Teu Maan Caoh 3

Cih aez ihz cawng yam rak

1Meuz waiz na ri teuk borz, kraao ihz suz tawngz ne Petros kaar Yohn lan tawz wat. 2A diz maang ihz cawng yam hawkz an keut truz pa ne, ihz keui leh truz mok aacz ngaai wat rim keur wah an ihz raak Keur Wah Aatz. Klawhz seu ngihz aez hnhz yawn suamz tawiz ihz kut tuhz wat. 3Meuz hnhz awlz Petros kaar Yohn kut truz tuhz wat ne hnhz kaw yawn maanyz kaar. 4Kaar yawt hnhz rak rak rae Petros daz, “Ngaw yawt aaiz raez.” 5Hnhz kaw thaang daehz ngaz bawnz seu meoz meoz ngaw yawt kaar. 6Keuiz daz Petros daz hnhz nahz, “Ohz nam maang ron khamz, keuiz daz ohz ngaz aez mih nahz an ohz maang. Leh mus Tahz Yesuhz Khris ihz weng Nasaret, ceng nuar raez.” 7Meuz tawnz tihz takz kaaiz hnhz yawk peun ceng hnhz ne, ngaai cawng hnhz keui maang keum rang luat, 8hnhz teuk dawtz ceng nuar lan. Hnhz kut tuhz wat tawiz kaar tang nuar, tang teuk dawtz lupz phrawz Phraz Pen Caoh. 9Meuz ihz awlz hnhz nuar lupz phrawz Phraz Pen Caoh ne, 10keuh teur aacz daehz sangz baaiz kawp keuh tang ngaai hnhz, naeh ihz kai keu dez yawn suamz aacz ngaai Keur Wah Aatz ne.

Petros rawz traz

11Meuz ihz an diz wam thaz puatz Petros kaar Yohn, lan tawz crawp khunz Solomon ne, ihz keui sangz baaiz, wang truz cu keuh. 12Petros awlz rae daz keuh nahz, “Kuanz mai Israel keui aez, pehz sangz kawp naehz? Pehz yawt ehz cih naehz? Pehz thaang aaiz leh taanz khoz daehz nam anz kaw leh kuz so daehz cih aez ihz an ni caang nuar hiuz? 13Phraz Pen Caoh ihz keu daehz keu daepz ehz, an naeh Abraham, Isaac boh Yakop ne, aez bunz Daehz Thaangz kaai Kuanz Leng Daehz Yesuhz. Pehz leh Hnhz aapz tuhz tihz khunz maang a na, sangz daz khunz Pilat kyaam plawiz boh Hnhz kaw pehz thiangz thengz Hnhz aacz ngaai khunz Pilat. 14Pehz thiangz Tahz an Seu Ngamz boh an Keu Sangz rae maanyz plawiz ihz maang reung dengz kawi an piamz ihz. 15Pehz piamz thengz Tahz an aez phawmz, keuiz daz Phraz Pen Caoh aez Hnhz meu rae imz, aaiz samz naeh saak se Hnhz. 16Mus Tahz an diz cih aez ihz an pehz awlz, ihz an pehz mas ne krang. Kawp aaiz yum Tahz Yesuhz rae mus Tahz Yesuhz ne cih aez ihz an ni a wa moh rak aacz ngaai pehz. 17Kuanz mai keui aez, seu ni kaw ohz mas boh kawp daz pehz boh ihz peur aacz pehz keui nam maang reung dengz mas rae cih ceun diz tawz Tahz Yesuhz. 18Keuiz daz Phraz Pen Caoh cao ihz taangz phraz keui rawz mok teuk aacz, lawng Tahz Khris ngaz bawnz suhz, bawnz yam ne a wa penz truz. 19Kawp ceun diz pehz caanz reung dengz kawi, seuk weur cu Hnhz. Beuk cih ceun diz Phraz Penz Caoh watz thengz reung dengz kawi pehz, 20kraao an seuz keui truz thaz Phraz Cen Cen ngaz phraeoz rae, Hnhz cao truz Tahz Yesuhz Khris an Daehz ras ne aez penz ta pehz. 21Hnhz bawnz pao tuhz kaang raaoz, thonz taw Phraz Pen Caoh meu rae raenz hacz aamz tawiz mony reu ma ihz taangz phraz an seu ngamz meuz neungz keui. 22Moses lao mok daz, ‘Phraz Pen Caoh Phraz Cen Cen pehz ngaz phuhz aez pehz nahz ihz taangz phraz hawkz an deuiz ohz, tuhz kuanz mai pehz rae, pehz bawnz teuk ngarz mony reu ma Hnhz hacz aamz. 23Ihz an nam teuk ngarz mony ihz taangz phraz ne, te bawnz khaam teuk praasz thengz thaz ihz Phraz Pen Caoh rae, ya thengz.’ 24Ihz taangz phraz Samuel boh ihz taangz phraz thaz puatz hnhz keui, rawz seuk no lao mok lawng ta kraao seu ni. 25Pehz naeh kheuz ihz taangz phraz rae, pehz ngaz bawnz khaam traz an prawm an Phraz Pen Caoh aez mok ihz keu daehz keu daepz ehz, Hnhz lao Abraham nahz, ‘Kawp peu ceu kheuz mih rae ihz hacz aamz ngaz bawnz reung dengz rak.’ 26Kawp ceun diz, Hnhz ras mok Tahz Yesuhz rae cao Hnhz truz cu aacz pehz, aez pehz nahz reung dengz rak ne, aez pehz wiar thengz reung dengz kawi.”

Currently Selected:

Teu Maan Caoh 3: ril

Highlight

Copy