1 Thessalonica te 1
1
1Paul, Silas le Timothy kung pan —
Pa Pathian le Topa Jesus Christ ii neisa ahi Thessalonica pawlpi mite tungah:
Thuthiamna le kilemna sia no aa hi tahen.#Sawl 17:1
Thessalonica te Nuntakna le Upna
2Note theampo atu in Pathian tungah lungdam ka ko tawntung a, tuaciang thungetna sungah na min kong lo tawntung uh hi. 3Upna na zakzia uh, itna na nei uh hu a, nasia takin na nasepna zia le ih Topa Jesus Christ sungah na lametna uh a kipzia sia ih Pa Pathian mai ah kong phawk uh hang ahi hi. 4Ko ii suapuite awng, Pathian in note hong it a, ama atu in hong tealsa na hi uh sia ka he uh hi. 5Banghang ziam cile Lungdamna Thupha sia, kammal nguak taw hi ngawlin, vaangletna le Thaa Thiangtho taw zongh le a thumaan thutak saan tatakna taw no kungah kong puak uh hi. Note taw ka om uh lai in bangbangin nungta khu ziam ci in nong he uh hi; tuate in noma ii phat natu ahi hi. 6Koma le Topa ettee in nong zui uh hi; nasia takin thuak na hi ta uh zong, Thaa Thiangtho kung pan hong pai tua thu sia lungdamna taw na saang zo uh hi.#Sawl 17:5-9 7Tua ahikom note sia Macedonia le Achaia ah thu umte theampo atu in ettee tu khat na suak uh hi. 8Bangbang ziam cile Topa thu in no tung pan Macedonia le Achaia kaantan in pai a, tua bek dom ngawlin, Pathian na upna uh thu sia mun theampo ah thang hi. Tua ahikom thudang bangma ka son tuan tu kisamh ngawl hi. 9Tua mihing theampo in kong haw uh lai a, nong saan zia uh, milim biakna pan Pathian sangah na kikhealna uhte son tek a, a maan le a nungta Pathian atu sepsak tu le, 10hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.
Currently Selected:
1 Thessalonica te 1: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
