1 Khangtaanghthu 13
13
Thuciamna Thingkuang Kiriath Jearim pan Kikhiin
(2 Samuel 6:1-11)
1David kumpipa sia mi tulkhat ukte le zakhat uk ngalkapmangte theampo taw thu kikum uh hi. 2Tuaciang Israel mite theampo tungah ama in, “Note lungkim in, Topa ih Pathian ii deina a om le ih ngammi om lai te, thiampite le a khua ah a om Levi te kungah kamtaite paisak in, eima taw hi sungah hong kikhawm tek tu in vaitha tawng. 3Tua zawkciang eite pai in, Saul ii kumpi a sep lai a, a ki awlmawk ngawl Pathian ii Thuciamna Thingkuang sia ih la tu hi,” ci in taangko hi. 4Mipite sia tua ngaisutna thukim in lungdam uh hi.
5Tua hi a, David in Israel ngamsung theampo, thangsang Egypt ngamngi pan saksang Hamath Mualciangh dong ah a teang Israel mite Kiriath Jearim pan Jerusalem khuapi ah Thuciamna Thingkuang paipui tu in kikhawmsak hi. #1 Sa 7:1-2 6David le mipite sia Judah ngam Kiriath Jearim ahi Baalah khuapi ah Cherubim tungah a tosak Topa min a pua Pathian ii Thuciamna Thingkuang la tu in pai uh hi. #Pu 25:22 7Amate in Abinadab inn pan Thuciamna Thingkuang pusua in khuileang thak khat tungah suan uh hi. Uzzah le Ahio in khuileang hawlin, 8David le Israel mite theampo Pathian patoai in a tha neiza taw laam uh hi. Amate lasa in, tengtongh, khuang, daalkopsai le lemle te tum uh hi.
9Amate Chidon kici ancilna mun a thet laitakin khuitalte liik a, tuaciang Uzzah in a khut zanin Thuciamna Thingkuang zamh a len hi. 10Thakhatin Uzzah tungah Topa thin uuk a, tua thingkuang a tham hu in thatlum paih hi. Ama tua mun Pathian mai ah thi a, 11tuasia hu in, tua mun sia tua hun pan kipan Perez Uzzah kici hi. Uzzah tungah Topa thin uuk in daan a piak hu in David a thinso hi.
12Tuasia ciang David in Pathian kiita in, “Hi Thuciamna Thingkuang tu in koi bangin paipui thei tu khi ziam?” ci hi. 13Tua ahikom David in Thuciamna Thingkuang sia Jerusalem ah tonpui ngawl hi. Gath khuapi mi Obed Edom kici pa inn ah nusia zaw hi. 14Tua munah Thuciamna Thingkuang tha thum sung om a, Topa in Obed Edom innkuan le a neisa theampo thupha pia hi. #1 Khang 26:4-5
Currently Selected:
1 Khangtaanghthu 13: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
