refael, Obed le Elzabad an si, an unau hna cu miṭhawng Elihu le Semakhiah an si. 8Hi vialte hi an fapa hna le an unau hna he Obededom fapa cu an si, annih cu mi thil ti kho, rianṭuannak ca i a tlingmi an si; Obededom tefa cu sawm ruk le pahnih an si. 9Cun Meshelemiah nih fapa hna le unau hna a ngeih hna, mi thil ti kho an si, hleiriat an si. 10Cun Merari fapa hna lak i Hosah nih khan fapa a ngeih hna: upa bik ah Shimri, (amah cu fater a si lo nain a pa nih upa bik ah a ser), 11pahnihnak ah Hilkiah, pathumnak ah Tebaliah, palinak ah Zekhariah; Hosah fapa hna le a unau hna cu an dihlak ah hleithum an si.
12Kutka cawngtu pawl an ṭhenmi hna nih hin, an upa bikbik hna zat khan, an unau hna nih Bawipa inn chung i rian an ngeih bantuk te khan annih zong nih rian an ngei ve. 13Cun an kutka hna caah khan, a hme a ngan aa khat tein, an pale innchungkhar ning cio khan camcawhfung an zuh. 14Nichuahlei ca i camcawhfung cu Shelemiah cungah a tla. Cun a fapa Zekhariah, fimchimtu a fim ngaingaimi caah khan camcawh fung an zuh i a camcawhfung cu chaklei caah khan a chuak. 15Obededom camcawh fung cu thlanglei caah a chuak i a fapa hna cu thilchiahnak inn zohkhenh rian nih khan a kiah hna. 16Shuppim le Hosah kha nitlaklei nih a kiah hna, cucu a hung kaimi lam i a ummi Shallekheth kutka ah khan a si. An cawnghning cu aa khat cio. 17Nifate in nichuahlei ah cun paruk lengmang an um, chaklei ah cun nifate in pali lengmang, thlanglei ah cun ni fate in pali lengmang, cun thil chiahnak inn ah khan pahnih veve; 18cun nitlaklei i a ummi a innte caah khan, lam ah pali, cun a innte ah pahnih. 19Mah hihi Korah mi hna le Merari fapa hna lak i kutka cawngtu hna an i ṭhenning cu an si.
20Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna. 21Ladan fapa hna, Ladan ta a simi Gershon mi fapa hna, Gershon mi a simi Ladan ta a simi an pale innchungkhar lu Jehieli.
22Jehieli fapa Zetham le a unau Joel cu Bawipa inn chawhlawn kuang hna kha a zohkhenhtu an si. 23Amram mi hna le Izhar mi hna le Hebron mi hna le Uzziel mi hna chung cun 24Moses fapa Gershom i fapa Shebuel cu chawhlawn kuang zohkhenhtu bawi ngan bik a si. 25A unau hna cu: Eliezer chungin a chuakmi a fapa Rehabiah le a fapa Jeshaiah le a fapa Joram le a fapa Zikhri le a fapa Shelomoth an si. 26Hi Shelomoth le a unau hna hi, siangpahrang David le an pale innchungkhar hna lu cio le a thong pawl haotu hna le a za pawl haotu hna le ralkapbu ralbawi hna nih pekchanhmi laksawng, an pekchanhmi chawhlawn vialte kha a zohkhenhtu an si. 27Raltuknak hmun i an teimi hranchaw chung khan Bawipa inn zohkhenhnak caah laksawng kha an pekchanh hna. 28Cun hmutu Samuel le Kish fapa Saul le Ner fapa Abner le Zeruiah fapa Joab nih an pekchanhmi thil vialte — pekchanhmi laksawng vialte hna cu Shelomoth le a unau hna nih an kilven hna.
29Izhar mi hna chungin, Khenaniah le a fapa hna cu Israel ram a lenglei rian ah, bawi hna le biaceihtu hna ah thiah an si. 30Hebron mi hna chungin, Hashabiah le a unau hna, mi thong khat le za sarih, thil ti kho ngaimi hna cu, Israel ram chung Jordan tiva in nitlaklei kha, Bawipa rian vialte ca le siangpahrang rian dihlak kha a zohkhenhtu an si. 31Hebron mi hna chungah cun, an ciruang zei bantuk khum a si le an pale innchungkhar zei bantuk khum a si ah, Jerijah cu Hebron mi hna an upa bik a si. (David a bawi kum sawm linak kum ah mi kha an kawl hna i Gilead ram Jazer khua ah thil ti kho ngaingaimi kha an hmuh hna). 32Siangpahrang David nih amah le a unau hna, thil ti kho ngaimi mi thong hnih le za sarih, an pale chungkhar i lu cio a simi hna kha, Reuben mi hna le Gad mi hna le Manasseh phun cheumi hna cung i Pathian lei le siangpahrang rian he aa pehtlaimi zeizong vialte kongah, zohkhenhtu ah a chiah hna.
Currently Selected:
1 CHANRELNAK 26: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
