1 Thessalonica te Thupatna
Thupatna
Thessalonica khua sia Rome kumpi uk sung Macedonia ngamkhen khuapi ahi hi. Paul in Philippi a nusiat zawkciangin tua khua ah Pawlpi khat phut hi. Ahihang hai ngawlin Jew te pawlkhat in langpan hi, banghang ziam cile Jew ahi ngawl Jew te biakna a lamnai mihing pawlkhat in Tapidawte thuhil zaaknophuai sa hi, Paul ii amate tungah a thuhilna ah maapai ahikom eang uh hi. Paul sia Thessalonica panin kinot a Berea khua zuan hi. Tua zawkciang Paul sia Corinth khua hong theng a, tua munah a kitholpui le a naseppui Timothy in Thessalonica pawlpi sungah thupiang teng maitang kisi in ko hi.
Thessalonica te tungah Paul ii laithak a khatna sia in tua mun a Tapidawte hanthotna le thinmuan natu in a at ahi hi. Ama in amate upna le itna huvau thupha a zaakte hu in lungdamkona nei hi, amate taw Paul a om lai a, a nuntakziate phawksak a, tuaciang Christ hong pai kik natu huvau, Pawlpi sung thupiang doknate zo hi: Christ hong pai kik ma in a thite in, ama ii hong heak kik ciang hong ken tu, tawntung nuntakna sia a nga thei tu ziam? Christ sia bang hun ciang hong pai kik tu ziam? Paul in hi a hun nga sia zangh in, Christ hong pai kik tu lametna sungah dai takin ngakin, naseam vun ci in son hi.
A kihel Thulute
Thupatna 1:1
Lungdamkona le Pokna 1:2—3:13
Tapidaw ngamtat zia tu hanthotna 4:1-12
Christ hong pai tu hilnate 4:13—5:11
A khakbel hanthotnate 5:12-22
Thukhupna 5:23-28
Currently Selected:
1 Thessalonica te Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016